"هل كان رمسيس الثاني هو فرعون موسى؟
Вставка
- Опубліковано 8 лип 2024
- واحد من أكتر الفراعنة إثارة للجدل في التاريخ هو فرعون "موسى "، اللي ارتبط اسمه باضطهاد اليهود ومطاردة النبي "موسى" - عليه السلام - وأتباعه في البحر الأحمر. ولكن ربنا شق البحر نصفين لسيدنا موسي واللي معاه، فعبروا بسلام إلى أرض (سيناء). ولما حاول فرعون وجنوده إنهم يتبعوهم، ربنا امر البحر انه يبلعهم ف قلب الميه وهلكوا جميعًا. القصه دي عارفينها كلنا وانا كنت اتكلمت عنها في فيديو كامل هسبهولكو في صندوق الوصف وهيظهر دلوقتي حالا فوق علي الشمال . اما بالنسبه لموضوع النهارده .ف في كتير من الأسئلة والأقوال اللي اتقالت وكانت غريبه عن الموضوع ده، وأهمها: هل فرعون "موسى" هو الملك المصري "رمسيس الثاني"؟ وهل رمسيس التاني له علاقة اصلا بالموضوع . ف الفيديو ده هحاول اجوابك .................
فااهلا بيك واهلا بيكي انا رمضان البدوي وانتو ف قناتي متنسوش قبل ما نبدأ تشتركو ف القناة وتفعلو زرار الجرس ولو الفيديو عجبكو متنسوش اللايك .
اه ولو عايزيني اتكلم عنم فيديو معين قولولي ف التعليقات . ويلا بينا نكمل الفيديو
، تعالي نرجع بالزمن ل عهد الملك "رمسيس الثاني"، وهنتكلم في أبرز الشائعات عنه ونحاول نفك اللغز حواليه. فخليكو معانا لحد النهاية...
"رمسيس الثاني" هو الاسم الملكي لـ"رمسيس ماري آمون"، ومعناه ابن "رع" وحبيب "آمون". هو ابن الملك "سيتي الأول" والملكة "تويا"، وثالث فراعنة الأسرة ال19. اعتلى عرش مصر في أوائل العشرينات من عمره، وحكم مصر لمدة 67 سنة من سنة 1212 قبل الميلاد حتى 1279 قبل الميلاد، وده ثاني أطول حكم في تاريخ مصر القديمة.
كان "رمسيس الثاني" معروف بشغفه بالعمارة والفنون، وانتشرت المباني والمنشآت اللي أقامها في كل أنحاء البلاد وحتى في (فلسطين، ولبنان، وسوريا، والنوبة، وعلى ساحل البحر الأبيض المتوسط). فمفيش منطقة أثرية في مصر ما فيهاش آثار تحمل اسم "رمسيس الثاني". عشان كده كان بيتسمى (الباني العظيم). ومن أبرز المعابد الخالدة اللي بناها كان (مجمع أبو سمبل) و(معبد الرامسيوم).
شهد عصره العديد من الأحداث والمعارك التاريخية لتوسيع حدود مصر أو الدفاع عنها ضد الغزاة. ومن أبرز الحروب اللي خاضها كانت (معركة قادش) ضد (الحثيين)، لأن (الحثيين) ما التزموش بالعهد المبرم بينهم وبين الملك "سيتي الأول". لما تولى "رمسيس" السلطة، قرر إنه يحط حد لطموحات (الحثيين) ومشي بجيشه لقتال قوات (المواتاليس). وانتهت معركة قادش باتفاق على احترام حدود كل طرف، وبعدين وافق "رمسيس الثاني" على عقد معاهدة صلح وعدم اعتداء مع الملك الجديد (للحيثيين)، ودي أقدم معاهدة سلام في التاريخ. وكمان عززت روابط الصداقة بين الجانبين بعد ما زوج ملك (الحثيين) ابنته من "رمسيس الثاني"، فاستحق لقب (ملك الحرب والسلام).
