مرا ونص/ سيدة تقوم بتنظيف المنازل بطريقة إحترافية.. مثال للمرأة الجزائرية
Вставка
- Опубліковано 7 лют 2025
- أشترك بالقناة الآن لمتابعة الأخبار : bit.ly/2Yt89Qa
"النهار تي في" أول فضائية إخبارية في الجزائر، الأخبار تصلكم حيثما كنتم أول بأول
موقعنا الإلكتروني للجريدة www.ennaharonli...
موقعنا الإلكتروني للقناة www.ennahartv.net
رابط صفحتنا المليونية على الفايسبوك bit.ly/2GGVnrV
رابط صفحتنا على الأنستڨرام bit.ly/2YufM9B
رابط صفحتنا على تويتر goo.gl/MkpI9M
رابط صفحتنا على جوجل بلس goo.gl/yUxXty
قناة النهار الإخبارية الأولى في الجزائر ، أخبار دون توقف
#المراة_الجزائرية#COVID19#مرا_ونص
#النهار #قناة_النهار #EnnaharTV_Plus
![Lp. Сердце Вселенной #60 РОЖДЕНИЕ ЛОЛОЛОШКИ [Финал] • Майнкрафт](http://i.ytimg.com/vi/YoR0pAV9FVQ/mqdefault.jpg)
هادى الافكار لى تنهض بها المجتمعات. الله يبارك في الشباب تاعنا
ربي يحفظك الزينة ويحليلك يماتك نتمنى تزوريني الله يخليلك العزيز الغالي
ربي يحفظك الزينة ويحليلك يماتك نتمنى تزوريني الله يخليلك العزيز الغالي
شوف، ياسيدي يامكسرة اليدين
@@rachidaleboukh7177 تعلمى تهدري شاطرين غير في اللسان طويل يا مكسرة اليدين
@@omnafaa2348 انتي، واش، تدخل ترد عليا واذا شكيتي، في، روحي هذا مشكلك و راكي، صح مكسرة اليدين يالخيبة الصيابة و نهدر مليح و الا غير، الحق لي، يزعف
سبحان الله صاحبة المشروع تبارك الرحمان وجهها منور وباهية تهبل شكون معايا ؟
راني معاك ماشاء الله
@@mkalchayamna6426 j
راني معتك وانا نعرفها شخصيا ايام الجامعة انسانة شفافة وظريفة بزاف نتمنالها التوفيق
راني معاك
فعلا تهبل ما شاء عليها
كي عادت سمينة
كي تكون الصحة والتاويل كلشي ساهل ،بصح وحدة ناقصتها الصحة تحتاج المعاونة.
ربي يحفظك الزينة ويحليلك يماتك نتمنى تزوريني الله يخليلك العزيز الغالي
اريد الاتصال مع هناء Hana service
لانها قالت راهي حابة توسع النشاط نتاعها عبر التراب الوطني
كلامك صحيح النساء دايما يلوموهم الرجال وميحسوش بيهم انا امي مريضة ومدايرة عملية ومؤخرا هرب لاها البروش تاع ليرني وهي تخدم ربي يشفيها ويحميها رآه قلبي مقطع
يرحم داك الفم.
زهرة الابداع
عندك حق ختي بالصحة تحلى الدنيا
ختي واش معناها التاويل ؟
حتى لكان نكون بصحيحتي نطلبها وتنظفلي بهذا الماتيرييل تستحق ويولي كلش يبرق ونحافظ على القش انتاعي bravooooo madame
عندك الحق
نتي. باينا. تعرفيها. علا. هدي. تهدري. هكا
كانوا في باتنة ينظفوا بشكل أقل من عادي للأسف. يجيونا للادارة المشكل ماشي فيها فالمنظفات اللي يختاروهم لأنهم غالبا ما يتلقاوش التكوين اللازم و كل يوم عندهم إعلان recrutement لأنو العمال يهربولهم لسبب ما.
