كيفية تسجيل في قرعة الحج لموسم 2025
Вставка
- Опубліковано 24 жов 2024
- كيفية تسجيل في #قرعة #الحج #لموسم 2025
رابط الموقع : pelerinage.int...
-----------------------------------------
حساب الأنستغرام :
/
-----------------------------------------
حساب الفيسبوك :
/
--------------------------------------------------------------------
تقبلوا تحياتي والسلام عليكم ورحمة الله وبركاته
سبحان الله و بحمده سبحان الله العظيم ♥
(لا إله إلا أنت سبحانك إني كنت من الظالمين)
سلام عليكم كامل
هذا هو موقع تسجيلات في قرعة الحج لموسم 2025
pelerinage.interieur.gov.dz/Ar/Accueil/Accueil
إذا كان عندك أي سؤال أو إستفسار أكتب في تعليق أو توصل معي عبر حسابي على الأنستغرام
instagram.com/devsoufdz/
تقبوا تحياتي جميعا دعوة في ظهر الغيب أخوتي وشكرا لكم جميعا
جزاك الله خيرا
ماقدرتش نفعل الحساب مع العلم عندي hotmail
@@startupslife بارك الله فيك لكن انا سبقت سجلت فكيف الغي تسجيلي ولا كيف
استفسار من فضلكم
في خانة التسجيلات السابقة هل تضح موسم الحج مثلا 2019 ؟ او تضع السنة التي قمت فيها بالتسجيل ؟
مثلا موسم الحج 2019 تم التسجيل فيه سنة 2018 و القرعة نوفمبر 2018
هل نضع سنة 2018 او 2019؟
لي معندهش جواز السفر معليش ميحطهش
شرحك مختصر مفهوم للناس لي عندها شويا خبرة اما ناس لي لم يسبق لها تسجيل في اي موقع لازم تشرح فيديو جديد مطول لهذا الناس لم تعرف كيف توصلك الفكرة لانو شعبنا مندفع للعيب مباشرة😂😂
هههههه صحيح بارك الله فيك وربي يحفظك خويا بالنسبة للناس لي جاهم فيديو سريع يقدرو ينقصو سرعة الفيديو من الإعدادات
فيديو واضح و مباشرة في صلب الموضوع بارك الله فيك ❤️✌️
وفيك بركة ربي يحفظك خويا مرحبا بك
من فضلكم ممكن خطوات التي يجب اتخادها و اتباعها في حالة الفوز بالقرعة كشراء التدكرة و غيرها
جواز سفر بيومتري يجب ان تكون مدة صلاحيتو اكثر من 6 اشهر و مبلغ مالي
هل إذا ربحت في القرعة تصلني رسالة إلكترونية عبر البريد أو ماذا
إذا ربحتي راحين يتصلو بك عبر تلفون ولا يعلقو قائمة ناجحين فالبلديات
و مرحلة المحرم نسيتها ؟؟
يوجد من يريد فهم طريقة تسجيل المحرم و خاصة رقم تسجيل المحرم ؟
يسجل اولا المحرم يتم اعطاءه رقم تسيجل من تم لي يحب يدخل المحرم تاعو يكتب رقم تسجيلو لي سجل بيه وشكرا
@@DjableEnoorيقصدلك خانة لي فيها اقل من 45عام اسكو مهمة ولا خطرش كاين لي في عمرها 50 اذا يقدر يدير محرم معاها ولا
@@MOH.2003 45 سنة تحب الدير ولا لا بصح هنا المسلمين المرأة لازمها محرم وتكون حتى عجوز المهم كي تحب تحط محرم تخير من الاختيارت لي حطولها مع العلم ان المحرم لازم يسجل قبل باه تحط رقم التسجيل التاعو وشكرا
@@DjableEnoor كي نجي نسجل المحرم روح لخانة المحرم ونسجل عادي ؟
@@Istabrak320 كي تجي تسجلي المعلومات المدنية تاعك جيك المحرم من وراها مباشرة لحبيتي ديري محرم للنساء لعندهم 45 و طلع لتم متكوشيش الخانة بالي متسحقيش محرم اضغطي على خانات المحرم شكون هو اب او اخ او...... تلقاوهم
محطوطين لتم عليك فقط تخيري شكون ومن تم يعطيك تكتبي رقم لي سجل به الحرم فقط و الباقي تاكدي صحت المعلومات ومن تم يعطوك رقم التسجيل تاعك
يعطيك الصحة على هاد الفيديو جا في وقتو ❤
ربي يحفظك مرحبا بك
سجلت بجواز عادي وليس جواز بيومتري هل فيه إشكال
كيفاش جواز سفر عادي وقتاش تاريخ اصدارو لأنو من 2014 و دولة تخدم جواز السفر البيومتري
@@startupslife يعني جواز سفر جاي كي الكارني لونه اخضر وليس مثل البطاقة الصغيرة وفي مارس المقبل تنتهي مدة الصلاحية وسجلت وبعثولي رقم التسجيل
إيه هذاك هو جواز السفر البيومتري
كل مرة يقلي ايميل خطأ ومرة يقلي العبارة خطأ ومرة يقلي كلمه السر خطأ مافهمتش علاه
تأكد من معلوماتك خويا قبل وافتح موقع في جوجل كروم إذا نفس مشكل اتواصل معي عبر انستغرام
بورك فيك ويعطيك الصحة❤
وفيك بركة ربي يحفظك خويا
هل استطيع أن أسجل من الهاتف
تقدر
نعم تقدر
اذا سجلت و خرجت في قرعة و مابغيتش نروح انا نقدر نمدها لواحد يقبلو عادي ؟؟؟؟؟
لالا ماتقدريش البلدية هي اللي تدير مكانك واحد من قائمة الإحتياط
نعمل كامل الشروط ولاكن لا يأخذني إلى الصفحه التانية لملء الإستمارة. أفيدوني أفادكم الله
واش من صفحة بالتحديد ؟
@@startupslife شكرا لك خلاص غيرت المتصفح من قوقل إلى فاير فوكس وتمت العملية بنجاح
صاحب فيديو خاصو لي يشرحلو اخي هكا يديرو فيديو توضيحي
خويا خير الكلام ما قل ودل إدا كان يبان لك فيديو قصير كل مرحلة توصل ليها أوقف الفيديو وتبع خطوات
واش راك حاب اسهل شي دارو
ما تبلعش فمك خيرلك ما تعاونو ما تخلو لي يعاون !
