صفات الخدامة | الرادود مرتضى الوالي | سيدي انا الصغير الذي ربيته هيئة راهب بني هاشم
Вставка
- Опубліковано 2 бер 2024
- صفات الخدامة
الرادود مرتضى الوالي
الشاعر محمد الزيدي
الذاكر سيد محمد الموسوي
المكساج والتوزيع عقيل المنصوري
مجالس الليالي الزينبية 1445هـ
هيئة راهب بني هاشم
البصرة قضاء المدينة
كلمات القصيدة
انا الصغير الـذي ربيته
انا الجاهل الذي علمته
مولاي يامولاي…..مولاي يامولاي
انت المالك و انا المملوك وهل يرحم المملوك الا المالك
انت القوي وانا الضعيف وهل يرحم الضعيف الا القوى
*-*-*-*-*-*-*-*-*-*-*-*-*-*-*
حجو والماحجو شيهمني بيهم
علـيـه شــمـا يـكــولون
افر وجـهي واسـد اذنـي عليهم
خـطيـة شـكــد يتعـبون
رضـاهم مومـهم بالنسـبة الـيـه
اهم شي راضيه ام عون
يريدوني انسه الغريبة المشت بالسبي
يريدوني انسه الخـرابة وتـراب العـبي
وانـه مـالي غــيــر العــزاء التـهي بــي
خسارة حجيهم --- تاليـته بـس تعب
بكـائي وعـزائي -- مابــدلـة بالــذهـب
صفات الخدامة -- ماخذهه من وهب
*
خسارات العمر عندي انا هينات
وكـل الـناس هيـنيـن
اخسر كلشي ميخالف والحـسين
بس ما أخسـر حسيـن
لو حب من صدك لو بس سوالف
اهي وحدة من الاثنين
منو بيهم المحتــرك عـالمخيم صــدك
منو بيهم اليفتهـم بالعطـش والعـشـك
ولا قدرو غـربة الضــامي والمــنسحك
وحــيد الزجــيه --- عالغــبرة مـنذبح
حسافة نعوفة --- يـتلـوه بـــالــرمـــح
بضلام احنه عشنه --- مانندل الصبــح
*
اهــو ماطــول بـاب حسـين مفتوح
ولا يطـردلة حـيران
مايـحـتاج ابــرر واشــعل شـمـــوع
وافـهــم فـلان فـلان
اصوم على الحجي المابي صواوين
واضلن مثله عطشان
عليمن ابــرر واســد علــى روحي الـدرب
وانه عندي ابو سكينه فاتحلي باب الكلب
منو اليـغفـر ذنـوبي غيـرة ويـرويني حـب
حبيبي الاحبه -- مايـطرد الــخدم
شوكت ما اردله --- يرزقني بالنعم
رزقني المجالس --- سواني من عدم
*
كطع ماي الفرات الحر عالحسين
وغفرلة ذنوبه مولاي
مايـغفر ذنـوبي شـلـــون يا نــاس
وانـه مـا كاطـع الماي
يمد جفوفة كلهـه عله الـيضيعون
وكلمن تيه الراي
انا الضيعت بالذنب والمعا صي العمـر
وحبيبي يمدلي ادي مـن اروح اعــتذر
دخيل الله من كلبه مدري حنين شكثر
دخيله دخيلة --- محبوبي من يحن
فلاينسه واحد ---- يبجيله لو يون
محمد الزيدي
