《樂壇已死》Official MV
Вставка
- Опубліковано 25 січ 2021
- 《樂壇已死》
望著UA-cam開汽水
用力噴在留言區
一句定我罪
望著今天這廢墟
證實樂壇已死去
是我不對
對著作曲填詞罵句
這乜水 怎麼可唱出
垃圾金句
香港歌手經已死 Woo
甩嘴走音兼無氣 企在原地
所有青春嘴臉 邊個邊個都沒有星味
嘆口氣 往昔金曲的歲月 哪可媲美
別再開收音機 沾污這大氣
豆豉記錄興與衰
用心愛 這裡
小店 小區
六百字 四十句
是故事 與情緒
有歌 在我心裡
香港歌手經已死
甩嘴走音兼無氣 企在原地
所有青春嘴臉 邊個邊個都沒有星味
嘆口氣 往昔金曲的歲月 哪可媲美
仲唱卡拉OK
專輯已處死
EP也半死
單曲更抵死
失戀 好慘 三幅被
頒獎禮已死
要是年輕該 死
別繼續拍拖
繼續見工
繼續結婚
繼續掃手機 Yeah
別再唞氣
香港歌手不會死
怎麼尖酸的你 那樣看不起
漠視 挖苦 比較
恥笑 指責 拋棄這一代
我請你不必再比
贈你這卡式機 聽返你舊時多優美
《樂壇已死》團隊的話：
在沒有任何唱片公司背景以及沒有任何資金預算之下，這首歌製作之快，雖不一定是項香港紀錄，卻肯定是個因緣和合的奇蹟。
高效率，搵快錢，可能是普遍香港成年人的強項；但談到實踐理想，就得靠年輕人的純真和傻勁去盲衝--那股衝向未來未知、衝向自己理想的能量及勇氣。所以我們堅持，這歌內錄下來的所有人聲，無論如何也一定要是年輕人的聲音。
藉著歌中十二位年輕人的嘴巴發聲吶喊，去告訴他們的同輩：坦白地面對自己，真誠地感染他人，然後勇敢地改變世界。
別放棄年輕人，年輕人別放棄！
《樂壇已死》製作日誌：
Day 1：
一切從2021年1月4日開始。叱咤頒獎禮過後，一如以往，網絡上出現對賽果之爭論；亦一如以往，頻頻出現「樂壇已死」這四隻大字。填詞人小克，於當日下午看過各界評語後，忽發奇想：「不如寫一份詞去回應這四隻字？」，遂於其IG賬號出帖征求旋律。幾分鐘後，唱作歌手吳林峰留言，說自己剛巧也在寫一首關於相同題材的旋律，於是一拍即合，當晚兩人抱著玩樂的心情合作完成了半首歌。
Day 2：
1月5日早上，音樂人王雙駿給小克發短訊，商討來年新歌的合作方向，最後說了一句：「你跟吳林峰那首《樂壇已死》，有什麼需要幫忙請出聲。」同日晚上，吳林峰跟小克都覺得這件事越來越有意思，隨即力邀王雙駿為此歌編曲及監製，王二話不說答應，三人隨即於WhatsApp開了個「樂壇已死」群組，決定認真對待及製作此歌。晚上，小克找到一幅十年前的舊畫作，覺得可重用作派台宣傳。
Day 3：
1月6日下午，全曲旋律及歌詞完成。王雙駿於半小時內找到義務幫忙的樂手及混音師，包括孔奕佳、黃兆銘、阿權、Jason Kui及Frankie Hung。小克亦收到導演Tim Wong@TONE Music TV的短訊，自薦為歌曲拍攝MV。同日晚上，吳林峰為歌曲進行試唱，小克亦不斷在修正歌詞。
Day 5：
1月8日，王雙駿完成編曲初部構想，Tim Wong亦完成MV初步構思。
Day 6：
1月9日，鋼琴師孔奕佳完成錄音。
Day 7：
1月10日，音樂製作人黃兆銘完成弦樂編製。
Day 8：
1月11日，鼓手阿權完成錄音，結他手Jason Kui完成電結他錄音。
Day 9：
1月12日，吳林峰完成主唱錄音。
Day 10：
1月13日，「樂壇已死大合唱團」一起替歌曲錄製和音部份，成員由一群年輕歌手組成，包括：吳林峰、康志維、SIN 林善麟 、鍾舒祺、Tomy何家銘、符家浚及SENZA A Cappella的Miri Leung、Peace Lo、King Lam、以及雷同二友的謝芊彤、謝芊蕾。
Day 11：
1月14日，王雙駿完成低音結他錄音，並完成編曲 。柳應廷完成錄音。
Day 12：
1月15日，混音師Frankie Hung完成歌曲混音，全曲製作完成。
Day 13：
1月16日，小克兒子阿塵為歌曲派台插圖題字「樂壇已死」。
Day 15：
1月18日，《樂壇已死》於叱咤903節目「叱咤樂壇」中首播。
Day 23：
1月26日，《樂壇已死》MV發佈。
《樂壇已死》團隊成員（按創作時序）：
