Anson Lo 盧瀚霆 -《偷情》MV
Вставка
- Опубліковано 19 січ 2023
- 《REMEMBERING Leslie》聯乘一眾樂壇新血向哥哥張國榮致意，首發作品由人氣男團 MIRROR 成員 Anson Lo 盧瀚霆重新演繹經典金曲《偷情》。
Anson Lo 表示在選歌過程中聽到《偷情》時腦海已充滿畫面，更親填Rap詞為歌曲注入新元素，帶大家從全新角度欣賞歌曲。
立即到各大數碼平台收聽《偷情》：
umhk.lnk.to/AnAffairID
曲 : C. Y. Kong
詞 : 林夕
Rap 詞 : Anson Lo 盧瀚霆
編 : 徐浩 / 黃兆銘
監 : 徐浩
比引火更吸引 摩擦一剎火花比星光迷人
比得到了的都著緊 比暗戀更黑暗
比掛心睡不安枕 但上癮
等不可預計的餘音
如果可以磊落 誰情願閃躲
如果可以快樂 誰情願忘掉心魔
或者 偷歡算不上偷情
亦比 寂寞人值得高興
難共處 仍有權去憧憬
信不過感情 從未謀面才像愛情
或者 偷心要先去偷情
為了 擔一個愉快罪名
能瀏覽遍好風景才去認命
才不再須要突發事情
如果可以磊落 誰情願閃躲
如果可以快樂 誰願意關起了心魔
或者 偷歡算不上偷情
亦比 寂寞人值得高興
難共處 仍有權去憧憬
信不過感情 從未謀面才像愛情
或者 偷心要先去偷情
為了 擔一個愉快罪名
能瀏覽遍好風景才去認命
才不再須要突發事情
One, one shot and we gotta roll
Two, too hot we can’t lay it low
Three, flee away no control
Four, wrap it up get set go
I been known to get what I want
You are the one I want
Feels wrong but it’s so right
Now come over here let me tame for the night
偷歡算不上偷情
亦比 寂寞人值得高興
難共處 仍有權去憧憬
信不過感情 從未謀面才像愛情
或者 偷心要先去偷情
為了 擔一個愉快罪名
能瀏覽遍好風景才去認命
才不再須要突發事情
或者 偷歡算不上偷情
或者 偷心要先去偷情
為了 擔一個愉快罪名
能瀏覽遍好風景才去認命
才不再須要突發事情
或者 偷歡算不上偷情
#REMEMBERINGLESLIE #偷情 #盧瀚霆 #AnsonLo
#REMEMBRANCELESLIE #張國榮 #LeslieCheung
唔作比較 當一首新歌聽 唔覺得有問題
哥哥生前尤其是初出道時期受盡斯凌與攻擊、被罵得狗血淋頭叫他不要再唱歌返去讀多啲書。又因為他在「熱情演唱會」的打破性別認同的前衞作風惹來當時港媒的負評與嘲諷。如果是真心欣賞愛錫哥哥的歌迷絕對不會洗版式留下當年攻擊哥哥同出一轍的惡毒留言去攻擊一位新生代歌手。
哥哥唱呢首歌時已經是一個出道20年的歌手，將一個出道廿年歌手的表現跟一個出道只有四年的新生代歌手比較就有如將一個大學生跟小學生比較一樣咁吾合理。
而無獨有偶哥哥初出道時亦曾被鬧吾識唱歌遭人嘲笑叫佢「收檔」，而他亦曾直認「嗰陣時可以講真係亂咁唱，唔識咩叫唱歌」，Anson亦一樣大方承認他唱歌有好多進步空間，他從來都無ignore他的缺點而出道以來他亦一直有學唱歌，亦見他每次的一點進步。如果網民真的想比較我想再等16年後Anson 再次演繹這首歌時再比較吧。
