ناصر الفراعنه - الجمس
Вставка
- Опубліковано 8 лют 2025
- نص القصيده للشاعر ناصر الفراعنه .
حييّت يا جمسٍ جدادٍمشاريه
عبّارتينٍ بمية ألفٍ شريناه
أربع ميا وخمسين من عند أهاليه
آخر موديل بعالم الشرق عزّاه
حالف حرام إني لاسوقه واعدّيه
يوم إن ولْد أمّه قصر ما تهقواه
جمسٍ ليا شفته عزالك تقهويه
يا ِطيْب طِيْب القهوجي كان قهواه
تقول معزومٍ لحفلة(سواريه)
جاك امتشيّك وامتعطّر وما احلاه
سوّاه لطوال الشوارب مسوّيه
ما يركبه يا كود حامي حماياه
حرٍّ كفخ من روس عالي مباديه
قرمٍ تلطّّم وأشقر الكنت طفّاه
يا ليت راعي الجمس يومه يسمّيه
على اسم عنتر والا بو زيد سمّاه
حيثه شنب يستاهل المدح زاهيه
ملعون أبو من لا قمز له وحيّاه
من عزته ما ركبو أهل الدلع فيه
ولا سوّقوه أولاد بابا وماماه
ولا ساقه الخكري ولا احمر عتاريه
وبنات المدينة ما تعلّن زواياه
الجمس أحبّه حبّ غالٍ لغاليه
حبٍّ عظيمٍ حبّ نمرٍ لوضحاه
ومن حشمته لا جيت اسافر اماليه
ولا خلّص المشوار جيت آترضّاه
يا شيب عيني يوم آجي له والاقيه
مثل الذي وسط الخلا شاف لاماه
خطرٍ ليا ناديته يقول: لبّيه
ومن دون سايق يشتغل من ورا ذاه
هو ميّتٍ فيّه وانا ميّتٍ فيه
ولو هو حديد أحب شوفه وطرياه
لا قمت المّس فوق بديه واداريه
بلا شعورٍ قمت ادوّر شفاياه
ليته هنوف لأجل اضمّه واحضويه
غروٍ تضوع المسك صافي ثناياه
حالف يمين اني لاابيعه ولا أهْفيه
لوربّحوني بألف ألفٍ مدلاّه
يوم ابيعه الجبان يبيع صاحبْه بجْنيه
والله ما دامها أمّ الطلي شاه
حتى وأنا في المسجد الفرض اصلّيْه
أدعي لجمسي يا عسى الخلد مثواه
وان كان عنّي راح ماني بناسيه
كود البدو حب المقاطين تنساه
وتحرم علي نوره حرامٍ مقفّيه
وتحرم علي البيض من كل منحاه
يا وين أبلقى لي حريص ٍ أوصّيه
لا غبت عن جمسي يزوره ويرعاه
في ذمّتي بغالي الروح لاافديه
ولأملّكه عمر المعنّى ومخباه
ومن جلدي البالي لاوقّي سماريه
ومن هو سعى للجمس ما خاب مسعاه
يا لايمي في الجمس غادي وسفّيه
بلاك ما شفته ولا شفت حلياه
لي جمس مابه جمس مثله يباهيه
ولا في جموس الشرق تلقى سجاياه
من شاف فوقيّه وطالع بحدريه
والله ان يموت بساعته داه برداه
رمز الفخامه والاناقه مع التيه
الحسن والابداع والعقل والجاه
ذي اس از انترناشيونال عند قانيه
ما يكسح اللي للمهمات يقناه
مخروط والمخروط صعبٍ تحدّيه
ويصعب على متن البسيطه مجاراه
ومكينته على أربعين وحواليه
وعموده على العشرين حنا خرطناه
لاقام بنزينه تشختر سِواقيه
الكلبليتر أزمع أمره وودّاه
وعلى المكينه والبساتم يودّيه
وحمر التوانك جمّها ما ذخرناه
يا دوب تحترّ البساتم وتوذيه
طشّ الرديتر غترته وألحقه ماه
كن لون بنزينه بصفّايةٍ فيه
أحمر شفايف عضّه الزين بشْفاه
وكن لون زيته يوم تكشف معاريه
ذهب جواهرجي على الكف راعاه
وقزوز بالشكمان رجليه وايديه
بمكينة(ٍ بالخام الاسود) مغطّاه
ونوع الكرونه رقم 7 بطاريْه
ورقم 3 احتياطي حفظناه
وتروسها حجم 4 يا مقدّيْه
مثل القلاده فوق صدر الخونداه
مثل المسدّس يبرمه من يعبّيه
ابو محاله لا وطا الترس ماطاه
يفترّ سير المروحه من تواليه
وسيرٍ براس الدينمو قام يشعاه
المروحه هفّت وضفّت سوافيه
الخ..
رابط النص
cutt.us/Gmc4541 - Комедії
ادعي لجمس ياعساء الخلد مثواه
اللهم صلي وسلم على نبينا محمد
ياناس ذي القصيده عشق وشلون اجل المقصود
لا اله الا الله اللهم صلّ على محمد وعلى اله وصحبه اجمعين🤍
صح لسانه عز الله ما خلا شيء 👍👌
الجمس ياراعي الشاص اركد
تسلم بو فارس
درار ي ناااصرر...
سكري جمس والله جمس اعشق جمس
الحمر واسود ✌️✌️✌️✌️✌️✌️✌️شنب
بهبهاني كفوووووووو GMC
صح لسانه👌🏼
😢
اسمعها وانا عارض جمسي للبيع 😮💨
عزتي لك
@@بوسالم-ث9ك ابشرك الحمدلله ما انباع وجددته والحين في خلال اسبوعين انشاء الله بيكون جاهز وومرخص للشارع 😊😇
@@lord502502ماشاءالله الله يعطيك من خيره ويكفيك شوه
كم موديله؟
@@lord502502أنا أدور على جمس اشتريه 😢
لاكن الصياحه يوم بثنين تعطيه. عذرن فقعها واحدن شين علباه. التشبيه في محله😂😂😂😂😂😂😂
احد يشرح
تقول معزوم لحفل سواريه
الشياب ايام زمان كانو يروحون سوريا 🇸🇾 يتمشون وفيهم الي الي يحب السهرات والحفلات زي مانت خابر 😅😅الله يغفرلهم جميع لاكن يقصد ب حفلة سوارية ( حفلات سوريا ايام زمان) 🫡🫡🫡
كنه هلي ١٩٩٩من قدام هههههههه
اشوى من الشاص الي كنه كرتون زباله ههههههههههههههههههههههههههههههههههههههههههههههههههههههههههههههههههههههههههههههه
هوووولللييي شيييت 🤣🤣🤣
اشوا من واحد عشان يغطي خشمه الفضيحه يلبس كمام ويصمي نفسه مصمم وهو مب قادر يقفل طاقة بيتهم
ارجع عن ما قلت وألا قتلتك
مسكين
ليه ؟.
@@سلطانالمقابله-ح3د مابتفهم لو شرحت لك
شرح
@@السنافي-ت2ت مسكين معنتها انه مجروح او متضايق او تعبته الدنيا ف يهرب من المساكل هاذي او يعبر عنها بشعر او يروح مكان يوقف التفكير بقدر المستطاع ف في هاذي الحاله نقوله مسكين وتقال بتشديد الياء وتلحينها ولفض الكاف بشده ومتعارف عليها بهاذا الوصف وطريقه اللفض المهم خذت لك بهبهاني ولا لحد الان