Вставка
- Опубліковано 14 жов 2024
- أتمنى أن نجد نهاية نستحقُها بعد كل ما مررنا به..🤎💌
😍
١- لما تشترى علب جبنه هاتى الصغيرة خالص عشان علبه الجبنه لما تفتحيها وتسبيها لونها بيغير وكمان طعمها هاتى الصغيرة خالص ام ٢٠ جنيه
تقضى الطقه وخلاص.
٢- كل ماتغلى اللبن سبيه لتانى يوم وحوشي القشطه بتاعته مره ع مره هيبقوا كتير سيحيهم هيبقى عندك سمنه بلدى ملهاش حل.
٣- اى تسبيكه طماطم حطى عليها ربع معلقه سكر هتضيع الحموضة وتديها طعم وكمان اللحمه بتطيب بسرعه.
٤- كلنا بنزهق من تصفيه الطماطم عشان المكرونة وغيره الطماطم بترخص هاتيها واسلقيها وشيلى القشرة بتاعتها واضربيها في الخلاط وكيسيها في الفريزر هيبقى عندك مخزون كتير وهيوفر معاكى.
٥- الميكرويف بعد كل يوم حطى فيه طبق وعليه شويه خل ولمونتين وشغليه خمس دقائق وبمنديل هينظف معاكى اوى.
٦- بكره تنظيف الخلاط بس بقيت احط شويه مايه وبريل واشغله تانى بينظف اوى يدوب يتشطف.
٧- بواقى الاكل تتحط في علب ثلاجه بلاش تبوظى المنظر بالحلل خالص.
٨-بلاش البرفانات الكتيرة اللى بتستخدميها هاتى نوع نظيف و غالى جوزك يتعود ع ريحتك بيه لو غبتى شويه يفتقدك لو الظروف متسمحش هقولك ع تكه حلوة اوى هاتى كريم مرطب دوف او نيفيا او ايفا خدى لحسه ورشى عليها برفانك حتى لو كان نوعه رخيص وادهنى جسمك هيثبت بالساعات وهيبقى سيكسى اووووى 😉.
٩-جوزك لو ملقاش الراحه في البيت هيلاقيها بره كلنا ولادنا اشقيه بس لازم يتعودوا الوقت اللى بابا موجود فيه بلاش شقاوة عشان يرتاح معلش هتتعبي شويه بس هو كمان من حقه يرتاح بعد يوم شغل طويل.
١٠-كلنا بنحب البيتزا بس الجبن الكتير غاليه علينا انا هقولك هاتى نص كيلو لبن ولما يغلى حطى عليه كيس موتزاريلا صغير وشويه رومى وشيدر والله وكام قطعه نستو ودوبي معلقه دقيق ع نص كوب مايه ولما الجبنه تدوب انزلى بالدقيق لما تتقل سنه بسيطه الكميه دى ممكن تعملك ٣ بيتزات مليانين جبنه 😍.
١١- وانتى بتعملى صوص الشاتوه اضربي معاه ٢ كيكه هوهوز هيبقى روعه.
١٢- رشه كربوناتو ع الملوخيه الخضرة يخليها خضرة اوى يومين كمان لو عمله كميه حتى لو كانت مجمدة.
ايدى وجعتنى والله 😂 لو حد استفاد يدعيلى دعوة حلوة كده
متابعة صفحتي الشخصية من هنا 👈🏻 @ 💕 ليصلكم كل جديد فور نشره
لايك وشيررررررر رررررر عشان الكل يشوف البوست ويستفاد معانا وكمان متنسوش ترفعوا البوست بذكر الله وتعم
شويه حاجات لو عملتيها هيفرقو اوى فى نضافه الهدوم وترجعها زى الجديده👌🏻✨
١-بلاش تحطى كميه هدوم كتير فوق بعضها فى الغساله علشان كدا بتكونى فاكره انك بتوفرى بس أحب اقولك دا بيمنع ان المسحوق يوصل لكل الهدوم ودا اكبر سبب فى انك بتشتكى ان الهدوم بتغسليها وبتطلع بردو مش نضيفه🎽🩱
٢ـ تانى حاجه بردو😂بلاش تحطى كميه هدوم كتيره اكتر من الكميه الى تقدر تستوعبها الغساله مش معنى ان لسه فى سرسوب هوا اروح احطلى فيه خمناشر تيشرت 😅دا بيقصر عمر الغساله معاكى وهتبوظ بسرعه🫤
٣ـ هاتى اى نوع مسحوق رخيص عادى وحطى عليه شويه الحاجات دى ملح ليمون وكربوناتو وكيس او اتنين من مسحوق ازاله البقع وقلبيهم مع المسحوق كويس وجربي وهتشوفى بنفسك الهدوم بتنور ع الحبل 🩱🎽😉
