كيفاش تعلمي بنتك الشطارة و القفازة،💯 راكي في سن الزواج و ماراكيش مدروكة ،🪄تبعي هاذ الخطوات
Вставка
- Опубліковано 6 вер 2024
- في هذا الفيديو من قناة المرأة الناجحة نتكلم عن كيفية تعليم البنات الصغار الشطارة و القفازة و كيفاش بطرق سهلة و بسيطة ترجعي بنتك فايقة و ترجع البال للأمور المختلفة التي تحبط بها ، و كيفاش تتعلم ببساطة ترتيب غرفتها و تكون مسؤولية عن أشيائها الشخصية
و لازم تعلميها طرق الترتيب و النضافة بالتدريج و على حسن سنها
حتى تصبح إمرأة مرتبة و نظيفة و منظمة و أستطيع تحمل مسؤولية أسرة و أولاد مستقبلا
اما العزباء التي وصلت سن الزواج و ليست مدروكة و لم تتعلم لا الطبخ و لا الترتيب و لا التنظيف و لا تعلم ن أين تبدأ
أولا عليها تعلم الطبخ و تعلم الوصفات السهلة و السريعة و الناجحة و تتعلم السرعة في تحضير الوجبات لان المطبخ اذا تعلمت الطبخ بنضام و بسرعة فيعتبر 50% من التعلم
ثم يأتي دور التنظيم و الترتيب و التنظيف
يجب انقاص الاتاث و الديكور و التوقف عن كثرة الشراء : الملابس و الأواني
اتباع جدول التنظيف البيت
اتباع جدول الوجبات و الاكل
#الجزائر
#المغرب
#كندا
#فرنسا
#الإقتصاد
#التوفير
#تونس
#مصر
#امريكا
#التربية
#التربية_الايجابية
#التربية_الصحيحة
#النظافه
#النظافة_الشخصية
#النظافة
#التنظيم
#التنظيف_العميق
#التنظيف
#الترتيب
#تربية_البنات
#جدول_تنظيف_البيت
#جدول_وجبات_الاسبوع
#الامارات_العربية_المتحده
نطالب بجزء ثاني كيفاش تربي ولد شاطر لو سمحت اختي الكريمة لانه حقيقة نصائحك في القمة شكون لي متفقة معايا دير جآااااأاااااااااام❤
شكرا اختي ان شاء الله و مرحبا بك
Intéressé dirina ala les garçons andi 3 garçons rani baghiyathom yokhorjo sajyin w ye3awnouni fe dar w surtout ila mradt wela kanat andi kharja wela janaza manjich nalka dar karita wela nkhamem fi maklathom rani baghiya meme yat3almo ytaybo machi barkoukes wela te3am haja khefifa yachab3o biha beh mayachrouch makla taa bara ❤
مهتمة
سلام حببتي نفس الالاقتراح ولو سمحتي
شوفي الدورة التربيوية لمحمد خير الدين الشعال
يا اختي الحمد لله دخلت في وليداتي هاد العقلية كي نكون نربي هما يرتبو و يغسلو الماعن و في رمضان دايرتلهم النوبة كي الطفلة كي الولد و ان شاء الله ربي يحفظهم و يسترهم و ربي يقدرنا
موفقة أختي و الله يفرحك بوليداتك و يسعدكم
اعطينا الطريقة نتعلمو
اعطيني الطريقة تعيشي لأولادي في المستقبل ربي يبارك فيكم ان شاءالله ويحفظهم لك
إن شاء الله
@@salmamokrani971 هل من دعم للمحتوى الديني ربي يسعدك دنيا وآخرة
اخت انا بنت عمري 19لعام وراني مخطوبة بليز عونيني عطيني نصائح وديرلنا فيديو على كفاش تكوني مسوؤلة ❤❤
يعيش اختي انا اللي قتلك بنتي عمرها 10 وخليتها تسمع معايا الفيديو ومسلّمة عليك برشا ❤
مرحبابك اختي و مرحبا ببنيتك و الله يفرحك بيها و يسعدكم يا رب
علميها خاصة النضافة الشخصية وشعرها متخليهش مخلبط وتمشيش بحوايجها مسخين طبق خزانتها وخاصة أوقفيلها على صلاتها تمسحلك لحيوط وفوق 12سنة وحدها تلقايها شاطرة بصح متكثريش عليها باه متكرهش غير خفيف حتى عن تجربة.
@@fatmazohra7696نفس المشكل مع بنتي ،تفولي علاه خويا مايخدمش كيفي ،حصلت فبها 😢😢
عندها الحق. ونتي علاه مركبة الطفل على الطفل
يخدمو كامل
ربي يحفظها وكبرها في طاعة ربي وطاعتك
رانا كامل نعانو نفس المشكل ربي يصلحهم
صدقوني الشطارة و تحمل المسؤولية لازم حتى الطفل يتعلمها ماش برك البنت لان رانا لاحظو بلي الرجل في مجتمعنا ولى معاق و عالة و هاد الشي ماش مليح حتى في الدين تاعنا نتمنى هءا الجيل الي قاعد يربي ياخد هاد النقطة بعين الاعتبار
التركيز غير على بنات 😢
ابي رحمة الله عليه كي نمرض يجيبلي تيزانة الفراش...
