معني يعلها في بيت العصيمي يكرر المطر وهذ كلمات قديمه يقال عل البل يعني اعيدها على الحوض حتى ترتوي بشكل جيد
عبد الله العصيمي شاعر مبدع وقادم بقوه
ماشاء الله عليهم وختارو لحن زين
ما شاء الله نقض وفتل على مستوى
عبدالله العصيمي مجنوووون
سبحان الله الحمد لله لا إله إلا الله الله اكبر لا حول ولا قوة إلا بالله العلي العظيم واستغفره وأتوب إليه عدد خلقه ورضا نفسه وزنة عرشه ومداد كلماته
كلهم شعراء مبدعين وكبار واقوياء بس ياليت العصيمي يغير في الالحان مع ان اللحن هذا كفو
والله ونعم يا ابو صياف 👍🏻
روعه
العصيمي شاعر قادم بقوه
واللي يقول كلام غير هذا يقشر بصل
محراف جميل ونقض وفتل شعار
رايك سايقته الحميّا والله يبيض وجهك عند آبن عمك وعبدالله الله يوفقه والمستقبل ما ندري عنه لكنه الان مهوب شاعر محاوره
الحقيقة كلهم كفو ومعناهم
ممتاز
سبحان الله وبحمده سبحان الله العظيم
المعنئ علئ عودة شاعر كبير والله اعلم
المعنى على شاعر كبير واضح
وغلفو المعنى تغليف عجيب مايفهمه الا واحد يعرف الساحه الشعريه صح
العصيمي داهيه والهاجري مجرم شعر وعفاكم
يالهاجري خيل خيالاً من القبله بروقه تلوح عساه رحمة لخلق الله و يعلاه
القبله مكة الخيال اللي بروقة تلوح عبدالله المطرفي عساه رحمة لجمهور الملعبه و يعل و يبهذل الشعار
اشوف عبدالله العصيمي يدافع عن المطرفي دفاع مستميت و الهاجري يدافع عن نفسه و عن الشعار
و الله أعلم
ماعليك كلام يالعصيمي الله يحفظك
لحن وشعر وصفوف الله على ذا الطاروق
كفو ابن وسام شاعر كبير
مع كل الاحترام والتقدير لعبدالله العصيمي اتمنى يتجه للشيلات أفضل له .
ابشر الحين بيتجه للشيلات دام اخونا ابو عبدالعزيز يبي كذا، الرجال عندي وشاف كلامك وحزن
علشان يروح الشيلات عطنا وش فهمت من هذي المحاوره ووش معناهم بعدين احكم عالشعار بالعكس معناهم قوي قوي والعصيمي شاعر من افضل عشرة فالساحة حالياً
والله إنك مع جنبها يا عبدالله
اللحن مضبوط جدا
الطاروق غيييييبييير👍👍👍
كفو عبدالله العصيمي
كفو ي ابو صياف
عزالله لعبو
👍
✍👏👏👏🏇🏇🏇🏇👍
داجين كلهم
الاندلس يقصدالعراق
والله صعب العصييمي
اعتقد سلطان ماكان في مستواه في هالطاروق خصوصا البداية .. مجرد تجميع كلام وحشو .. وعبدالله ابدع
ماش لا العصيمي ولا الهاجري
ابو صايف شاعر والهاجري مصيبه 👍🏻👍🏻
عطونا وصل العطياني والباقين على جنب
الولد العصيمي كرر كلمة الهاجري اكثر من مرة
جبالن يأمن الخايف تحت ظلها خطاء كبير من شاعر علم كيف تحت ظلها انا ادري ان قصدك في ظلها بس المفروض ماتقول تحت ظلها
الشيء المضحك ان فيه ناس من وراء الشاشة قاعدة تحلل وتبدل وتقيم الشعر والشعراء ، وهم ما ينشافون فالواقع !
