أخطاء تنفيذ المحاره | الحلقة (27) || فن التشييد
Вставка
- Опубліковано 26 лип 2024
- للاشتراك في كورسات الخرسانات والتشطيبات للمهندس/عبد الرحمن الشرنوبي
bit.ly/3Dk7x6v برجاء الضغط على الرابط التالي
--------------------------------------------------
00:00 المقدمة
02:50 أولا: استخدام مياه غير صالحه للشرب
06:15 ثانيا: استخدام رمل فائق النعومه
09:00 ثالثا : استخدام أسمنت منتهي الصلاحية
15:03 رابعا : وضع جبس في المونه
16:48 خامسا : اهمال المعالجة
18:15 ختام الحلقة
--------------------------------------------------
بند المحاره يعتبر مرحلة فاصلة من مراحل تنفيذ أي مشروع ، لأنه البند الي بيتأثر بجميع أخطاء البنود الي قبليه ،وهو الأساس لكل بنودالتشطيبات الي جايه بعديه ، ولو مااتعملش بجوده كبيره هنلاقي مشاكل في كل بنود التشطيبات الي جايه بعديه ،دهانات ، أرضيات ، أبواب وشبابيك ، كهرباء ...الخ
وفي حلقة النهارده هنتكلم عن 5 أخطاء بنقابلها في بند المحاره وهنعرف الملاحظات الي لو اخدنا بالنا منهم في أي نوع من أنواع البياض هيفرق معاك جدا في الفينيش النهائي
اولا:استخدام مياه غير صالحة للشرب.ايه الفرق بين الميه الحلوه ومية الشغل من حيث التركيب بتاعها ؟ مية الشغل مستوي الملوحه فيها عالي وده بيأذيني في الأعمال الخرسانية. الملح عندنا بيمثل لنامشكلة. ولذلك لما نيجي نستخدم مياه في صب الخرسانه المسلحه لازم تكون مياه حلوه ونسبة الملوحه فيها قليله عشان ماتأثرش علي الحديد ونفس الكلام لبند المحاره خاصة انه بياخد كمية ميه كبيره سواء أثناء التخليط أو المعالجة.أما لو استخدمنا مياه الشغل ومحرنا وسبناها هتلاقي المياه كلها طلعت وطبقات الملح ظهرت والي بتسبب مشكلة كبيرة لما اجي اشتغل بعد كده في بند النقاشه.الخطأ الثاني:استخدام رمل فائق النعومه في تخليط المونه والي بيسبب مشكلتين : مشكله في التخميره ومشكلة ان هذا الرمل بيساعد علي سرعة هروب الميه وبالتالي حجمه يقل بسرعه فتظهر الشروخ في كل مكان ولذلك ثبت بالتجربة العملية ان الرمل متوسط الخشونه بيكون أفضل في تشغيلية المونه ومش بيسبب كمية المشاكل الي بيسببها الرمل الناعم
الخطأ الثالث : استخدام أسمنت منتهي الصلاحيه.ولذلك عند استلام الأسمنت يجب ان يكون تاريخ تعبئته من يوم او اتنين مش اكتر من كده لأنك مابتكنش ضامن ظروف التخزين وهل شم رطوبه ؟ فتبدأ حبيبات الاسمنت تتكلس ،لما نستخدمها علي السطح نفاجأ ان المحاره أجزاء منها ناشفه ،لو حطيت ايدك عليه تلاقي الاسمنت بيقع.في مشكله تانيه:العجان بيعجن كمية مونه يستخدمها والباقي يعدي عليه ساعات كتيره وتبدأ تشمع فيقوم مزود ميه عشان تفك ويحلها وتبقي سهلة التشغيل.الشغل ده شغل عفش هيعملك زفاره غير طبيعيه في المحاره.