曾志偉指LOONG 9 隊名遭熱議係好事 恬妞睇自己主演新片喊唔停

曾志偉指LOONG 9 隊名遭熱議係好事 恬妞睇自己主演新片喊唔停
曾志偉同恬妞主演嘅新片呢日舉行慈善場，方力申、車婉婉及黎諾懿等都有現身。志偉同恬妞喺戲中嘅演出大受好評，唔只觀眾睇到感動落淚，就連身為主演嘅恬妞都被志偉爆佢喊到停唔到，仲話搞到本身自己都感動到想喊，但因為要忙住遞紙巾畀身邊嘅恬妞，所以先忍住眼淚。
新戲口碑唔錯，問到兩位主演會回答謝觀眾？志偉即話恬妞會裸跑，搞到身邊嘅恬妞笑到停唔到，之後志偉先解釋：「係攞住個手袋跑呀！」恬妞話自己好鍾意呢部電影，所以上映期間會留喺香港出席謝票活動。
提到志偉有份打造嘅《亞洲超星團》，早前選出9位練習生並組成男團「LOONG 9 」出道，不過團名就引嚟網民熱議，對此志偉大方咁話有咁高嘅討論度都好，仲叫大家慢慢放長雙眼睇吓呢班細路，就會知道呢個名係冇事，志偉話：「因為我哋以前起過好多好嘅名，初初出嚟會覺得好奇怪，但慢慢你就會覺得呢個名好好，呢個世界就係咁，只要班人會紅，個名就係好，如果佢唔紅，你就話佢改錯名。」
同場嘅黎諾懿早前同獨居長者一齊食盆茶，囝囝小春雞都遺傳爸爸嘅善心，仲親力親為幫手，諾懿呢日就分享返早前囝囝幫佢手入利是派做慈善嘅笑料呀！
#曾志偉 #恬妞 #出租家人 #電影 #方力申 #車婉婉 #黎諾懿 #小春雞 #LOONG9 #男團 #亞洲超星團 #裸跑 #感動 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0