صحيح اختي انا مهدرتش على الولد لاني اجبت على تعليق الأخت فقط
كنت راح نقولها ديري فيديو على طفل يتعلم من صغر يتكل على روحه. في مجتمعنا المراءة مسؤولة على كل شي
يعطيك الصحة لازم المجتمع تاعنا يفهم هاذي النقطة مشي يزيرو على البنات و يديروهم خدامات و يخلو الشباب يهملو
صح بارك الله فيك...انا كي يكون وليدي مريض ويجو ضياف نقلي بطاطا ويشري من برا و كي نكون مريضة كيفكيف وكي نكون هاداك وين جيت من برا وجاو على غفلة كيفكيف ...وبنتي نعلمها تان تخدم على حساب مقدورها المهم تكون نقية ونظيفة
هادي العقلية تع المرأة تخدم في كل حالاتها و كلش وحدها ولدنا رجال نرجسيين ...
خسارة معنديش لولاد عازبة ادعولي نتزوج يا لبنات ربي يفرحكم كامل🎉❤
الله يرزقك الزوج الصالح حبيبتي
ربي يرزقك ختي ان شاء الله
راكي مهنية انا راها تضربني😢
@@hafida7156 والله ماني مهنية
ربي يرزقك زوج واولاد
انا عندي 17 سنة ملي تفرجت هاد فيديو حسيت بشطارة والله ❤ شكرا
شكرا حبيبتي مرحبا بك و الله يوفقك و يسعدك
ljahl w takhalof le sujet taa l3alem 3
Merci
ربي يحفضك ختي كانو خاصيني بزاف نصائح هاذو يما ومتقولهمليش تستاهلي المتابعة زيديلنا فيديو على كفاش تستقبلي الناس وهدرتك تكون رزينة ومدروكة 😍💗
شكرا حبيبتي ، ان شاء الله و مرحبابك
اكبر نسبة لتنظيم المنزل هوما البلاكارات في كل بيت و في قنت ديرو بلاكار صاي ولاو ديمودي الخزانات و البيبيوتيك و ليزيطاجيار بلاكارات فلبيوت فدوش فلكوزينة فكولوار
موضوع في القمه وعمري ماتخيلت وحده تحطو وتهدر عليه هذا هو الصح وكلامك صحيييييييييح بارك الله فيك وبك وعليك
شكرا شكرا أختي ، مرحبا بك و الله يوفقك
بلاما تحرميها من طفولة تاعها لانو بعض امهات انانيات مثل امي كانت تخدمي من صغر حرمتني من طفولة
العصى تنقبض من الوسط حبيبتي
علمو بناتكم شطارة لمواجهة حياة مش على جال زواج.
رانا في 2023 و مزالكم بعقلية ذي تربو بنت في عقلها غير زواج حتى ترجع مكلوبة عليه و بعدها طيح في اخطاء كبيرة
علاه كي تكون نظيفة و قافزة و تعرف اطيب هذي غي على الزواج!!!! مالقاهش في حياتها اليومية ؟؟؟!!!
و الله يا ختي أنا من النوع الثاني و أكثر حاجة نتندم عليها كي مندركتش من صغري متجيحوش بناتكم خواتاتي، المهم هاذ الفيديو جا في وقته تقول طليتي على قلبي ربي يجازيك ككككل خير إن شاء الله، أول مرة نشوف قناتك ماشاء الله ربي يوفقك و يقدرك راكي توووب ❤❤
تعليم النظافة الشخصية والقيام على مسؤولية ونظافة البيت يشمل الجنسين الاناث والذكور ....كان صلى الله عليه وسلم في خدمة اهل بيته.......اتبعو تعاليم الاسلام وكفو عن ربط نجاح المرأة بلخدمة والمطبخ
ياااااااو انت الشاطرة تاعنا من حديثك باين راكي قافزة ياسر ربي يحفظلك صحيحتك
شكرا اختي مرحبا بك
مشكورة أول مرة نشوف قناتك واصلي نصائحك فادوني انا عمري 19 سنة هذا وين بديت نتاعلم شغل الدار و الطبخ شكرا❤❤❤
الله يوفقك حبيبتي و مرحبا بك
@@Elmaranajiha آمين 🤲
عندك الحق على كامل واش قلتي عندي بنتي عمرها 17 سنة والله ماهي مدروكة على شغل الدار ذرك نسمعها الفيديو شكرا جزيلا حبيبتي رانا نستفادو منك مواضيعك كلها في القمة
شكرا اختي مرحبا بك و الله يفرحك ببنيتك
وش معناها مدروكة ؟؟؟
@@norissa3150مدروكة = تمشيلها في يدها غسيل الماعين التسياق النقا الطياب (قافزة) تخليها موراك ولا يجوك ضياف على غفلة وماكيش فالدار ولا تبعثيها لكاش دار ضيفة ولا لا قدر الله لحق أجل الأم وتوفات ما تخافش عليها عارفة بنتها قافزة تسلك راسها وتاكلة على روحها ما يهدروش فيها ويقولو مسخة ومعفومة ومقرضة اليدين.