小克／吳林峰 ／王雙駿／孔奕佳／黃兆銘／阿權／Jason Kui／康志維／SIN 林善麟 ／鍾舒祺／Tomy何家銘／符家浚／Miri Leung＠SENZA A Cappella／Peace Lo＠SENZA A Cappella／King Lam＠SENZA A Cappella／謝芊彤＠雷同二友／謝芊蕾＠雷同二友／柳應廷 Jer／Frankie Hung
Music Video Director : Tim@Tone Music TV
Cinematographer : Ian Chu
Assistant Camera : Double Chan
Lighting : Zero Wan
Assistant Producer : Lucy Li, SzeMui Li, Jason Wong
Photographer : Sherwin Wong
Editor : Ian Chu, Tim@Tone Music TV
Cast : Jessica Chan＠試當真
Special Thanks:
KKBox／Sell Son Don’t Touch Head／malichandmade／Daymaker Creatives／OC2S／Shan／Ceci／Wo／Jason／Joshua／Wah／Alex／Lola／King
大家要記住，唔好年尾先成為「突然樂迷」，記得要成年keep住留意本土音樂。每日都要CLS。
最後两句點解?
@@wishloseonlyput7778 即係要繼續留意支持香港創作嘅音樂，見到鍾意嘅歌要留言Comment Like Subscibe
@@MoMo-gq1dh
市場是"突然而來 突然而去",訂閱不等於什麼.
@@wishloseonlyput7778 S for sharing
每日都要痴撚線？
由「阿乜水」親自用超級靚聲清唱返「香港歌手不會死，怎麼尖酸的你，那樣看不起」🤣🤣🤣
聽完一定唔會唔記得靚聲jer啦～😍
如果認為經歷昨晚《Chill Club》年度推介後覺得廣東歌有希望，請按讚！
柳應廷💙🙆🏻♂️繼續聽廣東歌 繼續支持香港樂壇
香港人缺了一份欣賞和讚美
金Jer💙吳林峰！多謝樂壇已死既班底！有你地一定唔會死！
如果呢一刻你依然係問緊邊個係Mirror 林家謙 Serrini 不如你試下上youtube search下聽下佢地d歌先？其實樂壇一直都有好多好好既作品 係睇下你花唔花時間去了解架咋！
第一次聽就好深刻
支持香港歌手，新人
香港歌手不會死
直到世界末日前
加油，永遠支持廣東歌
希望唔好有太多無聊評語,大家支持本地創作,支持各歌手,當然歌手也要謙虛,增值自己,有實力不怕被墟,做好份內事,謝謝大家的創作
其實香港仲有好多好歌。
Mirror嘅跳唱偶像風格、林家謙嘅轉音特色、Serrini古怪嘅唱腔... 總有一款啱你！
#條女好正
#條女怪得黎好正常
Hail Miami ❤️❤️❤️
#條女真係好正
#騎呢又優雅
林家謙同PER SE 既曲都好正,好獨特,
柳應廷把聲好能夠沉浸係歌曲入面
Moon Tang D歌好治癒,好鍾意首Get Lost
挽歌之聲D詞都好正
好多香港音樂人等住畀人發現
#條女勁寸
#條女咩事
BUT I LOVE MAMI ~~
3:53 出現過嘅歌/專輯封面（由左至右、上至下排序）（歡迎更正/補充！）（同埋真心希望大家會搵嚟聽！繼續支持香港樂壇🔥共勉之）：
黑夢 - White Dimension 天水圍 Gang Gang - TomFatKi / Billy Choi 阿茲與海默 - 黎曉陽 太空糖 - 6號@RubberBand 鹿角少年 - 馬天佑 （待補充） 番茄薯仔湯 - 小薯茄 三萬thx - B.O. 