容祖兒向霆鋒自薦做打女不果 回應與內地導演李璇緋聞

容祖兒向霆鋒自薦做打女不果 回應與內地導演李璇緋聞
容祖兒、周秀娜、林峯、星二代沈月等一齊現身品牌活動，Joey 同阿峯雖然好耐無見，但佢都有留意阿峯有份主演嘅新戲，更大讚阿峯喺電影嘅演出，仲自薦話自己打得吓，可以做「王九」伍允龍嘅妹妹，Joey話佢睇呢部戲時，緊張到腳趾抓地，睇完佢話自己都好似打完一場交咁攰，佢仲話曾經向謝霆鋒自薦做打女，可惜對方視而不見，Joey唯有知難而退呀。
講到最近有傳Joey同內地女導演李璇交往，引起雙方粉絲網上罵戰，Joey表現輕鬆大方回應：「唔係緋聞嚟架，係朋友嚟，網上通常都會有呢啲小風波，時間慢慢就會沖淡，我哋又唔駛太擔心。」
即將喺澳門開騷嘅林峯，正計劃巡迴演出，仲公開誠邀曾經合作MV女主角周秀娜開金口做嘉賓，阿峯仲話想同娜姐合唱，不過，娜姐就似乎對唱歌無咩信心，仲話唔想影響阿峯嘅演出，阿峯即刻為娜姐打強心針，大讚對方把聲有磁性。
已經做咗Model兩三年嘅沈月，就話平時都會同妹妹、媽媽交換衫著，至於有無打算拍戲？沈月就話暫時無呢個考慮，不過就話唔少導演都揾過佢，但由於家人都唔想佢太大壓力，所以佢話暫時都未諗住闖影壇呀。
#容祖兒 #林峯 #周秀娜 #星二代 #沈月 #王九 #打女 #謝霆鋒 #李璇 #緋聞 #演唱會 #澳門 #娜姐 #開金口 #拍戲 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@user-tk6lz7ry3t]

賴燕瑜，最近成日見到她😢

[@hodennis7463]

joey 講野都幾搞笑。拍笑片 好似岩d

[@gabeelodee5923]

TVB高层們🎉俾個機會佢😊女子拳賽劇❤🎉新一代打女🎉女版張家輝😅