وين نلقاها و شحال يخدمو يا درا تكون غالي
اعطوني العنوان نتاعها الله يجزيكم
المخلوقة تخدم على شرها وتخدم معاها رجال ياكلو في الخبز في جرتها وواحد الجياح قاعدين يسبو النسا ولبلاد في التعليقات😕😕😕، برا كاسي
هادوك الفاشلين منهدروش عليهم،، معقدين ومأزمين لازم كما هوما مدارو والو حتى واحد ماينجح ويدير
👍 🤗👌
فاشلين سلبيين حطيزت حاكمين الحيوط والقهاوي علي والو ما تلقايش كل واحد يحب يفحال ويخدم علي روحو ... خلاصة الموضوع عيشة خبر من عياش
هدوك الفاشلين اللي معندهم حتى هدف فالحياة يسبو فبها باسكو ناجحة عليهم
منافقين مديريش عليهم و الغيرة ميحبوش بنت و لا ولد بلادهم يربح
الله يبارك نحير في التعليقات لي يقولك مكسرات اليدين كاين نسا كبار وماعندهمش بنات وزوجات ولادهم كاين لي خدامات كاين لي عندو مرتو مريضة وماحبش يعاود عليها الزواج وماكاش لي يعاونها كاين لي تحب دارها دايما تبرق وماعندهاش الصحة تاع نيتواياج كل يوم وكاين لي عايش وحداني ماكاش مراة تعاونو هاد الامور ندارو لهاد الشي وحتى وان كانت المراة بصحتها مرة على مرة تحب ترتاح وتوفر صحتها لروحها واش فيها فرضا رحت كومبيت ومولية لداري وماشي حايبة نتعب وحايبة نلقى داري نقية تستنى فيا فرضا انا مراة بصحتي عندي مناسبة تاع بنتي ووليدي ماشي حايبة نتعب الناس ولا ونتعب العايلة تاعي باش نوفرو طاقتنا لهداك النهار نجيب فريق عمل هكا يعاوني علاش التلكاك بزاف
يواله كون لقيتها ضرك.ولادي ٣ ذكورة ربي يعيشهم.تعرفوا كيدخلوا لدار زوبعة.عييييت.!نجيبهم كل ٣ اشهر
هادي الهضره🌹🌹
بارك الله فيك قليل من يفهم ويحس بالغير
والله عندك حق.انا كي كنت بصحتي كنت نظل نخدم والان ما وليتش نقدر .صحتي نقصت . نسأل الله العفو والعافية.
راني معاك بنتي .البنت مسافرة خارج الوطن والولد متزوج وبيته وحده وانا وحدي عندي ظغط الدم وروماتيزم وسكري ويشهد ربي كلما نحس حالي مرتاحه نقوم نظف بيتي كبير ابحث في منطقتنا عن عامله لا اجد والاهل لما اطلب منهم المساعدة يصمتون ويبتعدون وعندما يحتاجون اعانه ياتون يدقون الباب .او يدقون تلفون
النساء الجزايريات الله يبارك عليهم،لقاو الحلول في بلادهم ،أما الرجال هربو من البلاد و سمحوا في بلادهم
ربي يحفظك الزينة ويحليلك يماتك نتمنى تزوريني الله يخليلك العزيز الغالي
خاطر رانا في بلاد تحب النساء والمنقش والشكامين ماتحبش الرجال الاحرار ونتي اعلم بذلك لوكان رجل مكان هدي المراة مستحيل ينجح ويطلبولو الرشوة والبيروقراطية ولازمه معرفة وووووو عكس المراة لتلقى البساط الاحمر لان عندها سوة ماشي قلوة
كلامك صح يقطعوا البحر باش ينقوا وسخ الاروبين وؤخلوا بلادهم مهما يكون الحال بلادوا خير
@@lmekakazouz651 نخزم في الوسخ ومانشكمكش باين فيك شكام وكافي
@@hafidsalhi237 awssakhe abladi wala awssakhe ablade anasse.rake ghalate bezaf.alblade tatssaguame benssaha warjalha .machi barrani ayhane a3liha.
كنت نتبع زوج يوتيوبرز ..واحدة عايشة في أمريكا وواحدة في كندا ..كي كنت نشوف الأثاث انتاعهم كيفاه يشعل و نظيف ..خاصة الزرابي و لي فوتاي ..نقول أكيد عندهم لي برودوي ملاح ..لكن صارحونا..وقالوا كاينة مؤسسات تنظيف كبيرة ومتنوعة ..كلما تطلبيهم يحضروا وينظفولك ويعقمولك من أكبر أثاث حتى للملاعق و الفناجين ..