娑婆 - 陳蕾 惜你老鼠 - The Black Sheepee - If you feel sad, I can eat you - 周華欣 收場白 - 湯駿業 慌 - 大台主 （待補充） 限時動態 - Senza A Cappella (feat. Geniuz F the FUTURE) Weirdo - VIRT 我一伸手抱住我 - Senza A Cappella （待補充） 又要睇又要驚 - Kevin Boy （待補充） - （待補充） 附近的人 - 野佬 困局 - 岑寧兒 進退 - Kolor 距離 - 麗英@小薯茄 uknowdat - Kiri T, Geniuz F the Future 陰陽道具 - J.Arie (feat. MastaMic) （待補充） 披著人皮的獸 - 泳兒 赴湯蹈火 - 李芷君 (feat. 黃凱逸) - 明天 - DGX 若有若無 - iii （待補充） 畫皮 - iii 當代生活指南 - DAWN 迴光物語 - 柳應廷 緊箍咒 - Error 惹味 - 鄧小巧 Pretty Liar - 章尾而 阿愁 - SoulJase - 斷捨離 - Delta T 一切安好...？ - 吳林峰 Hear My Voice - VSing Summer Day is Gone - Modern Children (feat. 謝芊彤) 無限期 - Adam Diaz (feat. GFOO) 同檯 -鄧小巧 Poor Guy - K Lau (feat. Wallis Cho) 秋去冬來 - FIESTER 藍染 - SoulJase 搖籃曲 - eli - 洗手! 洗手! 洗手! - Boyz Reborn 在尋找什麼 - 李拾壹 （待補充） 生き甲斐 - PØK1 青春印記 - Hey Joe Trio 給塵 - 小塵埃 秋分 - Yusobeit 凡星人 - The Hertz 街燈 - 吳林峰 一岸之遙 - 及時雨, Joseph - 蟻俠 - Boyz Reborn 日光 - 梁釗峰, 陳仕燊 出神 - 陳健安 側臉 - 杜小喬 影樹 -Forward The Hertz - The Hertz 再聚 - 林二汶 Everything Is You - Supper Moment Can’t Stop - Delta T, JNYBeatz, PØK1 世界中心繼續轉 - 林一峰
只有當香港人唔再留意香港樂壇嘅時候
先算得上真正嘅樂壇已死
守護廣東歌 守護廣東文化 人人有責💛
btw一見到牙Jer出場即刻喊到癲
你唔係乜水 你係柳應廷！💙
要繼續發光發熱落去啊🔥🔥🔥
再次感謝樂壇已死嘅整個製作班底寫左首咁高質嘅歌出嚟😢😢😢
因為有你地 樂壇一定唔會死！！！
所以造星真係有將香港人由外面叫返返黎
柳柳粉揮手區
明明香港仲有好多好歌 個個唔聽就踩 一個二個又話自己好愛香港
轉個頭又問邊個姜濤 邊個林家謙 邊個serrini
老實講，我喺外地，冇聽過林家謙唱歌（知道佢之前係作詞）,Serrini 都係睇叱吒先知，之後就google吓佢哋，了解吓先，又發覺唔錯喎！反而無綫嗰啲就真係乜水.....
Wing Kwok UA-cam多播香港歌 慢慢就推薦好多香港歌比你 tvb果批就算啦 唱d主題曲 首首都一樣
@@ranjack061 你講得啱，TVB嗰啲真係無論歌同人都完全分唔到，我不嬲聽歌，好少聽新歌，自從男排女將就留意咗Mirror，再慢慢聽吓新歌
店既自然有粉絲嫁啦=]
「姜濤? 未聽過喎 ! 以前D歌手好好多囉 ! 」每一代都有呢D仆街
樂壇不會死‼️我們要繼續聽廣東歌，支持廣東歌，保護香港文化💪💪
On 9
宜家果D叫魚樂圈,無論你接唔接受,除非你係大老闆,一味打飛機唔係叫正能量
我代TVB 多謝你
這首歌就是最後一口棺材釘，唔好復活。
最怕這種支持本土作品的偽善，同支持港產片一樣，「保護香港文化」？
@@lunchan2009 你仲On9啦😂陳撚先生
我都好慚愧咁講，之前大概五六年冇follow香港樂壇發展，只有好個別咁聽幾個歌手（e.g. Eason）咁。2021年1月1號開電視睇叱咤，有好聽既歌，再follow返林家謙，柳應廷 3:05，Serrini，陳蕾…仲有由細聽到大既林二汶，同佢個friend岑寧兒…Mirror好多男仔都ok架唔好講笑... 仲有d Indie band都未講... 總之我想講，好多歌好聽啦，自己發掘下！香港人撐香港歌，不解釋！
我同你一樣丫....