سجلت الوالدة في الحج ونسيت محطيتش عدد التسجيلات السابقة ( مع العلم ازيد من 10 مرات )واكدت الطلب وتم التسجيل وعطاوني رقم ، كاين طريقة نغير بيها ولا واش هو الاجراء لي لازم نديرو
مع الأسف خويا ما تقدرش تعدل وعدد تسجيلات خويا جد مهمة خويا هي فالحقيقة غلطة تاعهم مش تاعك لأنو من مفروض لازم يخلو للناس لي غلطت ولا تبغي تلغي تسجيل كامل يقدرو يديروه عادي لكن الله غالب انت عندك حل هو تروح للبلدية تأكد معاهم على عدد تسجيلات باش يديرو لك حل لانو هي صح فالقرعة وربي ينجح أجمعين 😊
ان شاء الله شكرا جزيلا بارك الله فيك@@startupslife
والنتائج وينتا ؟
شكون عندو مشكل في تفعيل الحساب؟؟
بارك الله فيك اخي
وفيك بركة ربي يحفظك خويا
هل يكفي التسجيل في الانترنات .ام لازم التسجيل في البلدية
نعم تسجيل عبر الانترنت يكفي
من فضلكم هل التسجيل يخص هذه السنة أو لعامين مقبلين كما في المرة السابقة أفيدوني أفادكم الله
لسنة 2025 فقط
بارك الله فيك الراجل
وفيك بركة خويا ربي يحفظك
عند فتح حساب جديد يمكن ان يكون بايميل شخص ما دون المعني بالامر
انعم مش بضرورة يكون تاعك و حساب واحد تقدر تسجل بيه شحال من واحد
جزاك الله كل الخير شرح بسيط وواضح بارك الله فيك بالنسبة للوصل هل نحتفظ به أم ندفعه ولمن؟
وفيك بركة ربي يحفظك لا الوصل تخليه عندك
خويا من فضلك انا بابا سجل بكري شحال من مرة والعام اللي فات مسجلش والسنة حب يسجل عل عدد مرات التسجيل تتحسب 0 نعاودو من اللول و لا يتحسبو عادي
لا أحسب ليه كل تسجيلات لي قبل وديرهم راهي جد مهمة عدد تسجيلات
يا صحبي اشرح مليح طريقة التسجيل الي ميعرفش يتعلم انت ختصرتها في زوج كلمات كاين الي مفهمش في الشرح تاعك قلت تفعيل لبحساب او دير كلمة السر كاين الي معلبلوش وشنو كلمة السر قول كلمة السر تاع البريد الالكتروني فهمنا مليح بركا الله فيك
سلام عليكم خويا تقدر تبطئ الفيديو بالنسبة لكلمة السر ماشي تاع البريد الإلكتروني كلمة السر تاع لي درتها لحساب الجديد تاع منصة تسجيلات قرعة الحج 2025
تاريخ نهاية صلاحية الصلاحية ما يمدليش الصلاحية باش نغير التاريخ واش الحل في يومين معاه
دخلت رقم جواز السفر ورقم التعريف الوطني لكن يكتب لي المعلومات خطأ ممكن تفسير ذلك
نفس الشيئ رغم انا جواز سفري جديد
روح للبلدية يعطوك رقم التعريف الوطني وشوف كاين غلطة عندك في رقم تعريف
توجه للبلدية يعطوك رقم التعريف الوطني كاين غلطة
انا ثاني. وجواز سفري ميت هل هو السبب
برك الله فيك على الفديو ، أن عندي نفس المشكل الأرقام صحيحة .قد سجلت بيها في السنوات الماضية و لكن لا يقبلها الأن ؟؟؟
كي نديرو عدد التسجيلات السابقة، ومبعدا من تحت يقولك السنة، وشمن سنة نحطو
حط كامل سنوات لي سجلت فيهم في قرعة الحج حاول تتفكر قد ما تقدر وتحط كامل تسجيلات سابقة لأنو جد مهم فالقرعة
انا سجلت مرتين فيما مضى ولكن نسيت السنة بالضبط فما هو العمل @@startupslife
اتفكري وقتاش سجلتي إذا ما عرفتيش حطي سنتين وخيري عوام لي قريبة ليك حسب ما تفكرتي
الله يبارك فيك ان شاء الله
يبارك فيك خويا ربي يحفظك
من فضلك بابا راح للحج ف 2018 و راح كمرافق مش هو لي خرج .. هل نقدر نعاود نسجل معاه هاذ العام ام لا !!