في نقطه كمان بالنسبه للاسمنت وهو ان بعض الصنايعيه عشان يضمن ان التلبيشه ماتقعش منه فيزود المحتوي الأسمنتي فيؤدي الي ظهور شروخ كبيرة ، عشان تفاعل الإماهه الي بيحدث للأسمنت زي الي بيحصل بالزبط لما نكون بنخمر المونه بنفس النسب مع عدم اعتبار المناخ الي فيه المشروع ، منطقه بارده ولا منطقه حاره؟ وهل التخميرللواجهه زي الداخلي ؟ هل الشتا زي الصيف؟والدليل علي الكلام ده مواصفات البياض مقسمالك محافظات القطر المصري الي محافظات حاره ومحافظات معتدله، وعامل لكل منطقه معدلات استهلاك المون.الخطأ الرابع : اضافة جبس في المونه ،بهدف تسريع معدل الانتاج وعشان الطريحه تخلص في مده أقل ويتصرف المستخلص بمعدل غيرطبيعي.وده يعمل مشكلة لأن ذرات وحبيبات الجبس أول ما بتشم ميه بتنفجر وتطلع حراره وتلاقي الشروخ ظهرت. قاعده مهمه في شغل التشطيبات "لا يتم اضافة الجبس الا للأعمال الجبسية فقط وبعض الأعمال الخاصة بالرخام والجرانيت"الخطأ الخامس : اهمال المعالجة ، والمعالجة هي أي مونه أسمنتيه لما نيجي نستخدمها ونسيبها في الهوا بتفقد الميه بتاعتها ، فعشان نرجعلها الميه تاني نضطر نرشها بالميه ، زي العناصر الخرسانيه لما نيجي نصبها بعد عملية صب الخرسانه بنقوم تاني يوم برش العمدان والسقف بالميه ، عشان المونه تشد وتبقي قويه ولا تتفتت بسهوله . احنا هنرش الحيطان مره قبل الطرطشه والمره التانيه بعد ما الطرطشه تخلص نفضل نرش ميه من يومين ل 3 أيام عشان تجمد وتنشف والطرطشه تفضل بارزه وخشنه وماتتكسرش والمره الثالثه بعد ما البطانه او اللياسه تخلص نرشها بالميه لتقليل ظهور الشروخ والمستوي بتاعها يفضل مضبوط ،لأن كل مافقد الميه بيزيد ،فمستوى المحاره بدأ يلعب منك ،لأن مش كل المناطق نسبة فقدها للميه واحده مش ثابته ولذلك لازم نعرف ان الميه بترفع من جودة البياض في كل مراحل تنفيذه.ده كان ملخص لبعض الاخطاء الي ممكن تأثر علي جودة البياض ولو انت اهتميت بعدم عمل هذه الأخطاء ممكن جودة البياض ترتفع معاك بنسبة كبيرة وتقلل معاك حجم المشاكل الي هتظهر في البنود الي جيه بعد كده.
ياتري استفدتوا ايه من حلقة النهارده؟
#بياض #محاره #لياسه
#مهندس_تنفيذ #مهندس_موقع
#احترف_التنفيذ #عبد_الرحمن_الشرنوبي
--------------------------------------------------
- لمتابعة الحلقات علي القناة أسبوعيا الرجاء عمل subscribe:
/ abdalrahmanalsharnouby
- لمتابعة القناة علي Facebook الرجاء الدخول علي الرابط:
/ abdelrahmnalsharnouby
- لمتابعة القناة علي linked-In الرجاء الدخول علي الرابط:
/ abd-al-rahman-al-sharn...
- لسماع الحلقات صوتياً علي Soundcloud الرجاء الدخول علي الرابط
/ abd-alrahman-alsharnouby
- لمتابعة القناة علي Instagram الرجاء الدخول علي الرابط:
/ abdalrahmanalsharnouby
- لمتابعة القناة علي Twitter الرجاء الدخول علي الرابط:
/ abdlrahamns
تبارك الله مبدع
لا اله الا الله .
