Вставка
- Опубліковано 16 тра 2022
- #MM #700萬種生活 //熱狗巴士退役十周年 / 巴士迷花13萬翻新熱狗 / 重遊最後一天路線 / 於市區行足16小時 / 十年前母親離世 靠坐巴士作精神寄託：「如果沒有巴士，我真的會頹廢到，可能拿綜援算了。」
回憶中的香港，總有一事一物令你印象深刻，不欲失去。在巴士迷P生心目中，那鮮紅配上淡淡的米黃--俗稱「熱狗」的無冷氣雙層巴士便是他最愛的舊物。
作為一位巴士迷，P生沒有收藏巴士模型；沒有追車拍攝，只獨沽一味收藏退役巴士。2012年，熱狗全面退役，當年20歲的P生購入了他人生第一輛熱狗。時至今天，他已是六輛巴士的車主，當中更包括四輛不同型號的熱狗。
一輛巴士，於巴士公司而言是資產，於普羅大眾眼中是工具，而在P生心坎裏，巴士是生活動力、精神寄託。適逢熱狗退役10周年，P生翻新了其中一輛心頭好，更集合了多名巴士迷朋友、前巴士公司車長，於十年後的今天，一起將熱狗再次駛上街頭，重遊退役當天走過的路，把當年風景再看一遍。
█ 熱狗：香港人的回憶
無冷氣及有冷氣巴士分別俗稱為「熱狗」及「冷馬」。熱狗中最為人認知的必定是九龍巴士有限公司的無冷氣巴士，亦有指「熱狗」一名正是源於「熱九巴」。
登上熱狗，趟開玻璃窗，車廂內外的聲音、氣味瞬間連接起來。巴士駛上公路時，清風打在臉上；滾在腳下，非常涼爽。回到市區，大熱天時人人汗叠汗，體味交錯。到下雨天，誰人忘了關窗？這下好了，椅子濕透，有位坐不得。還有下層頭蓋上的按鈴、勉強擠上三人的三連位、椅背上的塗鴉、皮椅上的火機印：一切好與壞，相信在很多香港人的回憶中都是如此美好。
█ 每月花一萬元租車位養巴士
P生其中一輛巴士是富豪奧林比安11米的熱狗巴士，俗稱「老虎豪」。九巴總共有兩款末代熱狗，老虎豪便是其中之一，由1995年服役至2012年，全港僅有30輛。P生手中這輛巴士看起來有點殘舊，亦欠缺了不少配件如按鈴、座墊、八達通機等。退役巴士出售前，巴士公司會先把可重用的零件拆掉，同時用油漆把公司標誌遮蓋。假如藏家希望將巴士還原至載客時的模樣，便得自行四處搜羅配件了。
在香港，想私人擁有一部退役巴士的話，需要待巴士公司公開招標競投，或者直接往劏車場碰運氣。退役巴士的藏家很多時會跟別人合資購買，所以一架巴士經常有幾位車主。而這輛老虎豪則是P生在2020年與好朋友朗天合資購入，價值七萬元。
P生和朗天因巴士結緣，至今已是相識十年的好友。二人雖沒親屬關係，卻以「哥」和「細佬」相稱。朗天跟P生一樣，對巴士模型沒有太大感覺，反而對真巴士的感覺「實在很多」。
為了養車，現職保安的P生經常早晚更連踩二十小時，月入兩萬多。六輛巴士加起來，每月大概要花一萬元租車位，維修保養另計。P生明言自己與一般的動漫迷、昆蟲愛好者無異：「我可以說自己是投入，並不是沉迷。」
█ 十年前缺席熱狗退役夜 心中盡是遺憾
1989年，香港首次有冷氣巴士在馬路上行走。但冷氣巴士車資較高，有人情願多等一班車坐熱狗。後來民間又有聲音指香港的夏天越來越熱，而熱狗車長中暑更時有發生，熱狗似乎不再合時宜，數目逐漸減少。直至2012年5月8日，熱狗終於完成歷史任務，全面退役。
