Salomatlikka ziyon yetkazmaydigan bayram taomnomasi qanday tuziladi?

Shifokor Hilola Jumayeva:
Turli bayramlardan so‘ng surunkali kasalliklarning o‘tkir davri avj olishi va bemorlarda shikoyatlarning ko‘payishi kuzatiladi. Buning asosiy sababi bayram taomnomasining odatiy taomnomadan farq qilishidir.
Bayramda parhezni buzish va noto‘g‘ri ovqatlanish natijasida qandli diabet bilan og‘rigan bemorlarda qonda qand miqdorining ortishi va giperglikemik komalar, surunkali pankreatit, xoletsistit, oshqozon yara kasalliklari bo‘lgan bemorlarda kasallikning avj olish holatlari kuzatiladi.
Shu sababli bayram taomnomasini oddiy taomnomadan keskin farq qilmagan holda tuzish, yog‘li va qovurilgan ovqatlar o‘rniga meva va sabzavotlar, sabzavotli salatlarni qo‘shish tavsiya etiladi. Bundan tashqari o‘z vaqtida ovqatlanish, shirinliklar va spirtli, gazli ichimliklarni cheklash, ovqatlangach 1 soat davomida yengil harakatda bo‘lish tavsiya etiladi.