初出道遭人嘲笑叫「收檔」|《今夜不設防S2》張國榮
ua-cam.com/video/swpQyx2PSOU/v-deo.html
well said. 非常認同。如果在一間公司，就好似揾CEO 同 個幾年經驗的manager 比，然而 conclude 個 manager 廢，真心公平嗎？大家要再比較吧！ AL 講咗哥哥是不可模仿。其實每一個人(even 一個普通人)都是 unique 和可被替代。
其實都好明顯係姜粉又去攻擊人,睇完連登就知道,其實追星追到咁極端都好有問題,相信Anson lo有排煩
哥哥既歷史我清楚過你，佢當年比人噓比人踩既年代同而家呢條al情況完全不一樣，你偶像al又攞獎又拍廣告，風光成咁，咁都攞出來同當年哥哥被踩既苦日子來比？你無野係嘛？
@@esotapp6098 哥哥「熱情演唱會」果時已經好紅，之前吾係已經攞過好多獎，退休後又覆出，啲人果時點鬧哥哥吾係吾記得呀？你有冇睇過上面個訪問㗎，佢攞金曲金奬時一樣比人鬧，佢果時已經紅左。你係咪真係哥哥fans🤔
@@MikTes111 你係度混淆視聽呀，人地講緊初出道比人踩，呢一點，作為新人係應該要比機會新人去改進，哥哥經歷過唔少才到後來既進步改善，你偶像al一出來已經比人捧到上天啦，什麼宇宙天團，你值咩，醜唔醜呀
Kkbox 2023年嘅本地累積榜冠軍歌😍 2024年還在聽🙋🏻♀️
我都係！每日都聽！
2023還在聽～教主加油,神徒們會支持你～
聽了幾天，我才進一步留言。已經50幾歲自小聽哥哥長大，但抱歉和坦白的說，如果不是Anson Lo 翻唱，我根本不知到有偷情這一首歌，對哥哥的印象停留在Monica80年代，所以聽這歌時對我而言是像一首新歌一樣，無任何先入為主。我個人覺得Anson 唱得很好聽，有一種曖昧和Sexy，很有他個人風格，聲音很unique，非常有辨識度，而且喜歡他那種有一點壞壞，又不敢太壞的感覺，就是一種說不清的曖昧。畢竟這是說偷情，本就不能太正經。聽到最後結尾哪個情字，令我起雞皮疙瘩了，完全是想偷又不敢偷，明知錯但無法自拔，歌是能觸動人心才成功，這個演繹做到了。RAP一般出現在快歌，這裏的創作卻出奇的揉合在一起，也是一個很好的嘗試。哥哥的版本也找來聽了，完全不同的版本，畢竟哥哥演繹時已是有閱歷的中年人，自帶滄桑感，哥哥的版本更像偷情的第一身，ANSON像偷看人家偷情的第三者，我覺得兩個都是有趣而不同的演繹，也都是成功的演繹。唱歌像演戲一樣，同一個角色也可以有不同而成功的表演，世界足夠大去容納，除非閉塞的是看或聽的腦袋。
跟你一樣, 如果唔系Anson Lo 唱的話我都無留言哥哥有呢首歌 ! 我覺得Anson在 MV內是酷酷地講緊別人偷情, 佢靜系坐系度擺Pose 就已經好Sexy ! 呢個就系佢的Charm ! 好想快D睇到佢系舞台上點樣表演呢首歌 ! 佢跳慢舞好鬼死好睇, 但佢一直無系舞台上跳過 !
@@bl2237 佢同 Serrini 唱呢首都好 sexy 呀！我第一次睇佢唱，就覺得好正。
@@bl2237 也想看在舞台上會怎麼演繹，畢竟加上舞蹈視覺上會更強化想表達的思緒和感情
@@katimwong2623 我諗緊佢會扮演第3者/出軌者定系旁觀者的舞蹈去跳呢 !! 好祈待 !