نعم تقدري تسجلي باباك عادي
هل يمكنني تسجيل في السيبار رد عليا من فضلك
نعم تقدر تسجل في السيبار وإذا بغيت نسجلك مرحبا بك تواصل معي على الانستغرام
بالتوفيق للجميع
آميـــــن أجمعيــــن ربي يحفظك
يا خويا لعزيز راه تاريخ الاصدار و نهاية الصلاحية تاع جواز السفر مكتوبين غالطين و مقدرتش نبدلهم. ميعطينيش لاما باه نكتب. متخرجليش الكلافي باه نغير التاريخ. كفاه الحل ؟
سلام عليكم مدام معلومات في جواز السفر صحيحة عادي لكن إدا غالطة في جواز السفر روحي للبلدية وبالتحديد مكتب الوثائق البيومترية ورايحين يحلو المشكل هدا لكن تقدري تسجلي بيه عادي
@@startupslife
اولا بارك الله فيك على الرد و على مساعدتنا ف في التسجيل. ثانيا لتوضيح مشكلة تاعي: معلومات كلها في جواز راهي صحيحة بصح تواريخ لي خرجتلي مكتوبة في سيت تاعهم هي لي غالطة. مثلا الاصدار كان في خمسطاش ديسمبر لقيتها مكتوبة تمنطاش ديسمبر! قدرت نغير تاريخ الإصدار و لكن تاريخ تاع انتهاء الصلاحية منقدرش. مفهمتش اسكو السيت ثقيل و لا خلل تقني عندهم و لا كفاه .
@@user-pz9uw1d07 صحيح سيرفر الموقع هو لي ضعيف على هديك ما تأكديش وخيري وقت ينقص شوي ضغط على موقع و عاودي حاولي ادا ما بغاش عادي سجلي مهم ما يكونش بسنوات
@@user-pz9uw1d07 مثلي
@@user-pz9uw1d07
سلام عندي نفس المشكل هل من حل؟
سلام عليكم أخي ، كيف أضيف أبي كمحرم لأمي ( سجلت أم و لم أسجل الأب )
من فضلك ما معنى سلطة اصدار ما فهمتش ارجوا تفهمني
سلطة الإصدار تلقايها في أول صفحة من جواز السفر تحت على جيهة يمنى ويقصد بها وين خرجتي جواز السفر تاعك واش من ولاية ولا واش من بلدية
زوج البنت محرم ولكنه لا يوجد في نوع القرابة المخصصة لملء معلومات عن المحرم
نعم هو غير موجود في الخيارات لذلك إختيار شخص آخر
هل يمكن اعادة التسجيل في البلدية لانو غلطت في الموقع ، نروح نقدم طلب تصحيح في البلدية يقدرو يعاودو يسجلوني هوما !!!