أنا شخصيا نشجع هاذ السيدة ونقوللها ربي يوفقك ..خاصة للسيدات كبار السن أو المريضات أو إلي ما عندهمش إلي يساعدهم ..
كاين دزيرية فلمريكان عندها شركة تنظيف مشهورة تخدم مع لمشاهير ايمي ميخائيل رجلها مصري
كما زيا انسبيغاسيون😁
@@hourialilyne198
ايوه مجرد ماقالت عرفتها هي بالذات، تدير نهار نتواياج مي محال القش الابيض والفاتح كل يوم بةيبرق لانو كل يوم تنضف
أتبعي ziya anspiration ،😁😁مام أنا نتبعها و قلت محال دارها كل شي فيها أبيض و كبيرة تلحق و تنظفها يوميا،أكيد عندهم هكذا التاويل يجيوهم للدار و عندهم ماشينات يولولو يرجعو الدار تشعل شعيل 😅😁
amymikhael
ياناس انا عندي 3 بنات ادعولي ربي يرزقني بالولد الصالح ( بناتي سر سعادتي)
آمين يا رب العالمين
بصح يالحبيبة الخير فالبنات
احمدي رب واشكريه ماعندك ماديري به الذكوره انتاع هذا الوقت مافيهم مايتحمل .ربي بناتك احسن تربية تلقايهم احسن من عشر رجاله ...نصيحة لوجه الله.
يا سعدك 3 بنات حمدي ربي
احمدي ربي غيرك معندوش
البنات احسن من الولد احمدي الله عل نعمه البنات اني عندي ولد شالعين قلبي
والله انا امراة تعشق النضافة واستمتع عند ممارستها واتمنى ان تعم النضافة كل الجزائر بشوارعها ومستشفياتها ومؤسساتها وبيوتها فالنضافة دليل الذوق السليم لذا نرجوا من الدولة ان تدعم فتح شركات خاصة بالتنضيف خاصة في المستشفيات فهم بيت الداء وتخدمنا خاصة انو اختصاصي محيط و نضافة حب نخدم من قلبي لكن الدعم غائب الافكار موجودة والرغبة موجودة لكن التنفيذ شوية صعيب
هل تعرفين لماذا المستشفيات غير نظيفة هذا بسبب الوزير بوضياف في وقت بوتفليقة كان نقص ميزانية المستشفيات وعمال النظافة
و الله راكي كيما أنا
اذا حبيتي اديري شركة نظافة نقدر نشاركك ، حابة ندير مشروع، اذا حبيتي جاوبيني
@@lamb6281 وين تسكن
اج
اليد اللي شايدا التلفون ان شالله تمس الكعبة وان شالله ماتمس شر حطلي آبوني فطريقك ربي يفرحك ويحققلك وش تتمنى راني دعيتلك من قلبي ❤️ 🤲🏻
ربي يحفظلك فالوالدة ديالك راني دعيتلك بالأم الغالية ♥️
أمين يارب 👏👏👏👏
❤اخواتي لعلها ساعة استجابة ادعولي🤲 ان يرزقني
الله تعالى بعمل ورزق حلال وزوجة ودرية صالحة🤲 24/8/2020
امين يارب العالمين
نشاء الله ياربي
امييين
ربي يرزقك ويفرحك
ربي يرزقك من ابوابو الواسعه
لك تحية كبيرة بكبر الجبال عجز اللسان عن شكرك أنبل مهنة ، الناس اللي تحب تخدم تخدم ربي يسهل واللي ما يحبش يخدم يبقى يتشرط
ربي يحفظكم بنات بلادي ممكن تشتركو في قناتي وتزوروني ربي يفرحك انا مهندسة وهاوية للطبخ بسكرية مرت من هنااا😉
تنظيف بيت كامل بمستودع وحديقة وحتى دلو القمامه ينظف ويعقم في أوروبا ثمنه 50أورو حتى لو ترجع المنظفه لليوم الثاني وتكمل التنظيف اذا كان البيت واسع مثلا فيلا بحديقه وبلكونات .رأيتها بعيني نظفت حتى السيارة وطبخت لهم طبخ جزاءري شهي وتحممت عندهم واخذت اجرتها .وخرجت
