Opinion - Emision per Mehmet Shehun 2 (15 dhjetor 2005)

Nje emision nga Blendi Fevziu
Në serinë e dytë të emisionit “Opinion” të gazetarit Blendi Fevziu kushtuar jetës dhe karrierës së ish-kryeministrit Mehmet Shehu trajtorhet nata mes 17 dhe 18 Dhetorit të 1981 dhe dëshmitë e personazheve që u gjendën pranë tij mëngjesin e 18 Dhetorit.
Përmes emisionit të realizuar më 15.12.2005 Fevziu vë përballë dëshmi të disa personave, të cilët mendojnë se ishte vrasje dhe disa të tjerëve, të cilët mendojnë se ishte vetvrasje.
“Mëngjesin e 18 Dhjetorit, si zakonisht do të vazhdonte mbledhja e Byrosë Politike. Unë nxorra makinën dhe po prisja të shoqëroja Mehmetin. Isha poshtë shtëpisë... Kur dëgjoj një ulërimë. Na njoftojnë që bashkë me doktorin të ngjiteshim lart. Gjej në koridr Ladin, i cili më thotë të shikoja Mehmetin. Futem në dhomë dhe e shikoj të zverdhur, me sytë mbyllur, gojën të mbyllur dhe mendova se i kishte rënë të fikët. Ngrita batanijen që t’i masja pulsin dhe dora e tij ishte gjysmë e ngrirë. Tek xhepi i këmishës shikoj një njollë të zezë dhe mbi batanije, tek këmbët e tij ishte pistoleta. “Mos tham, paska vrarë veten”. Në dhomë shikoj hijen e një dore, ishte Ladi i cili kishte marrë në dorë letrën. Shkoj tek telefoni dhe marr Ramizin, i them se Mehmeti kishte vrarë veten dhe ai më përgjigjet: “Jooo, ore”. I thash që ai ka lënë edhe një letër, kur dëgjoi këtë ai u tërbu fare dhe më tha: “Mos e lexojë njeri letrën, do ta hajë e zeza, do t’i bëj këtë e atë”. Ka ardhur Ramizi me Kadriun tek shtëpia e Mehmetit për të marrë letrën. Ramizi qëndroi poshtë dhe Kadriu u ngjit në katin e dytë. Kadriu pa Mehmetin dhe u drodh e mbushi sytë me lot. Aq e rëndësishme ka qenë ajo letër sa kushdo që e preku me dorë gjeti vdekjen”, tha .
Në të vërtetë letra u bë publike në vitin 2002, 21 vjet pas vdekjes së Mehmet Shehut. Në faqen e parë shkruhej: “Ta hapë personalisht shoku Enver e askush tjetër”, tha Ali Çenaj.
Nuk dihet se sa autentike ishte letra, pasi mënyra se si është shkruar nuk të krijon bindjen që ai po shkon drejt vdekjes pasi në të shkruan: Rroftë komunizmi dhe poshtë reaksioni.
Por sipas Presidentit Ramiz Alia, Mehmet Shehu kishte vrarë veten dhe se historia komplikohej kot.
“Mehmeti ishte njeri me një karakter tepër të vështirë dhe nuk duronte dot të kritikohej dhe të jetonte me një barrë në kurriz pas asaj që i ndodhi. Ne të tërë u habitëm që ai vrau veten”, tha Alia.
Vetëm rreth 3 orë pasi u gjet i vdekur në shtartin e tij, Mehmet Shehu nisi të etiketohej si armik i partisë, ndërkohë që Byroja nuk kishte patur kohë të nxirrte një konkluzion.
Mëngjesin e 18 Dhjetorit Istref Myftari, i cili ishte edhe shefi i Laboratorit të Kriminalistikës në Ministrinë e Rendit merr një njoftim të rëndësishëm.
“Sa hyra në zyrë, më merr në telefon drejtori i hetuesisë dhe më thotë që ka ndodhur një ngjarje e rëndë. Në ngjarjet e rënda unë shkoja gjithmonë dhe merrja me vete edhe një ekspert, por atë ditë më thanë të shkoja vetëm. Më bëri përshtypje se në shtëpinë e Mehmetit na priste zv. ministri i Brendshëm, i cila na tha se Mehmet Shehu kishte vdekur. Ishte lajm i papritur dhe i rëndë. Mehmet Shehu ishte kryeministër i vendit, por detyra është detyrë dhe duhet bërë. Shkuam në dhomë dhe nisëm këqyrjen e vendit të ngjarjes. Përveç grupit hetimor kanë qenë edhe dy persona të tjerë, një prej tyre ishte edhe mjeku i Mehmetit, Ali Çenën nuk e mbaj mend. Skena e ngjarjes ishte normale. Në vetëvrasje ka një parapërgatitje dhe personi do që ta lërë në rregull vendin. Në përfundim të gjithë këqyrjes unë kam arritur në përfundim se ishte vetëvrasje”, tha Myftari.
Sipas procesverbalit të mbajtur nga hetuesi i çështjes Koço Josifi një nga dëshmitarët ka qenë Ali Çenaj, i cili në intervistën e tij për “Opinion” në vitin 2005 ngre dyshime lidhur me procesin hetimor dhe “zhdukjen” e provave.
“Grupi i ekspertëve ka ardhur pas gati 2 orësh dhe filluan të bëjnë kontrollin e dhomës. Tek komodina ishte një gotë me një lëng të verdhë sepse ai zakonisht pinte kamomil ose lule bliri, por mënyra se si u zhduk ajo gotë mua më lë të dyshoj shumë. Ne shkuam tek zyra e Mehmetit dhe kur u kthyem gota ishte zhdukur. Më pas e gjetëm të larë dhe të kthyer përmbys në lavaman. Kjo më lë të dyshoj se aty mund t’i kenë futur ilaç gjumi dhe mund ta kenë asgjësuar”, shton Çenaj.
Televizioni i vetëm në Shqipëri në atë kohë jep lajmin për vdekjen e ish-kryeministrit në mënyrë shumë të vakët. Mediat botërore transmetojnë lajmin duke futur në thonjza vetëvrasjen, ndërkohë që një pjesë e tyre shkruanin se Mehmet Shehu ishte eleminuar.