مسا الخير ع الجميع والف شكر لراعي المقطع وحبيت اشاركم النقاش بحكم اني من الناس اللي دوامهم يومي رايح 100 وراد 100 كليلو يعني يومي 200 كيلو وللناس اللي يفضل هذا عن هذا. اصلاً حرام حرام احد يقارن البانزين في الديزل الديزل يتفوق ع البانزين بكثير اشياء منها طول عمر المكينه والحراره والمكيف. البانزين فقط في الاحصنه والتسارع وصوت المكينه اما الديزل في التورك والتوفير وقطع مسافات اطول وقليل اعطال انا اكلمكم من واقع تجربه فيه دوامي مايقارب 8 سنوات اما اللي مشاويره قليله وداخل الديره ماتفرق معه كثير لو اخذ ديزل او بانزين. وتحياتي لكم
هذا الكلام الديزل هو اساس المحركات المكنيكيه وافضل من البنزين مليون مره بس يبيله محافظه على الزيت والفلاتر وطريقة استخدام معينه ويتم تعبئة ديزل غير مغشوش وخلاص مكينتك طول العمر سواء سياره ولا غيره من المكاين
حتى لو الميزانية ضعيفة ومعك ديزل إفرض إحتاجت صيانة وقطع غيار ومعروف إنها غالية لازم هالسيارة تجيب لك فلوس تستثمرها تشغلها في أوبر وكريم وغيره السيارة إللي ما تجيب لك فلوس عدمها أحسن هذا إذا كانت الميزانية ضعيفة علشان الواحد يشوف يغطي مصاريفه ومصروف تعبئة الديزل وكمان صيانات الديزل أهم شي لأنها كل 5000 كيلو والاهتمام بالفلاتر تهتم فيه يجملك وما يخيبك ويكون اعتمادي جدا تهمله يغثك بصيانته الغالية وخراباته ودخنته مع الشكمان
@@ططربب ترى الديزل اعطاله قليله اذا كان فيها اعطال بس تغير الاشياء الاستهلاكية وان شاء الله ما يجيه اعطال اسيوزو تظمن تلك مكائنها ما تخبط مليون كيلو اذا محافظ على الزيت والسيفون وفلتر الديزل وفلتر الهواء
فيه نقطه مهم عن تجربه مميزات الديزل اذا سار حادث او تسرب خزان لا قدر الله او ظرب التناكي من تحت عادي نادر جدآ يشتعل اما البنزين لو حادث او تسرب البنزين ياسلام سلم تولع وتحترق السياره لا قدر الله يعني الديزل امان باذن الله سيفتي وشكرآ
الدييزل ب الوقت الحالي المعروف انها اتنافس البانزين ب العزم و القوه برادو ٢٠٢٠ ديزل قوته لا اله الا الله مااشاء الله تبارك الرحمن و فوق هذا ما يصرف و تسارعه حيل سريع ١١ ثانيه من صفر ل ١٠٠ و الي يسئل كم سرندل هو ٤ سرندل لكن ٣٠٠٠ سي سي قوه المحرك
@@سبحانالله-ث5ي مقارنة السعودية بغيرها من دول الخليج من ناحية أن سعر الديزل أغلى من البنزين لا يمكن تطبيقها لسبب مهم جدا و هو اختلاف المساحة و المسافات بين المدن فتكلفة نقل البضاعة تعتمد على المسافة التي تقطعها الشاحنات و المعروف شساعة مساحة المملكة العربية السعودية.
نصيحة من محب لاتشري جيب بنزين والله تندم الفرق بصوت الديزل فقط ماعليك منهم الديزل اتجاه اغلب الناس له اقتصاد بلامنازع وراحة وتوفير تفلله ب50 ريال ويمشيك داخل المدينة اسبوعين يوميا مشاوير هذا أفضل أو تفلل البنزين ب250 ولايمشيك اسبوع بالعقل أحسبها بعدين قطع غيار الديزل رخيصة لحد يكذب عليك وبعدين تطول مهي استهلاكية زي البنزين سريع الاعطال والطلبات نصيحة لاتقرب البنزين وسلامتك
بيض الله وجهك اقتنعت ان البنزين افضل بمليون مره ومن الان قررت اكنسل الديزل لشئ بسيط ان ديزل مبالغ في سعرها والبنزين يزيد شي بسيط ولا يحتاج صيانه اكثر مثل الديزل
بلعكس صيانت البنزين مثل الديزل ول ديزل يكون اقوى إذا تبرمج بسبب إن الديزل يطلع دخان اسود وهاذا مضر للبيئة وعشان كذا الشركات تنقص في القوه وما يصير يطلع دخنه وينجح في إختبارات وتنباع السياره وإذا تبرمج يصير يطلع دخنه إذا دعست اخر الدعسه لاكن بشكل خفيف جدا، والله يوفقك ❤️
وانا كان معاي جمس يوكن زمان مديل ٢٠٠٨ وكان معاي برادو ٢٠٠٩ واشتريت لاندكروزر ديزل ٢٠١٧ ما اقول غير ما شاء الله تبارك الله على العزم وإنت تتكلم عن ٦٨٠ العزم شي مو طبيعي وبعد ثلاث سنوات من الديزل الأن انا ماشي فيه ١٠٠ الف تقريباً و ٢٠٢٠ اشتريت شاص ديزل غمارتين ما اشتريته إلى ونا عارف انه موتر ممتاز وأسف ازعجتك 🖤
السلام عليكم ورحمة الله وبركاته اخوكم من الجنوب الجزائري نحن في الجزائر سيارات بمحرك ديزل هي الأفضل و الأقوى و الامتن و الأغلى ثمنا و الناس الذين لهم مستوى مالي ممتاز لا يشترون إلا سيارات تيربو ديزيل ليس بسب رخص وقود الديزل بل بسب انها اكثر عملية و قليلة الأعطال و عند شراء سيارة ديزل ينصح ان تكون جديدة او غير مستعملة كثيراً و هناك شرط يجب على مالك سيارة ديزل ان يقوم بصيانة دورية للمحرك لان الإهمال يضر المحرك تغيير الزيت فلتر الزيت فلتر الديزل فلتر الهواء يجب تغيرهم في وقتهم و هناك شرط اخر تعلمينه و هو لا تعبي وقود الديزل في محطة قديمة ابدأ دائما عمر المازوت في المحطات الجديدة بسبب الماء في الديزل الذين يقضي على المحرك
يعطيك العافية وشاكر على استنتاجك الجميل فعلا انا كنت متردد بين الديزل والبنزين وخصوصا أن ما عرف الا البنزين من يومي جزاك الله خير انا رح اشتر بنزين بعدك
السلام عليكم كيف حالكم اخواني اولاً احيي الاخ على اجتهادة الشخصي ثانياً انا حربت الديزل واستخدمته واشتري وابيع واستورد الديزل وانا بتكلم من واقع تجربه لأكثر من سياره اولاً : ليه سعر الديزل مرتفع ؟ الجواب : السياره وهي جديده تفرق من ١٠ الاف الى ١٥ الف ريال كسعر عشان محرك الديزل طيب ليه غالي كذا ؟ لأن محرك الديزل يصبر ويتحمل ويكد اكثر من البنزين غير زيت وفلاتر وتوكل على الله فقط ثانياً : هل أحصل قطع غيار للديزل ؟ الحواب : قطع الغيار الاستهلاكية هي نفس البنزين والقير والمكينه موجوده بالقصيم والجوف بكثره واساساً استبعد عطل المكينة لانه زي ماذكرت لكم الديزل يتحمل ثالثاً : هل فيه دخان وازعاج المحرك ؟ الحواب : لا دخانه عادي كأنه البنزين وريحته احلى صرحه ههههههه وصوت المكينه اقوى من البنزين بشكل غير ملحوظ رابعاً : هل العزم اضعف من البنزين ؟ الجواب : لا او افضل من البنزين بحكم التيربو والتورك العالي بالديزل خامساً : ليه أنصح بالديزل ؟ الجواب : اول شي توفير خصوصاً للي مشاويره كثيره او يداوم من مدينه لمدينه ثاني شي صراحه نظافه ومواصفات حلوه ولا تخطر على البال ابداً وهذا مالدي ياخواني واخواتي وانا اسف على الاطاله وأي استفسار او طلب سياره هذا رقمي 0536946821 ✋
خلينا نكون صادقين مع بعض اول شي صوته مرتفع وملحوظ مرره والي يعرف بالسيارات من اول ما تعدي من جنبه بيقولك ديزل الثاني له ريحه بس مب ذيك المزعجه مررره لاكن انها مي بزينه وله دخنه بس ماتجي الا بعد فتره وممكن تكون من الفلاتر
احسبوا معي انا معي جيب برادو ٢٠١٣ شهري اعبيه بقرابة ٩٠٠ ريال امشي حول ٣٠٠٠ كيلو لو شريت جيب اسيزو ديزل ٢٠١٩ تقريبا زي سعر جيبي اعبيه شهري ب٢٠٠ ريال اوفر لي كل شهر ٧٠٠ ريال يعني بالسنه اوفر ٨٤٠٠ لو ابي استخدم هالسياره ١٠ سنين يعني اكون وفرت ٨٤٠٠٠ قيمة سيارة!!
