Pasku a Yega.

"PASKU A YEGA"!! Apesar di tur kos ku nos a pasa den e aña aki i tur loke ta pasando ta spera ku e kansion aki por trese alegria den kada kas di Famia paso...."PASKU A YEGA"🎄
Pasku a yega
Lyrics: Æmy Niafeliz
Pasku a yega, ki alegria,
Unda bo bira, kara ta bria,
Den tur hanchi i skina,
Laga Reina, pas i harmonia.
Ya mi por sinti e holó dushi di kerstboom,
Ate ta bin, den bahul di Tantán Mirna.
Mama a pasa karniseria,
Wak 2 ham, un pa nos un pa bisiña,
Ai ki felisidat esta dushi,
Ki temporada bunita.
Estu'n nostalgia ku ta yena nos ku hopi energia,
Tur Hende 2 Luna anterior den gym
ta kima Kim'é kaloria.
Damas spesialmente kabayero,
Bo ta haña den tur joyeria,
buskando'e regalo perfekto pa duna esnan ku nan ta stima.
Asta e bestia di kria ta haña mas amor ku tur dia.
Ki temporada bunita ta trese goso i alegria.
Refr: Pasku a yega.....
Fill: Ban Selebra
Felisidat
Unda bo bira
Ai mire sonrisa
Kristu Dios Emmanuel
E REI Nase na Bethlehem
Esun ku A marka historia
Den 2 parti'é ku euforia.
A nase den un stal esun ku a demostra henter mundu Su gloria.
Esun mas humilde di mundu,
T'Ésun mas grandi di mundu.
E la tene piedat ku nos tera,
Demostrando amor sin frontera.
Dunando su bida pa kura herida
di tur ku ta buska un salida.
Kristu t'é berdadero nifikashon di pasku.
Pues ruman ban stima i biba na pas ku otro.
Refr: Pasku a yega.....
Pasku a yega lagá nos selebrá,
E holó di pan ku jamon,
Izú e ta baha bon.
Spesialmente e ayaka,
Kordami riba mi infansia.
Pará den kurá di wela,
Teniendo den man un bela.
Kantando himno di Pasku,
Tur mucha huntu bisando,
Den un stal Kristu a nase,
Gloria na Dios Angelnan ta kanta,
Gloria too oo RIA
Enexelsisdeo
Oh Bon Dios no a bin kondena e mundu,
Pero E la bin pa salba e mundu.
Kristu Dios ta stima e mundu,
Pesei E la bin nase rib'e mundu.
Pasku a yega laga nos selebrá