انا الصراحه أولي مدني بس متعرفش حضرتك فيديوهاتك غيرت وجه نظري لحاجات كتير +اتمني تنزل اكتر من حلقه في الاسبوع
شكرا ليك ياباشمهندس محمد...كلك ذوق
ربنا يباركلك ي هندسة.. من اكتر الناس اللى بتنزل معلومات مفيدة وواقعية
شكرا ليك ياباشمهندس عمر...كلك ذوق
للاشتراك في كورسات الخرسانات والتشطيبات للمهندس/عبد الرحمن الشرنوبي
bit.ly/3Dk7x6v برجاء الضغط على الرابط التالي
ممكن رقم تليفونك
الله يعطيك العافية بش مهندس❤
متابعك من الاردن وعنا اغلب الي بشتغلو بأعمال العظم من مصر اجدع ناس ❤
الله ينور عليك يا بشمهندس عوزين حلقه عن زرع العمود او الكمره تفصلى عن النجاره والتسليح والتشطيب
شكرا ليك ياباشمهندس علاء...كلك ذوق
حلقه من نار ❤️
شكرا ليك ياباشمهندس وسام...كلك ذوق
ما شاء الله بش مهندس دائما مبدع بالتوفيق
شكرا ليك ياباشمهندس سامي...كلك ذوق
بارك الله فيك
شكرا ليك ياباشمهندس أحمد...كلك ذوق
ربنا يباركلك ديما ي هندسة
شكرا ليك ياباشمهندس عبد الرحمن...كلك ذوق
جزاكم الله خيرا يا هندسة
شكرا ليك ياباشمهندس محمد...كلك ذوق
شرنوبي ربنا يباركلك والله طول عمرك مبدع
شكرا ليك ياباشمهندس خالد...كلك ذوق
جذاك الله خير
شكرا ليك يا فندم...كلك ذوق
ما شاء الله عليك يا هندسة 😇
شكرا ليك ياباشمهندس مصطفى...كلك ذوق
بحبك فى الله ربنا يبارك فيك💙
شكرا ليك ياباشمهندس أيمن ...كلك ذوق
الله ينور يا بشمهندس
شكرا ليك ياباشمهندس محمد...كلك ذوق
الله ببارك لك
شكرا ليك ياباشمهندس صلاح...كلك ذوق
فيديو مفيد ومختصر . كل التوفيق و مزيد من النجاح.
شكرا ليك ياباشمهندس عادل...كلك ذوق
ممكن تتعمل حلقه عن حياه الطلاب خلال دراسته ومحتاج يتعلم ايه من برامج او كورسات عشان كل فيديوهاتك بتخاطب الخريجين بس +أنا شوفت كل فيديوهاتك حتي الان الصراحه من افضل صناع المحتوي في مجال التشييد✨✨❤️
شكرا ليك ياباشمهندس محمد...كلك ذوق
الله يجزيك الخير يا بشمهنجز.
شرح رائع
شكرا علي مشاركتك ياباشمهندس عبدالستار
ربنا يباركلك يا هندسة
شكرا ليك ياباشمهندس أسامه...كلك ذوق
مشكور على المجهود يا هندسة اسفدت كثييييير
شكرا ليك ياباشمهندس محمد...كلك ذوق
الله ينور عليك يا هندسه ♥
شكرا ليك ياباشمهندس عبدالله...كلك ذوق
ما شاء الله جزاك الله خيرا وبركة
اهم شي الروشته
شكرا ليك ياباشمهندس مصطفى...كلك ذوق
مهتم
شكرا ليك يا فندم...كلك ذوق
الله يعزك ويبارك فيك يابشمهندس عبدالرحمن-هى ده المعلومات العلمية والعملية التى ترتقى بمستوى التشطيبات ونستفيد منها كثيرا كثيرا-مش عارف اشكرك ازاى-خالص تحياتى لشخص الكريم
شكرا ليك ياباشمهندس علاء...كلك ذوق
هندسة ممكن تتكلم عن الايبوكسي ومواد البناء الحديث
شكرا لاقتراحك يا هندسة بإذن الله في اقرب وقت ممكن
السلام عليكم يا هندسة
انا حاليا فى الجيش بتابع حضرتك من ٣ عمارة تقريبا من أول ما بدأت دورسك الرائعة
سؤال و رجاء بعد اذنك .