樂壇，從來唔係要你喜歡每一首歌，而係希望大家懂得聽真每首歌
香港歌手，香港音樂人，香港聽眾，一同加油！
我係台灣人 我鍾意香港
香港樂壇不會死！
繼續支持廣東歌❤️
多謝
台灣也加油！🇹🇼🇭🇰😎🤟
見到柳爺好感動😭香港樂壇打不死💙
多謝樂壇已死嘅班底!!💙
支持廣東歌 支持香港樂壇🙆🏻♂️
阿Jer😻
大家辛苦晒🙌🏻
香港樂壇仲有得救嘅
大家一齊繼續支持😚
見到serrini 家謙 啊jer 姜濤 jace perse 等等新人
我覺得樂壇開始有復活既跡象
多謝你們年輕人為香港付出，好興幸香港有勇敢無畏懼的你們，辛苦了2019至今，年輕人繼續努力💪🏻直至來到一起見證光復之時，勿放棄 齊上齊落🙏🏻💛
見到一班好熱愛音樂嘅人，包括幕前幕後。
香港歌手不會死，有你哋，香港樂壇也不會死。
多謝你哋。
睇完最大感受係樂壇未死！
吳林峰 柳應廷 你地嘅音樂值得讓更多人認識！
推薦大家去聽埋吳林峰嘅《越壞越強》《你是萊特》同《下一束光》💙💙
吳林峰真係好正 大家聽多啲佢嘅歌呀！
《樂壇已死》製作日誌好感動🥺
年輕人別放棄，
別放棄年輕人。
你唔係「乜水」！你係柳應廷💙 我受形柳
做一首作品真的很不容易！多謝整個團隊！開心能夠參與其中 ❤️一齊繼續做屬於香港人的作品！
有廣東歌就唔會有世界末日！！
有人會話香港既樂壇已經末落，甚至已死，但我覺得香港既樂壇一路都有活力，只係換左個模式咁解。無錯，今日係香港做音樂去唔到80年代三王一后同90年代四大天王紅既級數，唔揾人仔就好似無得富貴咁。但諗深一層，到底音樂既存在意義係咩?音樂既價值唔係應該用歌曲傳遞自己既信念，打動身邊既人咩?當今既世代，社會既不公義同荒謬令人近乎窒息，亂世之中有唔少音樂人創作出令香港人產生共鳴既音樂作品。一班愛香港既音樂人(唔計奶政權鞋底既廢老，同埋上深圳河以北表忠既契弟)，可能佢地無億萬富豪咁多錢，離開香港後可能無咩人會識佢。但佢地寫下一首又一首既歌曲，紀錄底香港既人同事，訴說出香港人既心聲，甚至成為香港人重新振作既動力，唔係應該更值得人尊敬咩?
一日有樂迷， 香港樂壇都唔會死。
遙遙盼望沒有光，茫茫宇宙他 破滅，成全美好。 我受牙柳💙🙆♂️我受香港歌手💙🙆♂️ 大家加油💙💙
金Jer✖️吳林峰已經係必聽！
但大家都要留意其他單位🎶
好耐未試過聽歌聽到毛管棟！真係非常好聽！多謝團隊既無私奉獻！無論係香港樂壇，或者係其他各行各業，都好需要俾多啲機會年輕人以至其他有創意既人，去發揮，去創造，唔好只係留係安全圈子，只會原地踏步，甚至退步！加油呀！唔好放棄！
小妹35歲。
我係睇Viu TV 嘅頒獎典禮而認識呢首歌。
我係今年嘅903頒獎典禮認識mirror同姜濤。
喺睇903頒獎典禮之前都成日喺fb睇到有人講嗰班男仔(mirror),我最鍾意睇留言，去望下，好極端。
一係就話唔知呢班人乜水，
一係就話好耐冇聽廣東歌，
另一邊箱好多人留言話: 唔知嘅話就去Google 搵下一定搵到，唔好成日淨係話唔識呢個唔識嗰個，跟住留言話唔識你地乜水。
覺得留言講得好好，我即刻去搵呢班人係乜水。
我自問都有睇大台電視，viu就真係冇睇過。但自從903後留意姜濤呢個人，再睇到mirror，覺得呢班人真係燃起番香港樂壇嘅一團火。至少我會成日上網睇youtube聽mirror。雖然佢地歌喉未到最好，但最起碼人地個個有條件，又識跳又識創作，比起好多所謂好紅嘅歌手已經好叻。好多紅左嗰啲歌手都唔係又識唱又識跳又識樂器㗎啦。
廣東歌一定要翻生，一定唔可以死! 廣東話都一樣唔會死!
唔好再睇cctvb喇，會睇壞人㗎。轉睇viutv丫，有好多好節目。
雖然係舊年嘅歌, 間唔中都會聽返 真係好感動, 而家年輕嘅歌手, 真心做佢鍾意嘅嘢係真係好好睇到好感動 你哋要加油.