退役當晚，最後一班熱狗是由旺角柏景灣開往藍田廣田邨的16號路線。近千名市民、巴士迷聚集在柏景灣總站，守候午夜00:02開出的尾班車。由於人數眾多，九巴公司最終臨時加開八輛熱狗才能承載全部人。這支熱狗車隊在被人潮延誤十數分鐘後，於大約00:20浩浩蕩蕩地出發前往廣田邨。那夜絕對是巴士迷的歷史盛事，但P生當晚竟因工作而缺席這場盛大的歡送會，令他時至今日仍耿耿於懷。
今年5月8日正是熱狗退役十周年，P生的老虎豪剛好差不多需要出車試行機件，於是他決定於正日在街上試車，順道行駛十年前最後一天熱狗走過的四條路線：5A、93K、98A、16。將十年前的路再走一遍，重現歷史，彌補遺憾。
█ 花足十三萬翻新巴士：「放假慘過返工」
多年來，P生斷斷續續地安排不同巴士去維修。為了5月8日的試車，他特意重金從外國訂來了原廠零件來更換，還將本來放在車廂內的雜物全都搬去最近租來的貨櫃。貨櫃內，盡是巴士零件或配件，車尾燈殼、鬼面罩、巴士座位、座墊⋯⋯全部留來以備不時之需。即使壞掉的零件也從不棄掉，好好保存起來作紀念和紀錄。
P生把「放假仲慘過返工」掛在嘴邊，全因他的閒餘時間都投放在六輛巴士上，檢查機件、髹油、洗車、清潔車廂⋯⋯甚至連上班時間也用來計劃如何安排巴士去維修。說白了，他也不過是貪圖保安這份工作有足夠的空閒，當車房老闆找他時也可以隨時「on call」。
近月，他豪花十三萬來翻新巴士，換來了同事們的揶揄：「同事叫我把巴士拿去劏好了，浪費金錢去買這種垃圾。接著我說，關你甚麼事？又不是問你借錢！」P生說得激動。他認為，收藏巴士便要有花錢去維修的心理準備。
幸運的是，雖然得不到外人的明白，但P生獲得家人的包容。P生的太太也是巴士迷，二人坐巴士認識。P嫂坦言因養了六輛巴士，生活上的確有財政壓力，但她明白自己無法改變丈夫的喜好，惟有改變心態去接受。現在他們育有一子一女，放假時，巴士車場便成為了一家四口的「蒲點」。
█ 未考巴士牌 靠朋友幫忙揸巴士
要翻新巴士，總得去車房換換零件；到車軚舖充充氣。還未考獲巴士牌的P生，每當需要駕駛巴士外出時，包括5月8日試車，都要特意找朋友來幫忙駕駛。27歲的Ivan現職巴士車長，平時日日揸巴士，難得放假也願意入元朗為P生當車長，全因熱狗的吸引力。
Ivan從小熱愛巴士，他所就讀的中學校舍緊靠龍翔道，可清楚看到窗外經過的熱狗。每天上課時，他便數數巴士，在書桌下偷偷用手提電話向正在進行街拍的巴士迷朋友通風報信：「38號剛剛經過我的學校！」在未有巴士到站時間預報系統的年代，Ivan的情報可重要了。
直到出來工作，一心要當巴士車長的他終於考獲巴士牌，但熱狗卻等不了，早早退下前線：「假如沒有認識P生，我也沒機會可以揸熱狗。」事實上，駕駛熱狗絕非輕鬆事：氣箱容易壞，引擎需要較長時間來撻著，沒有車尾攝錄機，倒車時總得靠朋友協助。相對之下，冷氣巴士由電腦控制油門，軚盤又輕一點，為何Ivan仍鍾情熱狗？被問及第一次開著熱狗引擎時感覺，他感嘆道：「嘩！年輕了很多歲，就像一夜回到中學年代。」原來他所駕駛的，除了巴士之外，更多的是回憶。
█ 回到十年前 熱狗巴士退役那一天
5月8日，P生穿了跟熱狗顏色相同的紅褲子，一大清早到達元朗車場準備一切。雖說這天計劃重遊退役當天的路線，但路線在現實因素下作出了調整，熱狗將不得停靠巴士站或總站、不得駛入巴士專線、車頭路線牌也會使用「私家車」、「試車」字眼，而不是相應的路線號碼，以免引起途人誤會。同時，試車牌照規定車廂內連車長只可以坐三人，因此，P生的熱狗總有幾輛私家車尾隨在後，那是他的巴士迷朋友，大家輪流坐巴士，還未可以上巴士時便在後面跟車拍拍照。