@@norissa3150مدروكة يعني شاطرة وقادرة على شغل الدار والمسؤولية
@@beyou3144 شكرا حبيبتي 🥲 انا عندي 20 سنة و تبانلي مريضة بالكسل
ربي ربي ربي ارجوووووووووكم ادعولي الله يرزقني 3 توائم ارجوووووووكم 🤲🤲🤲🤲🤲🤲🤲
سلام اختي تعيشي اهدري على الراجل لي ما يعرفش يصرف و ما يجمع دورو و ما يخليش المراة تصرف و تجمع شكرا❤
صعيبة هذا لازم تديله غي من تحت لتحت و غي بسياسة و ديري كموسة و تنسيها
عظم الله اجرنا
هدريلنا على الولد لي معندوش مسؤولية على ادواته المدرسية، غرفة النوم الخاصة بيه كيفاش نسعاعدوه🤔 كلامك جميل ✅🌹♥
النظافة والنقاوة راني معاك فعلا بارك الله فيك
شكرا اختي مرحبا بك
يالالا ابكي على سعدك اذا ناصية منورة كلش يسهل
الله يسعدك اختي
والله غير عندك حق انا يا ريت ميمتي كان حية و علمتني ربي يرحمها 💔💔
الله يرحمها و يجعلها من اهل الجنة حبيبتي ، مرحبابك و الله يوفقك
ربي يرحمها ان شاء الله
معلاباليش مشفتش الفديو مي نصيحتي للأمهات بنتك علميها اللغة و الفصاحة و الفقه و الدين و العلم و اللغات و الثقة و تقدير النفس و المسؤولية اما تهمبير لا متعلميهاش تهمبر
وشنهو تهنبير,,,,,مفهمتش
@@user-sr3gh1yv8zتهمبير زعما شغل نتع بزاااف
الدين يدخلو يحفض القرآن في المدرسة القرآنية والصلاة الام والاب رح يعلموهم فالدار وهذا ميسموهش تهمبير تعرف كفاه تسلك راسها وتقوم روحها مش كالبهلولة
شكرا ختي بارك الله فيك و ربي يخليك
❤❤❤ مشكورة يا اختاه على هذه النصائح اعطينا طرق نتعامل بها مع اطفال عصابيين
شكرا اختي مرحبا بك و الفيديو المقبل ليك اختي
بنتي 10 سنين كامل واش هدرتيه نديرو معاها عندك الحق عن تجربة
شكرا اختي مرحبا بك و الله يفرحك ببنيتك
بارك الله فيك اختي على المجهود المبذول، اجرك على الله و يا حبذا لو تحثي الامهات لتعليم بناتهم الاخلاق الحسنة والصلاة والمواضبة عليها فلا تكفي ان تكون في المستقبل امرأة فحلة، شاطرة، وربة بيت ممتازة فالاخلاق هي أهم شي عند الإنسان
جيد جدا اختي كلامك صواب شكرا لك و مرحبا بك
نصائحك في القمة يعيطيك الصحة زيديلنا فيدوات من هذا النوع
شكرا اختي مرحبا بك
يعطيك الصحة على هذا الكلام بيه داري راها بخيرمشاءالله وهدا كلام الواعيين الحفلات ربي يحفظك
العفو اختي شكرا لك و مرحبا بك
مزيد من الفيديوهات من فضلك على هاذا الموضوع كيفية تعليم البنت 7سنوات و اكثر على اداء شغل البيت بكفاؤة
7سنوات عاد صغيرة على تأدية العمل بكفائة !!!!! اختي
ربي يحفظك ويجعل هادو نصائح في ميزان حسناتك انا في سن زواج كملت جامعة ورايحة نعتمد على نصائحك نحوس نكون شاطرة في كلش 😁❤
الله يوفقك اختي و ابحثي عن عمل و الله يسرلك
انت منين اختي وشعال عندك من عام
بارك الله فيك أختي نصائح مفيدة وعلمية في ميزان حسناتك
العفو اختي مرحبا بك
حنا عنا كي تدي الطفلو ورا الباك باه تبدا تتعلم اطيب وكاين بنات ورا التخرج باه نبداو نتعلمو الحمدله والدينا يشجعونا عا لقراية مش باه نكونو بونيشات للراجل وكاين حتا لي تزوجو ميعرفوش يطيبو وهانيين مع رجالهم
المثل يقول :إذا إستنوق الأسد إستأسد الحمل
ختي صح لازمة لقرايا بصح مش غير للراجل ليك تانا كاشما تروحي بعثة تقراي ولا اقامة راح تسحقي هاد القفازة