اي والله سويت حسبه باالحاسبه طلعت ماتخرج اشتري موتر ديزل جيب برادو ولاجيب ايسوزو القيمه من 150الف وفوق لمواتر الديزل ادفع قسط 2500شهري لمدة خمس سنوات عشان اخلص قيمة الجيب يعني لواحطها بنزين باالكورولا 20سنه قدام والبنزين غالي تجي باالقيمه ذي يعني خلني عالبنزين اصرف واريح باالعزم والحمدلله على كل حال
المهم بداية السنه بيصير الديزل بريالين اسمه الديزل المصفى حق سيارات السيدان توفر ماتوفر كل شي باارتفاع سيارات بنزين ولاديزل كله بارتفاع الاراضي البيوت بارتفاع الغنم مواد غذائيه بارتفاع الكهرب المويه الله يبعد عننا الغلاء والله يزينها باقرب وقت ملينا وتعبنا من الصرف والضرايب على اشياء حنا مانستفيد منها
يعتمد على استخدامك صحيح و ايضا قرار شراء سيارة أحسبه من جديد بس إذا بتشتري سيارة ما عندك غيرها الخيارات كثيرة ممكن تروح تأخذ سيارة موفرة صغيره ممكن تأخذ هجين ممكن تأخذ محرك تيربو
@@gold08-xo توكل على الله أشتري و أنت مرتاح فيه محرك 2800 ديزل قوي و نشيط و للتحميل و الجر و البر و طلوع الجبال و محرك 2400 عملي و إقتصادي و يؤدي الغرض أنت قرر وش يناسب إستخدامك و ميزانيتك و توكل على الله ما راح تندم بأذن الله
معلوماتك مغلوطه عزم الديزل اكثر من عزم البنزين مثلا برادو بنزين سته سلندر ٤٠٠٠ سي سي عزمها ٣٨٠ نيوتن متر اما البرادو ديزل اربعه سلندر ٣٠٠٠ سي سي تيربو عزمها ٤٣٠ نيوتن متر انت يمكن تقصد الانطلاقه اما العزم اكيد عزم الديزل اقوى لانه يولد طاقه عاليه عند احتراقه وكل المعدات الثقيله تجي ديزل
غلطان يالحبيب من ناحية العزم انا حضرت منافسة سحب بين برادو بنزين 2017 وبين ايسوزو يوماكس 2016 ديزل والغلبة كانت للديزل ماشاءالله ولعنة ام البرادو في عدة مرات . فاعذرني بعض معلوماتك لازمها تصحيح وتحياتي لك
سيارات البنزين تخسر فالوقود لكن توفر في قلة الصيانه حتى لو كنت مهمل وعمرها طويل بعكس سيارات الديزل ماينفع تهملها عشان تقدر تحافظ عليها هذا غير قيمة الفلاتر وارتفاع اسعار القطع وقلة الورش المتخصصه والمهندسين الفاهمين فيها بالأضافه الى فارق السعر عند شرائها جديده
معاي ديزل موديل ٢٠١٥ إلى اليوم الحمد لله تمام معاي.. لاتصدق اي كلام يقلك الديزل اعطاله أكثر من البنزين هذا الموضوع كثير الناس تقوله وهو العكس صحيح محرك الديزل انصنع للمهمات الشاقه وحق كرف بس اذا انت محافض وتغيير الفلاتر الديزل في موعدها المحرك راح يوصل معك للمليون ولا يقول شي مو زي البنزين
انا رأيي أنك تغير سيارتك عشان سعر البنزين أكبر خطأ لأن الفارق تعبي به لمدة سنتين، لكن لو انت مبيّت النية تشتري جيب او سيارتك منتهية وتبي تجدد هنا الديزل أفضل خيار لكن تنتبه للصيانة
انا عن رغبتي مجرب ديزل اسيزو انت اذا بتاخذ الديزل خذ اللي مصنعينه من زمان مثل اسيزو وا متسوبيشي الباقي توها طالعه انا معي ديماك ٢٠٠٩ماشي٤٦٠الف الحمد لله مكينه بلد مافكت على يدي والمكيف مشاء اله تابرك الرحمن شد بلد سبق وزوته فريون مره وحد فقط والله موتر اطق من التايوتا مليار مره
يعطيك العافيه يابوابراهيم وجهة نظر طيبه وتحترم ومن واقع تجربتي للديزل 4 سنوات على نافارا الموتر نشيط ويجمل وجلته جلد الويل وصابر والمكينه تغير فلاتر وتوكل على الله ولكن قبل شهر تقريباً عضة المكينه على ممشىا ثلاث مائة الف والسبب شخال طربة الزيت انسد من التراب والتراب كان يدخل وهذا عيب مصنعي في النافار انه موقع فلتر الزيت فوق بالمكينه وينفك على فوق يعني الصحن حق الفلتر صار مع فك الفلتر ينقط زيت ومكان الفتر شين جداً فيجمع رمل ويسبب في دخول التراب مع الوقت وصرت اسمع تكتكه في المكينه تروح وتجي وبعض المرات اعدي 120 وتقطع بي ماعدي 110 وهذي كلها كانت انذارات ولا كن اهملتها والحمد لله على كل حال وجبت مكينه من الشارقه واموره طيبه
مشكله الديزل في الصيانه جداً متعب ومشاكله كبيره لو حصلت ، مو مثل البانزين وصوت مزعج وعزم اقل وشوف المقارنات في اليوتيوب بالعزم انا ما شريت شاص عشان يصير عزمه ضعيف وبنسبه لشاص البانزين هو العيب الوحيد اللي ممكن مع الايام راح يرجع سعره نفس اول
أحترم وجهة نظرك. لكن عندك خطأ في الحساب. لو فرضنا أن عندك سيارتين فورشنر واحد ديزل و واحد بنزين.وكل سيارتها ميزانيتها ٢٠ ألف ريال محروقات في السنة. البنزين كل ١٠٠٠ كم يحتاج ٤٠٠ ريال الديزل كل ١٠٠٠ كم يحتاج ٤٠ ريال بعد مرور سنة كاملة فرضا كلا السيارتين مشو ٥٠ ألف كما هو في مثالك. البنزين صرف ٢٠ ألف ريال في السنة ( 400*50) الديزل ٢٠٠٠ ريال فقط في السنة (40*50) 20000-2000=18000 الفرق ١٨ ألف ريال في السنة بعد خمس سنوات راعي الديزل بوفر ٩٠ ألف ريال. وراعي البنزين راح يخسر ٩٠ ألف في خمس سنوات. وراعي الديزل بيشتري سيارة جديدة من التوفير لكن راعي البنزين لا هو بوصل قبل راعي الديزل في المشوار ولا هو اللي اشترى سيارة جديدة. ومن خبرات المجربين حافظ على الفلاتر والصيانة ولا تجور على السيارة وتوكل على الله. المحصلة..اللي يشوف ٩٠ ألف ريال قليلة وتستحق أن يحطها في بنزين تحرقها السيارة خليه يشتري سيارة بنزين. واللي يشوف أنها حرام ولا هو من المنطق والعقل يروح لسيارات الديزل. أجل يقول ١٠ آلاف فقط بتدفعها مقدما.والمحصلة واحدة.
الديزل خذيت هايلوكس٢٠٠٧ ماشيه٧٠٠كيلو ووصلتها مليون مصنفرت والحمدلله مابعد دخلت الورشه الا صيانه دوريه فحمات او فلاتر او غيار زيت😌الحمدلله الديزل نعمههه
انا جربت سيارات الديزل خارج البلد فـ(المانيا) ماجازتلي والنية بشتري لاندر كروزر 2021 استخدامه للسفر فقط ، فالشهر مره وحده وباقي الوقت واقف فالبايكه وبحط ميزانية 1000 ريال بنزين للرحلة
بلبنان معظم تكاسي الارياف مرسيدس ديزل لف تعمل بتنكة الديزل 250 كم واما البنزين 130لل140 طبعا موديلات قبل ال83 مشكلة الديزل ايام الشتاء القارص تعذب لتحمى فيركبولها حمايات لكي تشتغل بالصباح الباكر
انا من رايي البنزين اكثر اعتمادية من الديزل بالإضافة الى مبدا عملية الاحتراق يعني الديزل فيه اجراءات كثيرة لحين يحترق ويولد طاقة عكس البنزين كذالك بخصوص اسعار قطع الغيار قي الديزل تكون مرتفعة وفي الاخير نصيحتي وعن خبرة سيارات البنزين احسن وبكثير سواء اعتماد او طول في العمر والله اعلم اخوكم من الحزاءر ❤
والله افضلك واقع تجربه النترا ممتازه وجباره وعند ٤ من اقاربي النترا ديزل والله موتر كفوو ونا شخصين استخدمتها وبعت النترا وشريت كادينزا بانزيم والله ب النترا اني تحسفت على بيعتها قسم بالله تحسفت موتر والله خدوم مع واحد من العيال شفت ب الشتاء والله ماقد شفته يحمي يشغل ويمشي وفاقم امها فقم حت البر والله انه بدخل عليها ونا الحين مفكر والله اشتري النترا
انصحك ب النترا من ١٧ وطالع نصيحة اخو ال ١٥ وتحت ميت عزمها و الكادينزا واحد معنى بالقروب والله يمدحها وقويه عزمها يقول امشي ٢٥٤ وفيه حيل بعد كلها زينات والله وفيه منقاربي عندهم ثلاث سوناتا والله جباره لاكن توهم شارينها ما احكم عليها الكادينزا على كلامه يقول شاريها من ٤ شهور لاكن الي معهم النترا مستخدمينها فوق سنه ونص الى سنتين ونص كلهم يمدحونها انا استخدمتها ١٠ شهور ماشفت فيها شي مره ومشيتها ٣٥ الف وبعتها على واحد والى الحين ماشيه معه الحين تمت سنتين ماشت ١٨٠ الف وهو مشاها ٩٠ الف
انا انصحك ب النترا اكثر من الازيرا سبب القطع فقط غيرها كلها الازيرا افضل سوا عزم وفخامه بكلشي بسس تاكد من القطع الغيار قبل كلشي تشوفه مناسب سعر القطع وموجود روح وخذها ماعليش طولت عليك بالرسايل
حنا متفقين على ان الديزل ارخص من البنزين هذا ما فيه خلاف لكن راح ناخذ مثال لاندكروزر ٢٠٢٠ ديزل ولاندكروزر بنزين نفس الموديل ونطرح اسئلة هل الديزل عملي اكثر من البنزين على المدى الطويل؟ هل الديزل يقطع مسافة اطول سواء داخل المدينة أو في السفر ؟ ملاحظة اللاندكروزر الديزل ٢٠٢٠ أخذ تقييم جيدجدا في استهلاك الوقود ما وصل لتقييم ممتاز وهذا موجود على ملصق المقاييس اللي تجي على القزاز وشكرا للجميع
خذ العلم من مجرب الاثنين، صرفية الاستخدام اليومي داخل البلد للبنزين ٥٥٠-٦٥٠ كم و الديزل نفس السواقه ٩٥٠-١٠٥٠ كم . يعني الديزل يمشيك دبل ممشى البنزين و غير كذا شف كم تفلل البنزين و كم تفلل الديزل. يعني اعبي اقل و يمشيني دبل. و لو افترضنا ان الديزل ارتفع و صار مثل سعر البنزين لازلت موفر لانك تمشي دبل الممشى. و الصيانه هي هي نفسها بين البنزين و الديزل لحد يكذب عليك الفرق الوحيد هو فلتر صغير للديزل قيمته ٧٠ ريال تغيره انت بالبيت كل اربعين الف كيلو.
