مصلح بن عياد | يا نافخن صدرك تكبر على ويش ... والله وما قالت ترا اللاش لاشي ،، روعة ( قائد الجيش )

‏يالله يالـلـى تسـتـر الطـيـر بالـريـش
ياللي علـى فضلـك تعيـش المواشـى
0:06 يـا رب عبـدن فى ضميـره نواهـيـش
تلعـب بقلبـي لـعـب صــف النـواشـي
0:11 انـــا لـيـا مـنـي نـويــت الـمـطـاريـش
يـخـف نـومـي ويتـضـايـق فـراشــي
0:16 كـنـه يــدق صـبـي عيـنـي منـاقـيـش
النور طافـي واحسـب النـور واشـي
0:21 ‏واليـا طرالـي راعـي الكبـر والطيـش
كنه خشيـرن لـي معـي فـي معاشـي
0:27 يا نافخـن صـدرك تكبّـر عـلـى ويـش
والله وما قالـت تـرى الـلاش لاشــي
0:32 الكـبـر منـهـاج الخـبـول الـدراويــش
مـكـبـريـن ظـهــورهــم بـالـخـيـاشـي
0:37 يالله لاتجعـل طريقـى علـى الهيـش
هـرع الـكـلام المستحـيـل الهتـاشـي
0:43 رجال في طـردن وراء لقمة العـيش
وفي غيرهـا لّد النظـر وأنـت ماشـي​
0:48 ‏والـثـانـي اللـى مـركـزٍ للحـشاحيـش
تلـقـى مـسـايـيـره هـجـاد وغبـاشـي
0:54 عـنـده مـداويــر الـرذيـلـه مهـايـيـش
عـودٍ عــلـى ضـوّه يحـوم الفــراشـي
0:59 ‏قليل دين وعقله اسخف من الريـش
وجـهه صـفـاه وبشـرته جـلد حاشـي
1:05 عــسـاه فـدوه للـعـيـال الـمـداغـيـش
الـطـيـبـيـن الـصـامـلـيـن الهـشـاشـي
1:10 الـصـادقـيـن الصامـلين الهشاهـيـش
زبـن الدخيـل مصـدريـن العطـاشـي
1:16 الله مـــن قـلــب ينـوشـه مـنـاويـش
تومي به اومايـة غصـون الغـواشـي
1:22 لا والله الا صـار فـالـجـو تـشـويـش
يـبـاع فـيـه الـدم الاشـقــر بـلاشــي
1:27 يا بايـع الـدم الحـمـر بالغـلـط لـيـش
اهـدرت دمـك بيـن مرشـى وراشــي
1:32 مـدري ظـلام وفـرصـة الـخـفافـيش
ولا ســراج ونــور والــقـدر طــاشـي
1:38 السـالـفـة مـا هـي هـجاج ومغابيـش
يـبـغـالـهـا مـجـلـس رجـال ونـقـاشي
1:43 ‏امـا زعلنـا مـن زعـل قـائـد الجـيـش
والا قـدحنـا الـنـار والـعـود واشــي
1:49 مظاهـرات الغـرب حمـر الطرابيـش
ماهى لنا يا اهـل السفـر والتماشـي
1:55 هدم البناء عيب وغلط يا شواكيش
ما عاد نبغي منـى مطركـم رشاشـي
#مصلح_بن_عياد
ـــــــــــــــــــــــــــــــــــــــــــــــــــــــــــــــ
قناة التلقرام : mu7nk
رابط قناة التلقرام : t.me/mu7nk

[@В5Т]

صح الله لسانك يابن عياد الله يطول بعمرك انا اشهد انك شاعر

[@ema-st7vj]

حناالرجال الي تتحمل الضلم والطيش وبعض الرجال تكلم بلاشي لجل قيمتهم بين البشر تزيد انتعاشي مايدرون ان الله بين الخلق شايف وعارف وخفافي

[@عبداللها-ج3و2و]

صح لسانك يابوفهد قصيده كلها حكمه

[@مشعلالشراري-ث2س]

صح الله السانك يابن عياد

[@alshihrytiger]

صح لسانك الله يطول عمرك ياراعي الجزلات

[@جمعانالغامدي-س1ص]

ياجعل عينك وعيني وعين العباد المرهيش تشبح لخضر الجنان العوالي...🌹😅👋🏻

[@الحمدلله-غ9ز3ط]

صح لسانك
جت على الجرح

[@عبدالله-ث2ز6ث]

هذا الشعر ولا بلاش

[@قصي-ظ5ف]

صح لسانك ياعم مصلح💚💚

[@h.r.y9295]

ذا الشعر العربي الاصيل المعبر والموعض
اما الرومنسيه دخيليه على الشعر الاصيل

[@ابوتركيالقيسي-س5ز]

من خلقت الدنيا والشعر الغزل ماجود😂😂

[@h.r.y9295]

@@ابوتركيالقيسي-س5ز
شعر لا اصل له

[@aasasde2769]

للمعلوميه شعر الغزل موجود في ايام الجاهليه من قال لك شعر الغزل دخيل على الشعر الاصيل واكبر مثال الشاعر عمر بن أبي ربيعة كان يقول شعر غزلي وعندك بعد ديك الجن وفيه منهم واجد في العرب حبيبي لا تهبد من عقلك

[@h.r.y9295]

@@aasasde2769
العزل الناس كرهونا فيه

[@8jj8]

@@h.r.y9295 الغزل من قبل الاسلام قال دخيل علينا كم عمرك بالله 😂😂

[@صقر-ل2ز]

صح لسانك

[@mu7nk]

كالعادة مروا على وصف الڤديو 😘

[@احمدسلامه-ق2خ]

صح لسانك يالغالي

[@احمدسلامه-ق2خ]

يارب