كيفاه ختي يعني كي نتعلموا نقوا وين رانا عايشين و نتعلموا ناكلوا من طياب يدينا و نتعلموا نغسلوا حوايجنا بالنسبة ليك رانا ....للراجل ،أساسا لي تتعلم تكون شاطرة تتعلم لنفسها وحدة ماقالت نتعلم للراجل هاذي وحدة و اثنين واحد ماقال كي تتعلمي النقاء و القفازة معناها ما تقرايش غير الله غالب كل واحدة و امكانياتها صح كاين لي كي تكون تقرا امكانياتها ما تسمحلهاش تتعلم حاجة وحد اخرى مسكينة يا ربي تلحق على قرايتها لوكان دور برك طيح
يخي حالة يخي
@@saoussan9001 راني نهدر على مولات الفيديو كي كاتبا راكي في سن الزواج ومشك فايقة
ختي الشاطرة شاطرة لي يقرا ما ي... را الحمد لله امي خدمت دار الشيخ وقامتها على أكمل وجه وقرات فالجامعة وشهداتها مطلوبة في الجامعات الكبرى والحمد لله كانت دائما الأولى على الدفعة من هنا تفهمي
ختي المهم يكونو يقراو لان الدراسة من بين اولويات ومبعد يجي تخمال وغسيل كل حاجة في پلاصتها
لا لا م يتعلمو من الصغر و الله غي تحصلي فيهم من بعد
كلشي في بلاصته القراية في بلاصة والشغل في بلاصة
لا ختي راكي غالطة على الاقل البنت تخمل حوايجها و ترتب الدار تعاون شويا فهمتي معاونة تغلب سبع
والله يا اختي العزيزة😘 هدرتك كلها جواهر ولؤلؤ عمري واحد وعشرين حابة نكون فحلة الشلق يطير فادتيني بزااف كوغير عرفتك من قبل نحبك ونحب هدرتك 😍🥰
شكرا حبيبتي و مرحبا بك و الله يوفقك و يسعدك
@@Elmaranajiha 😍😍😍
الله يرحم والديك ممكن تفيدنا نربيو بناتي ميسمحوش فى حقهم و ميسكتوش على الي يهنهم
ان شاء الله اختي ، مرحبا بك
يا ودي خليوهم على هواهم يجي وقتهم يوليو وحدهم يخدمو كما قالت ماما( وريني بيتي نبنيه بنيتي )
بصح الام تولي تتعب و هوما مكسلين !!!!
لا يكذب عليك تجيهم صعيبة .و يعانيو صاريلها كما لي موالف الرياضة من الصغر ما شي كما لي يفرضها عليه الطبيب.
راك غالطة
الشطارة والقفازة كاينين فادبها واخلاقها دينيا ودراسيا
أكيد مقلتش العكس
يعطيك الصحة اختي على هذا الموضوع و جزاك الله خيراً ❤
العفو اختي شكرا لك و مرحبا بك
صدقيني الشطارة تع الصح هي تعلم تع تعامل مع الناس برا اما الشغل تع الدار و تهمبير صدقوني عندها عندها علاقة بشخصية تع الام و الطفل اذا الام نقية في ذاتها الطفل يخرج يميز انا من صغري كنت نتبع جداتي بزاف كانت تخليني نرد بالي لهذو صالح و شغل نلعبو تقولي هايا نلعبو بالماء و نسيقو كيفكيف هيا نديرو عجينة و ناكلوها بزاف حاجات شغل جامي هذو الاشياء كانو امر ما تأمروش ولادكم ديرو كلش كيفكيف و صح لازم بزاف كلمة لحلوة ديما كانت جداتي تقولي " يحمر وجهك " يعطيك صحا " ديما تخليني نطيبتلها قهوتها امبعد بلعقل وليت نحب نفرحها نديرلها لماكلة لي تحبها شغل كلش محبة خاطر جامي لا حسيت بلي بسيف عليا ولا انا طفلة علبيها تنخلقت لشغل خلو ولادكم يعيشو وقتهم ما تسيفو عليهم والو و نتو كونو المثال كونو المنقين كونو مرتبين يخرجو ولادكم كيفكم ماشي نتو تعيطو و تحوسو ولادكم كالم ولا نتو ماشي مرتبين و تحبو ولادكم يكونو perfect . و اتفكرو بلي الماكلة و نقا حاجات يخلونا على قيد لحياة ماشي الحياة 🙂 سما اذا كونتي ربة بيت تعرفي غير تهمبير و لمعاملة و شخصية 0 يديروك بونيشة . هذا هو لواقع للاسف .
