භික්ෂූන් වහන්සේලාට පිටු නොපා උන්වහන්සේලාගේ ගෞරවය රැක ගන්න විපක්ෂ නායකවරයා කටයතු කළ යුතුයි
Вставка
- Опубліковано 8 вер 2024
- භික්ෂූන් වහන්සේලාට පිටු නොපා උන්වහන්සේලාගේ ගෞරවය රැක ගන්න විපක්ෂ නායකවරයා කටයතු කළ යුතුයි. - මාලිගාවිල අස්සජී ස්වාමීන් වහන්සේ.
අවුරුදු 74 ක් පුරා සෑම නායකයෙක්ම උඩට ආවේ කහ සිවුර නිසා බවත් නමුත් උඩට නගින්න ඉණිමං දුන්න හැම භික්ෂූන් වහන්සේ නමකටම පයින් ගහලා හැම පාලකයෙක්ම කළේ තමන්ගේ බලය ශක්තිය ගොඩ නගා ගත්ත එක බවත් විපක්ෂ නායකවරයාට එසේ කරන්න අයිතියක් නැති බවත් දිදුල මාධ්‍ය ජාලයේ සභාපති මාලිගාවිල අස්සජී ස්වාමීන් වහන්සේ පැවැසූහ.
දිදුල මාධ්‍ය ජාලයේ සභාපති මාලිගාවිල අස්සජී ස්වාමීන් වහන්සේ මේ බව සඳහන් කළේ සමගි ජන බලවේගයේ භික්ෂු උපදේෂන සභාවේ දෙවැනි පියවර අද (15) විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් පැවැති අවස්ථාවේදීය.
ලංකාවේ සෑම පන්සලක්ම දේශපාලනය වුණ නිසා හාමුදුරුවරුන්ට පාරේ බැහැලා යන් බැරි තත්ත්වයක් ඇතිවුණ බවත් ඇතැම් උපදේශ සභාවල ඉන්නේ මැති ඇමැතිවරුන්ට ගොටු අල්ලන භික්ෂූන් වහන්සේලා බවත් උන්වහන්සේ පැවැසූහ.
භික්ෂූන් වහන්සේලාට පිටු නොපා උන්වහන්සේලාගේ ගෞරවය රැක ගන්න විපක්ෂ නායකවරයා කටයතු කළ යුතු බවත් ඒ වගකීමෙන් භාර ගත යුතු බවත් මාලිගාවිල අස්සජී ස්වාමීන් වහන්සේ සඳහන් කළහ.
දේශපාලඥයින් නායකත්වයට පත්වෙනතාක් විනය ගරුක සමාජ ගැන කතා කරන බවත් නමුත් ලංකාවේ බාර් දැම්මේ ගමේ පොඩි මිනිහා නෙවෙයි පාර්ලිමේන්තුවේ සිටින පුද්ගලයින්ගේ උපදෙස් අනුව බවත් උන්වහන්සේ පැවැසූහ.
රට හැම පැත්තකින්ම කඩන් වැටී ඇති බවත් විපක්ෂ නායකවරයාට මෙය ගොඩ ගන්න එක අසීරු බවත් විපක්ෂ නායකවරයා ඇතුළු පිරිසට රට ගොඩ ගැනීම වගකීමක් තිබෙන බවත් මාලිගාවිල අස්සජී ස්වාමීන් වහන්සේ සඳහන් කළහ.
මිහින්තලයේ විදුලි බිල විපක්ෂ නායකවරයා ගෙවා දැමු බවත් එය උතුම් ක්‍රියාවක් බවත් රටේ විශාල දුප්පත් පන්සල් තිබෙන බවත් ඒ පන්සල්වලට වැසිකිළියක් නෑ වතුර නෑ ඒ භික්ෂූන් වහන්සේලා විශාල දුකක් විදන බවත් විපක්ෂ නායකවරයා බුදු දහම වෙනුවෙන් විශාල වැඩ කොටසක් සිදුකරන බවත් තවත් එවැනි උතුම් ක්‍රියා කරන්න ශක්තිය ලැබේවායි ප්‍රාර්ථනා කරන බවත් මාලිගාවිල අස්සජී ස්වාමීන් වහන්සේ සඳහන් කළහ.
විපක්ෂ නායකවරයාට ශක්තියක් වෙන්න හොද කණ්ඩායමක් සිටින බවත් ඒ කණ්ඩායම සමඟ එකතු වී කටයුතු කළොත් මේ රට ගොඩගන්න හැකියාව විපක්ෂ නායකවරයාට තිබෙන බවත් මාලිගාවිල අස්සජී ස්වාමීන් වහන්සේ වැඩිදුරටත් පැවැසූහ.
