تعليم صيد السمك فى البحر الاحمر
Вставка
- Опубліковано 10 вер 2024
- #الصيد فى البحر الاحمر
#سمكة المحسنة موجوده طول العام سمكه جمييله
مثل الشعور الكبير منها بنسميه جد
الطعم المفضل لها هى تعشق الطعمايه الزفره
الباغه والماكريل الاسبانى والبلاميطه
وهى من الاسماك الطماعه بتحب 《 تكبر الطعم》
《طريقة الصيد 》
▪بالتسقيط او التوشيش أثناء المد
بتستعمل ماكينة قوية وعليها خيط ٦٠ ورمال من نفس الخيط او ٥٠ وصنار ٠٢او ٠٣ وفيبر صب وتتوكل على الله
طبعا هى بتنشط من بعد العصر إلى صباح اليوم الثانى
واحسن وقت لصيدها الشعور فى الايام القمرية لانها بتنشط
جامد فى الليالى القمريه
▪هى بتمتع الصياد لانها بتشد جامد اثناء التجميع الصيد بطريقة التقسيط
▪ركز معايا شوية
واقرا الكلام 《بعناية كام مرة 》او احتفظ بيه عندك
لان مهم جدا لكل صياد مبتدا¤¤¤¤¤¤¤
لان بيصعب عليا الناس إلى بتدفع مبالغ وتكلف
الرحلة وترجع حتى من غير اكلة سمك
▪انا عارف ومتاكد مليون فى الميه انه رزق من عند الله
ولاكن لازم نسعى على الرزق▪
▪ هو اسهل طرق الصيد
اى حد حتى لو اول مرة يطلع يصتاد
هيعرف وممكن يطلع《 سمك احسن منى ومن حضرتك 》
صيد الفنيات فى الطريقة المعتادة قليله
وسهلا
《التسقيط ثلاث انواع 》
شغل عادى خالص خيط ٦٠ او ٥٠ وسبحة بها ٤او٥ صنار من٠١الى٠٣ورصاصة تقيلة حسب سرعة الماية
وتنزل الى الارض وترفع 《٢٠سم مش اكتر ٢٠سم》 مش اكتر يعنى
▪تكون فوق الشعبة على طول لو مدخلش معاك سمك ارفع على طول ارفع حوالى متر وانزل تانى للارض وارفع ٢٠ سم هكذا الى ان يضرب معاك سمك مش محتاج ترد ردة خفيفة ولم واطلع حتى لو سمك تقيل حاول متريحش ايدك علشان لو ريحت هيخش الشعبه ▪
▪اهم حاجة ان تكون فوق الشعبة مش اكتر من《 ٢٠ سم》
اكتر من كدا فرصتك فى الصيد《 قليلة جدا جدا》
وهى طريقة التصبيه
▪مش أى حد يشتغل بيها وهى من احسن طرق
التسقيط
▪ بشرط لازم يكون الجو《 حوال 》يعنى مفيش هواء
الريس بيبطل الماكينة ويسيب المركب تمشى مع المد وحضرتك بتسقط وترفع برضو حوالى《 ٢٠ سم》 ولو مضربش سمك على طول ارفع وارجع انزل تانى حتى تقع فى السمك
▪الكلام سهل ولاكن العملى محتاج شغل ذهنى جامد
لو حضرتك عرفت تشتغل بهذة الطريقه
هتفول فى خلال ساعتان وطبعا لو معرفتش كان الله فى عونك لو معاك طن رصاص《 هتزرعو 》
▪اهم حاجة تكون 《سريع 》فى الطعم فى تخليص السمك من الصنار تركيب الرصاص والصنار بسرعة اذا قطعت
الطريقة 3 الثالثه
وهى الشغل العالى《 والفن التوشيش》
عن نفسى هى الطريقه الاحسن فى جميع طرق الصيد
لسمكة الشعور والمحسنى وبعض الاسماك الاخر
هذة الطريقة بنشتغل بيها اوقات ميكون فى مد فى البحر
سواء ليل او نهار والافضل لو المد عدل
علشان تعرف تشتغل بهذة الطريقة
▪لازم تكون جالس على 《ديل المركب اى الطبلية 》
العدة المطلوبه ▪
لنسه يعنى بكرة خيط 《مقاس ٦٠ كبيرة وجلب كبير》 يعنى سنار كبير ٠٣الى٠٦
والطعم المفضل لهذه الطريقه
الباغه الصابحه الماكريل البلاميطه روس الكاريمارى
طبعا بترمل السنار منه فيه وتركب قطعة قشر من الرصاص
حسب سرعة المد فى المايه
▪ وتطعم وتتوكل على الله
المهم ترمى وتسيب خيط وتلم شويه وتسيب شوية لحد متحس ان الطعم 《وصل الارض》
وماشى فوق الشعبه▪
لو حضرتك حسيت ان الطعم بيوصل《 بصعوبه》 الى الارض
زود قشر من《 الرصاص》 طبعا بكون الرمال من ٨٠او ٧٠ سم
ولو لاقيت ان الخيط بيوصل للارض《 بسرعه》 خف القشر
وممكن《 نستغنا 》عنه خالص
المهم او متقع فى سمك لم على طول بسرعه علشان تبعد السمك من الشعبة《 ومنطقة نفوذة 》
ومتريحش ايدك
ومتنساش تدعيلى
انا عارف انى طولت عليكم انا اسف
بس وآلله والله
صعب تلاقى حد يقول الكلام ده ليك