إيه اختي روحي للبلدية أحسن شئ لأنو 10 سنين مش حاجة ساهل وإن شاء الله فيها خير
شكرا جزاك الله خيرا@@startupslife
الأخ المشكل كيفاش تفعل الحساب!؟ الرابط تاع لميل ما يفتحش و يقولك كوليه فلادغاس ما عرفتش وين!!؟
سلام عليكم خويا راح يوصلك بريد إلكتروني فيه تفعيل الحساب أكليكي عليها
إذا واجهت أي مشكل آخر تواصل معي عبر الأنستغرام وشكرا
حتى انا واجهت نفس المشكل ميتفتحش الاميل
استفسار من فضلكم
في خانة التسجيلات السابقة هل تضح موسم الحج مثلا 2019 ؟ او تضع السنة التي قمت فيها بالتسجيل ؟
مثلا موسم الحج 2019 تم التسجيل فيه سنة 2018 و القرعة نوفمبر 2018
هل نضع سنة 2018 او 2019؟
سلام عليكم في أي سنة قم بحساب كل السنوات التي سجلت فيها لقرعة الحج سواءا كان التسجيل إلكترونيا أو في البلدية قم بإحتساب عدد السنوات والتأكد منها علما أنو في 2019 لم تفتح عملية التسجيل في قرعة الحج والله أعلم
@@startupslife اخي انا الام تاعي سجلت من 2017 سنة التسجيل شانكتب نكتب اول عام سجلت فيه؟
@Imane-ze1yt
انعم إيه سجل كل السنوات من اول سنة سجلت فيها الى اخر سنة سجلت فيها كتبهم كامل لأنو عدد سنوات تسجيل جد مهم
@@startupslife راه يكتبلي الايميل خطأ مع انو صحيح 🥺😭
هل فعلتي الايميل تاعك ولا لا ؟
عند ما اريد كتابة اسم الاب والام يلزم عليا ان ادخله بالحروف الابجدية والمشكل لوحة المفاتيح الخاص بالموقع لا تدعم الابجدية توجد العربية فقط
خويا بدل المتصفح أو سجل من الحاسوب خير تلقا أنو يدعم عربية وفرنسية
عيشك انا نحط معلومات يقلي ايمايل غالط
نعاود نحطو يقولي خطافي كتابة العبارة
انا نكتب العبارة يقولولي خطأ في كلمة السر
مفهمتش علاش
ممكن توضيح
تأكد انك فاتح الموقع في جوجل كروم إذا لقيت مشكل اتصل بي عبر انستغرام
من فضلكم سجلت بحساب لي ثم درت زوجي المحرم تاعي و بعد ذلك سجل زوجي بحساب له و قدم لي رقم تسجيله هو فهل إذا خرجتلو التأشيرة هو نقدر نروح معاه أنا أرجو الجواب...و هل يمكن حذف الطلب و الإعادة من جديد؟
سلام عليكم يسما هكا سجل زوجك مرتين لأن قبل تسجيلك لازم عليه يسجل نفسو هو الأول وبعدها عاد تسجلي نفسك كإمرأة أنت الثانية بعده وتكتبي رقم تسجيل تاعو وتأكدي صلة القرابة
يعني هو سجل مرتين وهذا ممنوع والله أعلم
لكن إذا ربح هو ما تقدريش تروحي معاه أما إذا ربحتي أنت فالقرعة فراح يروح معاك كمحرم أكيد
السلام عليكم عند ادخال رقم جواز سفر و ...ياتيني ان المعلومات التي تم ادراجها خاطئة، يرجى التأكد مع العلم انا جواز السفر جديد عندو يومين من لي خرج افيدون وشكرا مسبقا
وعليكم سلام ورحمة الله وبركاته خويا كي يكون جوازالسفر جديد لازمك تصبر يومين أو 3 وبعدها تسجل إذا تعاود نفس المشكل توجه للبلدية لمكتب الوثائق البيومترية وطرح عليهم مشكل أو سجل مباشرة من البلدية
@@startupslife عندو جواز سفري 15 يوم ولم يقبل وذهبت للبلدية واخبروني كل المعلومات صحيحة لهذا عليا التسجيل في البلدية ان شاء الله
مكلاه روحو للبلدية
لي عندو جواز السفر البيومتري مكلاه يروح البلدية يسجل من موقع برك
هل يتم التسجيل بجواز سفر منتهي ؟؟ هل عادي جاوبوني من فضلكم
ما تقدريش تسجلي بجواز سفر منتهي صلاحية لأنو تعتبر بيانات غالطة من احسن تسجلي فالبلدية
السلام عليكم و رحمة الله تعالي و بركاته ،هل يجب طبع الوصل وأخده إلي البلدية أم لا ؟
سلام عليكم ليس بالضرورة أخذ الوصل إلى البلدية لأن كل بلدية لديها لوحة تحكم خاصة بها تابعة لموقع وزارة الداخلية الجزائرية لذلك أنت تعتبر مسجل أما إذا أردت التأكد يمكنك التوجه لأقرب بلدية انت تابع لها والتحقق من تسجيلك وشكرا
@@startupslife بارك الله فيك وجزاك خيرا.
خرجلي رقم الإصدار ونهاية الصلاحية غالطين منقدرش ممبا نبدلهم وزيد رقم تسجيل المحرم مبعتوهش فليمايل وبالتالي تبالي واحد ماياكدش فسيت ويروح تسجيل فلبلدية
لا يبعثوه عادي مرات يطول شوي برك اصبر حتى يوصلك فالايميل تاعك
السلام عليكم
أنا فتحت حساب بإسمي لكن بغيت نسجل للوالدين فالصفحة الأولى نحط رقم جواز السفر تاع الأم تاعي ؟؟
تسجلي الوالد هو الأول لي راح يكون محرم تاع الوالدة تاعك ومن بعد عاد تسجلي امك
شكرا على الفيديو لكن عند تفعيل الحساب تظهر لي صفحة بيضاء ما السبب من فضلكم ؟؟؟؟؟
سبب يكون اما في الانترنت ضعيفة أو سيرفر بطئ حاول مرة أخرى إذا ظهر نفس المشكل تواصل معي عبر انستغرام
@@startupslife شكرا اخي الكريم لقد تم التسجيل بنجاح بالتوفيق
جاوبوني ربي يفرحكم انا عمري 36سجلت انا وزوجي اذا ربحت في القرعة وزوجي لم يربح في القرعة هل يكون محرم ليا حتى وهو لم يربح في القرعة او اذهب وحدي😔
يخرج معاك المحرم بالضرورة
@@harkati70 شكرا لك
المحرم كي تربحي فالقرعة يروح معاك أما إذا العكس يروح وحدو
@@startupslife متى الاعلان عن نتائج الحج اخي
سجلت نفسي اولا ومن بعد طلبوا مني رقم تسجيل المحرم لي هوا الزوج والمشكلة معنديش لانو مازال ماشي مسجل وماعرفتش كيفاش نسجلو
يتسجل هو أولا وبعدها انت.
