Mashhur “Gollivud” yozuvining kinoga umuman aloqasi yo‘q,200 ming so‘m muomalaga chiqarildi...

#xs_uz #narodnoeslovo
13 iyul sanasi tarixiga oid tafsilotlar bilan
Zilola Xolto‘rayeva.
Ma'lumotlarga ko‘ra, 1923 yilning 13 - iyulida Mauntli tog‘larida, Kaliforniya tepaligida “Hollywood” yozuvi paydo bo‘lgan. Ilk bor yozuv “Hollywoodland” deb yozilgan. Bu yozuv yangi tuman reklamasi hisoblangan va kino sanoatiga umuman aloqasi bo‘lmagan. Biroq u tez orada sayohatchilarni o‘ziga jalb qila boshlaydi. Qizig‘i, bu yozuv uning buyurtmachisi bo‘lgan Garri Chandlerga 21 ming dollarga tushgan.
“Hollywoodland” so‘zi kechasi chiroqlar bilan yoritilgan va kunduzlari oq harflar 46 km. uzoqlikdan ham ko‘rinib turgan.
1949 yilda yozuv qayta ta'mirlanadi va oxirgi 4 harf olib tashlanadi. Bu vaqtda yozuv Los-Andjeles va butun ko‘ngilochar sanoat ramziga aylanib ulgurgandi. Keyinchalik yozuv haqida qayg‘urishni Gollivud palatasi o‘zining zimmasiga oladi. Ya'ni 1973 yilda u milliy tarixiy haykal sifatida e'tirof etiladi. Ma'lumot o‘rnida Hollywood so‘zining har bir harfini ta'mirlashga 27,5 ming dollar sarflanganligini ham aytib o‘tish joiz.
2022 yil 15- iyuldan boshlab 200 ming so‘m muomalaga chiqarilgan, ammo bu qarorga 13- iyulda kelingan edi.
Mazkur banknot mavzusi “Buyuk ipak yo‘li” hamda Farg‘ona vodiysining qadimiy tarixiga bag‘ishlangan. Banknotning o‘ng tarafida och fonda qadimgi “Buyuk ipak yo‘li”ning ramzi sifatida tuya va 200 raqami ko‘rinishida suv belgisi joylashgan. Banknotlar himoyalangan qog‘ozda chop etilgan bo‘lib, old va orqa tomonlari maxsus lak bilan qoplangan.
Kun tarixiga doir boshqa muhim voqealar quyidagilardan iborat.
1728 yil. Birinchi Kamchatka ekspeditsiyasi boshlangan.
1897 yil. Giulelmo Marsni radioga patent oldi.
1918 yil. Italiyalik avtopoygachi, formula-1 musobaqasi afsonasi bo‘lgan Alberto Askari tavallud topgan.
1930 yil. Urugvayda Futbol bo‘yicha Jahon chempionati boshlandi.
1938 yil. Bostonda birinchi teleteatr ochildi. Unda 25 sent evaziga 200 tomoshabin 45 daqiqa qo‘shiq va shoular tomosha qilishi mumkin bo‘lgan.
1944 yil. Vengriyalik kubik-rubik ixtirochisi Erne Rubik tavallud topgan.
1974 yil. “Paxtakor” futbol jamoamiz tarixiy o‘yinlardan birini Kiyevda Dinamaga qarshi o‘tkazgan. O‘sha paytlari Yevropada kuchli klublardan sanalgan kiyevliklar bilan safardagi bellashuvda 1:1 hisob qayd etilgan.
2007 yil. Rossiya Prezidenti Vladimir Putin Yevropada oddiy qurolli kuchlar to‘g‘risidagi shartnomaga morotoriyni imzoladi.
2018 yil. Yangi zelandiyalik olimlar Jenevada uch o‘lchamli rangli tasvirlarni olishga qodir reyentgen apparatini taqdim etdilar.
2022 yil. O‘zbeksiton Prezidenti Shavkat Mirziyoyev Eron Islomiy kengash Majlisining raisi Muhammad Bagir Qolibifni qabul qildi. Ikki davlat o‘rtasidagi hamkorlikni yanada kengaytirish, mintaqaviy sheriklikni rivojlantirish masalalari ko‘rib chiqildi.
Vaqti kelib sizning ham biron bir kashfiyotingiz yoki xizmatlaringiz kun tarixini bezab turishi mumkin. Buni aslo esdan chiqarmang!
“Kun tarixi”ni kuzatishda davom eting.

[@qarshidutalabalari.shohruh1970]

Kun tarixini har kuni yoritib borasizlarmi?