Aine Chokhe Chir Pichhon Na Aaya Kar Sabir Ali Sabir Most Famous Punjabi Poetry Nazam Status 2024
Вставка
- Опубліковано 1 жов 2024
- Aine Chokhe Chir Pichhon Na Aaya Kar Latest Most Sad Romantic Love Top Trending Super Hit Punjabi Poetry Nazam Status
Poet: Sabir Ali Sabir
اینے چوکهے چر پچھوں نہ آیا کر
ایہ نہ ہووے کہ ادریواں کٹھا ہو کے گل نوں آوے
پھاہ بن جاوے
سرمہ سک سواہ بن جاوے
اینے چوکھے چر پچھوں نہ آیا کر۔۔۔
تینوں نہ ویکھن تے ایہناں اکھاں کولوں
کوئی وی پٹھی سدهی حرکت ہو سکدی اے
اینے چوکھے چر پچھوں نہ آیا کر۔۔۔
تیری واج نوں ترسے ہوئے کن کسے دے آپے ہلدے بلھ ویکھ کے کولوں گلاں گھڑ لیندے نیں
اینے چوکھے چر پچھوں نہ آیا کر۔۔۔
توں جے میرے نال ٹریں تے سر سورج نوں جا لگدا اے
پتا نہیں لگدا کتھوں چانن آوندا اے
اینے چوکھے چر پچھوں نہ آیا کر۔۔۔
مینوں سون دا کہہ کے جاگن والیاں اکھاں میتھوں پہلوں میرے سفنے ویکھدیاں نیں
تیرے مگروں راتاں دن دے بھا تلیاں نیں
اینے چوکھے چر پچھوں نہ آیا کر۔۔۔
نہ ہوویں تے جی کردا اے وستی کولوں دور دراڈے کلا ہوواں
آوندا جاندا کوئی نہ ہووے
ویہندا سندا کوئی نہ ہووے
دور دور تک کوئی نہ ہووے
فر میں تینوں اچی اچی واجاں ماراں
اینے چوکھے چر پچھوں نہ آیا کر۔۔۔
مینوں ویکھ کے ٹر جاویں تے
میرا اپنا منہ چمن تے جی کردا اے
ہاڑا فر وی تیری میری مرضی وچ لوکاں دی مرضی شامل ہونا ٹھہر گیا اے
کیہ کرنا ای؟
اینے چوکھے چر پچھوں نہ آیا کر۔۔۔
حالی تے میں کھڑیا متھا چمدیاں ہویاں تیرا منہ اپنے سینے تے کھبے پاسے رکھ کے سون دی سدھر پوری کرنی اے!
توں چاہنی ایں تیری فوٹو ویکھ کے سوں جاں؟
انج نہ کر
منیا کہ مجبوری اے پر
اینے چوکهے چر پچھوں نہ آیا کر۔۔۔
میرے ساہویں لوکیں رب دا ناں لیندے وی ڈردے نیں
تیرا رب توں گھٹ وی کیہ اے
توں تے توں ایں
میں وی توں ایں
تیرے چوں آں
اینے چوکھے چر پچھوں نہ آیا کر۔۔۔
ڈھڈ دے کتے مینوں جیوندے نوں نپن دی کوشش وچ نیں
تیریاں نظراں میرے پچھے نہ ہوون تے ڈاہڈا سانوں ویچ کے کھا جاۓ
اینے چوکھے چر پچھوں نہ آیا کر۔۔۔
تیرے ہونٹاں دی برکت اے
کن کہنا تے دور دی گل اے میں جو سوچاں ہو جاندا اے
تیرے ہونٹاں پچھے خورے کنے ہونٹ کھلوتے نیں
اینے چوکھے چر پچھوں نہ آیا کر۔۔۔
ہن جے ملیں تے جی کردا اے
تیریاں باہواں گل وچ پا کے
اپنیاں باہواں تیریاں کچھاں تھانی کڈھ کے اینا گھٹاں، اینا گھٹاں ایناں گھٹاں عزرائیل نوں رب دے حکم توں پہلوں ای آنا پئے جاوے۔۔
اینے چوکھے چر پچھوں نہ آیا کر۔۔۔
انھی نہیں توں
ویکھ رہی ایں
کنی ی ی ی دنیا میری اے
تے میں تیرا کلی دا؟
اینے چوکھے چر پچھوں نہ آیا کر۔۔۔
صابر علی صابر
#sabiralisabir
#sabiralisabirpoetry
#punjabishayari #punjab #punjabipoetry #punjabi
#punjabiboli #shayarilover #shayari #shayri #punjabishayri
#indianpunjabi #punjabireels #punjabireel #reel #reels #poetrylovers #punjabipoetrylovers #indianpunjabi #lovepoetry #sadpoems #romanticpoetry #poet #poetry #sad #sadshayari #sadshayri
👏👌🥀