غلطان ونص.. مكينه الديزل تعيش اضعاف مكينة البنزين انا مجرب الديزل سنوات عجاف معدوم الاعطال تقريبا اكثر الخراب بطرنبه الديزل لكن اذا كنت تغير فلاتر الديزل بأنتظام امورك طيبه
عن نفسي عندي برادو السيارة تمشي تقريبا ١٠٠٠ كيلو ب ٣٠٠ ريال يعني اذا امشي بالسنة ٢٥ الى ٣٠ الف كيلو عليك الحساب كم هذا تجربتي بس جيب اما سيدان اكيد بتوفر احسب موترك و شوف تقدر تتحمل الصرف عليها او اشتر سيدان مو لازم جديد يعني ما معقول اخسر و ابيع السيارة و اشتري سيارة ثانيه التكلفه راح تكون اعلى خاصه هالزمن حاول توفر في سيارتك اذا سيارة محرك كبير او عائلية قلل مشاويرك او اشتر سيارة صغيرة للبلد محرك صغير معها هذا الحلول
اشكرك الشكر الجزيل يالغالي والله انك حليت مشكلة الاختيار لانني افكر منذو مدة ان اشتري لاند كروزر او سيارة تماثلها جديدة واشغلت فكري بالتفكير مرة اقول ابي ديزل ومرة اقول ابي بنزين ومن خلال كلامك اقتنعت بالبنزين وشطبت على الديزل خلاص ومشكور والله . بس مادام فيها ضريبة 15٪ لايمكن اشتري سيارة الوقت الحالي حتى لو امشي حافي لان حوالي 40 ألف ضريبة مضرة جداً ومبالغ فيها . .
لو تحسبها إلى يوم الدين الديزل أفضل وحتى لو أرتفع سعر الديزل يبقىٰ هو الأفضل في الأقتصاد ولو راتب الشخص قليل الديزل ماهو زي البنزين تعبي بفلوس قليله ويخدم معك فتره طويله
حسبتك غلط لو يمشي٢٠ كيلو في السنه يعني في الشهر١٦٦٠ كيلو وكل لتر بنزين يمشي تقريباً متوسط السيارات البنزين١٠ يعني في الشهر١٦٠ ريال مستحيل انا اصرف بنزين في الشهر قرابه٢٧٠٠ ريال والان بعد الديزل اصرف بالكثير٣٠٠ريال فرق كبيره احسبه انه اقصاد السياره الديزل وسلامت فهمك وتفكيرك الاقتصادي😅
مع احترامي لصاحب الفيديو لكت في اخطأ مثل قوله ان الديزل اقل عزم معروف ان الديزل قليلة احصنته لكن عزمه قوي ثانيا معلومة غلط هي ان البنزين افضل من الديزل بالأعطال في شخص بسويسرا عنده مرسيدس 1992 ديزل ماشيه 3.4 مليون كيلو بمحرك الوكالة ما وضب المكينة ولا غيرها
اقول يا صاحبي استخير الله وتوكل على الله وخذ ديزل اذا انك صاحب خطوط ومشاوير ، انا والله الان الان خويي معه ديزل ونصحني اخذ ديزل ، البنزين والله ذبحني وانا شبه يومي اداوم مكه جده ، وتقريبا امكن بالشهر 1500﷼ بنزين. والله قررت اقبل سيارتي واخذ ديزل. ولا تشاور
@@فايزالعتيبي-خ5ش والله انا كمان معايا كامري ٢٠١٧ وكل يوم مكة جدة البنزين هلكني . تنصحني ابيعها واخد ديزل ولا ايش رايك ..؟؟ متخوف ياخي السيارة جديدة على يدي ما تشكي من شي الحمدلله بس متخوف من الديزل وراح اخدها مستعملة
😂😂😂😂البنزين أقل أعطال من الديزل لا والله ماصدقت ياصاحب الفيديو اسأل عم قوقل شوف اش يقلك الديزل اعطاله نادره إذا انسان محافض؛ من وين جبت هلمعلومه البنزين أقل أعطال من الديزل 😂😁😂واي واحد مو مصدق يروح قوقل الديزل عطاله نادره
احترم رايك لاكن 90 في الميه من كلام غلط وماله اي شي يثبت مثل قلت ان الديزل عزمه ضعيف غلط في غلط الديزل اقوا من مكينه البنزيم ثاني شي ليه الديزل غالي لنه اجود واقوا من البانزين و المكينه تعيش عمر أطول من مكينه البنزيم عكس البنزيم توضيب والي اخرهه بعدين الديزل اقتصادي اكثر من البنزيم لن الاحتراق الي يولده الديزل اقوا من البنزيم واشيا كثير الديزل يتفوق فيها ورائي ان الديزل يصلح ل منطقتنا
حط في بالك وهذي وجهة نظر بعد ما شفت الديزل للمدى الطويل الديزل صيانته صعب تلاقي احد يفهم فيها وغير كذا اذا تيربو لازم اظن تغير فلاتر بشكل دوري وسعر الديزل زي ماتفضل صاحب المقطع اغلى البنزين لك وللزمن اصرف بنزين بس استمتع من كل النواحي بس غير زيت ، وكل تقريبا سنتين او 3 غير بواجي وقماشات
يارجال صدعنا من البنزين جاب لما الخساير حتى هو ماكلنا صيانه وقطع ويصرف حتى وانا امشي 60 او 80 عالخطوط السريعه ماااش عليك باليزل للعماله السائبه😂 يعني فلها
الناس تعبي فل بنزين ب ٢٥٠، والبنزين اللتر يمشيك ٨.١ فقط، بينما الديزل فله ب ٧٠ واللتر يمشيك ١١.٦ طبعا انا اتكلم عن اللاندكروزر. فحسبتك بعيدة جدا عن الواقع، في فرق في السعر وفرق في الصرفية. الأمر الآخر الديزل أقوى عزم وتحمل في الطلعات ولذا السيارات الثقيلة وسيارات النقل لا ما ينفع لها البنزين. البنزين أفضل في التسارع لأنه احتراقه أسرع. لكن لو تطلع السيارتين نفس الطلعة البنزين يطيح عزمه قبل الديزل. الأمر الآخر، زيادة الفرق في السعر، هو فرق في المتانة وتكلفة الانتاج، حديد مكينة الديزل أقوى وأسمك. مشكلة الديزل في الصوت، صوته قوي صراحة.
@@abonaef بس في المقابل ادفع زياده في سعر الكاش ولا اقعد ادفع كل شهر اكثر من الف ريال من راتبي على بنزين ، الديزل للخطوط وراعين البر ممتاز جداً طبعاً اتكلم عن الجيب (الجكسار ) هو الي يفرق حاليا الدزيل تفلل ب 70 الآن ، والبنزين (95) حسب بطاقة الوقود تفلل ب 267 يعني لو حسبتها تفلل بالشهر 6 مرات بطلع الديزل 350 ريال والبنزين اكثر من 1300 ريال شفت الفرق كيف ! واذا كنت راعي طلعات واجده بتعبي من 7 الى 8 مرات في الشهر عليك الحساب كم يطلع الفرق يعني بتوفر (شهرياً) ما يقارب 950 ريال و950 في وقتنا الراهن تفرق معك واجد هذي حق فواتر بيت كامل مدة شهر او معيشه اسبوع ! ناهيك على ان السياره اذا شريتها جديده اقل شي رح تقعد معك 5 سنوات بحسبه بسيط 950 ريال شهرياً ضرب 12 شهر = 11400 الف ريال سنوياً في 5 سنوات 57000 الف ريال هذا اذا استمر البنزين بهذا السعر وطبعاً انت عارف مستحيل يستمر اكيد بيرتفع زياده مع الوقت .
السلام عليكم يا صاحب الفيديو هل انت عند دراستك وكلامك السابق الان سعر البانزين اكثر من ريالين الله يلطف ويعين والديزل ازعاااااج وارتفعت اسعار السيارات 🌹
كل عام والجميع بخير وصحه وسلامه استفسار لأهل الخبره ممكن توضحون لنا عن أفضل موديل لسيارة ايسوزو ديماكس علما بأن الميزانيه حدود ٣٠ الف إلى ٢٥ الف تحياتي للجميع ...
