Indirimbo y' Isengesho ryo gusaba amahoro rya Mutagatifu Fransisco w' Asizi (AI song).

Nyagasani, ngira umugabuzi w’amahoro yawe,
Ahari urwango, mpashyire urukundo,
Ahari ubushyamirane, mpashyire kubabarirana
Ahari amacakubiri, mpashyire ubumwe
Ahari ukuyoba, mpashyire ukuri
Ahari ukujijinganya, mpashyire ukwemera
Ahari ukwiheba, mpashyire ukwizera
Ahari icuraburindi, mpashyire urumuri
Ahari agahinda, mpashyire ibyishimo.
Nyagasani,
Aho gushaka guhozwa, njye mpoza abandi.
Aho gushaka kumvwa, njye numva abandi.
Aho kwikundisha, njye nkunda abandi.
Kuko utanga ari we uhabwa
Uwiyibagirwa ari we uronka
Ubabarira, niwe ubabarirwa
Uhara amagara ye, ni we uzukira ubugingo bw’iteka.
Amen.