Yahudiylar G‘arbiy Sohildagi qishloqqa hujum qildi

G'arbiy Sohilning Isroil ishg'oli ostidagi qismiga o'rnashib olgan qariyb 100 nafar qurollangan yahudiy 15-avgust oqshomida Jit qishlog'iga bostirib kirgan. Xonadonlar va avtomashinalarga o't qo'ygan. Bir falastinlikni otib o'ldirgan. Yana bir falastinlik ko'kragidan yaralanib, og'ir ahvolda shifoxonaga yetkazilgan.
Isroil bosh vaziri Benyamin Netanyahu kamdan-kam eshitiladigan tanqidlari bilan hujumni qoralab, ushbu ish yuzasidan tergov jarayonlari boshlanganini ma'lum qildi.
Ayni damda G'azo sektorida urush qurbonlari soni 40 ming kishidan oshgan. G'arbiy Sohilda 7-oktabrdan beri Isroil reydlari va yahudiy aholi hujumlarida kamida 633 nafar falastinlik halok bo'lgan.