اذا انت قصدك ديزل والغرض التوفير فلازم تعرف ان بعد ست شهور راح ينزل الديزل الجديد المطابق للمواصفات الاوروبية يورو 5 وهذا الديزل تكلفة تكريره اغلى من الحالي وطبيعي بيكون سعر اللتر منه اغلى بكثير من الديزل الحالي
@@yob2006vip وين ٦ اشهر هذي سنه مرت ولاصار شي واذا مثلا وصار بارسل صاحب وايت وبشفط منه وانتهى او بستأجر اي سياره كبيره لمدة ساعات وبعبيها فل الى ان اعبي برميل وبخرنه في البيت ههههههههه
أنا ما جربت الديزل ولكن كلامك صحيح بخصوص أن جيوب وسيارات الديزل أغلى وكأنك تدفع مقدم نوعا ما لكن فيه نقطة مهمة جدا وهي ممكن لا سمح الله يرتفع البنزين أكثر.. وبتكون مجبور عكس الديزل ما أتوقع يرتفع كثير لأن التريلات والنقل والخ... تستخدمه لكن السؤال هل فيه قطع بسيارات الديزل غالية تحتاج صيانة أو تغيير كل فترة ؟ مثل طرمبة الديزل أو التوربو ؟
بنسبه للتغير الاشياء الديزل انا استخدم الديزل من ١٦ سنه تقريبا من ٢٠٠٦ للحين و كل سياراتنا ديزل. ما تغير الا اشيااء بسييطه الي هي فلتر الدييزل و انك تحاافظ ع الزيت كأي سيااره و فلتر التيربو لازم بعد كل تغيير زيت تنظيف بهواء او شيء ينضفه ثاني و بأذن الله ما راح تشتكي من شيء. للكن... السيارات من ٢٠١٦ و طالع فيها اشياء غاليه هو صدق عزمها قوي لكن لو تصدم السياره من الامام او يخرب شيء منها تصلييحه جداا غالي و اذا حافظت عليها مثل ما قلت فووق ما راح تنساها طول عمرك
معلومات غير صحيحة انا معي ديزل ايسوزو دماكس فل ٣٥ في الخط يمشي ٨٥٠ تقريبا على حسب سياقتك اما من ناحية العزم اقوى من البنزين بالف مرة انا اطلع مطلع الجيوب العزم قوي 💪 جداا ودليل الشاحنات ديزل وتسحب اطنان اما من ناحية السرعة اكيد النزين اسرع الديزل ما هو حق سرعة قوة وتحمل واقل اعطال بنسبة لبنزين الان المكينه بخاخات البرين بواجي الديزل اقل كهرب من البنزين اكيد فيه ازعاج من صوت الديزل البرين اهدا الديزل يطول ما يحتمي وقت البرد ١٦ دقيقة البنزين اسرع في تحمية الموتر هذي ملخص سنتين ونص من تجربة الديزل وكل واحد على حسب احتياجة 🤚
الهايلكس الديزل اغلا من البنزين ٢٠ الف العشرين الف تمشيك ٣ سنوات بالبنزين اما اذا انت شخص تمشي بالسنه ٦٠ وطالع الديزل مناسب لك وفي نقطه مهمه الديزل ما يحتمل السرعات العاليه بالحر سيارت انسان عاقل ماهو راعي سرعه ودعس كانت عندنا هايلكس ديزل ٢٠١٤ ديزل اخذناها اصفار نمسك خطوط متعودين ع البنزين نسرع عليها وصلت ٥٠ او ٦٠ الف خبطت وديناها الورشه قال الديزل لا تجور عليه يمشي معك مليون حاليا اشوف سيارات الديزل الكوريه رخيصه ونفس سعر البنزين فهي خيار مناسب اما اني احط ١٣٠ الف بهايلكس ديزل خساره
جيل الطيبين اللي يقولون ان التيربو بيعطل في الحر وان الديزل مو سريع اقول هذا شغل حراجات وجهل . الآن السيارات الحديثة وضعها اختلف وتعالجت المشاكل الكانت اول . افتح شوف كيف يتم تبريد التيربو وكيف صار الديزل اسرع من البنزيل حتى في القومة الفرق بسيط . حنا نبي سيارات للمشاوير مو للسباقات
خلاصة القول إذا أنت راعي مشاوير وتضرب خطوط وتمشي بالسنة الوحدة ما يقارب أربعين خمسين ألف كيلو لا يقربك البنزين هنا الديزل بيكون خيار مناسب لك .
مسا الخير ع الجميع والف شكر لراعي المقطع وحبيت اشاركم النقاش بحكم اني من الناس اللي دوامهم يومي رايح 100 وراد 100 كليلو يعني يومي 200 كيلو وللناس اللي يفضل هذا عن هذا. اصلاً حرام حرام احد يقارن البانزين في الديزل الديزل يتفوق ع البانزين بكثير اشياء منها طول عمر المكينه والحراره والمكيف. البانزين فقط في الاحصنه والتسارع وصوت المكينه اما الديزل في التورك والتوفير وقطع مسافات اطول وقليل اعطال انا اكلمكم من واقع تجربه فيه دوامي مايقارب 8 سنوات اما اللي مشاويره قليله وداخل الديره ماتفرق معه كثير لو اخذ ديزل او بانزين. وتحياتي لكم
كلام سليم موزون
هذا الكلام الديزل هو اساس المحركات المكنيكيه وافضل من البنزين مليون مره بس يبيله محافظه على الزيت والفلاتر وطريقة استخدام معينه ويتم تعبئة ديزل غير مغشوش وخلاص مكينتك طول العمر سواء سياره ولا غيره من المكاين
خير الكلام ماقل ودل. الله يبيض وجهك عز الله إنك عطيتني الجواب من الاخير. كلامك منطقي ١٠٠٪.
البانزين اذا انت رجال راتبك فوق ١٥الف وميزانيتك حلوه ميحتاج تاخذ ديزل اما اذا ميزانيتك ضعيفه يصلحلك ديزل
الله يسامحك بس هاهاها
حتى لو الميزانية ضعيفة ومعك ديزل إفرض إحتاجت صيانة وقطع غيار ومعروف إنها غالية لازم هالسيارة تجيب لك فلوس تستثمرها تشغلها في أوبر وكريم وغيره السيارة إللي ما تجيب لك فلوس عدمها أحسن هذا إذا كانت الميزانية ضعيفة علشان الواحد يشوف يغطي مصاريفه ومصروف تعبئة الديزل وكمان صيانات الديزل أهم شي لأنها كل 5000 كيلو والاهتمام بالفلاتر تهتم فيه يجملك وما يخيبك ويكون اعتمادي جدا تهمله يغثك بصيانته الغالية وخراباته ودخنته مع الشكمان
ياحبيبي البنزين لاخبط توضيبه ان كثر ٦ الالف وقطع بكل مكان الديزل يصقع توضيبه ال ١٤ الف ؟ والسيارات الدزل ضارب سعرها ل ١٢٠الف ؟؟؟؟؟؟؟؟؟؟؟
@@ططربب في انواع ارخص
@@ططربب ترى الديزل اعطاله قليله اذا كان فيها اعطال بس تغير الاشياء الاستهلاكية وان شاء الله ما يجيه اعطال اسيوزو تظمن تلك مكائنها ما تخبط مليون كيلو اذا محافظ على الزيت والسيفون وفلتر الديزل وفلتر الهواء
فيه نقطه مهم عن تجربه مميزات الديزل اذا سار حادث او تسرب خزان لا قدر الله او ظرب التناكي من تحت عادي نادر جدآ يشتعل اما البنزين لو حادث او تسرب البنزين ياسلام سلم تولع وتحترق السياره لا قدر الله يعني الديزل امان باذن الله سيفتي وشكرآ
فعلاً
أنا أحترق موتري والبنزين زود الطين بله
صب تحت الموتر وولع فيه مع كل جهه
@@lmah9099 الله يعوضك بأحسن منه
بس قطع الديزل اغلى من البنزين
@@افنانالعبدلي-م3ق إذا وصلتي الورش لازم تكون محفظتك مفتوحه بنزين أو ديزل راح يشفطون فلوسك شفط
طيب ممكن تخبرني عن تكسي ديزل سعره يكون اقل من ٣٠ آلف
ب اختصار من واقع تجربه الديزل عيبه الصوت والقومية فقط ولا الباقي معليه كلام من ناحيه عمر وخرابات والصرفيه عاد معروفه توفير ابن توفير انصحكم .
ميم طا حب وعطاء
طيب ممكن تخبرني عن تكسي ديزل سعره يكون اقل من ٣٠ آلف
الدييزل ب الوقت الحالي المعروف انها اتنافس البانزين ب العزم و القوه برادو ٢٠٢٠ ديزل قوته لا اله الا الله مااشاء الله تبارك الرحمن و فوق هذا ما يصرف و تسارعه حيل سريع ١١ ثانيه من صفر ل ١٠٠ و الي يسئل كم سرندل هو ٤ سرندل لكن ٣٠٠٠ سي سي قوه المحرك
طيب قطع غيار الديزل اغلى من البانزين
يب هذي المشكله الوحييده لكن وش يخرب القطع 🤷♂️
وقريب يرتفع سعر الديزل ويمكن يكون اغلى من البنزين مثل الامارات وقطر
@@سبحانالله-ث5ي مقارنة السعودية
بغيرها من دول الخليج من ناحية
أن سعر الديزل أغلى من البنزين لا
يمكن تطبيقها لسبب مهم جدا و هو
اختلاف المساحة و المسافات بين
المدن فتكلفة نقل البضاعة تعتمد على
المسافة التي تقطعها الشاحنات
و المعروف شساعة مساحة المملكة العربية السعودية.