@@bl2237 也希望教主在舞台上表演不同的舞種，這首歌更適合現代舞，想看教主在舞台劈腿😁
老實說，Anson Lo強項不是歌唱，要他跟哥哥這位天皇巨星比，是有點不切實際
但若果跟以往的Anson Lo比，他的確處理得不錯
加油
教主成功將哥哥的歌傳承下去，令人再次留意此歌🎉🎉
我很少聽Anson Lo啲歌，但我覺得佢能夠駕馭呢首歌，坦白講好多歌手都handle唔到哥哥啲歌果種味道！
睇完演唱會再睇反MV， 教主真係稱得上舞台皇者。
撈撈你真係好迷人！😚😚😚
演唱會之後再睇個MV，就是兩個不同的感覺。
自從the stage 後更愛呢首歌
Anson Lo 的偷情版本也很好聽,是另一種感覺👍
他给予這首歌第二個生命
撈豬好迷人😍
每日都忍唔住返黎聽，對盧瀚霆的《偷情》上了癮😆❤
偷情真係比教主造得好出色，其實張國榮好多歌好多人翻唱，但Anson lo將偷情成了演唱會主打，真正將張國榮作品重視和發揚光大，係舞台的實力派呀
#ansonlo #偷情
唱的溫柔深情細膩充滿感人的氛圍，而且順耳舒服 讓人心情放鬆， 好歌一定要按個讚 ❤❤❤..
我是哥迷、好喜歡呢首歌、教主都唱得唔錯👍🏻加油💪🏻💪🏻💪🏻
真係好鍾意呢個版本🫶🏻
慢歌 都唱得好有feel !
教主唱哥哥啲歌，十分好聽😊。
當知道撈撈被邀請翻唱張國榮嘅偷情時，真係覺得好開心好榮幸。之前未聽過呢首歌，所以我去搵返原唱聽，一直係度諗撈撈會點樣翻唱呢首歌，同埋點樣可以係呢首歌入面加入 rap 詞。
第一次聽完撈撈翻唱嘅版本，就已經好amazed, 因為撈撈唱得好有感情又誘惑， 把聲好磁性又好sexy，好表達到個種慾望。 個 rap詞加入去首歌入面完全唔覺得突兀，反而係好夾首歌，過渡得好順，令到首歌變得好有時代感，感覺有撈撈個人特色之餘又可以保留到原唱嘅神髓同味道。Rap詞入面嘅頭四句，就好似偷情嘅經過咁，令人越陷越深到無法自拔，feels wrong but it's so right 正正就係帶出左偷情個種明知係錯但又難以自控嘅感覺，短短嘅rap詞令成首歌嘅畫面出晒黎。
撈撈係成個MV嘅眼神真係好令人有種唔敢望去嘅感覺，好sensual, 掉低火柴個下個樣壞壞咁，好 seductive, 今次MV用火帶出，好表達到個種感覺，火個種熾熱，但火柴好快有熄滅，比喻到偷情個種一剎那嘅火花但可以只係好短暫嘅感覺，我初頭仲諗緊撈撈會係MV嘅男主角，準備好要飲醋，但原來今次撈撈只係坐係度唱，雖然係咁，但成個MV嘅背景燈光，dancers嘅肢體語言同撈撈嘅眼神已經帶出晒個種偷情嘅感覺。
今次撈撈真係又進步左好多，我相信如果撈撈可以上台唱呢首歌，應該會好正。好欣賞撈撈個種勇敢，跳出comfort zone 同越戰越勇無畏無懼嘅工作態度，期待撈撈之後都可以有更多唔同嘅新嘗試，相信撈撈嘅可能性真係可以好大 ❤️❤️
最鍾意聽瀚霆
唱偷情🫶🏻🫶🏻🫶🏻
AL好靚仔又Sexy❤️
Rap個part有加到分！
其實Anson Lo翻唱這首《偷情》可以唱出那種韻味係好正，加入的RAP詞亦能配合意境，我覺得很好很好聽👍🏻👍🏻❤❤
睇完The Stage偷情, 更愛偷情❤❤
本身唔認識Leslie偷情呢首歌，因為Anson Lo翻唱先認識，聽完再去聽返Leslie嘅版本。覺得Anson Lo唱得都好有自己嘅味道，嗰段rap詞好配合首歌嘅主題，加咗段rap令首歌更有而家嘅味道。Anson Lo把聲好soft都好啱唱呢類型嘅歌，期待可以做一首呢type嘅歌展示到跳唱之外嘅另一面。
Nice arrangement. AL carries his own style I think it’s a good cover to pay respect. Needless and pointless to compare, Leslie is a forever incomparable legend.