"رمسيس الثاني" توفي بعد ما تجاوز عمره 90 سنة، وترك دولة قوية ومهيبة، لحد ما أصبح "رمسيس الثاني" علم واسم لعصر بأكمله، اللي هو (فترة الرعامسة). ورغم إنه أحد أعلام تاريخ وحضارة مصر الفرعونية وأحد أعظم ملوكها، ما سلمش من الشائعات اللي أطلقها اليهود، اللي ادعوا إنه فرعون مصر اللي ادعى الألوهية واضطهد بني اسرائيل، واللي أجبر اليهود القدماء على الهروب مع النبي "موسى" عليه السلام عن طريق البحر الاحمر البحر الأحمر، علشان ينقذهم ربنا بمعجزة عظيمة.
#رمسيس_الثاني
#فرعون_موسى
#تاريخ_مصر
#أساطير_وأسرار
لكن الباحثين والمؤرخين نفو الادعاء ده. بيقول الباحث الأثري "إسماعيل حامد" إن الادعاءات دي مش أكتر من مؤامرة سياسية يهودية لتشويه التاريخ المصري القديم ورموزه. وبيقول حياة "رمسيس الثاني" تختلف تمامًا عن حياة فرعون موسي، والقرآن الكريم نفسه بينفي الادعاء ده، كما يقول الله عز وجل: "ودمرنا ما صنع فرعون وقومه وما كانوا يعرشون"، وده بيدل على إن ربنا دمر أي حاجه بناها الفرعون ده.
وبما إن موقع البحر اللي غرق فيه فرعون "موسى" بيبعد عن أي عاصمة مصرية مسافة 100 كم على الأقل، وده يعني إن ازاي فرعون قطع المسافة الطويلة دي في كام ساعة بس، وهو كان كبير في السن وما كانش قادر على حكم مصر اصلا في أواخر حياته وساب شؤون الحكم لابنه "مرنبتاح"، وده كله بينفي إنه هو اللي طارد بني إسرائيل.
أمابالنسبة للرواية اليهودية اللي بتقول إنه البحر اللي عبروه هو البحر الأحمر فهقولك لو كان ادعائهم صحيح، يبقى النبي "موسى" عليه السلام وقومه عبروا لشبه الجزيرة العربية اللي هيا المملكة العربية السعودية حاليا مش لأرض سيناء سيناء خالص.
كمان الدليل القاطع اللي بيكدب الادعاءات دي هو إن "آسية بنت مزاحم" زوجة "فرعون" كانت عاقر وما أنجبتش، وده بيتعارض مع "رمسيس الثاني" اللي كان عنده حوالي 90 ابن وابنة بسم الله ما شاء الله يعني اللهم لا حسد.
وفيه كمان مومياء الملك "رمسيس الثاني" اللي تم فحصها بأحدث الأجهزة العلمية والطبية في فرنسا لمدة 7 شهور في عام 1976م، وأثبتت الفحوصات إنه ما ماتش غرقًا أو تعرض لحادث غير طبيعي أدى لوفاته وانه مات موته طبيعيه خالص .
في النهاية، بيبقى السؤال اللي حير كتير من الناس: مين هو فرعون "موسى"؟ وبما إن الباحث "أحمد سعد الدين" ذكر إن فرعون "موسى" ما كانش مصري في الأصل، بل كان من (العماليقيين) أو (الهكسوس) اللي احتلوا مصر لعقود طويلة، يبقى فرعون هو اسم شخص مش لقب، وده بيضرب النظرية اليهودية في المقام الأول وبيوضح سبب منع الكتاب ده من الدخول للأراضي المحتلة (فلسطين)، عشان ما ينكشفش تزويرهم للتاريخ والتوراة لخدمة أهدافهم الاستعمارية.
وهنا نكون وصلنا لنهاية حلقتنا اشوفكم بخير والسلام عليكم ورحمه الله وبركاته
عاش❤❤
❤❤
عليك ان
@@MZayneh مش فاهم؟❤
ايه ادعاء العلم و قلة المعلومات دي
طب لو اثبتلك بالآثار و نص القرءان و باعجاز وصف القرءان أنه هوا ؟
حضرتك دا من اكتر من مصدر وتقدر تتأكد بنفسك❤
@@ramadanbadawi
لا حضرتك اللي تتأكد و لما تقرأ فيه أيه معجزه قرءانيه بتثبت أنه هوا ...
رمسيس التاني ده مذكور في القرءان الكريم انه عاليا من المسرفين....