ممكن حضرتك تتكلم عن معدلات الاداء و الكميات المستخدمة فى البنود المختلفة للمشاريع زى كان شكارة اسمنت فى اعمال كذا
كم بؤميل معجون للبرايمر و هكذا يفرد مسطح ايه
و جزاك الله كل خير
اهلا بيك باشمهندس متفائل خير , بص الحلقات اللى بنحضرها بنتكلم فيها عن حاجة تستدعي الفهم والشرح, لكن ارقام ثابتة ممكن تجيبها من اي مرجع او اي شركة مصنعة للمادة ده ده سهل الوصول اليها
عاوزين بودكاست تفرق بين قسمى مدنى وعمارة لطلبة اعدادى
لمعرفة كيفية التعامل مع الصنايعية يمكنك مشاهده هذة الحلقة كاملة من خلال هذا الرابط 👇👇👇 :
ua-cam.com/video/wFYBgu404vA/v-deo.html
فكرة بودكاست ياهندسه فكر فيها هتبقى عظمه بالذات ع الساوند
- لسماع الحلقات صوتياً علي Soundcloud الرجاء الدخول علي الرابط
soundcloud.com/abd-alrahman-alsharnouby
بغذن الله يا هندسة تسلم حبيبي
في الحقيقه انا واجهني مشكله بعد م شطبت مكان ظهر شروخ ف الحيطه كتير جدا بعد تسليمي للمكان ب شهرين بس مع ملحوظه أن معظم الخطوات اللي حضرتك اتكلمت عنها عملتها زي المايه والاسمنت و الرمله ولحد دلوقتي موصلتش ل سبب معين لي الحيطه شرخت
الرمل ده اكتر حاجه بتضرب الشغل اساسا اهم م الماية حتى 😂
شكرا علي مشاركتك ياباشمهندس محمود
ويعنى ايه ظفارة فى المحارة يا هندسه
هو الاسمنت مش صلاحيته سنه يا هندسه مش شهر ونص!؟
وبالنسبة للرمل فى رمل عجمى ورمل تانى انهى فيهم افضل وبيفرق ف ايه فى خصائصه يا هندسه
هندسة السيراميك هل شرط يتعمل قبل الدهان
اه ده الأفضل
السلام عليكم ورحمة الله وبركاته
ازيك يا هندسة
دلوقتي في شروخ ظهرت معايا من زوايا الشباك السفلية
والشروخ بتسرح في الحيطة
ايه سببها وايه العلاج؟
بعد اذنك يا هندسة ارش المحاره لمده يومين يكفي ولا كل اما ازود افضل
كافيين يومين
الرمل. كنت فاكر أي رمل و خلاص.
عندى سؤال ياهندسه ف مرحله الملو بنستلم قده كما قال الكتاب بسللك الابواب والشبابيك ومقاسات ونتحيه الوزره وناحيه الكورنيشه الفيوتك فجأءة بعد اسبوع مثلا لما الضى يجى ع الجدار بشوف مطبات كتير اووووى لما بحط القده بلاقىها مظبوطه ازاى الاشى المشكله دى ؟؟ عايز الحيطه مرايه
مبيض المحارة بيعمل نهو للياسة بعد ما بيدرع ؟
@@alsharnouby فين الاجابه مفهمتش ؟
انا بسال مش بجاوب المفترض فيه مرحلة نهو اللياسة بعد ما بيخلص مبيض المحارة مرحلة الدَرع هل بيعملها ؟
من الاخطاء فى المحاره التربيه بدون( سن) تسبب التشريخ
هل جائز اضافة سن من الأساس للمحارة ؟
في ملخوظه بالنسبه للجبس هل بنستخدمه فقط في السوك زاي محكيات الابواب والزوايه لانها بتبقا غير متماسكه فبنضيف بعض الجبس
لا مش بستخدمها في السوك ولا المحاكيات وبستبدل ده باسمنت ناشف بحطه على السوك والمحاكيات والمونة لسه لينة
جزاك الله كل خير
طب بعد اذنك ماذا عن مدد الرش بالمياه و كدة يعنى
ارش الطرطشة كام يوم
و البطانة كام يوم و هكذا
من يومين لثلاثة ايام وزود شوية في فترات الصيف الحر الشديد
طب بعد اذنك هل فيه بديل للجبس لتسريع الشك
انت عاوز تسرع شك ايه تحديدا ؟
ياريت يابشمهندس معلش تتكلم علي مستقبل قسم مدنى لطلاب اعدادى هندسة
ولك منى كل الاحترام والتقدير ❤️