LoLo曾表示選歌過程中，聽到《偷情》時腦海已充滿畫面，因此選了這首。睇concert前，我就諗佢會否演繹呢首歌，會否將佢腦海中畫面在舞台上呈現出來給觀衆欣賞，結果LoLo真係有選唱呢首歌，而且有KOL評論認為佢成功delivered到佢自己唱(演繹)嘅《偷情》版本於舞台上。
的確，Anson演唱會偷情嘅演出好出色，令呢首歌除咗rap之外，更具個人特色。
好有feel❤
咁多首致敬歌，偷情我覺得唱得最好聽，本來完全吾知有依首歌，係教主帶我認識哥哥有偷情依首咁正嘅歌
講真我自己都非常喜歡Leslie，佢亦都係我當年偶像....但我覺得Anson Lo唱依首歌出發點都係為前輩致敬，同埋唱得一啲都唔差，亦有自己嘅個人風格。而我都好欣賞這個90後嘅年輕人，佢為咗追夢而參加比賽繼而進入娛樂圈，以我了解嘅佢，係一個非常勤力同對朋友甚至家人都好有愛嘅男仔嚟。希望大家都可以從欣賞或鼓勵嘅角度，去俾一班年青歌手多些機會，大家少啲抨擊，多啲包容，樂壇先可以蓬勃起來，亦唔會好似前幾年一樣，來來去去都係嗰一，兩個歌手攞獎或出嚟表演。希望所有年輕人都繼續努力，加油！💪💪
多謝哥哥fans😘
多謝鼓勵，好感動，感覺哥哥歌迷，幫哥哥新火相傳
多謝
聽了無數次，AL👍🏼
教主#ansonlo #盧瀚霆 唱偷情，同哥哥演繹唔同, 有另一番味道, 都好好聽
自問是哥哥super fan，竟然無留意呢首歌，可能當時年紀小，不太明首歌的內容，單憑睇MV又好似有點大膽，所以一直都只聽和睇哥哥其他的金曲及MV！直至最近兩星期聽到Anson cover哥哥呢首歌，發覺原來好好聽！不斷loop兩個版本，最後結果--兩個版本都好愛，哥哥係成熟、大胆的去偷，唱功唔駛講，超級好聽！而Anson係表現到內心熱情，暗暗地偷，特別喜愛他和音的一part，Ah…、Yeah…、Oh…等，表現得很sexy，rap亦寫得很到位，幾句已能將整首歌內容的感覺表示出來，配合得宜！以他的年紀，真的表現得很好，有另一番韻味！還要讃編曲，新的arrangement 好有現代感，MV很唯美，舞蹈員的表情和動作很優美！加油！繼續努力！💪🏼
多謝哥哥fans😘
Thank you so much ❤
多謝你
我覺得好有現代感 唔會話跟足舊版 有自己既元素 但又唔會改左原曲 AL唱得好聽 有自己風格 GD!