نصيحة من محب لاتشري جيب بنزين والله تندم الفرق بصوت الديزل فقط ماعليك منهم الديزل اتجاه اغلب الناس له اقتصاد بلامنازع وراحة وتوفير تفلله ب50 ريال ويمشيك داخل المدينة اسبوعين يوميا مشاوير هذا أفضل أو تفلل البنزين ب250 ولايمشيك اسبوع بالعقل أحسبها بعدين قطع غيار الديزل رخيصة لحد يكذب عليك وبعدين تطول مهي استهلاكية زي البنزين سريع الاعطال والطلبات نصيحة لاتقرب البنزين وسلامتك
طيب اي سيارة ديزل بنظرك هي الافضل؟ وكم سعرها؟
@@sarahkitchen_0636 حسب رغبتك وأغلب السيارات منها بنزين وديزل
اتفق معك والدليل كل الشركات والمقاولين مواترهم ديزل لتقليل التكلفه ولو كانت متساويه مثل مايقول صاحب المقطع محد شرا سيارات ديزل
بيض الله وجهك اقتنعت ان البنزين افضل بمليون مره ومن الان قررت اكنسل الديزل لشئ بسيط ان ديزل مبالغ في سعرها والبنزين يزيد شي بسيط ولا يحتاج صيانه اكثر مثل الديزل
بلعكس صيانت البنزين مثل الديزل ول ديزل يكون اقوى إذا تبرمج بسبب إن الديزل يطلع دخان اسود وهاذا مضر للبيئة وعشان كذا الشركات تنقص في القوه وما يصير يطلع دخنه وينجح في إختبارات وتنباع السياره
وإذا تبرمج يصير يطلع دخنه إذا دعست اخر الدعسه لاكن بشكل خفيف جدا، والله يوفقك ❤️
وانا كان معاي جمس يوكن زمان مديل ٢٠٠٨
وكان معاي برادو ٢٠٠٩ واشتريت لاندكروزر ديزل ٢٠١٧ ما اقول غير ما شاء الله تبارك الله
على العزم وإنت تتكلم عن ٦٨٠ العزم شي مو طبيعي وبعد ثلاث سنوات من الديزل الأن انا ماشي فيه ١٠٠ الف تقريباً و ٢٠٢٠ اشتريت شاص ديزل غمارتين ما اشتريته إلى ونا عارف انه موتر ممتاز وأسف ازعجتك 🖤
السلام عليكم ورحمة الله وبركاته
اخوكم من الجنوب الجزائري نحن في الجزائر سيارات بمحرك ديزل هي الأفضل و الأقوى و الامتن و الأغلى ثمنا و الناس الذين لهم مستوى مالي ممتاز لا يشترون إلا سيارات تيربو ديزيل ليس بسب رخص وقود الديزل بل بسب انها اكثر عملية و قليلة الأعطال و عند شراء سيارة ديزل ينصح ان تكون جديدة او غير مستعملة كثيراً و هناك شرط يجب على مالك سيارة ديزل ان يقوم بصيانة دورية للمحرك لان الإهمال يضر المحرك تغيير الزيت فلتر الزيت فلتر الديزل فلتر الهواء يجب تغيرهم في وقتهم و هناك شرط اخر تعلمينه و هو لا تعبي وقود الديزل في محطة قديمة ابدأ دائما عمر المازوت في المحطات الجديدة بسبب الماء في الديزل الذين يقضي على المحرك
يعطيك العافية وشاكر على استنتاجك الجميل فعلا انا كنت متردد بين الديزل والبنزين وخصوصا أن ما عرف الا البنزين من يومي جزاك الله خير انا رح اشتر بنزين بعدك
محركات الديزل تعيش عشر اضعاف محركات البنزين
والدليل التريلات شغالة من ١٩٧٠ الى اليوم
البنزين ملعوب علينا فيه
السلام عليكم كيف حالكم اخواني
اولاً احيي الاخ على اجتهادة الشخصي
ثانياً انا حربت الديزل واستخدمته واشتري وابيع واستورد الديزل وانا بتكلم من واقع تجربه لأكثر من سياره
اولاً : ليه سعر الديزل مرتفع ؟
الجواب : السياره وهي جديده تفرق من ١٠ الاف الى ١٥ الف ريال كسعر عشان محرك الديزل طيب ليه غالي كذا ؟ لأن محرك الديزل يصبر ويتحمل ويكد اكثر من البنزين غير زيت وفلاتر وتوكل على الله فقط
ثانياً : هل أحصل قطع غيار للديزل ؟
الحواب : قطع الغيار الاستهلاكية هي نفس البنزين والقير والمكينه موجوده بالقصيم والجوف بكثره واساساً استبعد عطل المكينة لانه زي ماذكرت لكم الديزل يتحمل
ثالثاً : هل فيه دخان وازعاج المحرك ؟
الحواب : لا دخانه عادي كأنه البنزين وريحته احلى صرحه ههههههه وصوت المكينه اقوى من البنزين بشكل غير ملحوظ
رابعاً : هل العزم اضعف من البنزين ؟
الجواب : لا او افضل من البنزين بحكم التيربو والتورك العالي بالديزل
خامساً : ليه أنصح بالديزل ؟
الجواب : اول شي توفير خصوصاً للي مشاويره كثيره او يداوم من مدينه لمدينه ثاني شي صراحه نظافه ومواصفات حلوه ولا تخطر على البال ابداً
وهذا مالدي ياخواني واخواتي وانا اسف على الاطاله
وأي استفسار او طلب سياره هذا رقمي 0536946821 ✋
طيب مابي يطلع دخان وش السواه
@@عيسىاحمد-ج6ح مايطلع دخان أصلاً واذا طلع غير فلاتر
خلينا نكون صادقين مع بعض
اول شي صوته مرتفع وملحوظ مرره والي يعرف بالسيارات من اول ما تعدي من جنبه بيقولك ديزل
الثاني
له ريحه بس مب ذيك المزعجه مررره لاكن انها مي بزينه وله دخنه بس ماتجي الا بعد فتره وممكن تكون من الفلاتر
تنصحني بسوناتا ٢٠١٦ ديزل
عندك دينا
احسبوا معي
انا معي جيب برادو ٢٠١٣ شهري اعبيه بقرابة ٩٠٠ ريال امشي حول ٣٠٠٠ كيلو
لو شريت جيب اسيزو ديزل ٢٠١٩ تقريبا زي سعر جيبي اعبيه شهري ب٢٠٠ ريال اوفر لي كل شهر ٧٠٠ ريال يعني بالسنه اوفر ٨٤٠٠
لو ابي استخدم هالسياره ١٠ سنين يعني اكون وفرت ٨٤٠٠٠ قيمة سيارة!!
لو نضمن بقاء الديزل على الأسعار الحالية .مافيه مشكله...بس حسب الرؤية أنه سيتم تغيير التسعيره .على الأكثر بداية سنة 2024 فكأنك يابو زيد ماغزيت
والله غلطان يالحبيب عندي هيلكس ديزال افللها فل ب٣١ ريال تمشيني ٧٥٠ كيلو وبنفس الوقت عندي بنزين افللها ب٨٦ ريال والله ماتوصل حتى ٤٠٠ كيلو
صدقت
صدقت بس البنزين افضل من الديزل ببعيد الميزه الوحيده انها ماتشرب وقودها رخيص اما الباقي لصالح البنزين والله لامطب ولا عزم ولا شي يذكر غير ذا الميزتين
@@zaed2506 هو نحنى نريد الي حنون على الجيب اكثر ههههههه
@@zaed2506 عندي ايسوزو ديماكس صرفيه ضعيفه بس عزل صوت سيئ فيها
@@zaed2506 شكلك ما شفت عزمها 🌚
السيارات ديزل بيك اب صرفيه ضعيفه جدا بعدين فرق سعر بالشراء تراه عادي ممكن بعدين تمر ب ازمة ماليه الديزل بيكون اقتصادي اكثر
كلامك منطقي واضح فيه فايده كبيره
اتوقع ما سقت الديزل.. ميزه البنزين صوته فقط و اللا الباقي في صالح الديزل
4290247 يعني سيارات الديزل صوتها مزجعج ؟
@@abdulaziz-899 لا بس البنزين له صوت طربي بس الديزل صوته فيه كتمه خفيفة
لا البنزين اصلح
البنزين أفضل كل العالم ينصحون بالبنزين الا لشخص مشاويرة واجدة يمسك خطوط او دايم يطلع بران وراعي تحميل
الرجل حسب حسبة و مع ذلك انت تتفلسف وتقول ما ساق ديزل ؟ .. تكلم و هات اثبات ولا ضف دخنة ديزلك
فرق الديزل عن البانزين وتتبقى وجهة النظر محترمة
اي والله سويت حسبه باالحاسبه طلعت ماتخرج اشتري موتر ديزل جيب برادو ولاجيب ايسوزو القيمه من 150الف وفوق لمواتر الديزل ادفع قسط 2500شهري لمدة خمس سنوات عشان اخلص قيمة الجيب يعني لواحطها بنزين باالكورولا 20سنه قدام والبنزين غالي تجي باالقيمه ذي يعني خلني عالبنزين اصرف واريح باالعزم والحمدلله على كل حال
صدقت يابو ابراهيم وجزاك الله خير
الديزل عمر أفضل وآداء محرك أفضل ويسهتلك أقل من البنزين في المشاوير الميزة الوحيدة بالبنزين الصوت والصيانة
المهم بداية السنه بيصير الديزل بريالين اسمه الديزل المصفى حق سيارات السيدان توفر ماتوفر كل شي باارتفاع سيارات بنزين ولاديزل كله بارتفاع الاراضي البيوت بارتفاع الغنم مواد غذائيه بارتفاع الكهرب المويه الله يبعد عننا الغلاء والله يزينها باقرب وقت ملينا وتعبنا من الصرف والضرايب على اشياء حنا مانستفيد منها
الشغله مو مشكله صرفيه فقط صحيح الديزل اوفر والديزل ايضآ تشغيله ما يحتاج كهربه ما فيه حساسات مثل البنزين
يعتمد على استخدامك صحيح و ايضا قرار شراء سيارة أحسبه من جديد بس إذا بتشتري سيارة ما عندك غيرها الخيارات كثيرة ممكن تروح تأخذ سيارة موفرة صغيره ممكن تأخذ هجين ممكن تأخذ محرك تيربو
الله يسقي فيديو ايام البنزين ب 1.30.
الان فوق ريالين ...