والله انك صادق فيه واحد يقول العصيمي لو يروح لشيلات احسن له ... ولو تنشده على اي بحر لعبو قال لك البحر الاحمر 🤣🤣🤣
عبدالله العصيمي :
يا مرحبا بِ اِسمِ شيخ اَلادِ عاصم مِبعِدين الشّبوح
اَبا العلا فارسَ الفرّيسِ والامداحِ كفوٍ لّها
يا الهاجري خيّل اِخيالٍ مِن القبله بروقه تلوح
عساهِ رحمه لِخلق الله يغيث الارضِ ويعِلّها
سلطان الهاجري :
دامَ البقىَ عندِ شيخٍ سِمعِته صرحٍ مِن اَعلىَ الصّروح
اَلادِ عاصم جبالٍ يامَن الخايف تحَت ظِلّها
اَشوفِ بقعا تبسّم ميرِ مدري جِدّ وَالاّ مزوح
لكنّ تبغىَ الحقيقه مِن عَقدَها يقدَر يحلّها
عبدالله العصيمي :
انا مِن العامِ يا سلطان اِبن وسّامِ صدري يفوح
ما باقيَ اَلاّ السّيوف المِرهفات اَقومِ وَاسِلّها
الاندلس دارنا يا الهاجري مِن قبلِ عصرَ الفتوح
واليومِ في سيطرة عَمٍ طلَع ما هُو بعَمٍ لّها
سلطان الهاجري :
اَعرفكِ يا صاحبي عِندك طموحُ وعندِ غيرك طموح
مير اِخذِ بعض المراجل لا تِشِيلَ المَرجله كِلّها
البلبل اَصبح على الشّجره يغرد والحمامه تنوح
اِطيورِ تِشبه بعضها ميرِ تلقىَ الفرقِ في دَلّها
عبدالله العصيمي :
المَرجله حظّنا يا الهاجري والزّندِ يقدَح قدوح
يا مِلّ عينٍ تِحِبّ المَرجله فالوقتِ يا مِلّها
اِطوَيقِ ما زحزحِه لَفحَ الهبايب والقرَين النّطوح
رِح عَلّمَ اللّي مِن اَمسَ العصرِ تِرسِلْ لّك وتِرسِلْ لّها
سلطان الهاجري :
اِعرِض جروحك على اللّي بالعلاجِ يعالجون الجروح
ميرَ الجروح الخفيّه يا العصيمي وَيشِ نعمَل لّها
هذا بعيرٍ يَدِه تهبد وصَلْفُ وذا بعيرٍ رُموح
تبىَ الحقيقه ترىَ عِزّ النّفوسَ اَخيرِ مِن ذِلّها
عبدالله العصيمي :
انا ترىَ رَجلِ واضح واعرف اللّي ما يحِبّ الوضوح
اللّي يراقب نجومٍ في سِماها كيفِ ياصَل لّها
وِش لونِ تجحَد جمايلنا عليكم يا الحِصانَ الجمُوح
اَثركِ مِن عالمٍ يا ابو محمّد زايدٍ غِلّها
سلطان الهاجري :
يا كِثرِ ما تضربَ المِسمارِ بالشّاكوشِ في جَنب لَوح
والقدسِ جاها اليهودي يفتلَ الاشناب وِاِحتلّها
وِش لونِ راحت سفينة نوح فوق البحر يا قومِ نوح
اِخذَ العلومَ الحقيقه كانِ عندك قلب صاحٍ اِلّها
العصيمي أحد كاذب عليه وهو صغير ، وصدقه ، وضاع .
المعنى قاسم سليماني
الهاجري لو يقتصر على النظم أفضل له .. والله فالمحاوره مهو قد كذا.. يركب قيفان بس.. أما عبدالله العصيمي لو يكمل دراسته أفضل له ..
والله لانقض ولا فتل
طاروق حشو الكلام بعينه
مستوى الهاجري في تدني👎🏻👎🏻
(حبيب . وصل . عبدالله الميزاني . سفر .القرقاح . حمود السمي) هذولا العمالقه والا بلا
ماهو تقييم (وجهة نظر)
عبدالله العصيمي شاعر وصوت فذ والنعم في جميع الشعراء