@@arabranya126 قليل 50 اورو، ربي يعاونها
@@arabranya126 c pa bcp 50 euro esclavage
@جزائرية في بريطانيا ربي يوفقك اختي، انا نشجع اللي تحب تخدم
شوفو اللي راكم تشركو في فامكم هنا هادي راهي مرا ونص صح كاينين ناس ضد التقدم هاد المشروع ديجا راهو تع الخارج نسعرف بيها جابتو يعطيك الصحة يا مدام
هذا مثال للمرأة والتحدي واللي يحب يوصل يوصل
قالك عاند ولى تحسد هذى خدمت طفلة صغيرة .دايرةتها..وهوما عاندوها
ياعمري وشحال عجبتني تقول النورية مرت النوري في عاشور 10 ههه هدرتها ماشاء الله ربي يباركلك اختي
يا جماعة والله هاذا لبروجي راهوا في بالي ورأني...نلملوا باه نبدى فيه والله غالب مالحقتش... وانا نخدم فلفندقة ونستعملوا ديماشين شابين ...وربي ينجحك ختي وربي معاك وبصحتك ..ودعولنااا
يا خويا كاش خدمه معاك لزوجي بجاه ربي راه بلا خدمه عندو عامين
ربي يسهل يا رب و كي اليوم ان شاء الله توصل (ي ) للي تحب و أكثر
@@chellalilayla8811 وين تسكنو؟
@@panamaelpatchi3520 بسكره خويا
@@panamaelpatchi3520 ولكان كاينه خدمه راه يجيك وين ماتكون
ربي يبارك.مثال للمراة المكافحة و لي حابة تخدم مستقبلها و تخلي بصمتها. و زيد راهي فتحت باب توظيف للرجال بالاخص.يعطيها الصحة
ادعوا لزوجي بالشفاء الله يحققلكم ما تتمنوا في خاطركم❤❤
دعوة 40 غريب مستجابة 😣😣
ربي يشفيه يارب
ربي يحفظك الزينة ويحليلك يماتك نتمنى تزوريني الله يخليلك العزيز الغالي
@@وصفاتأممحمدأنس صحا حبيبتي
الله يشفيه ويرجع بخير
واتمنى ترجعي تقولي زوجك مش حبيبك حتى يباركلكم الله بكل شيء
@@kamiliarasim8437 ربي يخليك ختي
@@mi-sp9ws اللهم آمين اختي كتري الصلاة وسورة البقرة تنفعكم
فكرة رائعة عجبتني ربي يباركلها فيما رزقها و يزيدها خيرا منه .. فتحت فرص عمل و اعانت بيوت باش تترزق ربي يفرحها
أنا عندي مدة نخمم في هدا المشروع و باغية بزاف نخدمه ولكن مالقيتش الدعم وخايفة بزاف منلقاش تجاوب و زبائن الله يعطيك الصحة يا الجزائرية الفحلة
يا أهل الخير بترجاكم ادعولي لبنتي بشفاء العاجل يارب يقول دعوة الغريب مستجابة بترجاكم محتاجة دعواتكم
أسأل الله العظيم رب العرش العظيم ان يشفيها.
الصدقة تشفي المريض. بإذن الله.
أسأل الله العظيم رب العرش العظيم ان يشفيها ويعافيها
ربي يشافيها ويعافيها عااااجلا غير اجلا
اللهم رب الناس إذهب الباس واشف انت الشافي شفاء لا يغادر سقما
والله فكرة مليحة ياريت تتعمم في كامل الولايات أنا نظل نحوس على وحدة تعاوني وملقيتش أنا خدامة وعندي زوج بنات وراني بالحمل ونزيد غي بالسيزاغيان والله زربية منقدرش نغسلها وملازمش نرفد الثقل ربي يعينا إن شاء الله.