睇過The Stage個偷情之後，對呢首歌更有畫面
每日一聽《偷情》，一樣覺得咁好聽
教主加入自已填既RAP 詞, 好有自已Style , 非常正~
就嚟3M,過嚟再睇MV。
AL唔跳舞都一樣吸引
希望在教主的演唱會有機會睇到這版本《偷情》😍😍
#Ansonlo #盧瀚霆
聽咗一年，加埋演唱會騷而不姣的演譯，每星期總會想揀來聽聽😊
個人幾鐘意呢個編曲，AL中低音個音色係唔錯
絕對係誠意之作，係對前輩嘅致敬🫡
MV推出剛好一年零一個月，已過了6.5百萬點擊率，恭喜！不時見到外地某些點播網站或是買歌榜，這首歌還仍然在榜首或頭兩名位置，可見這首歌非常受到樂迷歡迎！🎉👏💗
係ANSON LO THE STAGE演唱會睇到教主唱這首偷情加上迷人既舞蹈更加吸引🥰🥰🥰超級喜歡ANSON
教主唱呢個年輕版的‘’偷情‘‘ 好好聽, 我好鍾意❤❤❤
本身見AL翻唱真係好戥佢驚, 始終哥哥真係好難追得過, 不過聽完覺得都唔差, 仲覺得原來呢個曲風都幾啱佢~
同哥哥嘅風格好唔同，唱出另一種感覺，音樂本來就可以有無限變化。開心見到呢啲新鮮感！
AnsonLo 唱得不知幾好聽，超愛❤
一句講完:型，好聽
希望遲啲可以再唱多首❤
哥哥《這些年來》都係用溫柔的聲音去演繹
好適合撈撈的聲線去唱
每日都來聽一次，好吸引！
看完 The stage ，更喜歡這首歌。
撈撈係舞台演繹將偷情推向更高層次.著了魔搵片睇
其實滿好聽的阿~
就是翻唱 詮釋出現在流行音樂的感覺~
唱出了沉重的感覺，謝謝支持❤ 其實，有無Mr.Stranger要另一半一直偷情，擔起那個罪名？lmao~🙏🏽
不經不覺張國榮逝世20年當然哥哥嘅地位是無可取代永遠在榮迷心中❤希望不用作比較和批評誰誰誰！所有後輩或任何歌手向哥哥或任何有地位嘅前輩歌手作品重新演繹，需要多大嘅勇氣和更加要尊重前輩歌手呢。
但今次記念作品亦真要感謝環球邀請和推動新世代一衆年青歌手去演繹哥哥的作品，估唔到由盧瀚霆重新演唱《偷情》又有另一意想不到嘅驚喜和魅力,個人又幾喜歡段RAP 配合得又幾好聽亦幾有意思, 所以更加欣賞呢位新世代偶像盧瀚𩃀嘅勇氣和努力。
非常喜歡教主翻唱《偷情》既版本❤❤
我个人很喜欢这个版本👍🏻
很多歌手翻唱別人佳作，只懂得東施效顰，演繹大多平平無奇，無法與前人可比，個人覺得不如不唱。哥哥的前作《偷情》雖然當年不是大熱作品，但對很多樂迷也是耳熟能詳，我細心聽了三次近期最新的Anson Lo的致敬翻唱版本，發覺他演繹出另一個不同味道的版本，令人驚喜，以一位出道時日尚短的後輩來說，真是難得！後輩的重新演繹能夠令到歌曲的生命得以延續，相信哥哥在天之靈也會感到安慰！Anson Lo，加油吧！
對喜歡做的事全心全力去做, 教主就是這樣的人, 佢在選擇哥哥那一首歌時, 就是聽曬所有的歌, 從中找出他最愛的一首, 想著如何表演首歌, 就加上他填的英文rap的部份, 令歌曲多了一份現代感, 他把偷情的畫面寫入Rap詞中 ! 無論別人喜歡與否, 他就是把他喜歡的造出來, 任人評價 ! 💪
Agreed. Anson 真係繹出另一種味道. 好欣賞佢保留自己的style. 而不是為翻唱而翻唱. 越聽越鍾意!
同“追”一樣，純粹致敬@：
Totally agree ❤
作為哥迷，我覺得Anson Lo演繹得幾好，咬字清晰，幾到位。多謝
有另一番韻味, 好好聽 , rap亦寫得好配合 ,有加强首歌的意境 , 加油!
希望可以喺solo concert聽到呢首歌💜
我斗膽代表好多榮迷講，你的表現充分有自已的個人風格，而沒有破壞首歌原本的意思。新舊融合，各有好處。我相信天上的哥哥都是認同這一點。加油!