Me too ar, already on playlist
如果樂壇真係死咗，今時今日仲會有咁多人關注留意咩，一堆人comment話樂壇已死，其實全部都係度自打嘴巴。只係班人根本冇仔細欣賞本土音樂，年尾頒獎嗰陣突然上曬水，為反而反啫
我相信樂壇已死嘅意思係而家嘅歌手唱功冇以前嗰啲咁好 把聲冇以前嗰啲歌手咁好聽
@@slav813 其實個出處係以前家駒話過,香港得娛樂圈,冇樂壇,係有好多人唱歌,但8卦嘅人多過聽歌嘅人,咁有D文化人(李純恩有寫文講)猛話今時今日嘅歌冇以前好聽,歌手唔唱得,個社會都唔同,由經濟好,百業騰飛,直至1984中英簽聯合聲明,好多人對將來唔確定,需要娛樂,咪音樂電影好蓬勃,去到回歸之後,催谷旅遊業,百物騰貴,經濟產業單一,泡沫化,個重心已經唔喺娛樂產業,而且科技進步,由黑膠碟去到唱片,之後翻版碟,去到mp3,yt,錢都唔使畀就聽到歌,新人越嚟越少,甚至有錢先敢入行,要做model甚至同演藝冇關嘅副業,幾多人過勞死,有冇人去關心....去到後尾有政治風波,第3波移民潮,連希望都冇埋,唔可以將大環境嘅因素去怪個人....咁TWINS係唔唱得都紅,咁係咪唱片公司要負責,定其實對推動音樂係好事吖....好聽咪聽多D,但如果去到推動市場,咁大維𦫏嘅嘢,係要靠大型唱片公司/政府去做嘢,今時今日重有母語歌,已經係我地勁,賺咗+要堅持
@@ashleydls 阿Sa都係唱功好既歌手， 今時今日年輕嘅歌手真係搵唔到一啲好嘅喎。都係會聽返以前嘅歌手多啲，好似係盧冠廷，肥媽，黃凱芹，關淑怡，王傑，黃家駒，譚詠麟等等呢啲大師級嘅歌手。
@@slav813 我純粹覺得對症下藥,以前歌手畀多數人覺得唔好,因為佢地係商品咁,例如靚,咪上yes雜誌,theresa傳穎咪咁,唔識唱歌,唔中意唱歌,係為職業需要咪去學,咁咪唔會一出道已經識唱歌,要睇運氣/際遇,應該鄭融/sa都係非歌唱渠道入行,但鄭融都係試過音先簽唱片公司,佢咁啱自細有學唱歌跳舞,咪唔會太差囉,咁造星都唔一定係歌聲/樣/做戲/跳舞行先....甚至e+唔簽唱片公司,busking都可以
香港人守住廣東話樂壇，要記得黎明之前最黑暗，但是天亮就會好美的
“贈你卡式機” 呢句好正，年輕人加油，所有真香港歌手加油，廣東話歌加油
係金Jer呀💙
作為聽眾都好多謝你地繼續造廣東歌
我地都會繼續聽廣東歌
繼續支持香港樂壇！！！
ua-cam.com/video/OuAxe0kilfo/v-deo.html
一齊多謝製作團隊！多謝默默耕耘，繼續製作好音樂嘅一眾香港音樂人！仲有多謝一直支持香港音樂嘅你哋🥺💛💛💛
4:15 「別放棄年青人 年青人別放棄」
多謝小克、一眾音樂人同新晉歌手
別放棄年青人，年青人別放棄
大家要繼續撐起本地音樂呀💪
多謝一眾音樂人為香港帶嚟咁多好歌
咁多年來 都一直聽廣東歌 無論那一年有沒有年度之歌 但始終在我心目中 我的playlist都係廣東歌最多
別放棄年青人
年青人別放棄
香港歌手加油💪
@紅紅黑紅黑 應該係唔好"自high"...
