SAHARLAB, DALA BOʻYLAB...

Bugun erta tongdan tuman hokimi Sherbek Bo'ronov tuman IIB boshligʻi, tegishli o'rinbosar va mas'ullar hamrohligida qishloq xoʻjaligi sohasida amalga oshirilayotgan ishlar bilan tanishdi.Dastlab, 2-sektor hududidagi fermer xoʻjaliklari rahbarlari bilan uchrashuv o'tkazdi. Uchrashuvda takroriy ekinlar uchun ajratilgan yer maydonlariga qisqa fursatlarda serdaromad ekin turlarini ekish hamda ekin maydonlari hududini obodonlashtirish masalalari ilgari surildi.Shundan so'ng, Ulugʻbek, Haqiqat, Samarqand, Ibn Sino va Murtazo Shopiyev nomli MMTPlarda g'oza parvarishi bo'yicha olib borilayotgan agrotexnik tadbirlar hamda takroriy ekin uchun yerlarni tayyorlash ishlari joyida ko'rildi.Shuningdek, Narpay nasos stansiyasida boʻlib, agregatlarning texnik holati, xodimlarning ish jarayonini ko'zdan kechirdi.Shu kabi barcha mas'ullarga ish jarayonida xavfsizlik qoidalariga rioya qilish va o'z xizmat vazifasiga mas'uliyat bilan yondashish xususida topshiriqlar berildi.