隨着熱狗越走越多地方，熱狗旁邊的人也越來越多，那是他們的朋友、朋友的朋友，也有收到消息的巴士迷，大家仿似不約而同地出現在相同的地點。
每逄熱狗停泊下來的一刻，都會吸引到路人與街坊上前合影。朗天坦言，一開始收藏巴士時會有一種虛榮感：「我有巴士，你有沒有？」語帶輕佻，隨着收藏時間久了，他卻獲得另一番感受：「有時眼見有路人跟它合照，說回憶通通浮現，我好像感受到保留這輛巴士的意義。」朗天清楚知道，很多人認為收藏巴士如同倒錢下海，但他認為真正的意義並不是花多少錢，或者保留一輛巴士到底有沒有用途：「而是思考你如何能夠保留那份回憶的實體。」
█ 熱狗退役同年母親離世 靠坐巴士作精神寄托
認識了P生一段日子，每次問他為何特別鍾愛熱狗，他都以理所當言的口吻，一句「從小便喜歡」帶過。今天不厭其煩再問多遍，他卻緩緩道出了一個故事。
小時候，P生家中不乏巴士模型玩具，全因他有一位熱愛巴士的母親。回憶中的她，偶爾會帶上菲林相機出街拍拍巴士。十年前，母親突然意外離世，留下19歲、還是學生的P生。被迫一夜成長，獨自生活之餘，更負上母親生前用他的學生信用卡所欠下的貸款。面對突如期來的打擊，父親早已不在身邊，毫無依靠下，P生只好不斷坐熱狗遊車河：「我去坐38A、40號。當時不斷兼職工作，最後書也不讀。那時真的是最難捱的時間、最難過。」平時粗聲粗氣的P生突然安靜下來。
後來，收藏的巴士越來越多，維修、清潔、各式各樣的開支令他一改頹廢生活。巴士成為了他努力賺錢的動力，同時也是精神支柱：「老實說，如果沒有巴士的話，我真的會頹廢到班也不上，甚麼也不做，可能真的去拿綜援算了。」回顧過十年光陰，他一臉肯定地說：「在人生最寶貴，20至30歲這段時間，我覺得自己並沒有白白浪費，因為我知道自己正在做甚麼。」
熱狗一直行駛至接近晚上十二時，停泊在旺角柏景灣附近的海泓道。巴士迷圍在熱狗前一起等待00:02的到來。最後一班車由P生和朗天兩位車主乘坐，由Ivan駕駛。時間彷彿回到十年前，同一款型號的巴士，在延誤十多分鐘後開出，到達廣田邨時已時凌晨00:48，一班巴士迷仍相當精神，興奮地歡呼和拍照，引來一群街坊圍觀。
今個五月剛好過去一半，我們送別了烏蠅頭火車，繼而向紅磡站舊月台說了再見。城市容貌一直在變，消失的事物也只能存活在彼此的記憶之中，集結起來便是歷史。事物總有生命周期，但紀念事物的方式有很多種，也許這種混亂中帶著秩序，大家一股傻勁，好像不知道為了甚麼事情而頻頻撲撲，就是他們紀念一輛退役巴士，承傳一段集體回憶的方式。
文章：黃曉楓
策劃/主持：黃曉楓
攝影：簡加希、潘志恆、李軒、黃曉楓
剪接：簡加希
監製：王秋婷
#巴士 #巴士迷 #熱狗
#熱狗巴士 #元朗 #綜援
#黃曉楓 #MM_Apple #MillMILK
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 UA-cam APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
採訪後記：
今個五月，送別烏蠅頭火車；再見紅磡站舊月台，自己採訪的巴士迷故事巧合喺呢段時間出街，都係一件開心事，希望觀眾可以有多一個角度去睇「膠」呢個議題。
