《開訪》EP19 再度合作 雲翔《屍房菜》演員恐怖鬼上身 李蕙敏愛聽MC張天賦林家謙Serrini

最新一集《開訪》嘉賓，打孖上請來雲翔導演同李蕙敏。兩人由《三十儿立》結緣，再到新片《十三門徒》合作，雲翔話：「首先呢，我係Amanda歌迷，自細聽佢歌大，哈哈哈！Amanda又好旺我，《三十儿立》係我歷史上最暢銷電影，又喺美國攞奬，我哋一齊去美國攞藝術成就獎！」
雲翔被今屆香港同志影展選為「焦點導演」，兩套新片《十三門徒》同埋《屍房菜》率先登場！前者除了必備裸男同大膽場面，更加探討生死主題，雲翔話：「自細我接受唔到死亡，尤其是我阿嫲離開我之後，我唔可以接受呢種絕對永遠嘅完結，呢個觀念跟我成世，亦都成為我電影一個主題啦，《13門徒》探討得最盡！」
Amanda就相信輪迴，「我爸爸過世嘅時候，因為親人離世，尤其是覺得佢係你世界上最愛嘅人，係好難接受！其實我都會有諗輪迴，甚至乎我有諗，我收養咗嗰隻貓，之後係咪會係我爸爸個靈魂喺嗰度，我真係有咁諗㗎！」
至於《屍房菜》則取自雲翔御用演員賀飛鬼上身經歴，導演話：「嗰個係完全真實嘅故仔，因為佢就係發生係我身邊！上一部都係Amanda有演嘅《三十儿立》，拍攝過程入邊，賀飛不斷咁撞鬼、不斷鬼上身，最後呢，多多少少我哋通過推理，證實到係邊個上咗佢身，呢件事對我當然都好震撼，當時我已經覺得呢個故事，一定要拍成電影！當個鬼喺佢身上邊，佢係完全全身冇力，瞓喺床度起身去廁所，都去唔到！」
講到撞鬼，Amanda都有恐怖經歷，「我去表演試過喺酒店房，瞓到半夜張床係咁郁，好似啫喱咁喎，跟住電視又開又閂，好奇怪，嗰間酒店好詭異，樓下嗰啲世界時鐘，我前一日睇到有一個國家嘅時鐘，第二朝起身，係冇咗！」
雲翔即將拍攝其第十部作品，亦即其最後一部，完成後將會退休，佢話：「我其實唔係退休，我係retired from film making，我係退出電影，我呢個人冇乜可能退得到休，我諗一定係做到死嗰一日，呢個世界亦都變得好荒謬，所以我最後一部電影，都係講緊呢個世界呢幾年嘅荒謬！」
16年電影生涯，雲翔話好圓滿，「呢次同志電影節，幫我做回顧展，我就覺得一早就值得做啦，呢16年，你話香港以同志為題材嘅電影，有冇十部吖？我覺得呢一個結束，對於我來講，呢九部電影帶俾我嘅嘢，我係好感恩！」
至於Amanda，近年專心照顧已經四歳多嘅養子Michael，享受家庭樂之餘，「我諗我唔會話退休囉，坦白講，叫做算係slow down啲，比起90年代、二千年嘅時候；又關係到有小朋友啦，唔敢走得太耐，因為佢嗰陣時仲細，依家四歲幾，唔係話要當小BB咁樣去照顧，pandemic又好啲啦，可以快啲飛啦，好想飛呀！」Amanda話一定會再唱歌開演唱會㗎！
雖然話自己slow down，但Amanda一樣好留意當今樂壇發展，佢最鍾意邊幾位新生代？拍戲一向多大膽場面嘅雲翔，想搵邊個香港男星脫？立即去片睇佢哋點講！
訂閱盒子YT頻道同步睇片：bit.ly/3ddwPJs
#盒子 #boxchannel #開訪 #李蕙敏 #雲翔 #導演 #香港同志影展 #hklgff #tiqff #永久居留 #安非他命 #屍房菜 #十三門徒 #生死 #撞鬼 #鬼故事 #鬼上身 #天后 #張天賦 #林家謙 #Serrini #裸戲 #香港 #娛樂 #電影 #音樂
-----------------------
記得follow晒呀
FB：bit.ly/2WlzyYF
YT：bit.ly/3guXGz0
IG：bit.ly/3n0YIHg

[@boxchannel7957]

睇完片，記得comment，like & share！仲有快啲follow晒《盒子BOX channel》呀！
盒子FB：bit.ly/2WlzyYF
盒子IG：bit.ly/3n0YIHg
盒子YT：bit.ly/3BSWCx6

[@user-ot7ug1qz7x]

想看十三门徒