我同豪哥一樣！❤都鐘意做簿仔紀錄😂❤ 記得胡鬚佬有個筆記簿，有啲掛住當時嘅純真同青春，有時唔係話要向後行，但會掛住！有人會話掛住咪睇返以前啲片啦，但咁就唔洗拍新片啦！例如以前13B同豪哥呀，耳機球呀，豪腎呀，之類！如果唔行舊路，要好簡潔一句就係，我唔知其他觀眾點諗，但如果就我而言，我覺得channel需要簡單。但規模一大左（which is 係好事泥嘅）有好多野要諗，都明，要養人，要business development ，培養新人接班等等。特別係腎仔講，難接班，呢樣野好明白，有時擔心好多，有時搵唔到適合嘅人（或者覺得個個都唔適合😂），所以，簡單style, 休息最難，但呢樣係都重要嘅野。
Channel 需要回歸，間中用以前的風格拍片📽
Channel 需要輕鬆題材，香港人平時返工已經夠辛苦，睇UA-cam只為笑一笑，減減壓🥲不是說題材不可以有深度，但同時可以用輕鬆手法呈現出來
Channel 需要鐵腳，一年內出現太多新面孔，觀眾未必消化到 (鐵粉除外) 舊鐵腳至少可以令觀眾有多些耐性，多些追看性▶️
以上只係個人意見，只以觀眾角度出發🧐如果以創作角度 / 管理角度出發，就另作別論
個獎品好正 Nero果然係創意部
Casper 要舒緩一下下 可能太大壓力 想想辦法令自已開心同對自已好D
自己做過production, 唔想指指點點，但係，真係好欣賞你地所有人，你地嘅野心，你地嘅堅持，真係好幸福埋哩個班，多謝！
誠心祝願試當真台前幕後可以繼續enjoy創作
不要俾自己太大壓力
自己開心拍出來嘅作品先可以感動到觀眾
否則只會變成毫無感情嘅工廠式產品
果頭話唔好太大壓力 轉頭就定咁高目標.. 😂
咁重感情，就唔會出nft吸fans血，傷害fans感情啦
已經好耐冇睇試當真嘅片 見到channel需要系列先入嚟 比起宜家嘅片都係更鍾意早期鳩得嚟又帶到message嘅片😢同埋好掛住之前齊人嘅班底
成個試當真都好大壓力 想睇輕鬆片既觀眾會感受到你地既沈重
所以ellen講得好岩
講得好好，一開始睇試當真係唔洗諗野唔會話對佢地好有期望但又會喜出望外，睇完段片有種好純粹被娛樂同開心嘅感覺。
宜家睇試當真D片，係感受到試當真種要求，但覺得個感覺好硬性，衰D講句好似大家笑都笑得生硬過之前，睇完D片覺得佢地係好有抱負，但掉轉完全無左舊時個種輕鬆開心個感覺。
@@desmondfungts 我認同你講嘅嘢,我都好撐試當真,好鍾意佢地啲作品,但係就係嗰份沉重令我而家開每一條片都需要勇氣,做唔到無壓力咁睇片,寧願睇埋啲濕鳩無聊片去解壓都唔願意開條新嘅試當真片。我明白佢地想拍更多好作品,但係我自己作為觀眾睇嘅時候會有壓力想逃避。
真係，睇條片好sad
咁重感情，就唔會出nft吸fans血，傷害fans感情啦
我就係曾經睇過但已經冇再睇嘅人
我覺得初初睇試當真，條條片都係笑住咁睇完，我睇locker戇撚鳩鳩跳輕鐵站個欄都睇左十鳩幾次
嗰時啲片睇完仲會周圍share俾朋友一齊笑同討論
唔知幾時開始，你哋啲片睇完會有種好夾硬嘅感覺
好撚似明明唔撚急屎但好撚用力咁踎塔，谷到最後得個一粒仔最後仲要流血嘅感覺
好撚accurate
利申 都係曾經睇過但已經冇再睇嘅人
阿發講既感情應該唔止係聯誼而係主要成員留係試當真既引力感情
以前每個星期佢地會一齊睇電影，而家各有各忙都cut埋
觀眾最想睇到骨幹嘅成員多啲出現
Ca Kayan locker etc
依家紅咗 每個人都各自有自己工作
