رساله من شهيد _ كريم البنا

رساله من عريس الجنه
بسم الله
سلام للاهل والاحباب
وبعد السلام وحشتوني
اما بعد
من جمب سيدنا ابراهيم
مبروك يادكتوره
جمعتنا صوره زمان
وناقصلنا صوره
تبدء بحرف الب
تخلص بحرف الكاف
لايقين عليكي قوي توب الفرح العفاف
وكأنك اول عروسه وكأنه اول زفاف
فستانك الابيض قماشته سما صافيه
جابت المطر والفرح بعد السنين العجاف
من اول خطوه وانا معاكي
باليوم والشهر
دقيت الزهر
وطلب مكان ابويا المهر
وحلفت مايدخل بيتنا القهر
وفرشت القاعه بورد وفل
وعزمت الكل
وجمعت ملايكه تزور وتطل
وجهازك كان جايلك مخصوص
والنيش مرصوص
والشقه بتاعتك مناقصهاش
الا خطاكي
انا عايزك بس تكوني فاكره
ان انا في حمايتك ومعاكي
وتعيشي بقلب كبير وسعيد
وتقولي اخوي فالجنه شهيد
وان كان علي غيبتي
هنتقابل في صباح موعود
وان كان عالعزوه وشد الحيل
عندك محمود
راجل ويسد مكان الفين
ان يوم احتجتي لحنيه
هيشيلك جوه رموش العين
ويطبطب بأيديه علي كتفك
ويشيل بلاويه
وان كان علي ابوكي يرجعله الفضل
وكفايه عليه شقاه اللي شقيه
وامك ست البيت الغاليه
سنادة قلبنا بأيديها
ان يوم شلنا تراب رجليها
مش هنوفيها
نقطه ومن اول السطر
وانته يابش مهندس
اولا هوصيك علي اختي
وثانيا مبروك
وغلاوة ابوك لتشيلها ف عينك
واحميها
ان زاد الحمل علي كتافك
قسم احمالك قدامها
وان كانت يوم جاريه ف ليلك
خليك ف صباحك خدامها
اياك تبعد
عن مسكة ايدها في سكتها
اياك تنكر
الحلو ان شفته في عشرتها
اشكرها ان تعبت م الوقفه
خليك طيب طول المشوار
ف الشده تبان جمبك وقفه
اصرف علي بيتك من كدك
رغم الصعوبات بين ودك
البيت مركب
والمركب مابتمشيش بالقهر
اتعلم مع عشرتها الصبر
ماتقفش معاها علي الكلمه
علشان تفكيرهم غير احنا
اسندها ان خنقتها المحنه
انته مكاني حبو الدنيا و عيشو حبايب
اوعي تحسسها ان انا غايب
ويارب تعيشو في احسن حال
والفرح في بيتكم يستني
وسلامي لاهلي ده اخر سطر
فر ساله باعتها من الجنه
انا فاكر كل اللي وقفلي
#كريم_البنا
قصص رومانسيه
نص الليل
كلام الليل
قصص طلاق
كريم_البنا
اغاني الجيش
حكاية الجيش
موال مصري
كريم البنا تنوف
وصية اب
الوصية
احمد عادل
كروان الصعيد
ابو الشيخ
عمر كمال
حسن شاكوش
حمو بيكا
الدخلاوي
سعد الصغير
نانسي عجرم
شاعر الصعيد
ابو عتمان
إليسا
اصاله
موال حزين
اغاني حزينه
احزان
مصطفي كامل
هشام الجخ
اميره البيلي
مي البنا
محمود الديب
شعبان عبد الرحيم
وصية اب
وصايا الاب لأولاده
الوصيا العشره
الوصايا السبعه
احمد كامل
اغاني الجيش
اغاني الجيش المصرى
عمالولك اي ف الجيش يادفعه
قفز يادفعه الجيش المصرى
اقوي جيوش العالم