٤ـ لما يكون فيه بقع شديده بلاش تحطى الهدوم على طول فى الغساله وتقولى هزود المسحوق وهتنضف 😅 اغسلى البقعه بصابونه ريحه وسيبيها منقوعه شويه وحطيها مع الهدوم تحفه وبتشيل اصعب البقع وهتوفر عليكى الاسبراى الغالى ومسحوق ازاله البقع👌🏻
٥-اوعى تشطفى بقع الحبر بالميه حطي عليها ديتول خام او معجون اسنان وادعكى كويس وبعد كدا اغسليه عادى فى الغساله وبجد هتدعيلى☺️😚
٦ـ علشان هدومك تفضل ريحتها حلوه ومتكرمش اول ما الغساله تخلص دورتها طلعى الغسيل وانشريه فورا ولو حصل ظرف ليكى ومقدرتيش فبردو طلعى الهدوم وانفضيها كويس وافرديها على اى طرابيزه لحد ما تنشريها 🎽🩱
٧ـ علشان غسالتك ميبقاش فيها اى ريحه كمكمه لازم تسيبي الباب بتاعها مفتوح نص ساعه بعد كل دوره غسيل✨👌🏻
٨ـ اهتمى بدوره التنضيف بالخل والكربوناته مره كل شهر للغساله علشان تحافظى عليها لعمر طويل ان شاء الله 🌹
٩ـ علشان تخلى الهدوم السودا مزهزهه ومش لونها وصبغتها مجيره حطى فى دوره الشطف زهره زرقا واه متستغربيش ومتخافيش مش هتخلى الهدوم زرقه لا🤦🏻 بس هتخلى الاسود مزهزهه وبيبرق برق✨✨😆
١٠ـ لو بتغسلى هدوم ملونه مع بعضها وخايفه الالوان تدخل على بعضها حطى كام منديل مبلل مع الغسيل مفيش لون هيكرف على لون تانى فى الهدوم 👏🏻.
١١ـ كل اسبوع افتحى فلتر الغساله ونضفيه كويس بفرشه اسنان قديمه وحته معجون بيساعد الغساله تشتغل بكفاءه اعلى ☺️☺️
اوعوا تنسوا الاستغفار والصلاة على الحبيب المصطفى اللهم صلى وسلم وبارك على سيدنا وحبيبنا ونبينا محمد صلى الله عليه وسلم ودعوه حلوه لاختكم دمتم سالمين غانمين واسعد خلق الله ❤🤗
نصائح مفيدة لكل ست بيت
1_عايزة الفلفل الحامى ميحرقلكيش ايدك وانتى بتقطعيه ادهنيه بزيت🌶🌶
2_عايزة الليمون بتاعك يفضل فريش لاطول فترة ممكنة هاتى علبة محكمة الغلق وافرشي فيها منديل وتكوني غاسلة الليمون ومنشفاه كويس وحطيه فى العلبة وشوفي بقي هيفضل فريش عندك حوالي شهر ويمكن اكتر 🍋🍋
3- سر نجاح السينابون أضافة زبادي للعجينة 🍩🍩
4- وضع قليل من النسكافيه مع البيض لدهن الفطائر يعطيها لمعة حلوووة🍪🍪
5- اذا احترق الرز حطي فوقه خبز مفرود يسحب رائحه الحرق🍪🍪
6_قشر الليمون مترمهوش هينفعك جدا فى التنضيف ولوعندك براد او كنكة محروقة من كتر الغليان بيرجعها جديدة 🍋🍋
7_حطى معلقة نشا للكيكة هتفرق جدا فى هشاشتها ولونها
🍞🍞
8_علشان تنضفى الخلاط أو الكبة جديدة حطى شوية صابون مواعين وماية وشغليهم ولا دعك ولا غسل ولا وجع ايدين 🌹🌹
9_عايزة البصل وإنتي بتقطعيه متدمعيش ادهني السكينة زيت 🌰🌰
10_علشان البيض مينكسرش وميخدش مكان فى الثلاجة قطعى كرتونة البيض على أربعة وحطيهم فوق بعض ودخليهم فى كيس ودخليه الثلاجة👌👌👌
متنسوش الصلاة على النبى ❤️
اللهم صل وسلم وبارك على نبينا محمد وعلى آله اجمعين
اضغط ى لايك لصفحتنا ليصلك كل جديد
صلي علي الحبيب
عليه افضل الصلاة والسلام
يارب يرزقك من حيث لا تحتسب يارب العالمين
وفي يوم الجمعة لنا موعد مع قراءة سورة الكهف والإكثار من الصلاه والسلام على رسول الله محمد صلى الله عليه وسلم 🌹🌹
احلي روتين يا قلبي
لاحبيبتي😮 القمع (قمع البخور) ماينحط ع فحم ابداً. هو تحطينه ع النار من فوق وتسيبيه هو يدخ لوحده..