كلامك صحيح وقلت في الفيديو اللسان الحلو و التعامل مع الأطفال بالحب و السياسة
انا وحدة صح خاطيني الكوزينة 😢 ماعييت والو كلشي يجيني صعيب نطيب حاجة وحدة نتعب و نضرب عام فيها لي ما تتعلمش علبكري و الله كلشي يجيها تقيل
انا ماما تشجعني على الكسل و نهار تبغي تحدقني تنوض تعيط 😂 لهذا يا امهات غي ما يشقاش لعياط علمو علبكري
الله يوفقك بنتي ، معليش غي بشوية و تعلمي و متسمحيش في روحك
مسكينة الطفلة'، كمية الضغط عليها من الصغر، نورمالمون أي إنسان بنت ولا ولد يتعلم يتكل على روحو، و ما فيها والو كي يعاونوا نساهم ولا أمهاتهم......
مكان حتى مشكل أكيد لازم يكون التعاون
عجبتينى اول مرة نشوفك انت هدرتك حلوة عندي اسئلة كثيرة شكر انت رائعة❤❤❤❤❤❤❤
العفو اختي مرحبا بك
تخممو غير في لعفايس هادو 😂😂علموهم عقلية السليمة الرياضة الاعتناء بالنفس العلاقات الاجتماعية وقراءة الكتب علابالي رايحين تسبوني بصح هادي هي الحقيقة
علاه نسبوك اختي ، لي قلتيه صحيح لكن هذا ميعنيش انك متعلميهاش النضافة و الطياب !!!
الله يعطيك الصحة اختي عندي نبية وحدة في عمرها10اشهر ادعيلي ربي يقدرني على تربيتها وتكبر ونجبد الفديو تاعك ونرابيها على نصائحك الثمينة الله يحفظك ويحفظلك وليداتك
الله يحفظك حبيبتي و يفرحك ببنيتك و يسعدك يا رب
امين حبيبتي
شكرا على النصائح الي تقدميها هذا دليل على نضجك من فضلك دائما خلي ذكرك لله أولا فهو المستعان على نوائب الدهر الدنيا تغلبنا مهما حسبنا لكن الي يخدم واش عليه والي ما قدرش عليها ولا مافهمهاش دايما يقول ربي كاين سبحانه هو يتولاني برحمته والصدقة والذكر عن تجربة انا كنت نحسب طول وهذا يأثر علينا احنا النساء رانا نتحملوا مسؤولية كبيرة وضغط كبير البركة والتوفيق من عند الله ذكريهم دايما برحمة الله طبعا بعد الأخذ بالأسباب وشكرا لك وربي يوفقك
عندك الصح..في استعمال الكرونوا مع لبنات...
وعلاش التركيز غير على البنات ؟والاولاد واش يديرو 8, 9 ،10. سنوات؟ كيفاش تؤديه مسؤول يحس تعب امو؟
كيفكيف اختي ، انا جاوبت على تعليقات الأخوات برك
أنا الحمد الله بنتي الكبيره عمرها 9 سنين ما شاء الله تبارك الرحمن تقولي عندها 20 عام كلشي تعرف تديره شبهت ماما 😂 الغسيل، ماعين وملابس تنظيم البيت التسياق،😅والله غير راهي رافدتني تاع الصح خصوصا مين زيدت صبتها غير هيا 😊وهاذا الشي ماشي من عندي وحدها تبغى تحوص😂ملي كان عمرها 3 سنين، ربي يحفظها ويخليها إن شاءالله بقالها غير الطياب وخلاص 😅حتى خوتها قايمة بيهم نحمد الله ونشكره على هاذي النعمه خاطر راني تعبانة بالغدة الدرقية اللي كلاتني ماكلة 😢الحمد الله على كل شيء
ماشاء الله ربي يبارك فيها ويحفظها ويجعلها بنت واخت وزوجة صالحة ترفع راسك طول العمر 🤲💜
مليحة تعاونك بصح مزالت صغيرة عالسؤولية
@@ikram5479 لا ماقصديش انها حاملة المسؤليه حبيبتي هههههه قلت تحب تحوص في كل شي هي هاكا شبهت ماما هي ثاني كانت تحب تعاون ماماها يعني جداتي وفي عمرها 8 سنين وكانت تعرف كل شي كانت شاطرة تاع الصح وبنتي ورثت هاذا الشي منها 😊
@@beyou3144 اللهم آمين يارب شكرا حبيبتي بارك الله فيك ❤❤
حتى خوتها لازم يتحركو و يعاونو ، باش كي يكبرو ما يتكلوش عليها غير هي
و تلقى على روحها الضغط
نشكرك ختي على هاد المواضيع ،ياريت لو تديري فيديو كيفاه نديرو نتواياج ونضفو الدار ولا الغرف ،و وشنو هوما المراحل ،شكرا
هدرتك حلوة تهبل ماشاء الله ونصائحك روعة
نتمنالك التوفيق
شكرا اختي مرحبا بك
ختي ربي يعطيك ويجازيك خرجلي فيديو فجأة في عمري 21 عزباء وناقصة شوي فالطبخ كنت قلقانة كيفاه رح نتعلم ومين نبدا ووو خصوصا اني حبيت نتعلم وحدي .. وكان عندي تخمام كيفاه به نكون طفلة قافزة .. سع سبحان الله خرجلي فيديو تاعك وقناتك ربي يجازيك ربي يجازيك ❤
شكرا حبيبتي و بنيتي ، الله يوفقك زيري روحك و اتعلمي غي بشوية و كي تخدمي حاجة ركزي فيها ، الله يوفقك و ديري اشتراك باش يوصلك الاشعار لان القناة مليئة بالتحفيز و النصائح
ربي بارك نصائح في القمة زيد لنا نصايح للتعامل مع الأزواج خاصة للمقبلين على الزواج
شكرا على الفيديو و يا ريت ديرولنا فيديو واش لازم نتعلمو في الطياب ديرولنا تحديات نديرو القلب 😂😂😂😂
ههههه فكرة جيدة ان شاء الله اختي ، مرحبابك
مهتمة ماشاء الله فيديو قمة
يعطيك الصحة على الفيديو المفيد .
