Sarıxanlı kəndində nə baş verir? - “Çıxmaq istəyib, görüb qapı bağlıdır” - APA TV
Вставка
- Опубліковано 7 вер 2024
- #APATV #imişli #direktor #mekteb #muellim #Sarıxanlı #ElşənBaxşəliyev #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023 #gundemxeber #ənsonxəbər #apa #apagündəm #apatvyenixəbər #apatvənyenixəbər #apatvxəbərlərdəbugün
Sarıxanlı kəndində nə baş verir? - “Çıxmaq istəyib, görüb qapı bağlıdır” - APA TV
Bu danışılanlar İmişli rayonunun Sarıxanlı kəndində yaşanıb. Sarıxanlı kənd Vətən Novruzov adına 1 nömrəli tam orta məktəbin 9-cu sinif şagirdi Tapdıqovanın yaxınları iddia edir ki, məktəbin direktoru Elşən Baxşəliyev şagirdə qarşı seksual qısnama və təhdid edib.
Araz Tapdıqov iddia edir ki, məktəbin direktoru onun nəvəsindən seksual xarakterli fotolar istəyib. Qız etiraz edəndə isə ona hədə-qorxu gəlib. Atasını və özünü öldürəcəyini deyib.
Qızın babası deyir ki, ailə söhbətdən xəbər tutana qızın atdığı şəkillər yaşıdları və kənd camaatı arasında yayılır. Ailə xəbər tutduqdan sonra isə polisə şikayət edirlər.
Ailə birinci mərhələdə araşdırmanın düzgün aparılmadığını iddia edir. Qızın atası bildirir ki, direktor onun şəxsi telefonu ilə qızını təhdid etsə də ekspertizada telefonda heç nə tapılmayıb.
Tapdıqovların yaxın qohumu Niyaməddin adlı şəxs isə bildirir ki, məsələ ilə bağlı onu xəbərdar edən Aysel adlı qadın ona yazıb məsələni böyütməməsi barədə xahiş edib.
Təsadüfdən ya da zərurətdən bu ərəfədə, məhz adı hallanan 42 yaşlı direktor öz ərizəsi ilə səhhətinə görə işdən azad olunub. Məsələ ilə bağlı hallanan Aysel xanımla və işdən azad olunan direktor Elşən Baxşəliyevlə əlaqə saxlamağa çalışsaq da, heç bir şəxsə zəng çatmadı.
Məsələyə bir daha aydınlıq gətirmək üçün Elm və Təhsil Nazirliyinin Mil-Muğan Regional Təhsil İdarəsinin ictimaiyyətlə əlaqələr üzrə məsul şəxsi Vilayət Əliyevə müraciət etdik. Müraciətimizə yazılı cavab verən idarə rəsmisinin cavabı digər media qurumlarına verilən standart cavabdan fərqlənmədi:
“İmişli rayonu Sarıxanlı kənd V. Novruzov adına 1 nömrəli tam orta məktəbin direktoru vəzifəsində işləmiş Baxşəliyev Elşən Baxşəli oğlu elm və təhsil nazirinə səhhəti ilə əlaqədar olaraq tutduğu vəzifəsindən azad olunması barədə müvafiq ərizə ünvanlayıb. Ərizəsi nəzərə alınaraq Baxşəliyev Elşən Baxşəli oğlunun əmək müqaviləsinə Elm və Təhsil Nazirliyinin 08.09.2023-cü il tarixli, 3-29/3-1-1097K/2023-nömrəli əmrinə əsasən 08 sentyabr 2023-cü il tarixindən xitam verilib və onunla təhvil-təslim işləri aparılıb”.
DİN-in Mətbuat xidmətinin Şirvan regional qrupunun baş inspektoru, polis kapitanı Nizam Həmidov isə faktla bağlı cinayət işinin başlandığını və hazırda Rayon Polis Şöbəsində araşdırmaların davam etdirildiyini qeyd etdi.
Qeyd edək ki, direktor tərəfindən qısnama və təhdidlərə məruz qaldığı iddia olunan məktəblinin babası Araz Tapdıqov uzun illər Sarıxanlı kənd Vətən Novruzov adına 1 nömrəli tam orta məktəbin direktoru vəzifəsində çalışıb.
Şagirdə seksual qısnama və hərəkətlərdə adı hallanan Elşən Baxşəliyev isə qızın atası Aqşin Tapdıqovun sinif yoldaşıdır.
Əlibəy Zeynallı
Elçin Həsənov
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: www.youtube.co...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv