Tramp vitse-prezidentlikka loyiq ko‘rayotgan Jeyms Vens kim?

Respublikachi Donald Trampni o'ziga siyosiy yo'ldosh sifatida 40 yosh ostonasidagi ogayolik senator Jeyms Vensni vitse-prezidentlikka loyiq nomzod deya e'lon qildi.
AQSh qonunlariga ko'ra, prezident hokimiyatda ekani chog'ida vafot etsa yoki salomatligi tufayli mamlakatni boshqara olmasa, hokimiyat vitse-prezident qo'liga o'tadi. Jo Bayden va Donald Trampning keksa yoshi inobatga olinsa, bunday ehtimolni nazardan qochirib bo'lmaydi. Amaldagi vitse-prezident Kamala Xarris Vensni bejiz teledebat bahsiga chorlayotgani yo'q.
Vens jamoatchilikka bolaligidan ko'rgan-kechirganlari, irodasiz va umidsizlik ichidagi aholi sharoitlari aks etgan memuarlari "Netflix"da kino-asarga aylangani ortidan tanilgan. 2023-yil yanvaridan Ogayo shtatidan senator bo'lib saylangan.
Iroq urushida qatnashgan Vens dastlab Ogayo universitetini, keyin Yel universitetining Huquq fakultetini tamomlagan. Trampning tanqidchisi bo'lgan, biroq keyinchalik uning tarafdoriga aylanib, uzr ham so'ragan.
Bolaligi og'ir kechgan. Ota-onasi chaqaloqligida ajrashib ketgan. Giyohvandlikka berilgan onasi bir necha marta oila qurgan. Onasi tomonidan buvasi va buvisi qo'lida katta bo'lgan.
Ayni damda uch nafar farzandning otasi. Rafiqasi Usha Vens hindistonlik immigrantlar oilasidan, advokat, 38 yoshda.

[@user-hz4jq1ve7i]

Go Tramp

[@user-tx4yf9mj9t]

Трамп к,алби тоза инсон эканда, раз гитлер деган одамни вице президентликка лойик, ку́рса😊