2.18
قصدك ٠.٤٥
اللي أقنعتهم ب كلامك قبل سنتين
ندمانين أشد الندم 😅
والحمدلله أني لست منهم وشريت ديزل
ناوي اشتري فورشنر ديزل وش رايك
@@gold08-xo توكل على الله أشتري و أنت مرتاح
فيه محرك 2800 ديزل قوي و نشيط و للتحميل و الجر و البر و طلوع الجبال
و محرك 2400 عملي و إقتصادي و يؤدي الغرض
أنت قرر وش يناسب إستخدامك و ميزانيتك
و توكل على الله ما راح تندم بأذن الله
مكينة ديزل ماشيه ٤٠٠ الف ٢٠ الف ريال ديزل
مكينة بنزين ماشية ٤٠٠ الف ٨٠ الف ريال بنزين
الفرق ٦٠ الف ريال قيمة سياره
طيب ممكن تخبرني عن تكسي ديزل سعره يكون اقل من ٣٠ آلف
طيب انا معي ديزل وبنزين ومافي فرق بينهم الا بصرفيه الوقود
مثل الي يعود نفسه على مسك الريال ويقتصد تصير عاده له طول حياته ونا اعرف ناس سياراتهم بنزين مايخلوون ديره يتمشووون دايم
معلوماتك مغلوطه عزم الديزل اكثر من عزم البنزين
مثلا برادو بنزين سته سلندر ٤٠٠٠ سي سي عزمها ٣٨٠ نيوتن متر اما البرادو ديزل اربعه سلندر ٣٠٠٠ سي سي تيربو عزمها ٤٣٠ نيوتن متر
انت يمكن تقصد الانطلاقه اما العزم اكيد عزم الديزل اقوى لانه يولد طاقه عاليه عند احتراقه وكل المعدات الثقيله تجي ديزل
يقصد الاحصنة
البنزين بيوصل بحدود 5 ريال تقريبا لاكان الديزل ما يرتفع بسهوله لانه نقل البضائع بشاحنات ديزل وترتفع قيمة المنتجات فالسوق إذا ارتفعت قيمة الديزل
تكذب5 ريال
تستهبل ولا شنو
تسلم يا حبيب القلب جزاك الله خيرا
غلطان يالحبيب من ناحية العزم
انا حضرت منافسة سحب بين برادو بنزين 2017 وبين ايسوزو يوماكس 2016 ديزل
والغلبة كانت للديزل ماشاءالله ولعنة ام البرادو في عدة مرات . فاعذرني بعض معلوماتك لازمها تصحيح
وتحياتي لك
والأيسوزو فيه تيربو كلام الرجال صحيح 100%
طيب ممكن تخبرني عن تكسي ديزل سعره يكون اقل من ٣٠ آلف
@@zexe6328
الايسوزو 3000 ابو المكينة الكبيرة فيه 2 تيربو
سيارات البنزين تخسر فالوقود لكن توفر في قلة الصيانه حتى لو كنت مهمل وعمرها طويل بعكس سيارات الديزل ماينفع تهملها عشان تقدر تحافظ عليها هذا غير قيمة الفلاتر وارتفاع اسعار القطع وقلة الورش المتخصصه والمهندسين الفاهمين فيها بالأضافه الى فارق السعر عند شرائها جديده
للمجربين الديزل في حال المحافظة على تغيير فلاتر طرمبة الديزل وفلتر الهواء... بيعيش التربو ويطول أو لا خلال خمس سنوات
معاي ديزل موديل ٢٠١٥ إلى اليوم الحمد لله تمام معاي.. لاتصدق اي كلام يقلك الديزل اعطاله أكثر من البنزين هذا الموضوع كثير الناس تقوله وهو العكس صحيح محرك الديزل انصنع للمهمات الشاقه وحق كرف بس اذا انت محافض وتغيير الفلاتر الديزل في موعدها المحرك راح يوصل معك للمليون ولا يقول شي مو زي البنزين
وش نوع سيارتك
@@eumdagame3655 طيب ممكن تخبرني عن تكسي ديزل سعره يكون اقل من ٣٠ آلف
انا رأيي أنك تغير سيارتك عشان سعر البنزين أكبر خطأ لأن الفارق تعبي به لمدة سنتين، لكن لو انت مبيّت النية تشتري جيب او سيارتك منتهية وتبي تجدد هنا الديزل أفضل خيار لكن تنتبه للصيانة
انا عن رغبتي مجرب ديزل اسيزو انت اذا بتاخذ الديزل خذ اللي مصنعينه من زمان مثل اسيزو وا متسوبيشي الباقي توها طالعه انا معي ديماك ٢٠٠٩ماشي٤٦٠الف الحمد لله مكينه بلد مافكت على يدي والمكيف مشاء اله تابرك الرحمن شد بلد سبق وزوته فريون مره وحد فقط والله موتر اطق من التايوتا مليار مره
اكبر مصيبه فرق السعر الكبير بين الديزل والبانزين لدرجه تخليك ما تقارن وتاخذ بانزين على طول
بيض الله وجهك كلامك منطقي لاجينا للمنطق يعطيك العافيه
الديزل اقل مصروف واقل تصليح ومعادن محرك مصنوع بدقه اكبرليتحمل انفجارالمكبس
المشكله ان سيارات الديزل اسعارها نار تفوق البنزين ب ٢٠ و ٣٠ الف طيب ع كذا ماوفرت !
صحيح والله كلامك @@سبحانالله-ث5ي
يازين البنزين
محركات الديزل ناجحه وعتقد هي سيارات المستقبل بس المشكله بقطع الغيار غالي دبل البنزين
يعطيك العافيه يابوابراهيم وجهة نظر طيبه وتحترم ومن واقع تجربتي للديزل 4 سنوات على نافارا الموتر نشيط ويجمل وجلته جلد الويل وصابر والمكينه تغير فلاتر وتوكل على الله ولكن قبل شهر تقريباً عضة المكينه على ممشىا ثلاث مائة الف والسبب شخال طربة الزيت انسد من التراب والتراب كان يدخل وهذا عيب مصنعي في النافار انه موقع فلتر الزيت فوق بالمكينه وينفك على فوق يعني الصحن حق الفلتر صار مع فك الفلتر ينقط زيت ومكان الفتر شين جداً فيجمع رمل ويسبب في دخول التراب مع الوقت وصرت اسمع تكتكه في المكينه تروح وتجي وبعض المرات اعدي 120 وتقطع بي ماعدي 110 وهذي كلها كانت انذارات ولا كن اهملتها والحمد لله على كل حال وجبت مكينه من الشارقه واموره طيبه
بكم مكينتها ؟ وبنشدك عن عزمها فالبر كيف لاني ناوي على وحده بس خايف ماتنفع فالبر
كم موديله وكم حجم المكينه
مشكله الديزل في الصيانه جداً متعب ومشاكله كبيره لو حصلت ، مو مثل البانزين وصوت مزعج وعزم اقل وشوف المقارنات في اليوتيوب بالعزم انا ما شريت شاص عشان يصير عزمه ضعيف وبنسبه لشاص البانزين هو العيب الوحيد اللي ممكن مع الايام راح يرجع سعره نفس اول
كلامك مضبوط واضف الى هذا الفلاتر حق الديزل مغثه لو تحسبها بتطلع نفس قيمة البنزين
أحترم وجهة نظرك.
لكن عندك خطأ في الحساب.
لو فرضنا أن عندك سيارتين فورشنر واحد ديزل و واحد بنزين.وكل سيارتها ميزانيتها ٢٠ ألف ريال محروقات في السنة.
البنزين كل ١٠٠٠ كم يحتاج ٤٠٠ ريال
الديزل كل ١٠٠٠ كم يحتاج ٤٠ ريال
بعد مرور سنة كاملة فرضا كلا السيارتين مشو ٥٠ ألف كما هو في مثالك.
البنزين صرف ٢٠ ألف ريال في السنة ( 400*50)
الديزل ٢٠٠٠ ريال فقط في السنة (40*50)
20000-2000=18000
الفرق ١٨ ألف ريال في السنة
بعد خمس سنوات راعي الديزل بوفر ٩٠ ألف ريال.
وراعي البنزين راح يخسر ٩٠ ألف في خمس سنوات.
وراعي الديزل بيشتري سيارة جديدة من التوفير
لكن راعي البنزين لا هو بوصل قبل راعي الديزل في المشوار ولا هو اللي اشترى سيارة جديدة.
ومن خبرات المجربين حافظ على الفلاتر والصيانة ولا تجور على السيارة وتوكل على الله.
المحصلة..اللي يشوف ٩٠ ألف ريال قليلة وتستحق أن يحطها في بنزين تحرقها السيارة خليه يشتري سيارة بنزين.
واللي يشوف أنها حرام ولا هو من المنطق والعقل يروح لسيارات الديزل.
أجل يقول ١٠ آلاف فقط بتدفعها مقدما.والمحصلة واحدة.
اصحاب الجيوب هم الي فعلا بيفرق معهم الديزل ممكن يوفر ٨ الاف سنويا اصحاب الشاصات والفتكات
المشكلة في عمر السياره والصيانة والتصليح...... الديزل مكلف جدا
الديزل خذيت هايلوكس٢٠٠٧ ماشيه٧٠٠كيلو ووصلتها مليون مصنفرت والحمدلله مابعد دخلت الورشه الا صيانه دوريه فحمات او فلاتر او غيار زيت😌الحمدلله الديزل نعمههه
الديزل غير مكلف نهائياً شكلك فاهم غلط الديزل اقل اعطال بكثييييير من محركات البنزين
الديزل أكثر عزم..
انا جربت سيارات الديزل خارج البلد فـ(المانيا) ماجازتلي والنية بشتري لاندر كروزر 2021 استخدامه للسفر فقط ، فالشهر مره وحده وباقي الوقت واقف فالبايكه وبحط ميزانية 1000 ريال بنزين للرحلة
أخوي ترى غلطت بمعلوماتك...الديزل اعلى في عزمه من البنزين وهذي حقيقة لأن مكاين الديزل تعتمد على العزم وليس قوة الأحصنة...انت في كلامك قلت العكس ...
برافو عليك اتفق معك
طيب ممكن تخبرني عن تكسي ديزل سعره يكون اقل من ٣٠ آلف
بلبنان معظم تكاسي الارياف مرسيدس ديزل لف
تعمل بتنكة الديزل 250 كم
واما البنزين 130لل140
طبعا موديلات قبل ال83
مشكلة الديزل ايام الشتاء القارص تعذب لتحمى فيركبولها حمايات لكي تشتغل بالصباح الباكر
انا من رايي البنزين اكثر اعتمادية من الديزل بالإضافة الى مبدا عملية الاحتراق يعني الديزل فيه اجراءات كثيرة لحين يحترق ويولد طاقة عكس البنزين كذالك بخصوص اسعار قطع الغيار قي الديزل تكون مرتفعة وفي الاخير نصيحتي وعن خبرة سيارات البنزين احسن وبكثير سواء اعتماد او طول في العمر والله اعلم اخوكم من الحزاءر ❤
صدقت بعد مارتفع سعر سيارات الديزل فوق ١٣٠ الف بعد ماكانت تتعدى ٦٠-٧٠ الف ومحد يشتريها
عندي اكورد 12 افلبها ب 145ريال الاكورد صرفيتها تمام بس يعني اسياره اكله عمرها افكر بازيرا ديزل مادري الله يكتب الخيره
والله افضلك واقع تجربه النترا ممتازه وجباره وعند ٤ من اقاربي النترا ديزل والله موتر كفوو ونا شخصين استخدمتها وبعت النترا وشريت كادينزا بانزيم والله ب النترا اني تحسفت على بيعتها قسم بالله تحسفت موتر والله خدوم مع واحد من العيال شفت ب الشتاء والله ماقد شفته يحمي يشغل ويمشي وفاقم امها فقم حت البر والله انه بدخل عليها ونا الحين مفكر والله اشتري النترا
انصحك ب النترا من ١٧ وطالع نصيحة اخو ال ١٥ وتحت ميت عزمها و الكادينزا واحد معنى بالقروب والله يمدحها وقويه عزمها يقول امشي ٢٥٤ وفيه حيل بعد كلها زينات والله وفيه منقاربي عندهم ثلاث سوناتا والله جباره لاكن توهم شارينها ما احكم عليها الكادينزا على كلامه يقول شاريها من ٤ شهور لاكن الي معهم النترا مستخدمينها فوق سنه ونص الى سنتين ونص كلهم يمدحونها انا استخدمتها ١٠ شهور ماشفت فيها شي مره ومشيتها ٣٥ الف وبعتها على واحد والى الحين ماشيه معه الحين تمت سنتين ماشت ١٨٠ الف وهو مشاها ٩٠ الف
انا انصحك ب النترا اكثر من الازيرا سبب القطع فقط غيرها كلها الازيرا افضل سوا عزم وفخامه بكلشي بسس تاكد من القطع الغيار قبل كلشي تشوفه مناسب سعر القطع وموجود روح وخذها ماعليش طولت عليك بالرسايل
@@تركيالتميمي-ج1ظ ودي اشتري ازيرا ٢٠١٨ ديزل تنصحني غيه
اتوقع نفس بعض تقتصد با الوقود ديزل يعني وفيه هناك قطع استهلاكيه وصيانه
والله صدقت بس عسى الله ينزل البنزين
حنا متفقين على ان الديزل ارخص من البنزين هذا ما فيه خلاف
لكن راح ناخذ مثال لاندكروزر ٢٠٢٠ ديزل ولاندكروزر بنزين نفس الموديل ونطرح اسئلة
هل الديزل عملي اكثر من البنزين على المدى الطويل؟
هل الديزل يقطع مسافة اطول سواء داخل المدينة أو في السفر ؟
ملاحظة اللاندكروزر الديزل ٢٠٢٠ أخذ تقييم جيدجدا في استهلاك الوقود ما وصل لتقييم ممتاز
وهذا موجود على ملصق المقاييس اللي تجي على القزاز
وشكرا للجميع
خذ العلم من مجرب الاثنين، صرفية الاستخدام اليومي داخل البلد للبنزين ٥٥٠-٦٥٠ كم و الديزل نفس السواقه ٩٥٠-١٠٥٠ كم . يعني الديزل يمشيك دبل ممشى البنزين و غير كذا شف كم تفلل البنزين و كم تفلل الديزل. يعني اعبي اقل و يمشيني دبل. و لو افترضنا ان الديزل ارتفع و صار مثل سعر البنزين لازلت موفر لانك تمشي دبل الممشى. و الصيانه هي هي نفسها بين البنزين و الديزل لحد يكذب عليك الفرق الوحيد هو فلتر صغير للديزل قيمته ٧٠ ريال تغيره انت بالبيت كل اربعين الف كيلو.