سلام عليكم لازم تسجلي المحرم تاعك هو الأول وبعدها تسجلي روحك أنت الثانية
رقم تسجيل المحرم مافهمتوش
لازم المحرم يسجل هو الاول ومن بعد يعطوه رقم تسجيل للتكتبوه
رقم تسجيل المحرم يظهر عند تسجيل المحرم هو الأول وبعدها يمكن للمرأة تسجيل بعدها ووضع رقم تسجيل المحرم وتأكيد صحة معلومات المحرم وتختار صلة القرابة
أدخلت رقم تسجيل المحرم الذي سجل في البلدية ولكن يخرج لي ميساج يقول رقم تسجيل المحرم خاطيء مع أنه هو الرقم المقدم من طرف مصالح البلدية،فما العمل في هذه الحالة.
عند الخطا في اسم الولاية هل يوجد حل من فضلك
مع الأسف لا خويا كي تأكد تسجيلك صاي
من فضلك كيف اتحصل على رقم تسجيل المحرم
الاخت محرم كيفاش لقيتو رقم تسجيل منين نجيبوه
للحصول على رقم تسجيل المحرم يجب تسجيل المحرم هو الأول وعند إتمام عملية تسجيل المحرم تتحصل على رقم تسجيله وبعدها يمكن للمرأة التسجيل بعده ووضع رقم تسجيل المحرم وإختيار صلة القرابة : أخ , زوج , أب .... إلخ هذا بالنسبة للمرأة أقل من 45 سنة
رقم تسجيل المحرم لازم أولا تسجلي المحرم هو الأول بعدها تسجل المرأة بعده وتضع رقم تسجيل المحرم وصلة القرابة هذا بالنسبة للمرأة التي عمرها أقل من 45 سنة
@@startupslife انا سجلت قبل لهذا معرفتش كيف نجيب الرقم شكرا
الأخ كي يسجل المحرم هو و زوجته
و كي يخرج المحرم فالقرعة يقدر يدي الزوجة و لا لالا ؟؟
لا ما يقدرش يدي زوجة تاعو ولعكس صحيح إذا ربحت هي حتى هو يربح بصفته محرم لها
تقدر تسجل جواز سفر قديم ماشي بيمتري
لا خويا لازم باسبور بيومتري
يعطيك لقية
ما افهمنا والو
ماتعرفش اتوصل المعلومة
روح روح اتعلم اشوية
اااااو
جاي طاير فيها طيارة؟؟؟😅😅😅😅
هههههه بارك الله فيك لكن هناك طريقة لإبطاء الفيديو في الإعدادات
قمت بنشر فيديو قصير وهذا لأن الأغلبية تريد فيديو شرح ويكون قصير مرحبا بك
عدد التسجيلات وسنوات وبلدية نسيناهم فايت 12سنة كيفاه ندير علما كنا نسجلو فولايتين كل خطرة وين ؟؟
هنالك حلين إما التذكر أو التوجه للبلدية التي تنتمي لها وراح يقولو لك كم سنة سجلتي وماهي سنوات لي سجلتي فيها والله أعلم
هل الزوج يكتب معاه زوجته ولا لالا
لا ما يقدرش يكتبها معاه و العكس صحيح تقدر زوجة تكتب زوجها هو المحرم تاعها
و لي مشفاش على سنوات التسجيل السابقة كيفاه يدير من فضلكم جاوبوني ؟؟؟؟
حتى انا ماعرفتش منين نجيب عدد المرات و المشكل لازم تعمرهم
هنالك حلين إما التذكر أو التوجه للبلدية التي تنتمي لها وراح يقولو لك كم سنة سجلتي وماهي سنوات لي سجلتي فيها والله أعلم
هنالك حلين إما التذكر أو التوجه للبلدية التي تنتمي لها وراح يقولو لك كم سنة سجلتي وماهي سنوات لي سجلتي فيها والله أعلم
لو تفضلت هل فيه طريقة لتصحيح بلدية الاقامة بعد طباعة وصل التسجيل وشكرا على المجهود
مع الاسف خويا مافيهش كي تأكد تسجيلك ما تقدرش تصحح معلوماتك
السلام عليكم خاوتي انا في الخانه تاع المحرم طلب مني رقم التسجيل تاع المحرم
هذا منين نجيبو او نحط راقم الهاتف تاعو ؟
وعليكم سلام ورحمة الله وبركاته رقم المحرم تجيبو من تسجيل المحرم هو الأول وبعدها عاد تسجل المرآة وتحط رقم تسجيل المحرم وتختار صلة القرابة
@@startupslife شكرا جزيلا
@@startupslife و بالنسبة للاقامة واش نكتب الاقامة تاعي ولا تاع المحرم لاننا في ولايتين مختلفتين
السلام عليكم
اخي جواز سفري جديد حصلت عليه عندو يومين وعند التسجيل يخبرني بأن المعلومات خاطئة رغم انني كتبت كل الارقام صحيحة ماهو الحل افيدونا وشكرا
السلام عليكم أنا تحصلت اليوم على جواز السفر جديد و حدث لي نفس المشكل أظن أنه لم يسجل في منصة تسجيل الحج
@@harkati70 الحل تسجيل في البلدية
جواز السفر الجديد للزوجتي و كون أنا المحرم يسجل هو الأول حتى يدون رقم التسجيل كامحرم بالنسبة للزوجة، فالبلدية رفضت تسجيل مع الزوجة لأني مسجل في الموقع، و عند الإتصال برئيس المصلحة إقترح أن أنتظر أسبوع و سيفتح معي مجال التسجيل.
