UNUDA BİLMƏDİN Söz və səs: Həvva Nazim

Unuda bilmədin
Ayları, illəri bir-bir ötürdün,
Bu qızı unuda bilmədin axı.
O şux cavanlığı gözdən itirdin,
Bu qızı unuda bilmədin axı.
Həsrəti içində büküb gizlədin,
Çıxıb xəlvət-xəlvət yenə gözlədin,
Ah çəkib uzaqdan hər gün izlədin,
Bu qızı unuda bilmədin axı.
Ömrü gilə-gilə əritsən belə,
Qəlbin hıçqırığın kiritsən belə,
Yığıb xatirəni kürütsən belə,
Bu qızı unuda bilmədin axı.
Ağ tellər bir eşqin yadigarıdı,
Ürək için-için yanıb zarıdı,
Bir də ayıldın ki, ömür yarıdı,
Bu qızı unuda bilmədin axı.
Bizimki alınmaz, çıx get - desən də,
Həvva, körpüləri yıx get -desən də,
Əcəlin əlini sıx get - desən də,
Bu qızı unuda bilmədin axı.
Həvva Nazim
01.12.2023