بالتوفيق للقناة.
شكرا اختي مرحبا بك و الله يوفقك و يسعدك
الله يحفضك زيدينا جزء 2
ههههه ان شاء الله حبيبتي مرحبا بك
اول مرة نشوف فيديوهات تاعك ، محتواك في القمة نصائح روعه روعه الله يعطيك الصحه سيغتو لهدا جيل صاعد
شكرا اختي مرحبا بك و الله يوفقك
يعطيك الصحة أختي مواضيعك كلها مهمة نستفادو منها
شكرا اختي مرحبا بك
بارك الله فيك كلام صواب
شكرا اختي مرحبا بك
درينا موضوع على الجارة الاستغلالية في أقرب وقت ،موفقة يارب العالمين
مازال كاين جارة إستغلالية !!! و راكي مخليتها تستغلك !!!!
غلقي باب بيتك و ما تكثريش الهدرة معها و ما تحكي اسرارك وديما قولي لها راني مشغولة
@@fatihasadali5848 كي قلتلها لا معجبهاش الحال وعاداتني ،حتى انا تهنيت منها
ولله كل نصائح جيدة لبنات فكرة هايلة تاع فطور هو اول انا عندى سكر ولوتوسيوا والله مايلحق فطور نحس دوخة ومانقدرش حتى نفطر شكرا
العفو اختي الله يوفقك و مرحبابك
يعطيك الصحة حبيبتي
العفو اختي شكرا لك
صباح النور موضوع في القمة اختي بما اني عندي بنتي عشر سنوات ❤❤❤ شكرا عزيزتي
العفو اختي مرحبا بك و الله يوفقك و يفرحك بيها
حي وياااااااا راني مشوكيا فيك دايرا قاغ ورقا وستيلو باش تعلمينا نندهو7سنوات
نطلب كيفية تنظيم الوقت البنات الجامعيات
ان شاء الله اختي ، مرحبابك
شكرا ليك الصراحة استفدت بزاف من النصائح ديالك الله يعطيك الصحة❤
علموا ابنائكم قوة الشخصية بالوعي والاعتماد عن النفس سواء ذكر ام انثى وان الانجاز الحقيقي هو ثمرة العقل والنجاح في أعلى المراتب وممارسة نشاطهم المرغوب هذا هو المخطط لبناء طفل متكامل ليس كيفية غسل الصحون وطبخ الاكل فهذا في الدول المتقدمة يعتبر من اليوميات التي يمر بها الانسان لتلبية حاجياته اليومية مثل الاكل الى دخول الحمام وليس كأنه انجاز ومعيار نجاح كالشائع في مجتمعنا خاصة البنت تتقاس باعمالها المنزلية اكثر من اخلاقها وشخصيتها وهذا من التخلف ويعود كذلك الاخ بأن اخته هي واجبة عليها كل هذا اما فكرة تع تبقاي تندهي وتكثري الكلام مع الطفل راح يشعر بقيود وبملل. خليلهم الحرية يغلطو يكتشفو يتعلمو من الخطأ ينضجو وميبقاوش يغلطو وهذه هي وجهة نظري مع احتراماتي
نحن في الجزائر اختي و كي تتزوجي بنتك تزوجيها مع جزائري و كي تسلك روحها في دارها هذا ميعنيش انها لاتتطور فكريا و انها لاتدرس ولا تخطط لحياتها ، و الأطفال عندهم طاقه هائلة و كي تطلبي منهم المساعدة يعتابروها مثل اللعبة
@@Elmaranajiha لوكان هذاك الجزائري تربى في أسرة واعية تخليه مسؤول على نفسو ويسلك روحو كيما البنت تسلك روحها لوكان كان كل أخ كل زوج يساعد زوجتو كنا في موقع آخر حنا لي عاون عيب واذا مش عيب معنتها مزية من عندو مع انها تغسللو في قشو .هذا جاي جيل جديد جيل امهات واباء أعتقد انهم واعيات يربيو ولادهم من الطفولة إلى حد سوا وشكرا
@@Elmaranajihaوشكون قالك ياحنونة مدام راهي في الجزائر بنتها تتزوج جزائري ؟؟؟ لقراية والعلم يخلوك تتدي غير لمثقف والقاري لي مش اكبر همو كرشو طلعو شوي المستوى الناس راهي تضحك عليكم تضالو تهنبرو باش تبانو شاطرات
شكرا على الموضوع ختي، بصح يا امهات اتقوا الله و ربوا الذكور على تحمل مسؤولية روحهم على الأقل و علموهم الشطارة ثاني كيما الاناث