من فضلك أخبرني في حالة فتح معك التسجيل.
وعليكم سلام ورحمة الله وبركاته جواز السفر عندما يكون جديد ربما بعد المعلومات لا تحدث بشكل آني لذلك إما تصبر يومين وعند التسجيل تكون أنترنيت قوية ويكون ضغط ناقص على سيرفر لكن إذا لم تظهر المعلومات تقدر تروح للبلدية وبالتحديد مكتب الوثائق البيومترية والتأكد من صحة معلومات جواز سفر أو التسجيل مباشرة عن طريق توجه للبلدية التي تنتمي لها
@@startupslife السلام عليكم أنا ذهبت للبلدية مكتب البيوميتري و تأكدت من المعلومات و عند التحقق يخرج الاسم لصاحب الجواز و تبين أنا لا مشكل في الأرقام و أما بالنسبة للتدفق الأنترنات إستعملتها قبل صلاة الفجر بغير جدوى المشكل قد يكمن في منصة تسجيل الحج ليست مجددة بالجوزات الجديدة و المشكل أنا البلدية رفضت تسجيل كامحرم مع زوجتي لأن مسجل على الموقع و الله المستعان
ممكن توضيح انا الوالدة من سنة 2014 وهي تسجل وكما هو معلوم ان الحج في فترة كرونا مكانش قرعة اصلا هل في هذه الحالة عند التسجيل نضع سنة 2021 على اساس انها شاركت في القرعة او لا
سلام عليكم أنعم تسجيلات حبست في 2018 وبعدها جات كورونا وعاودو فتحو الموقع هدا للتسجيل في سنة 2020 وبعدها غلقوه حتى 2024 يعني لهاد سنة
تحسب عدد المرات تاع تسجيل فقط. راهي مش بالسنين لي فاتت و انما بالعدد الفعلي تاع تسجيلات. كل مرة سجلتو في السيت و لا في البلدية تتحسب هذا ماكان
@@user-pz9uw1d07بصح لي نسا كفاه يدير باه يعرف
موقع هذا قاعد كي موقع تع سكنات عدل يشيبك ويريبك
لا أفضل منو راه يخدم عادي
اللي مش متأكد قداه من مرة سجل وش يدير؟؟
سلام عليكم تقدر تروح للبلدية تتأكد من سنوات تسجيل أو تتفكر شحال من سنة سجلت لقرعة الحج
أخي أنا فعلت الحساب ،من بعد كي نجي ندخل للحساب يخرجلي إيميل خاطئ واش الحل من فضلك؟
واش الخطأ اللي يخرج لك بالتحديد ؟ جربي بدلي متصفح
@@startupslife كي نجي ندخل لحسابي باش نكمل ملئ الاستمارة تجيني إيميل خاطئ وهو نفسو لي جاني فيه تأكيد التسجيل
عيشك للغلط في طلب ومدارش المحرم اكثر من 45 كيفاه
سلام عليكم بالنسبة للمحرم للمرأة التي عمرها 45 سنة فما فوق ماشي شرط محرم لذلك فهو إختياري تقدري ديريه وتقدري ما ديريهش حسب موقع تسجيلات أما بالنسبة للمرأة التي هي أقل من 45 سنة فإجباري عليها إختيار محرم
من فضلكم هل اجباري التسجيل الكترونيا او الاكتفاء بالتسجيل فالبلدية رجاء رد مستعجل
واحد فيهم
سلام عليكم خويا إذا كان عندك جواز سفر بيومتري من الأفضل التسجيل إلكترونيا أما إذا ما عندكش جواز سفر بيومتري من الأفضل التسجيل في أقرب بلدية تنتمي إليها
@startupslife لي معندهش جواز سفر يسجل فبلدية
اخي اخطأت في عدد التسجيلات السابقة باش ندير 2 درت 1 كيف اصححها اخي
سلام عليكم إذا قمت بإتمام عملية التسجيل ما تقدرش تعاود تصحح معلوماتك مع الأسف
هل يمكنني تعديل بعد تاكيد التسجيل
سلام عليكم مع الأسف ما تقدرش تعدل معلومات بعد تأكيد عملية تسجيلك
سلام عليكم الامايل لندخلوه يكون جديد خاص بالمسجل او امايل خاص باي فرد من الاسرة
أي ايميل موالف تخدم بيه عادي
من فضلك نسيت من قبل سجلت وش ندير فلخانة سنة
خويا تأكد من تسجيلات سابقة لأنو جد مهمة فالقرعة
مقدرتش نفتح حساب . ما الحل . علما أن الأنترنيت قوية ؟؟؟