早兩日，鐵路迷狂奔紅磡站月台的照片引起熱話，有人譏笑有人欣賞。望住佢哋，再諗吓自己，我嘅人生中好似真係無一件事物，可以令自己不顧一切，毫無包袱地去追逐。大膽承認自己鍾愛的事物可以好唔簡單，尤其係一D被別人不看好，甚至係受盡歧視的事物。喺呢一點上，突然間好似搵到自己同「巴膠」、「鐵膠」嘅連繫點。
誠實地面對自己又何以值得被取笑和戲謔呢？
自認痴線佬嘅P生，人哋笑佢買垃圾，串佢架巴士好殘，佢一句「我理撚得你呀！」後繼續埋頭苦幹。跟拍四日，發現油油、洗車、抹車廂看似簡單嘅功夫，但要事前去拎牌照，搵車長拍搏頭入元朗揸巴士，安排架牛龜咁大嘅巴士出車，每次都沙塵滾滾，非常麻煩。成件事絕對唔係好似張 thumbnail咁坐巴士頂打卡咁鬼Chill。P生果種癲癲地嘅質感背後，其實一啲都唔癲，佢十分清楚知道自己做緊乜。
毫無保留地喜愛一事物的力量可以好強大，有人係動漫、cosplay、Lolita、音樂、電影，而佢哋只不過咁啱係巴士而已。我諗，只有至身其中，才能明白固中的執着和熱情吧。所以好慶幸我呢位外行人可以跟住佢哋，試一次做巴膠。謝謝呢段日子認識嘅每一位巴士迷🧡 追車影巴士真係好刺激！！
ps. P生個女真係好qq!!!!! 🥰🥰🥰🥰
咁有无去陪癫啊
Apple is so qq too ~
可構思和香港政府合作做保育,政府出地和舊巴士車主合辨巴士博物館, 舊巴士遊覽團, 開拓香港新產業及給大人及小童留住童年的夢。年青人大把精力搞巴士保育。
@PakKong Ng ☺️🧡🧡
相信Apple除12卡車外，都已經做哂已退役的陸上交通故事
保育呢家嘢並唔係個個都明白，前幾日睇到有個媒體訪問當年新巴的公關部掌舵人關則輝先生，佢講當年有個夢想係希望設立一個博物館，將所有退役交通工具的代表車種放入去，俾大眾了解香港交通歷史，但業界未必會接受想法，令到夢想無法達成。
好多見證時代的巴士最後流落民間以至海外去收藏，或者一般人眼中覺得佢地「痴線」，但無佢地去留住，呢啲歷史見證的物件最後只會被後人所遺忘！
只要當事人覺得開心就值得，興趣唔係用錢去衡量。
我唔係巴士迷，但係都覺得件事好正好感動。
人要有興趣先夠開心！
可構思和香港政府合作做保育,政府出地和舊巴士車主合辨巴士博物館, 舊巴士遊覽團, 開拓香港新產業及給大人及小童留住童年的夢。年青人大把精力搞巴士保育。
@@pmame32 算把啦，政府依家唔會理依啲嘢咖！
@꧁꫞꧂釣魚達人꧁꫞꧂ 人地做咩關你咩事?影響你咩?又唔係用你啲錢
真係很感動 是大愛 希望他們可以攪些活動增加收入
見到佢地為一件自己熱愛既事毫無保留咁付出，有種莫名既感動🥹
好感激佢地好好咁保留左呢件見證香港既歷史文物，巴膠世一👍🏻
Alvin, 我都睇到好感動呀！！
油車頂果段好好笑但又好感受到佢地既情誼
最後出現新舊16號一幕真係幾感動
呢集真係好正👍👍👍
同感！新舊16號擦身而過嘅一刻！好有時空交錯嘅感覺！！！
嗰下真係好感動！！
好感動 佢地為左重演00:02尾班車 唔食飯 好好！為佢地感到開心！
不用怕別人如何想, 最重要自己今生無悔! 敬佩車主普通打工仔身份出錢出力保留熱狗我們的集體回憶, 車主說粗口是真性情, 有溫度的人. 一句粗口有什麼大不了? 現實生活充滿著冠冕堂皇的人,說著冷血的說話, 做盡冷血的事情, 他們溫文爾雅比粗口難聽千倍.
