Голомт банк | Жижиг, дунд аж ахуйн нэгжүүдэд чиглэсэн арга хэмжээг тогтмол зохион байгуулсаар ирсэн

Голомт банк “Сайн сайхныг санхүүжүүлнэ” уриан дор Монгол улсын хөгжилд томоохон хувь нэмэр оруулах боломжтой, өсөх ирээдүйтэй бизнесүүдийг дэмжихийг зорин, тэдний үйл ажиллагааг өргөжүүлэхэд шаардлагатай ажлуудыг санаачлан хэрэгжүүлж байна.
Энэ хүрээнд бизнес эрхлэгчдийн борлуулалтын орлого болон бизнес хамтралыг нэмэгдүүлэх зорилготой “Менторшип” хөтөлбөр, Азийн Сантай хамтарсан “Эмэгтэйчүүдийн эдийн засгийн чадавхыг нэмэгдүүлэх төсөл”-ийг тус тус амжилттай хэрэгжүүлж, эмэгтэй бизнес эрхлэгчдэд зориулсан “Women Owned” тохирлын тэмдэгтийг МҮХАҮТ-тай хамтран зах зээлд нэвтрүүлэхээс гадна жижиг, дунд аж ахуйн нэгжүүдэд чиглэсэн “Business Conference” болон “Digital SME” зэрэг арга хэмжээг тогтмол зохион байгуулсаар ирсэн юм.