حاول الذهاب الى cyber و قل له ان يسجلك
فتح حساب جد سهل كل ما عليك أن يكون عندك بريد إلكتروني إذا ما عرفتش مرحبا بك تواصل معي عبر الأنستغرام
عند تفعيل الحساب و إدخال كلمة المرور تظهر شاشة بيضاء مالسبب ؟
سبب يكون من الموقع نفسه أو من الأنترنيت يسما لازم تجرب تكون انترنيت مليحة وفي وقت ما يكونش ضغط على سيرفر
صح خويا لي تحب تسجل هي وزوجها وابنها صغير لا يتجاوز ثمان سنوات كيفاش بالنسبة للابن نسجلو وحدو ؟ولا كفاش
سلام عليكم بالنسبة لتسجيل الإبن في الموقع فهي متوفرة فقط كمحرم يعني عندما تسجلي إبنك هو الأول عاد تسجلي نفسك أنت الثانية وتكتبي رقم تسجيل المحرم لي هو إبنك وتختاري صلة القرابة : إبن لكن المحرم لازم يكون بالغ 18 سنة
يسما فالموقع لازم تختاري إما إبنك أو زوجك كمحرم وإذا إخترتي إبنك لازم يكون بالغ 18 سنة والله أعلم
هل نقدر نسجل الوالدين بالايميل تاعي ؟
اخي منين نجيبو رقم تسجيل المحرم
قبل ما تسجل المرأة سجل محرم تاعها أولا كي يعطوك رقم تسجيل محرم عاد سجل المرأة
عمري 36سنة سجلت انا وزجي اذا غير انا نقدر نديه محرم ربي يفرحك اخي جاوبني
سلام عليكم بالنسبة للعمر لازم عليك تختاري محرم لانو تحت 45 سنة إجباري إختيار محرم أما فوق 45 سنة فهو إختياري
ولازم محرم يسجل هو الاول وبعدها تتحصلي على رقم تسجيل وبعدها تسجلي نفسك أنت الثانية وتحطي رقم التسجيل في الخانة وتختاري صلة القرابة كالزوج , الأخ , الأب ... إلخ وإذا ربح هو يروح وحدو اما إذا ربحتي أنت فالقرعة يروح معاك
@@startupslife بصح يا اخي سجلنا مع بعض كيفاش نديرو
بالطبع
سلام عليكم انا غلطت في استمارة معلومات الزوج في عنوان كتب عنوان تاع دراهم قسنطينة وبلدية الاقامة حروب
كيفاه نصحح الخطأ وجامي وصل وانا دك الزوجة كيفاه نكتب نفس العنوان معليش وبلدية مختلفة
إذا غلطتي وأكدتي تسجيلك صاي ما تقدريش تصححي معلومات
اكتبي عنوان اقامة حقيقي
التسجيلات السابقة
في خانة السنة، نكتب آخر سنة شارك في القرعة ؟؟؟؟
لا تكتب شحال من مرة سجلت في القرعة و السنوات لي سجلت فيهم كل
انعم تأكد من تسجيلات سابقة لأنو جد مهمة فالقرعة
السلام عليكم
كون يكون جواز السفر منتهي الصلاحية وش نديرو
روح للبلدية يفهموك
روح سجل فالبلدية أفضل حل
رقم التسجيل خاص بالمراءة لا يوجد في ايميل من اين نتحصل عليه من فضلك
الايميل ممكن يتأخر شوي لكن راح يوصلك
يرحم باباك واش شرحت ؟ زيد قل المحرم بالفتحة وليس بضمة
كيف يعني لم افهم ؟
من فضلك و اللي ماعندوش جواز سفر حاليا ؟
تقدري تصنعيه قبل ما ينتهي تسجيل
لي ماعندوش جواز سفر يروح للبلدية لي ينتمي إليها ويسجل لكن إذا ربح فالقرعة فهو ملزوم بإستخراج جواز سفر في مدة لا تقل عن شهرين
كدلك تسجيل اضافي لفرد واحد او عدة افراد متلا اريد تسجيل الاب مع الام تم اسجل الاب مع البنت هل يكون في نفس التسجيل او تسجيلين
بالنسبة للرجل كل واحد يسجل وحدو أما المرأة لازمها محرم خاصة إذا كان عمرها تحت 45سنة لكن حتى واذا عمرها تجاوز 45 سنة تقدر تختار محرم سواء زوج او الأخ أو الاب
لي يغلط كيفاش يقدر يصحح الله يفتح عليك
عند تأكيد معلومات التسجيل لا يمكن تصحيح المعلومات التي تم التصريح بها لكن إذا كان الخطأ كيما العنوان أو رقم الهاتف فلابأس والله أعلم