@꧁꫞꧂釣魚達人꧁꫞꧂
你有冇睇片㗎
佢有番工㗎喎
@꧁꫞꧂釣魚達人꧁꫞꧂ 做人唔係只為經濟效益，佢地有正當職業，又不防礙別人，投入自己興趣有咩問題？
@@rdfszyug8035 呢条釣魚達人傻架，响好多留言度專門唱反調架，可以不理！
@@yiumingwong3766 咁有名你叫，釣魚達人🤣梗係釣魚
@꧁꫞꧂釣魚達人꧁꫞꧂ 酸撚到你🤭
只想對片中所有人說聲 : 多謝
尊敬每一位保護歷史既人 , 睇片中途令我眼濕濕諗返起細個上爸爸及姑丈架熱狗去玩開關車門 , 兩位也都不在了 , 但回憶想起來也很美好 , 雖然當時真係好細個 , 希望日後有機會係馬路上再見到你地架熱狗 可以影返張相留念
以前細個好鐘意坐上層最前，捉住個欄桿吹風，扮自己揸緊部巴士，香港人回憶。感謝養熱狗的兩位，你們把回憶實體化和給我地懷舊歡樂。
我唔係巴士迷， 不過呢一集真係好熱血。 超正。 P先生真係好型👍🏻 睇到最後真係唔知點解哭撚左
可能人愈大淚線愈發達，我都睇到眼濕濕
Me too🥹
🫂
P生真性情！
@꧁꫞꧂釣魚達人꧁꫞꧂
如果巴士公司可以貼地d同班巴士迷 搞一個crossover, 互相提供双方的懷舊展品，由巴士迷去做導賞員，佢地個份熱愛不是為逗人工而做的表面解說，應該會直接觀眾一定會好投入。
況且現在香港人都只能透過懷緬香港過去的美好去支撐將來的惡夢。
宜家先知道有啲咁嘅花名…熱狗,冷馬…全靠依兩位後生仔保持到香港嘅歷史..諗返起以前同我婆婆一齊搭熱狗…有時會等多一陣睇吓有冇冷馬出現🥹…我記得仲有一個黑色同埋藍色嘅巴士唔知有冇花名呢?
其實保持一啲歷史應該係香港政府嘅責任…英國有唔少地方可以欣賞下啲舊嘅巴士同埋火車…依啲嘢係好多人嘅回憶..同埋一個地方嘅歷史出少少錢係應該嘅..
代你問咗巴士迷們😄佢哋唔太肯定你講緊邊架，不過你可以search吓～
藍色巴士=中巴？
黑色巴士=黑金剛/烏咀狗？
Stevo 有冇興趣整返架運返英國出牌玩下 🤣🤣🤣
@@apple9982 有機會係黃色藍色…可能黑色係有廣告…🤔
藍色黑色係中巴冷氣巴
中巴無咗lu
我想問英國有冇Coaster或者Rosa🙈🙈🙈🤪🤪
我睇左一陣，我心裡面係到笑佢地傻，倒錢落海，但睇到最後，佢話如果唔係有咁嘅興趣，係二十到三十歲個陣唔知會點過，係個一刻，我反思自己同樣係二十歲到三十歲個陣，我搵到嘅錢都一樣好似到咗落海咁，而更加可悲嘅係我諗唔到喺呢十年裏面我自己做過啲乜嘢，係我哋笑人哋嘅時候，其實自己同樣係咁傻，一樣都係浪費咗好多錢同時間，但可悲嘅係我講唔出一件令自己開心同自豪嘅事………
咁又係，真心覺得型
將來足夠佢哋回憶一世🥺
當有人笑佢地傻，反過來諗
至少佢地去到邊都係主角。
笑既人可能只係當自己係主角；一個沒人有訪問的主角
值得為佢地開心，有得追夢就要追夢，青春過了就只有生活，無得率性而為
有d回憶係夠你自豪一世的
雖然我唔係巴士迷，但今集睇到好感動🥹感受到巴士迷成件事好熱血，好正！熱狗巴確實帶畀大部分香港人不少集體回憶，多謝MM做關於巴士700萬種生活！
Connie, 我都睇到熱血沸騰呀！請繼續留意 MM！會有更加多好故仔㗎！
好正，拍得好好，真係大家嘅集體回憶
@꧁꫞꧂釣魚達人꧁꫞꧂ 你的確釣撚左我，但建議收收皮當減肥
Chihangc, 多謝你用 Super Thanks 留言支持我哋呀！
@꧁꫞꧂釣魚達人꧁꫞꧂ 人哋有人哋嘅興趣，你識條鐵咩
@꧁꫞꧂釣魚達人꧁꫞꧂ 你都好忙喎😂要逐個逐個留言話人哋巴膠，見你咁想吸引注意力，我覆下啲留言啦🤥
@꧁꫞꧂釣魚達人꧁꫞꧂ 唔返工邊搵到咁多錢買巴士同保養架車？所以興趣一樣要使錢，你一樣可以話行山行街睇戲食飯無經濟效益！唔通要買隻勞，餐餐食半島、四季龍景軒先至叫有經濟效益？許廷鏗咪一樣係巴士迷...