亦都無理由因為 channel而推走呢啲job
出得多job自然會累 有時間都想拍拖 休息
仲邊有心力 貢獻返俾令佢地紅嘅地方
少咗係channel出現嘅時間
少咗時間一齊工作 一齊創作
疏遠都好正常
其實一齊做多咗野 感情自然培養到
咁重感情，就唔會出nft吸fans血，傷害fans感情啦
雖然好高興你地越做越大，但係見到公司要養起咁多人真係五容易。完全感受到一個老闆既無盡壓力。
加油試當真，加油啊修仔！
去左阿根停屌女嘆世界啦 得你咁on9替佢憂心 笑死
講錯 卡塔2先岩
Channel需要豪賢修 當初睇試當真就係睇你地三個嘅chemistry 而之後你哋三個慢慢紅起咗 多咗唔同機會可以試吓做自己想做嘅嘢 但嗰問題就係嗰重心慢慢由幕前演員轉到去管理層 俾我嘅感覺就好似出現咗一層隔膜 睇唔返以前最純粹嘅你哋
我覺得你地需要共享
共享壓力。共享成果。共享快樂。
以前睇你地會覺得邊個有野想試。咪一齊試。
而家個感覺就變左好似一個人諗野比一堆人試。
無左果種大家都好想試果種感覺。
但我覺得大家心底其實重有好多野想試
試吓搵番心底想試既野出黎。
唔試。。點樣真呀？
我覺得channel需要bonding 同去商業化，打緊msg果陣咁arm睇到阿發講既野，就係需要感情，而家觀眾係鐘意睇唔同channel入面主要人員之間好玩得既果種既chemistry, 好似小薯茄幾個元祖, 熊仔頭同家盈同你地早期修腎豪等等，呢樣真係靠時間浸出黎，當你一下加太多新人就難免令到成個頻道既吸引力會直線下降，成班人之間個氣氛一睇就覺得爭咁d野🧐
修仔真係好癲，對比高ling同熊仔頭，除咗做老闆決策同channel幕前之外，修仔仲要拍劇、拍戲、廣告、處理關公災難，做老闆經驗又淺，短短兩年push自己到咁，其實真係無撚得頂。
Btw 作為腎仔fans，真係想佢都休息多啲，腎仔係屬於創作嘅，12月，同一姐去比利時放個長假啦
阿修係非常聰明嘅人
@@IlIIIlllIIlllIII 高ling 好叻，熊仔頭都好叻，修仔用兩年時想追呢兩位前輩呢高度，其實真係好痴線，更痴線係佢成日仲想再做好啲，但做完仲要俾人鬧，仲唔放棄，發神經！我想佢𡃶自己多啲，休息多啲，佢已經夠叻喇，長命功夫長命做(盡量）。
@@chuibaby3040 話你 on9 驚你嬲
@@jefung1026 當然聰明啦，豪賢只係佢搭橋嘅工具，靠佢地個兩個channel先紅，最正係佢地兩個又唔會爭做大佬吖嘛。
個channel之後點唔重要，最緊要自己攞返啲人氣，先可以再發下明星夢
一姐係邊個？
我絕對明白許賢....每次要真正放假之前都要做死自己 😵💫😵但唔想burn out，就一定要比到時間自己去真正放假 (唔好話唔返工之後去做其他side projects，真係俾自己乜都唔做，只係打機去旅行食好西睇電影 etc.!)。阿發講嘅感情，其實當個團隊開始多人，疏離係好容易出現，又容易出現小圈子, 所以要記得intentionally去繼續bond + 建立感情。加油!!! 💪
我睇完覺得Channel 需要搵返初心
當初睇你地訪問, "試當真"係認真地試, 嘗試認真(如我記錯)", 冇包袱認真地拍on9片。可能而家你們run緊一間公司, 需要同觀眾,同投資者之類交待, 所以有種"唔衰得",("衰要面")心態。開台初期你們有種"Nothing to lose,衰左都係試下JE"既心態,所以拍得比較放又你們自己喜歡既片。可能你們越做越大會有壓力, 不過觀眾當初喜歡睇你們認真拍9片~