ادخلي واد كنيس اكتبي بحث عن عاملات نظافة بيوت واسم الولاية يخرجلك اختيارات شوفي اللي يساعدك
@@rahmaabderrahmen3097 ميرسي أختي يعطيك الصحة
@@nardjeschargui2318 بلا مزية ختيتو ربي يسلكك على خير 🙂
@@rahmaabderrahmen3097 انتي من أي ولاية
انا تان دائما نحوس
والله يعطيكم الصحة.بصح معلاباليش علاش حنا الجزائريات لوكان ميكونش الميوهات والصوابن وتزرززيق متجيناش الخدمة اللي كيفي دير جام.بصح يعطيها الصحة
هادو هما الجزائريات شاطرات ربي باراك مشاء الله عليكي ربي يحميك من كل شيء
القاريات يضربو الميناجً و لي ماعندهمش حتا نيفو يتفرعنو و يزيدو التفنيين و لسان طويل الله يعاونك برافو عليك
الله يستركم ويحفضلكم ولادكم ربي يرحم موتاكم ادعولي ربي يفرج عليا بالسكن ويرزقني بالمفتاح ويفرح قلبي عندي 16سنة وانا نستني ادعولي ربي يبشرني بهاد الفرحة
يارب يرزقك البيت الواسع يارب
@@louzalouza3264 ربي يحفضك اختي ربي يوسعها عليك
انشاء الله
ربي يرزقك ان شا الله و يفرح قلبك بصح لازم تبشرينا و تفرحينا معاك ربي يسهل
ان شاءالله ادعولي برك
من مرا من هنا صدفا فاليصلي على سيدنا محمد صلى الله عليه وسلم 💕 أعظم شخصية في التاريخ 💕
يارب ارزقني أنا وزوجي ووليداتي يارب 🤲🤲🤲🤲 وجميع المسلمين إنك على كل شيء قدير 🤲🤲🤲
امين يارب العالمين 🤲🏼
آميين
ياااااااااااااااااااااااااااااارب😢😢
امين يارب العالمين 🤲قادر على كل شىء اللهم ارزقهم الذرية الصالحة
الله يباااارك هدي مكاش فبليدة لواحد حياتو كاااامل شغل لي تخدمها ليوم تعاودها غدوا والله عجبتني لفكرة هكدا مينداك تريح ودارك نقية بلا تعب
يا سبحان الله هاد المشروع كنت نخمم فيه هاد السمانة بصح تع التمريض يعني لي قالتهم هي في أول الفيديو...و هايليك هناء حققت المشروع في بلاصتي... ربي يوفقك و يباركلك..ما شاء الله
وعلاه ما تتكلش عل ربي ولا تحوسي شريكة رني هنا
هدرتها حلوة وتدخل في القلب هاد السيدة ،تحياتي ليك .
الحمد الله. حاجة تشرف بلادنا. رانا نتقدمو غير بشوية. نطلبو.لها النجاح والتوفيق
ماشي غير الصحة برك الي تخليك تجيبيهم ينظفولك والي عندها بين يديها علاه تعب روحها طيح صحتها ياخي الدراهم كي يكونو هوما الي يخدمو علينا .
والي ما عندوش الله غالب
وهذا السيدة نقولها برافو ويعطيك الصحة
هل سعر 600الف يساعدك madame وتقدري تعيطيلهم يخدمولك ؟
كذلك اللاسءلة ة التي طرحت من طرف الصحافية في القمة ما شاء الله عليها.
سبحان الله المرأة تفهم المراة
كاين ايمان امراة جزائرية هاجرت لأمريكا و دارت مشروع كيما هذا و بعد ثمان سنوات اصبحت سيدة اعمال مشهورة في أمريكا بعدما كانت هي لي تنظف البيوت بيدها الآن اصبح عندها شركات ، بسم الله مشاء الله على الجزائريات الفحلات برااااااافوووووووو
والله هاذ الوقت رانا صغار ورانا كامل طايبين
تحيرو علاه هاذ الوقت الغاشي مريض مصغير للكبير قلال اللي تلقاهم لاباس بيهم على كل اللي صحيح ربي يخليلو صحتو وللي مريض ربي يشافيه
صح عندك الحق جاب لي ربي من الغذاء تاع هاذ الوقت كلش مداوي ومعمر هرمونات، بكري كلش طبيعي
والله غير صح حنا صغار و غير نشكو من الأمراض ربي يشافينا ويبعد علينا الأوبئة
من المكلا المرهوجة المسقية بالزيقوات و لا المواد الكيميائية و لا معدلة وراثية
الله يبارك مشروووع شباب لوكان ينتشر على مستوى الوطن انا وحدة من الناس عجوزتي مريضة وعندي تربية وديما ضياف والله ماني قادة ربي هو المعين
الله يعطيك الصحة والقوة
Les prix
ما شاء الله على الجمال الجزائري منورة انا مغربية احب اهل الجزائر❤❤⚘⚘
ربي يوفقك ويوسع رزقك، هذه السيدة يبان في وجهها الأمانة سبحان الله، ياليتها عندنا كان ناديتها من الآن.