هو انا مش قصدي حاجة بس المستقبل ده في علم الغيب تقصد ايه تحديدا بالكلام عن قسم مدني ؟
@@alsharnouby
انا في اعدادى هندسة وحابب اتخصص مدنى وابقا مهندس تنفيذ بس ناس كتير بتقلي بلاش مدنى وملهوش مستقبل والاعداد كتيرة فا عايز اخد رأى حضرتك علي القسم وهل حضرتك شايف ليه مستقبل ؟
السلام عليكم يا هندسة
بالنسبة للجبس الصنايعي لما بيامم باب بيعمل البطنية جبس هل ده مسموح
يعني بيضيف جبس للاسمنت
عندى شروخ ظهرة فالفاصل بين الكمرة والمبانى مع العلم ان حاطين شبك فايبر ...وخصوصا فالدور الاخير ..ومع اول سكينة معجون نترت الشروخ المعجون من عليها ..والمفروض ..وجبت بتاع المحارة كسر وعالجها وبعدها بفترة عملت تانى
متابع
أهلا بيك باشمهندس حسن, لو امكن صور لتوضيح شكل الشرخ اكون شاكر
شكرا لمجهودك في الفيديو 👍 ! ممكن رقم تليفون؟ ولكم كامل الشكر والتقدير والأحترام
يمكنكم التواصل مع م/عبد الرحمن الشرنوبي على الايميل الخاص به
alsharnouby.office@gmail.com
في الوقت الحالي البلانكو افضل ولا المونة الاسمنتية ؟؟
أفضل من حيث ايه يا هندسة ؟
ربنا يجازيك خير يا هندسة ... اتعلمنا منك كتير
انا شوفت الصنايعي بيرش اسمنت خام علي الحيطة تقريبا عشان تشك بسرعة... هل ده هيعمل مشاكل ؟
مجربتش الموضوع الحقيقة
والله ياباشمهندس انا دائما كنت اطلع اشوف مشاكل زي دي وبيكون سبب المشكله اساسا البنا أو اللياسه والصنايعي دائما يثبت المالك ويقوله النقاش هايعالجها !! اللي هوا ازاي او الجدار مايل ولا النقاشه كلها مطبات بيقنعوه ازاي ان النقاش هايملا كل دا معجون 😂
شكرا علي مشاركتك ياباشمهندس مصطفى
السلام عليكم ورحمة الله وبركاته
هو الاسمنت المستخدم للمحارة
بيكون رتبه كام
الصنايعي عاوز. اجيب اسمنت رتبه ٤٢. بتاع الصبه
فهل. ده صح؟
اسمنت تشطيبات
فيه شروخ بسيطه وتنميلات كتير في المحاره في الشقه كلها على الرغم اننا عالجنا 3 ايام بعد المحاره معرفش ايه السبب
لازم نشوف الشروخ ده عشان نحدد من خلال شكلها وتخانتها ومكانها ايه السبب وراها وبعد كده بنحط طريقة الترميم المناسبة ليها
اخطاء البياض
١-استخدام مياة غير صالحه للشرب في اعمال التخمير و المعالجه.
٢-عدم رش المباني و الخرسانات قبل عميلة الطرطشه.
٣-استخدام الرمل فائق النعومه.
٤- استخدام اسمنت منتهي الصلاحيه ويفضل عدم استلام الاسمنت في الموقع اذا عدا اكثر من ٣ ايام علي عملية التعبئه له.
٥-زيادة المحتوي عن الكمية المذكوره في المواصفات.
٦-اضافة الجبس في المونه.
٧-اهمال المعالجه للطرطشه والبياض .
شكرا علي مشاركتك ياباشمهندس ابراهيم
محتوي محترم يا هندسه .. ولاكن فيه نقطتين .. اولا الصنايعي بيشتغل جبس في بعض الحالات .. زي الخرسانات مش بتشمع معاه .. او الشغل واخد تربيه في مكان معين .. وده غالبا اما صنايعي ضعيف او متفق بسعر قليل وعاوز يفرد شغل .. لاكن مش كل المحاره هتتعمل بالجبس .. ثانيا مينفعش واحد محترم زيك يقول علي معلم لازم يتجز هوا مش خروف سيادتك .. وشكراا
عشان كده بنقول الجبس يفضل عدم اضافته من الاساس للمونة السوداء , وبعتذر لو كان اللفظ خاني يا هندسة
@@alsharnouby كلك ذوق يا محترم ..