Casper真係每一次令我好想喊嘅位
一講即刻眼濕濕
眼淺嘅我跟住佢一齊喊咗😢
Casper好勁！集集試玩毛都攪盡腦汁
唔記得有一場謝票定心事台，Casper話幾日冇返過屋企冇見到老婆，我即刻😭
諗起狂舞派 為咗創作，Casper就去到咁盡🫡👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻
支持阿發加人工🎉❤
我入來係睇發式剪接
Channel需要咩，我覺得你地可以試下在搞一種活動去比人地去面試，因為有啲人好鍾意做戲，但冇其他機會發展，但係佢地好有實力，好似全民造星咁，有陣時有可能觀眾體驗左嘅時候就未必再想睇，但如果啲新面孔但又好睇，可能觀眾就會返來，加油💪試當真唔好放棄一直睇住你地成長，你地令到我感動到係你地團隊好有火我都好想成為一個出色演員，但都仲好努力，最後唔好放棄繼續加油。
我以前都會每條片睇，但由校花校草就停左或skip咗唔睇，唔係好似試玩毛個種好睇，但又無其他配音片或9片輕鬆好笑。
明白你地可能想提攜新人，但好似同本身個感覺唔係太match?!
希望你哋可以有更好既方向繼續出發❤
贊成阿發講的感情，如果大家有感情有內聚力，觀眾會感受到～～加油。
25:07
呢個位,合照加埋個音樂個心真係有D嗡
真係好驚有一日試當真,真係搞唔掂要散左
唔係怕冇左一種娛樂
而係試當真代表住一種創新
突破過往行內既框框,原來係可以用一種咁新既方式去行,去發展
其實呢種想法,創新同嘗試,其他好多行業都可以學習.
大家都要加油.
作為一個觀眾 我覺得最緊要係你哋開心同相信自己 開心嘅人自然拍到令人開心嘅片 休息多啲！
Channel 需要乜答案係channel 需要游學修，老闆唔係公司就好似一艘船無左船長咁無哂方向船員唔清楚下一步要做啲乜，係返度先可以話俾大家聽跟住落來要點做。
扭計骰logo代表住你地有好多面好多變化，但宜家channel 就好似一個扭到亂哂顏色的扭計骰成個四不像咁，試當真當初真係乜都要試，但兩年啦要試的野基本上俾你地試哂，係時候吸收呢兩年的經驗搵一條最好的道路將最真最白果面扭返出來。
拍返一啲觀眾鍾意睇的野出來，第一條試下豪哥校花校草果條水上人一定會爆。又或者拍返一啲簡單的野，阿ted版的綜藝証明唔洗俾好多錢都好出色一樣可以放大到藝人的特色，相信你地最後好快做到
。
最後豪哥wtapp 想同自己講野只要加自己個電話入通訊錄就可以同自己 wtapp😆😆
想睇水上人 +1
校花校草係令我對個channel頹左既其中一個轉接點。個期d野真係好悶，令到我唔想禁入去任何片到。
懷念當年channel 需要錢
結論：錢解決嘅問題其實不是問題
需要…搓蔥…
觀眾愛你哋既搓蔥…係因為你哋拍片既初蔥…
你哋顧慮既野多左…想做既野多左…涉獵既範圍多左…但你哋既搓蔥係需要最優先要去兼顧同呈現既…
加油呀🤭你哋一定無問題架～✌🏽
Channel最需要既係簡單。
觀眾最鍾意睇既係豪腎加呀修，一開始拍天能 channel需要錢個種鳩鳩地既好笑。
而唔係 overthink完整出黎既project eg. Nft,校花校草。
呀修口講就話西裝加拖鞋係你地既symbol，但隻手又帶住隻AP錶，作為老觀眾我只係感受到離地 ，而唔係以前個種真誠。
呢段片只係見到你地靠玩自嘲洗白，但係個方向完全係get錯曬。
觀眾係想睇真誠，唔係pr。
