Günay Ağamalı Neftçala r-nu, Ərəbqardaşbəyli kəndində şəhid Şahlar Məmmədovun məzarını ziyarət etdi.

65 saylı Salyan-Biləsuvar-Neftçala seçki dairəsi üzrə deputatlığa namizəd Günay Ağamalı 26 Avqust 2024-cü ildə Neftçala rayonunun Ərəbqardaşbəyli kəndində şəhid Şahlar Məmmədovun məzarını ziyarət etdi, ruhuna dualar oxudu.
Sonra Günay Ağamalı şəhidin ailəsinini ziyarət etdi, onun valideynləri ilə görüşdü.
Səmimi keçən görüşdə ikinci Qarabağ müharibəsi zamanı Şuşa istiqamətində gedən döyüşlərdə qəhrəmanlıqlar göstərərək 25 yaşında Şəhadətə ucalan Şahlar Məmmədovun qısa və şərəfli ömür yolundan söz açıldı.
Günay Ağamalı DİN Daxili Qoşunların baş çavuşu şəhid Şahlar Məmmədovun Vətən sevgisindən, döyüş yolundan, igidliklərindən danışdı. Qeyd etdi ki, xalqımız qanları, canları ilə tarix yazan qəhrəman Vətən övladlarını heç zaman unutmayacaq, Şəhidlərimiz bizim qürurumuz və and yerimizdir.
G.Ağamalı dövlətimiz tərəfindən şəhid və qazi ailələrinə göstərilən diqqət və qayğıdan da danışdı.
Şəhidin anası Əzizə Məmmədova və atası Şahin Məmmədov Günay Ağamalıya fəaliyyətində və növbədənkənar parlament seçkilərində uğurlar arzulayaraq, ona öz xeyir-dualarını verdilər.