@@startupslife الخطأ مكان الميلاد. عادي او لا ؟
هل المرأة فوق 45 سنة لا يسجل معها محرم؟؟؟؟؟؟؟؟؟
سلام عليكم نعم المرأة فوق 45 سنة مش ضروري ومش إجباري تسجل مع محرم لكن في نفس الوقت تقدر تختار محرم وتسجل معاه عادي جدا
هل يمكن الغاء التسجيل؟
إذا قمت بتأكيد تسجيلك ما تقدرش تلغي تسجيلك مع الأسف
واش هي سلطة جواز السفر
سلطة إصدار جواز سفر يعني واش من ولاية خرجتي جواز سفر أو واش من بلدية وتلقاي معلومات هذي في جواز سفر صفحة أولى
كلمة المرور
كلمة المرور أنت التي تختارها للحساب الجديد الخاصة بتسجيلات قرعة الحج لسنة 2025
بارك الله فيك
باسبور ميت نقدر نسجل بيه؟
خويا باسبور ميت معناها معلومات مش صحيحة لازمك تروح للبلدية تسجل روحك في أقرب وقت لأن عملية تسجيل قاربت على تاريخ إغلاق تسجيل
انا كي نطبع وصل التسجيل مايخرجش رقم التسجيل فالورقة
سلام عليكم خويا كي تدخل للبريد الإلكتروني تاعك تلقى الوصل ولا لا لا ؟ ثانيا هل وصل التسجيل يظهر عندك فيه رقم التسجيل وكامل تفاصيل قبل الطبع أم لا ؟ ثالثا أحيانا عندما يكون السيرفر تقيل وعليه ضغط كي تحمل منو وصل التسجيل ما يبانوش لك معلومات على هذيك عاود أتأكد من بريدك الإلكتروني ولا أدخل لحساب لي سجلت به تلقى فيه رقم تسجيلك
ما هو رقم تسجيل المحرم ؟
سلام عليكم رقم تسجيل المحرم يظهر عند تسجيل المحرم ويجب تسجيل المحرم هو الأول قبل تسجيل المرأة
ياخويا قولي برك علاش فت الخانة تاع المحرم
سلام عليكم تسجيل المحرم يكون فقط للنساء لذلك الرجل يتخى مرحلة تلقائيا أما بالنسبة للنساء فقمت بشرح ذلك في الفيديو إذا واجهت مشكلة تواصل معي
ولي معندهش محرم كفاه يدير
المحرم مش بضرورة يكون زوج يمكن يكون اب اخ او خال وهذا بالنسبة للنساء من 45 سنة واسفل أما من سنة 45 وفوق ماشي شرط محرم حسب شروط الموقع
مين نجيبو رقم تسجيل المحرم ؟ الا مكانش مسجل فالقرعة
رقم التسجيل لازم يسجل الزوج قبل و كي يسجل هو يمدوله الوصل و فيه رقم التسجيل و يبعثوه فلايمايل ثاني هداك لي ديريه من بعد
قبل تسجيل أي إمرأة يجب تسجيل محرمها مثلا كي تبغي تسجيلي أمك سجلي الوالد هو الاول كي تكملي تسجيل تتحصلي على رقم المحرم وبعدها تسجلي الوالدة تاعك وفي خانة المحرم تكتبي رقم المحرم وصلة القرابة وتكليكي على صحة معلومات المحرم
مدخلت عدد التسجيلات للاب نتاعي و درت تاكيد. ما فائدة عدد التسجيلات؟
عدد تسجيلات تزيد حظوظ ، كل سنة سجلت فيها سابقا بورقة اظافية تحمل اسمك في القرعة ،يعني سجلت 4 مرات ،يحطو اسمك 4 مرات في قرعة و تزيد حظوظ
عدد تسجيلات سابقة مهمة بزاف بزاف فالقرعة
خويا كيفاش نقدر نصلح معلومة عدد مرات التسجيل بعد ما اكدت الطلب
واذا لا ...اسكو نورمال هاد لمعلومة تبقا غالطة ؟
إذا أكدت تسجيلك ما تقدرش تعدل ولا تصحح معلومات لي قدمتها مع الأسف وأي معلومة درتها تقعد كيما راهي مهم برك ما تغلطش في الإسم واللقب و تاريخ الميلاد و ولاية الإقامة وبلدية الإقامة
واذا كان الخطا في اسم الولاية كيف نفعل@@startupslife
خويا تعيش اسكو كي يكون جواز السفر منتهي الصلاحية منقدروش نسجلو ؟
حاولي انت واش راكي خاسر 🙄
سلام عليكم كي يكون جواز سفر منتهي الصلاحية من الأحسن التسجيل في بلدية التي تنتمي لها