紅黑 紅紅黑 就係咁簡單
「別放棄年青人 年青人別放棄」
希望大家到呢一刻都唔好放棄，堅持各自努力。好多年青人都為左香港付出左好多，前途、自由、健康。
無論香港樂壇又好，年青人又好，都係香港嘅未來，亦都係真香港人引以為傲嘅將來。
而家劣幣一直想驅逐良幣。
希望大家可以花多啲時間、欣賞香港嘅廣東話本地創作。
唔單止正式派台嘅歌，仲有唔同平台嘅惡搞、二次創作。
批評、貶低創作者係人都識，但請嘗試欣賞所有本地創作嘅人，嘗試轉換下語氣，覺得有進步空間就比意見，覺得做得幾好就讚下。
彈人容易讚人難，試下係呢個時勢比多啲支持仲堅持廣東話同留係香港嘅同路人。
唔好再放心機係啲根本睇唔起香港市場而選擇連良知都拋棄嘅偽人。
同路人，共勉之。
加油 各位真香港歌手
香港人會繼續撐住你地！💛
金Jer😍 希望大家聽左歌先再評論，你可以唔鐘意但唔係乜都唔聽就話樂壇已死。請支持廣東歌💪🏻❤️
從來都冇放棄過廣東歌，一齊撐落去 💙
除左「別放棄年輕人，年輕人別放棄！」
我們可以「別放棄有心出歌的年長歌手」
甚至「別放棄有心出廣東歌的非香港歌手」嗎？
香港樂壇不會死的，因為香港有一班熱愛香港熱愛廣東歌的歌手，而且還有我們❤️只要你們一直唱，我們就一直都在支持著你們，廣東話是我的母語，廣東歌是我的音樂。新世代廣東話歌手們，再打造一個新廣東歌傳奇吧！只要有心有熱誠，一定會成功！香港歌手不會死💪🏻
柳柳💙💙💙
保護香港樂壇,你我有責
支持廣東歌💛
這首歌源於2020年叱吒，然後呢首歌感動左我一年…
希望可以成為2021年我最喜愛叱吒風雲歌曲大獎…至小希望有獎…
Respect🙌🏼🙌🏼🙌🏼 2021年，會繼續支持、更加支持本地音樂！（輕輕力表白呀乜水💙唔好再bin柳炒c please)
我愛廣東歌💛
多謝每一位用心製作音樂嘅香港人，
請大家支持香港樂壇🙏🏻
支持廣東歌🎶
樂壇不會死‼️
有ca姐無人講？？BTW大家要繼續支持香港樂壇啊
支持香港歌手呀
無人講咪你講
@@EmoGiii 開場白黎啫
@@koffron9696 梗黎
封面咪ca姐😅
Jer b 💙💙 香港歌手不會死!
加油, 我正在策劃一筆資金去支持香港樂壇
好高質😭😭😭
别放棄年輕人，年輕人别放棄！💕
我愛廣東歌。歌詞到肉.香港人唔會放棄廣東歌。
我受形柳，加油各位，謝謝🙏
好多謝不斷為樂壇注入新鮮感的音樂人，新一代歌手非常出色
感覺最近樂壇充滿朝氣，百花盛放
每一位音樂人繼續努力，創作更多好音樂給我地
支持廣東歌，香港樂壇不會死的
唔止一個啊乜水，呢度有好多個乜水，唔想你支持嘅音樂人一直係其他人口中嘅乜水，樂迷都要盡力推廣音樂，講Carl叔叔話齋，樂迷都係樂壇一部份嚟架！
只要你一直喜愛，佢就會一直存在，
香港歌手，香港人，不會死。
守護廣東話，守護香港文化。
將來係屬於年青人，請大家一齊努力，不要放棄!!
#香港人加油
我受形柳💙
多謝呢個project既大家！大家加油💪🏻
我都係係呢年聽番廣東歌！（因為柳柳
只有 香港人唔再留意香港本土音樂
香港樂壇先至死！一日竟然仲有一個人留意香港本土音樂
香港樂壇仲未死！加油！
多謝牙jer 因為你我完聽返本士歌 你唔係邊個 你就係柳應廷
要香港樂壇復活，唔該先收埋網絡毒舌。
在那個粵語流行曲輝煌時代，正正係因為無internet，無咗一班網絡haters渲染負流量。
當年如果有一個人唔鍾意一首歌，佢會直接無視忽略，而唔係做網絡判官，留下尖酸劇薄嘅言詞。
一個樣子或不好看但歌聲動人嘅歌手，當年仍可大行其道，但現在一定遭網絡判官狠批，正值萌芽階段就被扼殺。
香港樂壞已死？其實是網民自己一手造成。
以前D人要求仲高仲毒舌
如果連香港人都唔支持返本土音樂真係無話可說, 聽咗咁多年廣東歌其實香港樂壇真係有好多有心而又好正既音樂人!!!
就憑你地呢首歌，明顯香港樂壇不會死👍🏻👍🏻加油，好感動👍🏻
聽完首歌個人好激動，雖然近年用Spotify 聽歌多，但仍然會有買自己喜歡歌手CD的習慣，感覺上好似做少少嘢支持吓。
喺自己loop咗個MV好多次之後，停咗喺3:52秒果個位，用心的睇一吓自己聽過／認得幾多首歌。
唔好意思，只係認得「迴光物語」同「困局」。
於是，我同自己講，不如除咗自己喜歡和支持開的歌手，試吓找找這些圖的歌，跳出去認識吓其他歌手同佢哋啲歌。
今天找到李拾壹的「在尋找什麼？」，謝謝，很好聽呀。很高興可以在自己playlist加多首歌。
唔知下一首會係點架呢?