多謝哥哥fans仗義執言😘
多謝你🙏❤️
Thank you! 好感動！❤
神徒非常感謝你！
感激，仗義，講實話💪，果然有咩偶像有咩Fans，哥哥果然值得尊重🙏
作為一個後榮迷和神徒，好開心及感謝環球唱片邀請教主參與演繹向哥哥致敬❤
見到我男神唱我另一男神嘅歌，真心驚喜到下巴跌左落地2日都仲未合得埋個口😂
撈撈唱出到Sexy同溫柔並存嘅感覺，個人覺得呢首歌選得好啱👍🏻 唱腔有明顯唔同，覺得同呢首歌莫名地好夾
撈平時嘅歌種無呢類型，其實撈好合適呢種陰柔性感神秘類嘅歌，舞台演出上一定會令人尖叫失聲😍已經可預見要袋定幾包血先好入場睇呢首歌嘅Live🫠
而呢首歌係我其中一首好鐘意嘅哥哥嘅歌之一，當知道撈選左呢首，有一刻覺得同撈隔空Sync左😂
兩代男神唱出唔同嘅感覺，畢竟大家經歷、歷練、閱歷、年紀及年代唔同
哥哥生前係一位非常之照顧及喜歡提攜後輩嘅前輩，我相信佢在天之靈會非常之樂意同開心自己嘅歌得到傳承及延續去推廣俾更多年輕嘅觀眾
希望藉住撈撈今次嘅演繹可以令一眾00後嘅樂迷對哥哥嘅歌更了解及興趣
好開心撈撈你得到呢個機會🙏🏻👍🏻繼續加落呀撈撈
我屋苑已有人在家中karaoke, 唱紧偷情🫦。開心，呢個special project 可達到承傳的效果
Respect Leslie!😊
Respect Lo Lo!😊
佢真係唱得好好聽❤
Anson lo 其實唱情歌幾好聽,我覺得佢有陳百強和張國榮的影子,今次翻唱偷情,令我喚起昔日張國榮或陳百強年代的點滴,心中有一種感慨,或許人真的老了
真係太好聽，AL聲音好sexy🫠🫠🫠❤️
好鐘意呢首歌，好有feel
唔錯。哥哥迷給你認證👍，你把這首歌唱的很好還創新👍
多謝哥哥fans😘
多謝環球的邀請，教主用心演繹，希望哥哥嘅歌一直承傳🫶
LoLo version of this song has his own styles and I love it too
因為Anson lo cover我先重新認識呢首歌，加上Anson親填嘅rap詞令首歌增加左時代感同Anson獨有嘅味道，我覺得好好聽好中意
期待教主solo concert 有《偷情》😍😍🥰
覺得Anson Lo唱偷情都有自己的味道同feel, 加左rap覺得幾好, 都夾到落中間首歌的flow入面
幾有新鮮感, 同原唱唔同, 係另一種感覺
有水準嘅作品🎉🎉🎉
真係好好聽，希望Anson Lo可以自己出－首呢類歌就好了，勁期待🙏❤️
Anson Lo, 你好勇敢呀！選擇翻唱哥哥的，你也許會預計到，會被別人比較和惡意批評，但你也勇敢接受挑戰，並盡力做好，越來越欣賞你。 Proud of you!
Proud of him♥️
Anson, 我係Leslie既超級fan。
多謝你對Leslie表示敬意！
Thank you!
Thank you!💖
多謝真Leslie's Fan 對教主的鼓勵 !
