【精彩活動重溫🎈攜手「凝聚社會 推廣共融」🤝】

8月15號香港紅十字會主辦嘅「共融發展平台 - 傷健同創就業展才能」活動開幕典禮暨分享論壇圓滿舉行👏🏻👏🏻。
當日好榮幸邀請到平等機會委員會主席林美秀女士，SBS為開幕典禮暨分享論壇擔任主禮嘉賓，同香港紅十字會社會凝聚及共融策略委員會主席蕭觀明先生，介紹咗本會嘅共融政策同倡議。
活動分享論壇中，一眾嘉賓從政府相關措施同支援、企業共融理念同實踐經驗切入分享，仲有社福機構同特殊學校代表，以殘疾人士為本，表達佢哋所面對嘅困難，探討點樣建立傷健共融嘅職場環境，同時亦邀請夢創成真社群經理兼多元、公平和包容主管莫家漢先生，同香港紅十字會雅麗珊郡主學校畢業生林穎康先生，分享佢哋喺職場嘅經驗。當日活動吸引咗超過140位參加者，喺線上同現場一齊參與。
而喺 8月17-18 號舉行嘅市集暨展覽亦共吸引近1,000人參加，多間社福機構同社企展示同銷售殘疾人士用心製作嘅產品。我哋非常感謝當日參與嘅50多名義工協助，令活動能順利進行。
即刻睇睇活動當日嘅盛況🤩啦！
#香港紅十字會 #凝聚社會 #社會共融 #香港管理專業協會 #平等機會委員會 #論壇 #工作坊 #市集 #展覽 #暑假 #攤位 #殘疾人士