不如你都試吓，好似尋寶咁，緣份隨時都會到。
係喎，唔知有冇人可以list到3:52秒全部歌出嚟呢?
進退、明天、洗手洗手洗手、阿滋與海默、迴光物語、距離(我知記得呢6個，頭2首好好聽~
非常非常動聽的一首歌，有意思，有內涵，亦能令聽者有不同程度的共嗚（連我這廢中也有感動到），
謝謝你們❤️
期待你們的新作品
我每次執屋見到座cd山都會好感動，慶幸自己有鋪cd癮，由謝霆鋒+王雙駿嘅年代，去到今日嘅jason kui，乜碟我都買，做一隻碟搞咁大壇野都係賣你幾十蚊咋，我當年買隻全城效應都要一舊水，2021年同90年代價位都冇變，當日一隻碟我要慳成個星期嘅零用錢，最佩服係到今日，冇乜人買實體碟都仲堅持緊嘅單位，以前最鍾意行信和，地上地下乜7都搵到。有人堅持玩菲林相機；有人堅持玩棍波車；點解冇人堅持買實體cd？
我最多聽嘅 最鐘聽嘅 最想支持嘅 都係廣東歌 ! ❤️
香港歌手加油 仍然有好多樂迷好想聽到你地嘅聲音
支持香港樂壇 支持廣東歌 💛💪
我眼淺，差啲喊，我唔係任何一個fans，但有共鳴、亦聽得出感情😭好感動
幾年前吊鹽水的樂壇... 2023,1月1日晚, 再見新苗,老手一齊攪返起香港樂壇. 真奇妙.唔好停.
好多樂迷重追聽返廣東歌. 連去了外國都聽返香港新歌. 大家努力加油.
😭首歌聽到喊
大家要多聽廣東歌
支撑起香港歌手💪💪💪
令佢地知道好多香港人支持佢
多謝團隊作出呢首歌，支持廣東歌及年輕人，唔好放棄！
有歷史意義的金曲 幾十年後的人見到呢首歌唔知有咩感想
❤️🇭🇰
捕獲野生ASHA
好感動:D 一直都好鍾意廣東歌!! 香港歌手不死 香港人加油!!!!!
吳林峰 阿jer都要繼續努力加油:D
無論我有幾鐘意聽韓文歌，都始終替代唔到廣東歌既位置，聽住自己最熟悉既語言，先最可以感受到首歌既全部，依種感覺係就算我識韓文都唔會有，我地唔應該亦唔需要去同以前既歌手比、同其他國家既音樂比，每個地方每個時代梗係會有唔同特色，好多謝為本土樂壇付出既每個你，我地會繼續同你地撐落去，香港樂壇冇死，依首歌就係最好既證明
多謝咁多位歌手 繼續唱/作多D歌俾我地聽~
同時作為聽眾都要放開胸襟接納本地音樂~ 唔好未聽先彈~
香港樂壇加油~ 香港人加油~
我係其中一個好鍾意八九十年代廣東歌嘅人,而家唱得好聽嘅歌手係有,好聽嘅歌都有.
喺我角度,我覺得香港樂壇未死得,但一d都做唔到以前輝煌,完全冇以前嘅質素
1.而家冇乜歌手係好突出,聲音好有辨識度.
8 90年代嘅歌手以女歌手為例一聽都已經聽到係邊個唱,好有特色.（梅艷芳/葉倩文)我到而家我都搵唔到有一個歌手有嗰種感覺,就算係男歌手,以前係感受到嗰種中氣,個種磁性,嗰種滄桑感.相反而家我覺得仲有好聽嘅歌嘅,但就冇乜辨識度,以家唯一係林家謙嘅轉音我係欣賞,i feel到特別.同埋可能係資訊發達,有部分淨係睇樣,越嚟越多偶像派嘅歌手.
2.呢個唔係好知點樣形容,依家歌手冇乜星味.最主要可能係真係時代唔同,以前見過業務真係舉手投足已經好有台風,勁歌熱舞,嗰種感覺同而家某男團係完全唔同.之前你會feel到遠遠嗰種氣場,唔同曲風嘅歌都通殺。
傳奇性嘅付出
呢個我都唔敢講死件事因為所有歌手背後都有努手.但我喺度補充下,舉個例子都係梅艷芳la,佢好早之前已經證實患上子宮頸癌,但佢仍然堅持開幾場告別演唱會就係為咗畀個交代,堅持遲啲去醫,都要完成歌迷心目中嘅演出,嗰陣時都已經廋到不得了,係痛住食住止痛藥上臺表演,佢真係將自己嫁咗畀舞臺,有啲人話佢傻,但我覺得佢比任何人都要勇敢.離開嘅時候強忍眼淚講聲拜拜.因為佢知道離開咗個就有機會入唔返嚟.