雖然好多粗口，但超認同買巴士唔係浪費金錢，因為自己喜歡又負擔到有咩問題，揸起巴士上嚟仲型過揸超跑出街👍
其實7萬買架巴士根本唔係咩野錢黎, 因為一般私家車便宜都要十幾廿萬, 但你看看一街都係車, 每秒都有車經過時, 然後你同我講係好重負擔.. 就..
@@jeanvaljean1384 咁老實講,維修費應該真係堅貴,因為件少難搵,佢自己都話一個月洗左十幾萬,我諗應該有同其他巴膠夾錢先玩得起
買隻勞都起碼十萬以上
尾段個段剖白，發現原來巴膠都好有故事。真係巴士拯救左P生 人生係迷惘既時候有樣野去寄託真係好重要 感恩
🥺我訪問時都聽到個心頂住頂住
有一些事物不是用錢或用處可以去衡量當中的價值。裏面包含了一種文化或情懷是需要保留的。
不認同有些人歧視他人的興趣。世界就是有各種人對不同事物的熱愛，才會有進步，有新的設計誕生。
有種莫名其妙既感動
打風橫風橫雨，坐住架熱狗係屯門公路回家，可以安全回到家感真係好L正既回憶。多謝你地！
Zell, 聽到都覺得浪漫！
老虎豪@屯公,唔係59x就係K廠61x,(62x係2架K廠14柯打,另一架好似15柯打),屯公錶板長著「紅波仔」🤤狂風吹到面部扭曲🤤
細個坐59M熱狗行到龍門居附近木廠有木味，去到深井生力廠有啤酒味，有時嘉頓廠有嘢出爐又有包餅味，行屯門公路嘅海風 五味紛陳真係資深屯門牛先明白。
真係好撚熱血! 感動
以前我爸爸係喺公司度做信差，我記得我讀幼稚園嘅時候，逢星期六唔使返學，我都會跟佢返工，佢公司好多同事都識我，又會同佢一齊搭巴士送文件，所以成日都會到坐熱狗巴士，坐熱狗巴士就成為我兒時同我爸爸嘅美好回憶，就係因為咁樣我就慢慢鍾意咗巴士，成為咗一個巴膠
而我朋友朗天同佢朋友P生既呢架利蘭奧林比安11米巴士，係我最鍾意嘅熱狗巴士，因為呢款巴士喺最後嘅時候做過我屋企樓下兩條巴士線嘅掛牌車，所以我讀中學嘅時候經常都會搭到呢款巴士返學放學，喺車廂入面發生過唔同嘅嘢都好有回憶，當我見到呢㗎巴士嘅時候都會諗返好多中學時期嘅嘢，到咗熱狗巴士退役嗰日，我就同一班朋友一齊玩左成日，一齊追巴士影巴士，最後仲要坐埋16終極尾班車去到藍田廣田邨先至肯走，真係又難忘又開心嘅回憶😍
我以前好佩服日本人鍾情一樣野 可以玩一世個種精神 原來香港人都有 尊敬！
早排見過佢地揸呢巴士出來佐敦停泊，大家即時攞電話和手機出來影相，非常開心，今次睇呢條片了解佢地更多
你覺得冇意義嘅嘢可能佢哋覺得有意義
總有些不經意的事和物，係有人珍而重之，有日視線重現失去的感動時，不要忘記這些稱號裡有個膠字的人
好想再遇熱狗.. 幾時再出街😭
好感激有人保存。
多謝P先生佢哋保留熱狗 好熱血❤ 拍得好👍
無論係「巴膠」、「鐵膠」都好， 香港人有呢種情意結好正!!