希望呀修明白啦。
利申: 由第一段片開始追既觀眾。
一萬個認同
心雄開咁多範但根本carry唔到重要連本業都hea埋
你地好似忘記咗個 Channel 點解叫試當真同 Trial and Error。
咁都叫 PR 同唔真誠
BTW﹐你地唔鍾意唔代表所有觀眾唔鍾意，我就好欣賞校花校草呢個 project 嘅出發點，雖然賽程同製作上仍有改善空間，但整體來講我覺得好睇，而且係做咗一件好事。
請不要騎劫「觀眾」
鍾意呢個系列 一直都有睇 請相信自己 相信相信你哋嘅我哋🫶🏻注意休息注意身體
睇完好開心，開心在你地越搞越好🎉💚
睇完都有傷心，傷心在你地做野還做野，做到自己夠唔夠健康都唔理😢💚
祝貴頻道全員下年身心健康，身同心都愉快
我都好耐冇睇你哋，但係演算法推咗尼條片畀我，當我見到嗰標題又扣番起以前睇你哋片嘅回憶，最後我都睇咗，幾好，感覺了解咗你哋嘅困難，感覺親近咗。
試當真回歸 無令我失望😭😭好掛住你地
非常喜歡修「做創作唔一定開心但一定要享受」唔中意就抖下唔好逼自己咁行
享受係冇得迫㗎，做自己想做嘅嘢就係享受。
阿發講得好
好耐冇見過齊人出現
試當真返黎了～ 🎉 喺channel 系列比咁多幕後出鏡感覺channel 好重視呢班幕後❤channel 需要佢哋!!
岩呀~~~你地需要享受~
工作好,創作好, 追夢好,
過程唔係全部都開心
但係要享受個過程~咁先有動力去走下去~~~
加油~~~
講得好好
巧kai先終於有皇牌節目《Channel需要乜》系列🎉👏🫶🤟👍😮💨CLS完再慢慢睇🥰🥳🙏💪
商業同藝術，係好難並存，試當真係屬於偏藝術的，所以可以嘗試一下針對某一類觀眾嘅題材來拍，得到其他觀眾喜歡係Bonus. 比如話《虎口良藥》，我覺得超正，夠癲，又唔會覺得佢哋放閃；但View數只係一般而已。小品係你哋嘅強項，綜藝反而不是，但每次你哋綜藝都好大規模，成本好重，時間太長，不太值得！真係要試的話，喺陽台搞吓嘢就夠，好似嗰啲「唔好諗，即刻答」之類，其他台嘅view數都唔錯！
試當真一生推😢
認同channel需要享受，需要感情。
多謝呀修好想令大家一齊繼續enjoy創作，繼續好玩👏🏼
" Channel需要感情" 呢個睇得出試當真成員同觀眾都會好有感觸
需要channel 外面世界的人，需要好笑，需要鳩，更鳩。可能將channel 有既拍攝資源分享俾有idea但冇execution 能力既人but I can’t say man you guys have really done a great job 加油！！
大製作唔夠電視台比，youtube係要膠片，娛樂片，廢片，間唔中出大片就夠。
睇下豪腎小溫馨，阿修潛規則威迫ca姐拍感情戲都己經好開心
我覺得固定演員原班人馬好重要，即係睇開小薯茄就係高ling J 冰 童 富 ，微辣就有jacky lou 加蔥等等。真係要感情，而觀眾都要對你地有感情。
觀眾見youtuber好睇就想佢紅 紅咗就一定會眼紅，要keep住出現youtube唔好淨係出面接廣告。
其實又未必唔夠電視台比，Ideas緊要過錢的，可以參考下面白大丈夫，佢哋subscribers仲少，制作仲cheap啦，但拍的片勁好睇。
阿修講得好岩 ，其實做咩都好 最緊要Enjoy，你Enjoy既自然會做得好. 唔好逼到自己咁緊啦 我真係寧願你地Quality Over Quantity. 同埋真係可以搞多啲綜藝 有時放工睇啲野笑下 又一Day!