開拓新嘅藝術標準
呢個真係唔需要多講梅艷芳百變嘅形象,
香港麥當娜.
哥哥張國榮在性別嘅定義,開拓新嘅框架,走在最尖端,挑戰而家嘅道德框架.
以前嘅歌手既傳奇大家真係唔好輕視,我知而家有好多人一年出而家嘅聖誕完全唔了解以前嘅輝煌,我完全唔介意你追咩星,因為我都有聽而家既歌,但起碼喺撐而家時代歌手之前你冇聽過以前嘅歌手？撐廣東歌就撐佢嘅所有
利申06
點解有在生既人唔支持要支持走左既人先...
無話以前果d唔好，但你睇番而家好多人既論調就係「以前就好啦」點點點，果d人有無睇過「現在」?
而家itunes一首歌8蚊，spotify果d月費廿零三十蚊，都唔係好難負擔姐
同埋你話佢地抵唔抵比你支持，未睇既話我真心建議睇下全民造星，雖然個style同以前梗係唔一樣啦，但有「星味」既人，一下就可以吸引到你注意力既人係存在，而且唔止一個
你欣賞以前既作品唔阻止你，但如果問心 你睇都無睇聽都無仔細聽就話佢屎，咁我覺得你地係倒緊米，倒緊由以前前輩開創出黎既樂壇既米，咁做又邊度有尊重到前輩呢
好好聽😢 第一晚已經loop咗好多次 停唔到
除咗首歌嘅意思 仲有唱同製作都好正 真心缺一不可
謝謝一班默默做好香港音樂的好人💛💛❤️
希望支持廣東歌嘅人能一起走下去!!! 🤍
好多謝每位盡心盡力
唱作填曲填詞監製
我都會努力，用心聽你地既創作！
好聽🖒
支持廣東歌💪💪
多謝 Mirror 令我留意返香港樂壇😀
支持Jer💕💖
一首令人聽了又聽, 揪心着反思的歌
多謝努力認真製作付出的您們
柳牙Jer!!!! 💙
好鍾意呢首歌，
由細個有記憶已經有人話樂壇已死
講真，分分鐘你死我死埋香港樂壇都未死
一齊加油！！
感激香港仲有一班有實力有心, 一直寫出一隻又一隻出色既歌.
作為香港人, 我都係鐘意聽番廣東歌
差D錯過咗...... 好有意思、好聽嘅歌。 👍🏼🙆🏻♂️
首歌估然好聽，但最令我感謝係製作日誌入面，幾乎個個人都主動幫手，可以見到正因為呢d人，所以香港樂壇仲未死
感謝製作團隊嘅咁多位❤️
香港樂壇不會死
香港文化不會死
香港人更加不會死💛
別放棄年輕人，年輕人別放棄，you will when you believe 💪💪
用23日就連MV都搞掂埋,太勁, 加油
原來金Jer壓軸出場
我小學嗰陣時（2012-14），仲有好多人聽廣東歌！但係到咗中學嘅時候，真係個個聽英文歌⋯⋯冇乜人再聽廣東歌，最記得小學嗰陣時係一班人一放學喺課室門口排隊一齊唱電視劇主題曲😹😂，封神榜啊～on call 36小時啊咁😅，好正！我依家鍾意聽Mirror, 林家謙, Dear Jane, 同埋呢一首「香港樂壇而死」
依家嘅歌手個個唱得彈得作得瓣瓣有，又有唔同種類音樂，唔需要同前輩比較，做好自己認真做好音樂就得。
香港人撐香港樂壇，聽多啲聽廣東歌！
創作廣東歌唔係一件簡單嘅事，真係好難。
每個時代都會有新人，只要廣東話仲存在，廣東歌就唔會消失，總有一日要全世界都掀起廣東歌熱潮。
感謝香港樂壇每一位製作人、歌手，因為你們的堅持，香港樂迷才繼續有好的廣東歌，因為有你們，我們仍然有香港樂壇
在這個壞掉的時代裡，感謝有你們同在，以曲、詞、聲為香港人打氣，給香港人喘氣的出口。謝謝你。
年輕人別放棄💛
我覺得呢首歌非常好聽👍同埋希望新一代嘅香港歌手俾心機努力做好歌曲,唔好衰俾人睇😁
Jer把聲好好聽
當個個都高喊要畀多啲機會年輕歌手嘅時候，大台仲喺度繼續懷舊「流行經典50年」，用旗下年輕歌手繼續「想當年」，大台之死……不無道理。
謝謝你地啊❤ 多謝你地繼續撐起廣東歌💪💪