加油加油!!😁
睇到我血熱淚流，好正好多回憶，多謝mm，多謝幾位車主，你哋夢同堅持真係好撚型，Respect👍🏼🫂
🫂🫂🫂
證明 夢想 可以好簡單，唔一定係事業有成 有頭有面 搵好多錢既人先係 大眾榜樣 ……
車主P生 佢既人生奮鬥 活好自己 為實現夢想而拼博自己 一樣可以*感動*身邊好多人 ，這種實而不華 先至係 絕大多數香港人既 大眾榜樣 !!
多謝MM，今集拍得好感動，好熱血，幫巴膠留一個好印象。多謝p先生令我反思人生。
養架私家車都難，更何況係巴士，每一位養舊巴士嘅人都值得尊重！
btw 11:00 去盛德街應該係因為當年嘅 5A 未拉到去啟晴，事實上啟晴總站條路係一條普通車路，乜車都入得，反而盛德街要喺消防局轉入去總站對面先得
好感動。 不論花左幾多心機，幾多金錢....只要有個人意義，已經係人生。重要保留到歷史，更加係bonus.
慶幸香港仲有追夢既人，respect
謝謝您地拍呢條片。 好有回憶。
之前對巴膠一直有一份偏見，睇完呢條片突然間變左一份佩服，為自己理想努力既人係絕對值得被專重的
巴膠好似係垃圾，巴迷先係巴士粉絲
啲回憶返晒嚟🥹🥹好懷念以前讀書嘅時候同啲同學一齊去㗎巴士食嘢🥰🥰🥰
👍好感動，睇都最尾毛管凍
佢地都係真心愛香港嘅香港人
之前問屋企人以前熱狗d凳係唔係木凳
終於依家知道唔係木凳
拍得好好，好欣賞佢地既熱情，見到團火
呢個故仔好好呀！好熱血！多謝分享❤
每個鏡頭下嘅人都拍得有血有肉，係個好好嘅故事。
兩位車主P生和朗天完全冇浪費到人生，你睇睇週圍嘅人，連小朋友都有埋熱情，哩D巴士迷延續緊嘅係一份香港情懐，同埋感受到同好之間嘅一份兄弟情，我突然發現我自己都冇做過任何咁有意義嘅嘢，雖然我唔係巴士迷，但真係有被巴士迷感動左，感謝佢哋保留緊普通人如我和大家都開始忘記緊嘅事物👍🙏
話說19:56” 隔離架巴士出現，微微放慢㗎巴士車速和轉車頂號碼牌嗰一刻，我竟然覺得隔離㗎巴士嘅司機有一種識英雄重英雄嘅感覺😄
人生難得咁熱血去追一件事，保留左一個屬於香港人嘅回憶
同意！熱血去做一件事，好難得㗎！！
鍾意做自己鍾意做嘅嘢會特別醒神！
非常同意
多謝呢一班自費保育熱狗嘅朋友
我好遺憾當日冇喺寶琳碰面
希望有機會再見
繼續堅持🤝🙏🏻
一路睇一路感受到個種熱血那種回憶 多謝mm
出片1年後，呢幾個人欠場租不特止，仲拖同場其他人嘅車劏，真係巧威威😘
唔明 咩意思
P生係台灣坐緊監
以前細個好鐘意座，最鐘意座上層的車頭！吹住風好涼爽，唔會焗又通風，坐係上層車頭好似揸緊巴士咁，好開心的回憶❤️❤️
完全講中晒心聲！
好多以前讀中學個啲回憶，相反我哋一啲男仔就鍾意坐車尾，喺後面嘈喧巴閉或者撩前面啲女仔😅
以前我放學成日坐響上層最後開晒窗食煙
@@winwinleung6125 咁你有冇燒火機印落啲座位度？😝
儲巴士的背後，是留著香港交通工具歷史嘅記錄，感謝“巴膠” ❤
呢點真係好尊敬！唔係當佢垃圾
正！！好熱血！一定要睇🔥🔥🔥🔥
今集好熱血呀香港人！
好好睇 Respect!