أكيد اختي ، راني دايرا فيديو على تربية الأولاد ، مرحبابك اختي
❤❤❤❤❤❤❤ والله لعندك الحق كيما راكي تقولي بنتي 8سنين تغسل مواعين القهوة ،وختهاعندها 13راني مدخلتها للكوزينة، ربي يحفظهم وبعد الظولام عليهم🤲🤲🤲❤🙋🏻♀️🌹
الله يسعدك اختي و يفرحك ببنياتك
شكرا جزيلا اختي والله انت قمة في الشرح ونحس بأنه من اعماق قلبك شكرا شكرا
العفو اختي شكرا لك و مرحبا بك
مازلتو عايشين فل2010؟؟
؟؟؟!!!؟؟
استغفر الله العظيم واتوب إليه ❤❤❤❤
شوفو ماتفورصوش بناتكم حرز خاصة وقت لي تكون فيهم لبيريود ونصيحة دحلو بناتكم سباحة لانو انا نهدر على روحي انا نرفك تقل ونطيب ونسيق وكلش نديره ونفورصي على روحي مالا عندي 19 سنة بزعاف ركبتني لعبرة واعوجاج فالعمود لفقري وو وخليها على ربي شوفو حرزو رواحكم ومدابيكم طفلات صغار دخلو للابيسين كنصيحة دخلو بناتكم سبور من من شوفو كلش يتعلم بصح صحة كي تروح ولله حاجة ماتجي كيفتا
يرحم والديك ختي ربي يجازيك كل خير على النصائح حطيلنا وصفات ناجحين ختي 🥰
شكرا اختي ان شاء الله ، مرحبا بك
سما تولدو بنات وتربوهم على اساس خدامة برك هادي هيا نورمالمون تربية على شغل للولد وطفلة باش ميكونش حقد بين لخاوة
حبيبتي انا جاوبت على تعليق في هذا الفيديو ، و راني دايرا فيديو بعده على تربية الولد
بصح منهربوش من الواقع هادي هي خدمة لمرا حبينا ولا كرهنا....والطفل يلا عاونك بليزير برك ماشي خدمتو.....هادا الواقع
@@user-eu4ny4wz5z😂 هذا دين ولا وشيا بالضبط بليزير ياه
@@amelbaadeche8891 هادا هو الواقع ....علاه راني نجيب من راسي ....جامي شفت راجل يدير الشغل.....صح ماذابينا يعاون بصح فالصح خدمة لمرا ولازم لمرا تكون قد مسؤولية دارها هادا مقصود الاخت
اللهم استرنا فوق الارض وتحت الارض ويوم العرض ❤😢
أمين اختي مرحبابك
يعطيك الصحة انا كنت صح مدروكة ومانخدمش شغل الدار ومن نهار تخطبت فقت وليت نطيب ونحاول نجرب الوصفات وحتى وصلت مرة درت لدارنا الڨاطو حاروا فيا ڨالولي من أول مرة خرج ڨاطو يهبل تقول تع شاف موالفة طيب الحمد لله رغم أن خطبتي فسخت ومنيش متزوجة لحد الٱن أدعولي لبنات ربي يرزقني زوج صالح لي نحبو ونرضى بيه وربي يحفظكم ❤
الله يوفقك اختي و يرزقك الزوج الصالح و يسعدك و مرحبا بك
الله يرزقك ويرزقنا أجمعين
شكرا بزاف على النصائح ❤
العفو اختي مرحبا بك
حذاري ثم حذاري كي تكبر بنتك تعطيها مسكينة غسيل لمواعن 😢، هذي التربية خاطئة ، أمي هكذا دارت معايا 😢، غير الشغل تاع الدار ، الآن راني متزوجة بولادي و داري و لكن أكره دار والديا كره شديد ، بحكم أنا عايشة في الغربة ، منحبش نهبط للبلاد بتاتا ، و منحنش على الأم و الأب ديالي ، الأبويين تاعي نعتبرهم ناس جازو في مرحلة من حياتي فقط ، إذا راكي حابة تربي بنتك ربيها على الصلاة و حفظ القرآن و عاونيها تنجح في قرايتها مشي شغل تاع الدار ، أنا تمنيت الأم دايلي تقولي أرواحي نختمو القرآن مع بعض و نتنافسو على الصلاة في وقتها ، أو نطمو دراهم في شحيحة و نروحو نشرو بيها أكل للمرضى في المستشفيات و نزورو المرضى خاصةً لي بعاد على دارهم ، مشي الشغل الشغل ، هذا خطأ شائع في الجزائر ، بنتك تقرى و تدين و يجيها راجل يعيشها كي الأميرة ❤
حبيبتي اضن كاين أمور كرهتي عليهم والديك اعمق من غسل المواعين !!!
