شيلھ ”لا ذكرت المنازل“ مرثيھ في الوالد : ظافر بن مهدي العرجاني - رحمه الله 🤍 .

كلمات ابنه : راشد بن ظافر بن مهدي
اداء المنشد : مانع القحطاني . .
-
سـنّـة الله في عبَـاده كـذا موت و حيـاه
مـا على الـدّنيـا مـعـمّـر و لا فيهـا قـوي
رحمته وسْعَت هل الأرض في كُل اتجاه
في كتـابه سُطِّـرت و الحـديـث النّبـوي
يـرحـم الله وجـه منهـو يـشـرّفـنـا نـبـاه
بــ الكرم و المرجله سمعته تـدوي دوي
ذاك ابي دمث المكـارم و له وجهٍ وجاه
بـأسمه آرد للـمـعـالٰي و للـعـد الـروي
ظافر التّرحيب جعل الولي يـ طيّب ثراه
شايبٍ يا طيب راسه و مشكل و حمـوي
بابه مشرّع و منصى لـ ضيفه , لا لفاه !
الـدلال مـقـنّــده و الكـرامـه تستـوي
صوت نجره يصحِي اللي مايصحى للصّلاه
مـن بـزوغ الفجر لـ اللّيل و الـذيب يعـوي
فـاقدٍ من هـامته فـاقـت الروس الدهاه
اشهد ان غيبته تفْجـع و تكوينـي كـوي
بـري حالي لا ذكـرت المنـازل و الوصاه
العبـاير من تحـت محجـر الـعين تهـوي
يُفقـد الطيّب ولا مـات ! مـن حنّا وراه
دامنـا في منهجه نطـوي البيدا طـوي
غير توجع فقدة اللي مثل طوق النّجاه
ريـف ربعه و العـواني و جاره و الخوي
جـعل دارٍ حـل فيـها بـسـاتـين و مـيـاه
مـن ثمـرهـا ياكل و مـن نهـرها يـرتـوي
راشـد بن ظـافر العرجاني