今集好正,真係回憶返晒黎
真係好熱血，片中對話好L正，👍
今集開心之餘有莫名既感動
見到佢哋咁盡興，我都好開心🥰
呢條片拍得好好
非常有趣及有教育性，多謝分享！
欣賞你們有一顆咁嘅心。好鍾意P先生講呢句（又唔係偷又唔係搶又唔係問你地借錢）只係做你自己想做嘅嘢👍🏻
好熱血！支持💪🏻
好開心 前日係元朗都見到試車 追住影 好多謝你地 keep到架巴士甘好 好熱血！ 多謝香港有你地！
Respect👍🏻，真係好有心好有愛
好鐘意apple拍既片❤️
最近幾條片都好好睇！
P先生，好多謝你
睇到，睇返都開心！巴膠加油！
睇完好熱血好感動🥺
好感受到佢哋果份熱愛🚏🚍
绝對支持
睇到哭左，好熱血
只要是忠於自己的想法就值得欣賞👍🏻
多謝晒，估唔到十年之後，重可以見到熱狗，童年回憶 返曬嚟
你哋嘅台前幕後製作非常認真專業
大台都冇你哋做得咁出色
加油！繼續努力!
為夢想、喜愛的事物而衝，比起渾渾噩噩過一世，人生精彩得多 (salute. 本身唔係巴士迷，但經歷熱狗、冷馬，回憶返曬黎，睇到好感動🥹
好好睇呀👍繼續加油
懷念上層開窗吹生風既童年同憶
btw 激like今集"港式俗語"100%原汁原味一刀都唔剪直出!!!😆👍🏻
P先生係一個有故事的人，加油！😆💪
Respect ❤ 感謝車主！
S3v(片中的熱狗) 淨重 11.9 噸, 最重24噸, 引擎:康明斯 LTA10-B252(252匹) , 波箱:zf4hp500 (全自動4前速), 最快波比例是 0.84:1 。極速及上斜能力與mercedes benz o305 性能差不多。在冇鎖速下, 極速可達90公里。
真係好有意義~勁型~
熱愛一樣去到瘋狂！最緊要自己開心💪🏻👍🏻
希望大家繼續 keep 住，多謝你地！
好暖，哩集😄
童年回憶💕💕💕
睇到最後🥲🥲
每個人的背後都有一個故事
Respect!
好感動
尊重
到依家我仲記得坐熱狗入面個種獨特既味，好多謝有一班咁熱愛巴士既人無私咁分享佢地既珍藏，真係好懷念！
Thanks，雖然我唔係巴士迷，但成件事好感動🥹
Lik, 我都你都唔係巴士迷，都係好感動！！
好熱血啊！！👍🏻
香港巴士加油！年輕人們加油。
精彩👏🏽👏🏽👏🏽👏🏽
錢可以買到快樂，但不是所有錢都可以買到真正的快樂！
唔知點解…… 從來都唔係巴士迷，但嘅集睇吓睇吓，眼淚竟然係咁流落嚟，完全唔知點解………
多謝 MM，多謝巴士迷！呢集唔知點解好感動！
感動🥲！
P先生💪二師兄👍😊
堅，好直接
好開心
這集好正,好多謝佢哋KEEP住架巴士,有幾會我都想坐吓!!!!!!
好感動🥹
睇左依段片我更加尊重D巴士迷同鐵路迷
加油巴膠💪🏼
認真 熱血 💪🏻💪🏻💪🏻👍🏻
我堂哥都係一個巴士迷 我仲好記得一款叫勝利二型（車長位有門😂）
加油
十分浪漫,非常佩服
利申對巴士冇感覺
好熱血🥹 有幾多人真係可以全心全意做自己鐘既野
其實P生雖然粗口滿天飛，但呢D就係真性情，有咩問題，最緊要係教育番佢既小朋友，唔可以亂咁講，同埋睇番當時既埸合適唔適宜講先係重點。
欣賞你❤️