35-umumiy òrta ta'lim maktabida kitob yarmarkasi tashkil etildi

Kitob - umr yo'llarini yorituvchi so‘nmas nur, inson hayotiga mazmun baxsh etuvchi saodat manbai, unga har qanday vaziyatda ham hamroh bo'luvchi sodiq do'stdir.
Insonning ma’naviy kamolotini yuksaltirishda kitob singari kuchli qudratga ega vosita yo‘q. Shu bois azal-azaldan ma’rifat peshvolari, ahli donishlar butun insoniyatni kitob o‘qishga, undan ilmu odob sirlarini o‘rganishga chorlab kelishgan.
Shu bois ham bugungi kunda umumta'lim maktablarida kitobxonlik madaniyatini rivojlantirish, o'quvchilarning o‘z ustida ishlashi uchun zarur sharoit yaratishga alohida e’tibor qaratilmoqda. Qashqadaryo viloyati, Qarshi shahrida tashkil etilgan "AKOBIRXON 0611" xususiy korxonasi bugun viloyatimiz bo'ylab kitob yarmarkalarini tashkil etmoqda.
Xususan,Ishtixon tumani 35-umumiy o‘rta ta'lim maktabida kitob yarmarkasi tashkil qilindi. Unda o'quvchilarning ota-onalari ham taklif etildi. Ota-onalar nafaqat farzandlari uchun balki maktab kutubxonasi uchun ham bir-biridan qiziqarli kitoblarni xarid qilishdi.
Bugungi kunda Samarqand viloyatining barcha tumanlarida xususan, maktablarda yarmarkalar tashkil etyapmiz. Bunda yarmarkaga o'quvchilarning ota- onalari taklif etiladi, farzandlariga sevimli hamda qiziqarli kitoblardan olib berishadi. Bundan tashqari, ko'ngilli ota-onalar farzandi ta'lim olayotgan maktab kutubxonasi uchun ham kitoblar taqdim etishmoqda, - deydi ushbu korxona ish yurituvchisi Bobur BAHROMOV.
Kitob yarmarkalari navbati bilan tumanimizning boshqa maktablarida ham tashkil etilmoqda.