加油
多謝每位幕前幕後嘅付出同努力先可以keep住有咁好睇嘅片❤️❤️ 大家休息多啲啦❤️
不妨做翻D一分鐘甚至更短嘅內容 最初嘅試當真甚至capTV嘅成功 我從一個觀眾角度會認為係冇論幾柒嘅橋都可以得以具象化 從而感受到幽默及魅力 就似駿業里有「酸粟臭」 有時候一個閃光點就可以成就一條片 所以不妨降低開支 降低製作壓力 更單一角度去呈現新成員及做翻「試」嘅部分 以及現時UA-cam演算法已經唔將影片時長作為最重要指標 由頭到尾睇完更重要
有笑有淚，27分鐘眨吓眼睇哂，好睇
偽偽紀錄片好好睇，修仔個總結好好，如果做創作連自己唔享受，觀眾更加唔會鍾意睇，最後就唔知做嚟做乜，希望休漁期完咗之後個節奏慢啲，真係可以享受返
一姐個食字靚，而且係事實，聽完好期待會再拍啲raw片
同埋支持發仔加人工
好鍾意睇幕後 希望劇場都可以見到呀發
許賢見字休息
睇完有種莫名的感動！試當真firm！
紅就開始忙 忙就好容易忘記初衷
有咩問題都好, 秉持初心繼續行落去!
channel越做越大，人多就自然多方向，而甘多個方向走出去，都唔想越走越遠，我地都想睇多d五花八門既野，最後睇完發覺會有種 :原來都係『試當真』!呢個感覺~
有時拍片諗橋諗到腦爆，睇完條片都覺得大家有種壓力，但求其搞個公司春遊拍下vlog都得架，你地創作要享受，觀眾有時睇片都係為放鬆
真係好欣賞試當真，修哥加油！
無論點諗都好，試當真都係依家第一youtube channel👍
個總結，好正
深入淺出, 輕鬆D,
將嚴肅既內容輕鬆演出
領略唔到, 都起碼有得笑
內心戲唔好多, 唔好拖, 少少就夠
節奏唔洗急, 但要明快
另, 唔好care留言
就算好睇既片, 大部份人都唔會留言
好睇可能會訂閱同Share, 唔好睇咪睇第二條片
拍你地擅長, 開心, 有FEEL既片, 唔好一味迎合觀眾
講下我嘅睇法，一開始我其實係天能嘅fans，一開始就係比天能吸引入離，我覺得吸引我睇好多片嘅係鳩鳩地嘅片，但係又有故事性，背後又有d耐人尋味嘅意思。
（比較悲觀一d嘅睇法，我發現有時候前期嘅小團隊會更有意思，更有凝聚力，但係個team大咗之後就會遇到好多問題，哩d問題有時候無辦法由言語表達。就好似創業之後轉成一個company嘅感覺，會有一種唔純粹嘅感覺，但係冇計。
希望試當真，越做越好!👍👍
《Channel需要》系列中最沉重的一集....之前的總會叫人笑....今集真係笑唔出，連觀眾都感受到佢地的壓力...