多謝😘
多謝你🙏❤️
very good song
MV好聽又好睇。撈撈我好鍾意你演譯偷情的方式。為向哥哥致敬，請一定要唱一次live！好想聽live，一定好迷人。順便迷暈神徒😚。
冇神徒讚到呢首歌飛天，只係覺得佢唱到自己個人特色已經唔錯，事實上佢表演唔差，但偏偏有大量haters/黑粉人身兼人格攻擊，根本唔係有心討論歌曲本身，最過分係借哥哥名義代佢講說話，識唔識咩叫尊重啊！
我懷疑係扮哥哥fans係食粉絲個位譚伯嘅粉絲
不過坦白講，宣傳太勁，期望太高，真係害左 Anson Lo…
平心而論……首歌太難處理，AL唱唔返嗰種層次 妖艷，感覺就降格左 令人失望……
只能說哥哥開左個 Benchmarks 太高，然後又有張敬軒咁勁嘅歌手喺 live復刻過……就如有啲人講，都唔知唱片公司係點諗，咁真係只係有比較 有傷害😅
@@henryckt1304 其實even連軒公唱功咁了得都唱唔到哥哥嗰種由骨子裏嘅妖艷，更何況只係出道幾年唱功仲要再努力嘅盧瀚霆呢，致敬并唔係用嚟比較嘅，唱片公司擺明係知佢可以引起咁大noise先放佢係頭炮，用意係點明眼人都睇得出😑
@@henryckt1304 軒公係唱功了得，但唱到完全無性感嘅feel，佢太著重技巧變得無晒感情，係關淑怡係度先提升左首歌。同埋而家鏡仔嘅人氣一舉一動都成為話題，根本就無乜所謂勁宣傳。所以先搵佢做頭炮，環球連宣傳費都省埋🙈
喜歡這個新版本。
重新編排嘅音樂加親自填詞嘅RAP帶來時代感，也是傳承 嘅意義，如果毫無新意跟返原本唱，我就聽返哥哥版本啦。
時代不同，亦無必要同前一代嘅人比較，今天AL有自己嘅魅力和性感，演繹這首歌恰到好處👍👍👍❤
翻唱哥哥這樣永恆神級巨星的作品從來都是又艱難又吃力不討好的事，但由衷欣賞盧瀚霆的勇氣接受挑戰。憑著他的2000%的努力再加團隊的協助，今次絕對無失禮哥哥！加咗盧瀚霆式的 rap，這首 《偷情》有著陣陣新鮮感，同時亦好性感，好 flirty🫦。
作為哥哥的粉，真心覺得盧瀚霆.徐浩.黃兆銘版本很可以。相信如果哥哥仍在，亦會喜歡，也會支持這位年輕歌手！
已經過咗20年，哥哥的歌仍然是這麼前衛，一點也沒有過時。這就是神級！也如盧瀚霆所說，哥哥是無人可以代替的。也多謝盧瀚霆的用心演繹，讓更多人認識到哥哥的歌。你好爭氣呀！Proud of you❤。
絕對認同.講得太好.很感動😁🥰🥳
Thanks for the whole team, especially the Producer 徐浩。徐浩今次將撈撈的潛在特質發揮出來，讚
@@PC-cr4gs Agree! Wish so much he can change his music producer who will pick him the suitable songs and guide him professionally.
很喜歡Anson Lo 版本的「偷情」。
5M gogogo 14/02約定教主偷情🤣
年青版偷情❤
哥哥既歌越聽越有味道，Anson Lo翻唱也有自己特色，可以讓更多新一代認識哥哥既歌，其實很有意思。
Anson is cool👍👍👍👏👏👏好好聽❤❤❤有feel! Rap亦出色有風格😎😎😎
LESLIE CHEUNG💓
ANSON LO💓
朋友老公係Leslie 嘅fans, 佢都話AnsonLo唱出咗另一個感覺，唱得幾好聽❤
On this anniversary of Leslie's passing, I listened to this song again and Leslie's original, both are touching my heart in their own ways. Thank you Anson Lo for making the public aware of this lesser known classic of Leslie.
This is one of Leslie's song which is not well known in 90's. Anson let me recall 90's song. Thanks
好迷人啊，教主！❤
教主說出得作品就歡迎大家黎評論 😊 喜歡與批評都會接受
I didn’t do any comparisons btw AL and Leslie. Both had different styles as treated this as new song of AL. Better than I imagined, and i got a lot images while listening to it!❤❤
佢唱得唔錯好有突破，保留原唱又有個人風格，聽到佢最近唱歌咬字下左苦功💪🏻
The Stage演唱會既偷情實在好精彩，編舞video wall都好睇， Anson Lo和dancers都跳得好好。
Romantic voice, good song
90後的我未聽過哥哥版本
今次翻唱就一次過聽兩首
兩首都正！❤
代我爸爸留言，佢老人家睇完MV話呢個後生仔幾靚仔，唱得都幾好。最後仲講，以前張國榮都真係好靚仔☺️好似有好多回憶咁。
呢個Cover令後生一輩認識咗哥哥嘅歌，年長一輩亦都可以回味往事♥️ 我老爸認得到Anson Lo🥰我好開心呢！恭喜3M views🎊
❤
係呀，以前張國榮真係好靚仔㗎，真係會有好多回憶。