غلطان ونص.. مكينه الديزل تعيش اضعاف مكينة البنزين انا مجرب الديزل سنوات عجاف معدوم الاعطال تقريبا اكثر الخراب بطرنبه الديزل لكن اذا كنت تغير فلاتر الديزل بأنتظام امورك طيبه
الديزل افضل اذا اخذت سياره قويه ماتخترب بسرعه وقطع غياره متوفره جدا وبكثره
القطع متوفرة لكن هل متوفر اللي يركبها لك 😅
توجه الناس للديزل ... مع الرؤيه اربطوا الاحزمه
انت الله يعطيك العافيه .. 🌹🌹🌸 مختصر مفيد .. للمشي والكرف الديزل .. استخدام عادي وخفيف للبنزين . .
مشكور جدا وياحبذا الي بقدم فيديوات مفيدة هكذا ينتبه عالصوت والضجيج يعني لو كنت واقف في مكان هادي ونسمع كل ماقلت كان افضل
معك حق الفكرة تعتمد على كمية المشاوير لكل شخص
ياخوي المقصد البنزين كل شوي يغلى يعني بعد كم سنه ممكن يطبع ١٥ الف رياال ب السنه
١٥ اللف حق ٣ سوات مو سنه
عن نفسي عندي برادو السيارة تمشي تقريبا ١٠٠٠ كيلو ب ٣٠٠ ريال يعني اذا امشي بالسنة ٢٥ الى ٣٠ الف كيلو عليك الحساب كم هذا تجربتي بس جيب اما سيدان اكيد بتوفر احسب موترك و شوف تقدر تتحمل الصرف عليها او اشتر سيدان مو لازم جديد
يعني ما معقول اخسر و ابيع السيارة و اشتري سيارة ثانيه التكلفه راح تكون اعلى خاصه هالزمن
حاول توفر في سيارتك اذا سيارة محرك كبير او عائلية قلل مشاويرك او اشتر سيارة صغيرة للبلد محرك صغير معها هذا الحلول
اشكرك الشكر الجزيل يالغالي والله انك حليت مشكلة الاختيار لانني افكر منذو مدة ان اشتري لاند كروزر او سيارة تماثلها جديدة واشغلت فكري بالتفكير مرة اقول ابي ديزل ومرة اقول ابي بنزين ومن خلال كلامك اقتنعت بالبنزين وشطبت على الديزل خلاص ومشكور والله . بس مادام فيها ضريبة 15٪ لايمكن اشتري سيارة الوقت الحالي حتى لو امشي حافي لان حوالي 40 ألف ضريبة مضرة جداً ومبالغ فيها . .
السياره المستعمله لو انها ٢٠٢٠ مافيها ضريبه
ادع لي علئ ذا المعلومه😅
ماشاء الله دراسه سعودية
لو تحسبها إلى يوم الدين الديزل أفضل وحتى لو أرتفع سعر الديزل يبقىٰ هو الأفضل في الأقتصاد ولو راتب الشخص قليل الديزل ماهو زي البنزين تعبي بفلوس قليله ويخدم معك فتره طويله
حسبتك غلط لو يمشي٢٠ كيلو في السنه يعني في الشهر١٦٦٠ كيلو وكل لتر بنزين يمشي تقريباً متوسط السيارات البنزين١٠ يعني في الشهر١٦٠ ريال مستحيل انا اصرف بنزين في الشهر قرابه٢٧٠٠ ريال والان بعد الديزل اصرف بالكثير٣٠٠ريال فرق كبيره احسبه انه اقصاد السياره الديزل وسلامت فهمك وتفكيرك الاقتصادي😅
مع احترامي لصاحب الفيديو لكت في اخطأ مثل قوله ان الديزل اقل عزم معروف ان الديزل قليلة احصنته لكن عزمه قوي ثانيا معلومة غلط هي ان البنزين افضل من الديزل بالأعطال في شخص بسويسرا عنده مرسيدس 1992 ديزل ماشيه 3.4 مليون كيلو بمحرك الوكالة ما وضب المكينة ولا غيرها
عيشت … وصح لسانك كلامك يدخل الراس واقرب الى المنطق
ابغى الزبده انا طفرت بسبب ارتفاع سعر البنزين ودوامي كل يوم ٤٠ كيلو غير اني نص يومي بالسياره اشغال عندي كامري ٢٠١٧ تنصحوني اغير مكينه ديزل ولا؟
اقول يا صاحبي استخير الله وتوكل على الله وخذ ديزل اذا انك صاحب خطوط ومشاوير ، انا والله الان الان خويي معه ديزل ونصحني اخذ ديزل ، البنزين والله ذبحني وانا شبه يومي اداوم مكه جده ، وتقريبا امكن بالشهر 1500﷼ بنزين. والله قررت اقبل سيارتي واخذ ديزل. ولا تشاور
@@فايزالعتيبي-خ5ش والله انا كمان معايا كامري ٢٠١٧ وكل يوم مكة جدة البنزين هلكني . تنصحني ابيعها واخد ديزل ولا ايش رايك ..؟؟ متخوف ياخي السيارة جديدة على يدي ما تشكي من شي الحمدلله بس متخوف من الديزل وراح اخدها مستعملة
ويوم تقول صيانه تحسسني اني بكره بتخرب لو اخذت ديزل
😂😂😂😂💔
اضف إلى ذلك أن قطع غيار الديزل أضعاف البانزين خذ على سبيل المثال الطرمبة سعر الديزل خيال هذا كلام مهندس سيارات وأنا مجرد ناقل.
😂😂😂😂البنزين أقل أعطال من الديزل لا والله ماصدقت ياصاحب الفيديو اسأل عم قوقل شوف اش يقلك الديزل اعطاله نادره إذا انسان محافض؛ من وين جبت هلمعلومه البنزين أقل أعطال من الديزل 😂😁😂واي واحد مو مصدق يروح قوقل الديزل عطاله نادره
كلهن واحد مافيه اعططال ويكفي ان شعارة تويوتا 😹😹😹😹😹 وب الاخير انت واهتمامك والله لو موترك مدري وش اعط الموتر حقة يعطيك دبل 😹🤙🏻
اشهد انه صادق .وخصوصا تيربو مع صيف تندم
تحياتي لك
ليش اندم ؟
@@سبحانالله-ث5ي
اي كلام 😂 هو تحصله يسوق صني
اغلب السيارات الحديثه فيها تيربو
ي حبيبي اذا معي ديزل اكيد ابمشي فالسنه حول ال50 الف كيلو بدال البنزين بسافر ابروح واجي
اعذرني معلومات عن حرارة التيربو خطاء اذا مهتم في سيارتك وتعرف تستخدم صح ما يخرب والاهم زيت بس
احترم رايك لاكن 90 في الميه من كلام غلط وماله اي شي يثبت مثل قلت ان الديزل عزمه ضعيف غلط في غلط الديزل اقوا من مكينه البنزيم ثاني شي ليه الديزل غالي لنه اجود واقوا من البانزين و المكينه تعيش عمر أطول من مكينه البنزيم عكس البنزيم توضيب والي اخرهه بعدين الديزل اقتصادي اكثر من البنزيم لن الاحتراق الي يولده الديزل اقوا من البنزيم واشيا كثير الديزل يتفوق فيها ورائي ان الديزل يصلح ل منطقتنا
حط في بالك وهذي وجهة نظر بعد ما شفت الديزل
للمدى الطويل
الديزل صيانته صعب تلاقي احد يفهم فيها
وغير كذا اذا تيربو لازم اظن تغير فلاتر بشكل دوري
وسعر الديزل زي ماتفضل صاحب المقطع اغلى
البنزين لك وللزمن اصرف بنزين بس استمتع من كل النواحي بس غير زيت ، وكل تقريبا سنتين او 3 غير بواجي وقماشات
يارجال صدعنا من البنزين جاب لما الخساير حتى هو ماكلنا صيانه وقطع ويصرف حتى وانا امشي 60 او 80 عالخطوط السريعه ماااش عليك باليزل للعماله السائبه😂 يعني فلها
يازين العافيه بس
الناس تعبي فل بنزين ب ٢٥٠، والبنزين اللتر يمشيك ٨.١ فقط، بينما الديزل فله ب ٧٠ واللتر يمشيك ١١.٦
طبعا انا اتكلم عن اللاندكروزر.
