شباب السلمي : يا مرحبا بالجميع وكل ضيف الله يحييه الضيف يلفي وترحيب الثنا يسبق سلامه مبروك يا ثامر التكريم وانته له وراعيه ابوك في واجبه صدر الكرم وانته وسامه فهد العازمي : دام البقى يا زميل كل ما نذكر لياليه نجزيه بالخير والشعر الحقيقي من كلامه حضرت اشارك وابارك حق عاني عند عانيه جاري ليا جا له اللازم مقامي من مقامه شباب السلمي : لا هنت واللي يسلمنا جنيه اجنيه نعطيه وانته لِيَا صار نقض وفتل فايز فالعلامه ارضي عميلي ليا صار الكلام الزين يرضيه وامشي ويمشي وكلٍ ما نقص منه احترامه فهد العازمي : البيع والمشترى في كل سوق اجنيه بجنيه لكن يا سوق حايل وش يجيبك في تهامه السلك لو ينجرح مكشوف نار الكهربا فيه شرارةٍ لو سلم الثوب منها فالعمامه شباب السلمي : ارفع معانيك ما دام الوفي رافع معانيه انا في بهالسن ما ابغىٰ كود يا الله السلامه الشاعر اللي طلع ذكره على نجد وضواحيه خله يسافر لغربي نجد ويطيّر حمامه فهد العازمي : اللي تغنيه يا شباب خلق الله تغنيه وان كان منته بداري ما نحمّلك الملامه والشاعر اللي تقوله بعد ما كثرت غنانيه ما عاد باقي ولا وحده رصاصه في حزامه شباب السلمي : اللي يحول بسوق اِيبيع به فصفص ويشريه ما اجاوره دام وسط العاصمه قصر اليمامه ان كان شفت الخوي فيه القشر ماني مخاويه اخاف تال الزمان يضيع ملحه مع طعامه فهد العازمي : اقول يا صاحبي من لا يعرف الحر يشويه والله واعلم بسوقك وش حلاله من حرامه ما لك علينا يا ابوعادل حقوق ولا مشاريه واليا قطعت الاشاره يلزمك دفع الغرامه
شباب السلمي :
يا مرحبا بالجميع وكل ضيف الله يحييه
الضيف يلفي وترحيب الثنا يسبق سلامه
مبروك يا ثامر التكريم وانته له وراعيه
ابوك في واجبه صدر الكرم وانته وسامه
فهد العازمي :
دام البقى يا زميل كل ما نذكر لياليه
نجزيه بالخير والشعر الحقيقي من كلامه
حضرت اشارك وابارك حق عاني عند عانيه
جاري ليا جا له اللازم مقامي من مقامه
شباب السلمي :
لا هنت واللي يسلمنا جنيه اجنيه نعطيه
وانته لِيَا صار نقض وفتل فايز فالعلامه
ارضي عميلي ليا صار الكلام الزين يرضيه
وامشي ويمشي وكلٍ ما نقص منه احترامه
فهد العازمي :
البيع والمشترى في كل سوق اجنيه بجنيه
لكن يا سوق حايل وش يجيبك في تهامه
السلك لو ينجرح مكشوف نار الكهربا فيه
شرارةٍ لو سلم الثوب منها فالعمامه
شباب السلمي :
ارفع معانيك ما دام الوفي رافع معانيه
انا في بهالسن ما ابغىٰ كود يا الله السلامه
الشاعر اللي طلع ذكره على نجد وضواحيه
خله يسافر لغربي نجد ويطيّر حمامه
فهد العازمي :
اللي تغنيه يا شباب خلق الله تغنيه
وان كان منته بداري ما نحمّلك الملامه
والشاعر اللي تقوله بعد ما كثرت غنانيه
ما عاد باقي ولا وحده رصاصه في حزامه
شباب السلمي :
اللي يحول بسوق اِيبيع به فصفص ويشريه
ما اجاوره دام وسط العاصمه قصر اليمامه
ان كان شفت الخوي فيه القشر ماني مخاويه
اخاف تال الزمان يضيع ملحه مع طعامه
فهد العازمي :
اقول يا صاحبي من لا يعرف الحر يشويه
والله واعلم بسوقك وش حلاله من حرامه
ما لك علينا يا ابوعادل حقوق ولا مشاريه
واليا قطعت الاشاره يلزمك دفع الغرامه
ياخي فيه محاورات في المغتره ناقصه عام ١٤٠٥/١٤٠٦/١٤٠٧
عزالله انهم ابدعو