亞修總結得好，令人享受才可以繼續下去，但現實中這又談何容易呢？
當興趣變成工作，但其實又是無可避免
yanny同kayan9896終於都喺Mockumentary嘅世界觀出現啦，加油，都恭喜510同唐記👍👍👍👍👍👍👍👍👍👍👍👍👍👍👍
經營和興趣是兩樣必需的動能，但永遠興趣才是首要，因為真才受歡迎，因為真才能繼續行落去，因為想所以做，每個人喜愛不同，位置也應該不同，岩既人岩既位置，量大了，分配工作就應該更準確，但記得興趣係會厭，所以應該要試玩新，唔係因為衰要面，係需要玩，面你哋一路都無ga la,需要休息就需要玩
個人認為唔好太在意網上討論區既負面評價,保持自己獨特風格,保持嘗試,
試映劇場一向好高質,繼續努力,
編劇真係唔容易,要整一個好劇本,俾演員發揮,
演員又要有觀眾緣,型同好睇,天時地利人和,
創作要識得relax,唔好緊張,最緊要開心
補充:當然enjoy過程都重要
channel需要單純 太有機心令創作變得疲累
都係做緊自己鍾意做嘅嘢就有passion,如果只係變咗做需要做嘅"任務"，咁好難享受
(以下內容純粹個人主觀，並不代表任何人立場，亦未必有參考價值)
比較覺得Channel需要「自在」。
係嗰種「不論我哋觀眾抱住咩心態，有咩意見同點樣看待你哋；
你哋都唔會因為過度睇重觀眾感想而影響你哋心情同本心」嘅自在感。
利申我唔係全部片都有睇曬，唔係唔中意，
只係單純自己無追曬咁解，但有好多你哋嘅作品我都非常中意；
然而有時感覺你哋會因為部分觀眾嘅想法或者一啲唔太友善嘅建議而太過迫自己或者比咗太大壓力自己？
例如有啲根本就擺明係過度抱怨、葉公好龍嘅觀眾反應，
我其實覺得阿修又好或者其他人都好，
唔好太上心嗰啲說話，會對自己同個台創作都會舒服一啲；
比起「阿修有好多背後嘅艱辛無法比人理解」，我更覺得係「大家都唔需要比觀眾理解得太深入」。
觀眾同你哋只係「表演者與觀眾」嘅關係，
觀眾唔係你屋企人，無權亦唔需要去知你個人性格同背後各種，
尤其喺而家呢個奶頭娛樂年代，實際上觀眾睇完無幾多人真係會上心「呢個人拍片同佢個人實際係點點點」，
頂盡睇完都只係茶餘飯後講下「喂我睇完試當真條片啦！」咁解。
講白啲就係「不論你點創作，睇嘅人終究係會有人中意有人反感」，
你哋需要享受創作，我覺得其中一個要素就係「自在」；
唔好因為有人覺得你哋係點點點就放棄去試落去，
買衫都唔係第一下就買到自己啱心水嘅fit碼、亦唔應該「因為有人咁講我唔襯套衫我就唔著」，
個台係你哋自己嘅，觀眾頂多只係「見證你嘅變化同成長」嘅過客。
即使今日大家仲喺度睇緊你哋，
可能唔好聽講句，突然有某一年發生咗啲事大家唔再去上心你哋，
又或者因為你哋對世界同社會各種想法同價值觀，影響有唔同嘅觀眾去留，
即使變化同可能性有咁多咁大，你哋都唔需要太失望同「因為觀眾變化去留」而造成自己辛苦同大壓力；
創作係自由嚟，唔應該比任何事物局限自己去創作，
即使觀眾係受者，但觀眾唔係神明，
唔需要太過放大觀眾感受去滿足，
可以去令觀眾樂意一直支持，但唔需要太刻意迫自己去滿足觀眾嘅慾望。
最後係辛苦曬試當真台前幕後，
感謝你哋一直都致力去創作，
無咩嘢回報比你哋唯有隔空送個網絡抱抱感激你哋🫂🫂
(仆街唔覺意寫咗篇千字文出嚟，希望唔會搞到炎上🤦♂)
(利申：我覺得我其實真係唔理解好多嘢嘅，所以呢篇嘢亦唔使太過在意，
甚至可能睇完都未必幫到你哋，希望無浪費你哋時間🙏)
我覺得而家既試當真有的似魔女宅急變果個小女巫，有一日夠自在既話就可以重新飛起。?