فحسبتك بعيدة جدا عن الواقع، في فرق في السعر وفرق في الصرفية.
الأمر الآخر الديزل أقوى عزم وتحمل في الطلعات ولذا السيارات الثقيلة وسيارات النقل لا ما ينفع لها البنزين. البنزين أفضل في التسارع لأنه احتراقه أسرع. لكن لو تطلع السيارتين نفس الطلعة البنزين يطيح عزمه قبل الديزل.
الأمر الآخر، زيادة الفرق في السعر، هو فرق في المتانة وتكلفة الانتاج، حديد مكينة الديزل أقوى وأسمك.
مشكلة الديزل في الصوت، صوته قوي صراحة.
بسنه اقطع 50الف وطالع افلل موتر 8 مرات بـ 85 ﷼ بشهر 680 بسنه 8160 ﷼
ديزل افلل 8 مرات ب37 ريال 296﷼ بشهر بسنه 3552﷼
8160-3552=4608 ﷼
اقل
يزين الديزل بس
كداد انت ؟
حسبتك صحيحه
لاكن 4600 هذي بتدفعها مقدم لان سيارات الديزل اغلى من البنزين
يعني ليش ادفعها مقدم واتبهذل بالمحطات واذا بغيت اعبي لازم اطلع لدايري لان اغلب المحطات الداخليه احيان ماتلقى واحيان زحمه 10 سيارات على طرمبه وحده
انا اقول هيا هيا صبها احقنها
الي ماتدفعه اذا جيت تعبي ديزل بتدفعه بقيمه السياره وصيانتها
والبنزين الي تدفعه فيه بيطيح من قيمه السياره وصيانتها
@@abonaef بس في المقابل ادفع زياده في سعر الكاش ولا اقعد ادفع كل شهر اكثر من الف ريال من راتبي على بنزين ، الديزل للخطوط وراعين البر ممتاز جداً طبعاً اتكلم عن الجيب (الجكسار ) هو الي يفرق حاليا الدزيل تفلل ب 70 الآن ، والبنزين (95) حسب بطاقة الوقود تفلل ب 267 يعني لو حسبتها تفلل بالشهر 6 مرات بطلع الديزل 350 ريال والبنزين اكثر من 1300 ريال شفت الفرق كيف !
واذا كنت راعي طلعات واجده بتعبي من 7 الى 8 مرات في الشهر عليك الحساب كم يطلع الفرق يعني بتوفر (شهرياً) ما يقارب 950 ريال و950 في وقتنا الراهن تفرق معك واجد هذي حق فواتر بيت كامل مدة شهر او معيشه اسبوع !
ناهيك على ان السياره اذا شريتها جديده اقل شي رح تقعد معك 5 سنوات بحسبه بسيط 950 ريال شهرياً ضرب 12 شهر = 11400 الف ريال سنوياً في 5 سنوات 57000 الف ريال هذا اذا استمر البنزين بهذا السعر وطبعاً انت عارف مستحيل يستمر اكيد بيرتفع زياده مع الوقت .
السلام عليكم يا صاحب الفيديو هل انت عند دراستك وكلامك السابق الان سعر البانزين اكثر من ريالين الله يلطف ويعين
والديزل ازعاااااج وارتفعت اسعار السيارات
🌹
انا مخوفني ان الديزل اذا ارتفع سعره ... هل بيضل نفس ماهو الان او بيشعلل زي الامارات
كل عام والجميع بخير وصحه وسلامه
استفسار لأهل الخبره ممكن توضحون لنا عن أفضل موديل لسيارة ايسوزو ديماكس علما بأن الميزانيه حدود ٣٠ الف إلى ٢٥ الف تحياتي للجميع ...
اذا انت قصدك ديزل والغرض التوفير فلازم تعرف ان بعد ست شهور راح ينزل الديزل الجديد المطابق للمواصفات الاوروبية يورو 5 وهذا الديزل تكلفة تكريره اغلى من الحالي وطبيعي بيكون سعر اللتر منه اغلى بكثير من الديزل الحالي
@@yob2006vip فهمني يولد تكفى تراني معربن على ديزل امس اذا الوضع زفت بكنسل البيعه
@@yob2006vip وين ٦ اشهر
هذي سنه مرت ولاصار شي
واذا مثلا وصار
بارسل صاحب وايت وبشفط منه وانتهى
او بستأجر اي سياره كبيره لمدة ساعات
وبعبيها فل الى ان اعبي برميل وبخرنه في البيت
ههههههههه
مايحتاج تشتري سيارة جديدة، كد مكينه البنزين الين تخرب ثم فكها واستبدلها بمكينه ديزل
معلوماتك تحتاج تصحيح ومكائن الديزل باردة جدآ ومناسبة للاجواء الحارة
أنا ما جربت الديزل ولكن كلامك صحيح بخصوص أن جيوب وسيارات الديزل أغلى وكأنك تدفع مقدم نوعا ما
لكن فيه نقطة مهمة جدا
وهي ممكن لا سمح الله يرتفع البنزين أكثر.. وبتكون مجبور
عكس الديزل ما أتوقع يرتفع كثير لأن التريلات والنقل والخ... تستخدمه
لكن السؤال هل فيه قطع بسيارات الديزل غالية تحتاج صيانة أو تغيير كل فترة ؟ مثل طرمبة الديزل أو التوربو ؟
بنسبه للتغير الاشياء الديزل انا استخدم الديزل من ١٦ سنه تقريبا من ٢٠٠٦ للحين و كل سياراتنا ديزل. ما تغير الا اشيااء بسييطه الي هي فلتر الدييزل و انك تحاافظ ع الزيت كأي سيااره و فلتر التيربو لازم بعد كل تغيير زيت تنظيف بهواء او شيء ينضفه ثاني و بأذن الله ما راح تشتكي من شيء. للكن... السيارات من ٢٠١٦ و طالع فيها اشياء غاليه هو صدق عزمها قوي لكن لو تصدم السياره من الامام او يخرب شيء منها تصلييحه جداا غالي و اذا حافظت عليها مثل ما قلت فووق ما راح تنساها طول عمرك
@@yusifalshrari1544 حبيبي تنصحني بشراء فورشنر ديزل والله محتار ابي احد مجرب مثلك يقدم لي نصيحه
مثلها مثل السيارة الكهرباية تدفع عشر آلاف زياده حق النزين سنتين.
معلومات غير صحيحة انا معي ديزل ايسوزو دماكس فل ٣٥ في الخط يمشي ٨٥٠ تقريبا على حسب سياقتك اما من ناحية العزم اقوى من البنزين بالف مرة انا اطلع مطلع الجيوب العزم قوي 💪 جداا ودليل الشاحنات ديزل وتسحب اطنان اما من ناحية السرعة اكيد النزين اسرع الديزل ما هو حق سرعة قوة وتحمل واقل اعطال بنسبة لبنزين الان المكينه بخاخات البرين بواجي الديزل اقل كهرب من البنزين اكيد فيه ازعاج من صوت الديزل البرين اهدا الديزل يطول ما يحتمي وقت البرد ١٦ دقيقة البنزين اسرع في تحمية الموتر هذي ملخص سنتين ونص من تجربة الديزل وكل واحد على حسب احتياجة 🤚
طيب ليه سيارات المانيا اغلبها على الديزل المرسيدسات والبورشات وتمشي بعضها ٣٠٠كيلو بالساعة طيارة وعندك اليوتيوب شوف سياراتهم كم تمشي وايضا امريكا غالبية سياراتهم السوبرات والونيتات ديزل وماشيه حلاوه وعندنا مطيحين بس بالبانزين اذا على الصوت بداهية الصوت
@@مشهورالبنيان ايد كلامك اذا الصوت عادي
مشهور البنيان الديزل عندهم صافي ونظيف مهو زي الي عندنا يخيس بسياره
يعجبني اللي يختصر الكلام
والله وجهة نظري حسب الشخص اذا تحب جلست البيت خذ بانزين واذا تحب التمشيه والسفر والطلعات ولا تحب جلست البيت خذ ديزل
الله يرحم
الهايلكس الديزل اغلا من البنزين ٢٠ الف العشرين الف تمشيك ٣ سنوات بالبنزين اما اذا انت شخص تمشي بالسنه ٦٠ وطالع الديزل مناسب لك وفي نقطه مهمه الديزل ما يحتمل السرعات العاليه بالحر سيارت انسان عاقل ماهو راعي سرعه ودعس كانت عندنا هايلكس ديزل ٢٠١٤ ديزل اخذناها اصفار نمسك خطوط متعودين ع البنزين نسرع عليها وصلت ٥٠ او ٦٠ الف خبطت وديناها الورشه قال الديزل لا تجور عليه يمشي معك مليون
حاليا اشوف سيارات الديزل الكوريه رخيصه ونفس سعر البنزين فهي خيار مناسب اما اني احط ١٣٠ الف بهايلكس ديزل خساره
جيل الطيبين اللي يقولون ان التيربو بيعطل في الحر وان الديزل مو سريع اقول هذا شغل حراجات وجهل . الآن السيارات الحديثة وضعها اختلف وتعالجت المشاكل الكانت اول . افتح شوف كيف يتم تبريد التيربو وكيف صار الديزل اسرع من البنزيل حتى في القومة الفرق بسيط . حنا نبي سيارات للمشاوير مو للسباقات
ليتك بدل ماتعدل اخطائه تعدل املائك يامليح
@@عازف-ي8ط ما عندي اخطاء إملائية يا مليح هذه لهجة دارجية يعني تكتب على حسب ما ينقال . استاذك ما يعلمني كيف اكتب. فهمت؟؟
ماعندك سالفة اترك المسافة لا تحسب
Gxr اسبوعياً تعبئة البنزين
205ريال شهري820 ريال
سنوي 9840
نجي gxr الديزل
فل 60ريال
شهري 240ريال
2880ريال
كم وفرت 6960ريال
99%من الناس كل اسبوع تعبي بنزين احسب كل اسبوع 205gxr بنزين الديزل 60ريال فرق حبيبي .
الحين صار فوق الريالين البانزين والفرق زاد