=له خمس اسماء في الخرطوشه أحبهم لقلبه فرعون...
=زوجته نفرتاري اسمها اسيا ....
=ابنه بالتبني خع مواس يعني موسي صاحب العصا بالمصري القديم ...
=له اخ اسمه هرون و كانوا ماسكين معابد جنوب مصر ...
=خع مواس ده له برديه بتاع مباراة السحر و الحبال اللي اتحولت تعابين ....
=عدد مسلات فرعون بعدد ذكره في القرءان و هيا دي الاوتاد...
يوم وفاته يوم عاشوراء و بنصومه لأنه يوم ربنا نجا فيه سيدنا موسي من رمسيس 😀
=من اسماء فرعون و رعمسيس الوليد بن مصعب ...
=قال للناس تعبده . .
=فيه تمثال واحد اسمه همن بالمصري القديم و بالعربي المبين هامان هوا اللي عامل الصرح اللي كان عاوز يبلغ به ...
=خع مواس قضا علي عبادة العجل ابيدوس بين العوام ...
=اقسم بالله تحس ان تمثال خع مواس ربنا القي عليه محبه منه فما بالك بالحقيقه ....
=خع مواس اختفي عشر سنين و هوا عنده ٤٠ سنه ...
همن و مرنبتاح ممسكوش الانشاءات غير بعد ما فرعون اتأكد ان خع مواس رافض يمسك الانشاءات لما رجع ......
=مفيش حاجه اسمها فراعنه و مفيش ما يثبت أن أي حاكم تاني اسمه فرعون غير رمسيس التاني.......
= رمسيس التاني مدة حكمه جزء من مصر مع ابوه و حكمه مصر كامله بعد وفاة ابوه تسمح ان فرعون شخص واحد زي ما القرءان قال....
مفيش ما يثبت ان اي حاكم تاني اسمه فرعون و بردية الخروج موجوده في تابوت العهد مع سيدنا يحيي ....
=ايه تاني ايه تاني
لوحة مرنبتاح ابن رمسيس التاني و التخلص من بني إسرا*ئيل...
كتييير
انت عارف لو تدرس او تسأل و تتعلم كنت اقولك علي مكان الهيكل و تابوت العهد كنت اقولك مكان ولادة المسيح بالدليل و مكان هيكل سيدنا سليمان عليهم السلام
و اللي بنا الاهرامات أنبياء الله بعد الطوفان ......
روح شوف في أي معجم معني غدوا و عشيا و شوف ظاهرة تعامد الشمس علي آل رمسيس الثاني و شوف ربنا بيقولك النار يعرضون عليها غدوا و عشيا و يوم القيامة ادخلوا آل فرعون أشد العذاب 😀
بييجوا بدفعوا فلوس يتفرجوا علي ايه في القرءان و يروحوا 😀
خع مواس معناها موسي صاحب العصا و ابن الماء صاحب العصا و التلاته واحد ...
الملكه نفرتاري هيا الملكه اسيا في خرطوشة الاسماء بتاعتها و مقبرتها مليانه رمز التعبان نفس رمز سيدنا موسي و هيا اللي مكانتش بتخلف 😀
تعرف محراب امنا مريم محفور عليه قصة المسيح بالرسم و الكتابه و قدس الأقداس و غرفة الولاده المقدسه و مدينة الرفع 😀
تعرف مكان ملك سليمان 😀
تعرف مكان صحف ابراهيم 😀
تعرف مكان سفينه نوح 😀
اي اثار نبي بوصف القرءان ...
كل كلامك هرتله يخربيت الهبد
لا كلام منطقي جدا الأقوال الي بتقول انه فرعون موسي هي أقوال من أشخاص يهوديه و كلها اسرائليات
شكرآ لزوق حضرتك ❤
ممكن تقوليلي اي الهبد بالظبط ؟❤
@@ramadanbadawi اول حاجه في الهرتله الخريطه اللي اتعرضت ناقصه حلايب وشلاتين ليه؟ وتاني حاجه البحر الأحمر هو اللي انشق فعلا وعدوا الناحيه التانيه لسينا مش السعوديه زي ما قلت... اغلب كلامك تزيف للحقايق والخريطة الغلط كمان