well said，但係要入屋，要追 view 數，又唔可以唔理觀眾嘅感受，或者個世界發生緊咩事。所以阿修話過，佢會睇連登啲 post，消化過之後睇下邊啲有用先至 take｡要平衡係難架，所以真係辛苦修修
坦白
之前係會員，但而家無sub
或者咁講，UA-cam 只係一個平台俾加入試當真嘅人要彈起，我諗呢個都係試當真其中一個目的，但係而家好似個個人出嚟係為左個人利益？定係要…………
我諗到，少左contents內容 同觀眾嘅連繫
我唔知你地會唔會睇，但我都想重sub返，希望真係你地嘅content可以令我揾返個初衷
6:32 簡單講，yanny認為需要番D最初既感覺，好似金鋼CREW咁
好欣慰你地有考慮呢方面 保持搓蔥 試當真加油！！！
好贊成9896所講，channel 需要佢 💓
nice, 有親9896啲片都唔錯
繼續支持試當真！
睇完覺得好有感觸， 多謝你地。 加油
宜家再睇返呢條片，就知道只要用心做作品，觀眾一定會欣賞
而家睇返
呢套記錄片應得最佳影片獎
最起碼有聽人意見及有被拍者的意願。
雖然唔知你地係咪真係賺到錢，但試玩毛真心好睇， 最愛batman 果集
如果出少d片，會唔會放到假 輕鬆d
好鍾意D個系列，比綜藝系列更了解台前幕後既個性 ，亦都係呢個channel嘅特色
阿修做戲真係好好，有面部表情，眼神交流，支體語言等等。覺得綜藝愉景新城終於打破缺口，更可邀請不同嘉賓，長造長有，又好睇，再揾讚助商賣埋硬銷廣告，例如補充體力飲品，蒸餾水，能量棒，紙巾抹汗，穿兩隊團隊製服衣式，同款跑步鞋襪等等，觀眾绝不介意賣廣告只要quality係好，又例如件什麽T shirt 外套有什麼透氣散熱功能，受觀眾歡迎節目肯定多view 數。多接廣告，希望越攪越好，越攪越大，衝出香港拍攝。即係去澳門都好正。澳門揾飛舞微辣Cross Over. 出老表，麗珍, 芽子，Meko, 導演，宗仔...., 微辣老細，一姐，正到暈！整個巴黎人大决戰或玩轉澳門各大酒店商場，揾埋酒店贊助酒店房間俾crews，又省一筆營運費用。
channel同入面嘅人都好好休息，先有能力做更好嘅創作！
闆仔同員工都加油！
BTW作為豪腎fans, 希望許賢可以休息返多啲豪波都做多運動、keep fit變返豪哥
偽偽紀錄片
最尾睇到有啲感動🥲
試當真加油呀
可唔可以叫 唐浩然 拍數碼暴龍機教學片?