لو حضرتك اول مره تطلع نفذ كلامى وربنا المستعان
اسف جدا جدا جدا على الاطاله
الواحد بيسرح مع الكلام فى الصيد
اخوكم
محمد المصرى▪▪▪▪ هاوى صيد
الله يحفظكم يارب من كل شر معليش أستفسار مقاس ده خيط مقاس ولا نايلون أفضل ومقاس سن
طبعا لو هتشغل وتوشيش الأفضل خيط نيلون مقاس ٦٠
رحلة سعيدة عليك وجميع محبينك 🐟🐟🐟🐟👍👍👍👍👍👍👍❤❤
حبيبى ربنا يحفظك يارب اخى الغالى
منورين
ربنا يدوم الحب والاحترام
بينكم🌳🌸💝🙏💚♥🧡
ماشاء الله ورمضان كريم
الله أكرم
كل سنه وانت طيب وبخير وصحه وسعاده يارب
بصراحه الصيد في النيل متعه ورحله سعيده يا استاز محمد وتجلنا بلسلامه ياريس🐠🐟🐠
الله يسلمك يارب
الله اكبر
تحياتى لحضرتك اخى الغالى
سلام عليكم ورحمة الله وبركاته ماشاءالله تبارك مقاس سن سنارة فى البحر الأحمر
لو هنشتغل تسقيط من ٠١ إلى ٠٣ كويس جدا
ولو هتوش ٠٦
ولو هنشتغل بطعم صاحى ٠٨ إلى ٠١٢
السلام عليكم ورحمة الله وبركاته
أنا بحب الصيد في البحر ... ليتك صورت المركب تشجيعا للي عاوز يستأجر المركب
تحياتي
عينى حاضر ان شاءالله طالع قريب هصور المراكب وهنعمل تقرير مفسر بكل حاجه
معايا صور لمراكب في الغردقه والسخنة لو حابب تواصل معايا مسنجر
كل سنة وانت طيب يا عم محمد عيد سعيد عليك وعلى الأسرة الكريمة
وحضرتك واسرتك الكريمه بخير وصحه وسعاده يارب
وعليكم السلام ورحمه الله وبركاته واعانك الله وسدد خطاكم
ربنا يحفظك يارب اخى الغالى
الله ينور بصراحه بس سمعت في الفيديو اللي بيقول مصمم يوش بالغابه من ورا السؤال بقي هل ينفع الوش بالغابه او البوصه وشروطها ايه وياريت فيديو وش بالغابه
طبعا فيه وش،بالغابه وممتع جدا جدا لان بيبقى سهل تلم الخيط يدون لعبكه ولكن بكل اسف بيضيع سمك كتير هشرحها حاضر
@@user-ug7cb4cy4i ياريت والله حتي يبقي اسهل من اللنسه ولعبكه الخيط خاصه محتاجه تقعد علي ديل المركب والمكان ده بيبقي شبه مقفول في ناس مش بتسيبه والوضوع مش محتاج جدال مع حد
ارجو التكرم بالأفاده عن تفاصيل تكلفه الرحله كما سبق و افدتم في الفيديو.. خال التمنيات بدوام التوفيق
بكل امانه ومصدقيه
المركب ٧٠٠٠
الباص ٤٠٠٠
الثلج والدخول ١٠٠٠ + كافتيريا
الأكل ١٥٠٠
الطعم كل واحد مع نفسه
الاجمالى تقريبا عل. ٨ أفراد
كل واحد ١٧٠٠ بدون الطعم
تحياتي من الاقصر كل عام وانتم بخير
تحياتى لحضرتك اخى الغالى وتحياتي لكل اهل الاقصر
كل سنه وانت طيب وبخير يارب
منين من الاقصر
الطود
ما شاء الله . دي شكلها كده الكونيسه. بس سؤال هو ما فيش غير المحاسن . والا الريس ناصر ما عندوش غير طرحه المحاسن . اللي هي بتاكل ساعتين في اليوم بس ….ابقي جرب مركب اسمها كينج فيش. .انا سبت والله الكونيسه من ٩ سنين وباطلع شلاتين علطول . بس الكونيسه ما فيش جديد هي زي ما هي . ربنا يرزق الجميع
والله كلام حضرتك صح مفيش غير طرحة المحاسن والليل شوية بنجز
سعر الرحله كام
كانت عملا تقسيم بالتساوي بدون منظم وبدون طعم ٢٢٠٠ افراد الرحله ٨
الله ينور عليك ياعم محمد ياريت تعرفنا تكلفة المركب كام
عينى حاضر
سيبك انتا يا قبطان مفيش امتع من النيل واللي بيتمتعنا المعشوقه
بصراحه بستمتع مع الدلوعه المعشوقه سمكة البلطى
كل سنه وانت طيب وبخير يارب
المحسني ده الي بيقولوا علية البونجز
كله من نفس الفصيل
الشعور والبونجز والخرمى والمحسنى
لا
ازاي احجز المركب
بتقوم بالاتصال ببعض الريسه اصحاب المراكب او اللى بيعملو عليها وتشوف الأوقات اللى فاضيه عندهم وهل تنسبك ولا لا ويتم الحجز والاتفاق وتبعت عربون حسب الاتفاق مع بعضكم
منور
انا بعت طلب ع الصفحه ممكن تقبله
حبيبى عينى دى شرف لى
كل سنه وانت طيب وبخير يارب
تليفونك
ياحاج محمد
٠١٢٢١٨٤٤٦٦١