ఎన్డీఏ కూటమి ఆధ్వర్యంలోని రాజమండ్రిలో ఈవేళ ప్రధాని నరేంద్ర మోదీ ప్రజాగళం భారీ బహిరంగ సభ

ఎన్డీఏ కూటమి ఆధ్వర్యంలోని రాజమండ్రిలో ఈవేళ ప్రధాని నరేంద్ర మోదీ ప్రజాగళం భారీ బహిరంగ సభ నిర్వహణకు ఏర్పాట్లు పూర్తయ్యాయి. రాజమండ్రి వేమగిరి వద్ద జాతీయ రహదారినీ చేర్చి ప్రధాని ప్రజాగళం ఎన్నికల సభకు భారీ ఏర్పాట్లు చేశారు. ఈ సభలో ప్రధాని నరేంద్ర మోడీ, టీడీపి అధినేత చంద్రబాబు నాయుడు, జనసేన అధినేత పవన్ కళ్యాణ్ , బీజేపి రాష్ట్ర అధ్యక్షరాలు దగ్గుబాటి పురంధేశ్వరి, టీడీపి జాతీయ ప్రధాన కార్యదర్శి లోకేష్ పాల్గొంటారు. కాకినాడ, అమలాపురం, ఏలూరు, నర్సాపురం ఎన్డీయే ఎంపీ అభ్యర్ధులను , రాజమండ్రి ఎంపీ పరిధిలో ఎన్డీఏ అసెంబ్లీ అభ్యర్ధులను, ముఖ్య ఎన్డీఏ నాయకులను వేదిక పైకి ఆహ్వానించనున్నారు. బీజేపీ , తెలుగుదేశం, జనసేన పార్టీలకు చెందిన సుమారు లక్ష మంది ప్రజలు హాజరవుతారనే అంచనాతో వేదిక వద్ద కుర్చీలు ఏర్పాట్లు చేశారు. మరో లక్ష మంది వేచి వుంటారని, జనసేన తరపున భారీగా జన సైనికులు . తరలివస్తరనే అంచనా వేసి భారీ బందోబస్తు ఏర్పాట్లు చేసారు. . ఎలాంటి తుఫాను, గాలి వానలు వచ్చినప్పటికీ చెక్కుచెదరని అధునాతన వేదికను. జపాన్ టెక్నాలజీ తో సిద్ధం చేసారు. అలాగే భారీకేడ్లు నిర్మించారు. అయితే ఈ ముగ్గురు నేతలు వచ్చేందుకు అనువైన మూడు హెలీ ప్యాడ్ లను వేదికకు దగ్గరగానే ఏర్పాటు చేసారు. బస్సులు, కార్లు,ఆటోలు, మోటారు సైకిల్లు పార్కింగ్ సంబంధించి పలు ప్రదేశాలను పోలీసు యంత్రాంగం పరిశీలించి ఏర్పాటు చేసింది. బహిరంగ సభ ఆవరణ , వేమగిరి జాతీయ రహదారి లలో పోలీసులు భారీగా మోహరించారు. మధ్యాహ్నం మూడు గంటలకు సభ ప్రారంభమవుతుందని నిర్వాహకులు వెల్లడించారు. అనంతరం రాజమండ్రి నుంచి ప్రధాని మోడీ, చంద్రబాబు , పవన్ బయలుదేరి అనకాపల్లి వెళ్తారు సాయంత్రం ఐదు గంటలకు అనకాపల్లిలో జరిగే ప్రజాగళం సభలో వారు పాల్గొంటారు.