《channel 需要數碼暴龍》
好勁 咁樣拍效果好好 明明係咁悶既過程 但其實又幾好睇
我同豪哥一樣！❤都鐘意做簿仔紀錄😂❤ 記得胡鬚佬有個筆記簿，有啲掛住當時嘅純真同青春，有時唔係話要向後行，但會掛住！有人會話掛住咪睇返以前啲片啦，但咁就唔洗拍新片啦！例如以前13B同豪哥呀，耳機球呀，豪腎呀，之類！如果唔行舊路，要好簡潔一句就係，我唔知其他觀眾點諗，但如果就我而言，我覺得channel需要簡單。但規模一大左（which is 係好事泥嘅）有好多野要諗，都明，要養人，要business development ，培養新人接班等等。特別係腎仔講，難接班，呢樣野好明白，有時擔心好多，有時搵唔到適合嘅人（或者覺得個個都唔適合😂），所以，簡單style, 休息最難，但呢樣係都重要嘅野。
channel需要短品小片 而且搞綜藝其實唔一定需要好大搞作 有時搞下channel運動會 改詞比賽 歌唱比賽 比依家好唔開心既香港人輕鬆笑一下就可苡
其實要營運一間公司又要員工開心享受，又要作品有水準，完全唔容易！我覺得CHANNEL 需要一個CEO, 講緊係professional嗰啲，放返阿修出嚟做啲佢自己擅長嘅創作又好拍戲又好，始終人一日得廿四小時，冇得禁貪心
厚此就會薄彼。唯有係請個真正嘅professional 去營運間公司，先可以強壯地繼續去到更遠
支持試當真 支持游學修😁😁各位加油🤭🤭
好耐無睇過咁「試當真」嘅「試當真」片，開心，好睇。
熱潮過去🎉🎉🎉
講左真話
支持 支持
真係要享受 拍嘅自己都要享受 睇嘅先享受
努力試 呢段時間過程only
感動到
好鐘意試玩毛,間唔中有唔同演員黎客串/客席,都幾有火花(好鐘意阿談)
努力唔一定唔會成功，但唔努力一定會好輕鬆
一齊成長緊
認真講，我什麼都不是
但由一開台就入左認真毛
係因為欣賞修哥賢豪對片個種熱愛同膠
大家好認真做一樣好膠既野
用腦救火
但去到中段 真係搞唔掂
之前返工攰到死 一睇到片係令個人開心返同重覆睇幾次
但後段唔知係咪太著重左拍攝技術或技巧方面？失去左個種由心而發膠，有時唔係段段片都要大道理，總之愈亂愈好
同埋老板還老板 力不到不為財
三位唔好失去核心價值
大家訂閱你地 係因為修賢豪
你地對拍片既熱愛
channel需要既就係你地開台個個熱誠
我好期待有一日會重新有個種衝動做返認真毛
我知道您地調節下放下假一定會搵返做得更好
力不到不為財
支持發哥😁😁
channel 需要初心 大家都想多返豪腎嘅鳩片 不過許腎真係要休息 Now嘅片都睇到腎真係好攰
Channel 需要大家😁😁😁:
冇人睇、冇新血加入&冇對外嘅Sponsorships去支撐,點可以發展到現時咁大規模呢😄👍🏻。
🌈Enjoy每次Creative嘅過程～,invite更多單位共同參與🤝先係Double winner 🏆 。
修哥office room塊board 係重點⭐️23/24 Anniversary plan⭐️
花落誰家之後(完咗校花校草選舉)
,21位朋友繼續有發展創作嘅空間,無放棄任何一個人才👍🏻👍🏻👍🏻。
聽到你地笑 便足夠了
Channel 需要觀眾，觀眾需要試當真。
加油 觀眾都需要試當真
ok, support.
Honestly, 自校花校草後冇睇過
修仔加油啦 我睇试当真都好enjoy
如果唔知應該點行落去，係唔係應該睇返之前點解成功？
試當真以前嘅片好好睇，教父1、2，我翻睇幾次，次次都笑得好開心，仲有其他片好多都好好笑，翻睇又翻睇都好開心。
但近呢兩個月我已經好少再睇試當真，轉咗去睇熊仔頭。因為而家試當真嘅片，少咗以前嘅開心原素，係睇得出好多新片內容有深度咗，會有深層意義，可以令人思考。
但係香港人工返學已經好攰，返到屋企想撻落床輕輕鬆鬆笑一餐，我開UA-cam仲要睇啲咁有深度嘅片，咁我不如買本哲學書睇。
UA-cam唔係拍電影，一條片唔使唱，內容充實冇悶位，睇完笑之餘仲可以有深層意義令人思考，試當真以前做得到，而家都一定做得到，只不過冇再去做。
可能怕悶求變心切，但係就走錯咗路，將以前成功嘅元素拋棄咗。
睇到眼濕濕
ELLEN好正