حبيبتي الله يعطيك الصحة المحتوى الي كديري غزال الله اكمل عليك بخير انا يالله كتاشفت القناة ديالك تحية ليك والكل الجزائريات من مراكش
والفت نصائح نتاوعك ختي بالتوفيق في حياتك
شكرا حبيبتي مرحبا بك و الله يوفقك و يسعدك
استغفر الله العظيم واتوب إليه
بارك الله فيك أختي على كامل النصائح لي تقدميهم و الله غير استفدت منهم بزاف ربي يجازيك كل الخير .. حبيتك برك ختي ان شاء الله تشوفي تعليقي لو تقدري تهدريلنا على الأمور لي الفتاة المقبلة على الزواج لازم تديهم معاها يعني الضروريات باسكو مع لغلا و البذخ لي رانا عايشينو حتى ونديرو قائمة مانخرجوش فيها لهذا حبيت يعني تعطينا رأيك حول الموضوع و اسكو في رايك ندخرو من المهر كي يمدوهلنا ولا نشرو بيه أمور غالية نسحقوها و ربي يجازيك
الله يسعدك اختي ، راني دايرا فيديو على هاذ الموضوع شا تدي معاك شوفيه اختي و الله يوفقك
جزاكِ الله خيرا على هذه النصائح ❤
شكرا اختي مرحبا بك
يعطيك الصحة اختي مواضيعك كل هادفة وفعالة ....دمتي لنا
شكرا حبيبتي مرحبا بك
يعطيك الصحة على هذا الموضوع كيما قلتي النديه يعلم انا عندي ولدي كنت ندهه خرجتلي ماشاء الله
شكرا اختي مرحبا بك
برك الله فيك اختي موضوع هام..
أنا الحمد لله علمتني ماما ملي كنت فالإبتدائي نطيب ونغسل ونجمل معها وربيت معها خوتي صغار الحمد لله ديت في ذراعي ...وتعلمت كلشي انا واختي ..❤
الله يوفقك اختي و يسعدك و مرحبا بك
الله يبارك نصائح في القمة يعطيك الصحة والله استفدت منك شكرا
العفو اختي مرحبا بك
الله يعطيك الصحة حبيبتي على كل النصائح
العفو اختي مرحبا بك
يعطيك الصحة ختي ربي يجازيك انا صح تربيت هك بصح في القرايا منعاونش نلها بزاف ووليت غير كيما تنفحلي نوض 😅
يعطيك الصحة فيديو في المستوى
شكرا اختي مرحبا بك
من أحسن القنوات المفيدة..... جزاك الله عنا كل خير
شكرا اختي مرحبا بك
أنا بغيت نطلب كيفاش ننصر كي جونيف حكاية وهذي أول مرة رايحا تزوج بنتي وماعرفت واش نشرك ولا واش نهدر معاهم ولا ولا كيفاش نستقبلهم واش نحطلهم دارلي مضوع وفهمني ونصحني باين عليك قافزة وشاطرة وحاط كل ثيقتي فيكقصدي خطابة
ان شاء الله حبيبتي
صح فيديوك أفادنا ... بآرك الله فيك
شكرا اختي مرحبا بك
يطيك الصحة اختي ربي يبارك فيك نصائح هايلة
شكرا اختي مرحبا بك
تعقدت تالمو متعلمتش 😭😭😭زعما نقدر نتعلم ودارنا ميجيبو والو لا خضرا لا والو ديما الثلاجة فارغة يا لطيف والمشاكل ديما
الله يرزقك الزوج الصالح لي يسعدك و يعمرلك الثلاجة و يعمرلك حيبتك حبيبتي
الله يرزقك الزوج الصالح لي يسعدك و يعمرلك الثلاجة و يعمرلك حيبتك حبيبتي
@@Elmaranajiha ان شاء الله حبيبتي
أنا تاني 😔
هدرتك تهبل ماشاء الله ❤❤❤❤
شكرا اختي مرحبا بك
اعطيك صحة ختي تعيشي على الموضوع المهم ، لو سمحتي ديرنا موضوع على كيفية تعامل البنت المتجوزة مع اهل زوجها علما انهم يعيشو فدار وحدة
شكرا اختي مرحبا بك و ان شاء الله