عجبتني المرا بزززاف ، و عجبوني طموحها ، تبان انسانة طموحة و واثقة من نفسها و عندها تقدير الذات عالي بزززززاف ، اتوقع لها بصدق النجاح الباهر في حياتها
شكرا لتعليقك اللذي اثلج صدري بوركتي سيدتي
الله يعطيكم الصحة يا بناااااات و الله غير ها هنا النساء اللي تنحني لهم الرؤوس احتراما و تقديراا
ماشا الله مشروع ناجح ، انا عايشة في اوربا معروفة هذه الخدمة تنظيف المنازل ، والمراة راها مثقفة راها في مستوى العالي ، ربي يوفقك وينجحني في فتح المشروع لي راه في راسي قولو امين.
حب الخير للناس ربي ينجحك 💕
مرأة بمعني الكلمة تستهل كل تقدير ربي اقدرها مثال الم وقدوة
يا اختي مالقيت مانقولك ربي يبارك فيك و في صحتك و ليداتك
رزقك الله من أبوابه الواسعة
تحياتي الخالصة لك 💐
الله يبارك مام انا حبيت ندير هاك وعيطتلها وقفت معايا والله مانعرفعا ولاتعرفني بصح وش نقلكم اخلاق راقية مستوى ثقافي عالي جدا انا نقلك الله يحفظ هذوك لوالدين لي رباوك
ناس تخدم الله يبارك، ربي يعاونك
ربي يحفظكم بنات بلادي ممكن تشتركو في قناتي وتزوروني ربي يفرحك انا مهندسة وهاوية للطبخ بسكرية مرت من هنااا😉
آمين الحمد لله لي عجبتم الحلقة وفرحتوني بتعليقاتكم
@@meradhana2672 ربي يكملك اختي انا نفس اللقب كيفك من اي ولايه انت اصلك انا من الاغواط
Whaouuu!! BRAVO Madame. Ca fait plaisir de voir une jeune femme algérienne en tête de ce projet très utile et efficace pour certaines familles et pour tous ceux qui veulent se faire aider efficacement. Je vis en Suisse et je n'ai jamais eu l'idée de solliciter ce genre de service sauf parfois j'emprunte la shampooineuse à ma belle mère pour nettoyer les tapis . Quelle fierté de voir que ce genre de service existe dans mon cher pays. La jeune femme a l'air de bien maîtriser son travail👍👏👏👍. Bonne continuation.
الله يبارك تستاهل تحية كبيرة هاد السيدة ونتمنالها التوفيق والنجاح في مشروعها👍👏👏👏👏
ونعم المرءة ربي يوفقك وتحققى مشىوعك يارب
فكرة جميلة جدا أنا مقيمة في الخارج وهاذي عندنا منها بزاف بصح في الجزاير أول مرة نشوفها يعطيها الصحة وربي يوفقها
الله يبارك إنسانة طموحة و ذكية و تتقن خدمتها نتمنلها النجاح والحقيقة مهما نظفتي بيدك ماهيش حتكون النتيجة كما التنظيف باالالات ربي يعينها ان شاء الله
والله غير حاجة تفرح ...هذي الحاجة كنت نشوفها غير عند الاجانب ...
ونعم المرأة الجزائرية اختكم من المغرب تحية ليكم كاملين❤️
الف تحية للمرءة الجزايرية واتحديات للتقوم بيها. هدي كما واحد المغربية في بأستراليا اصبحت من اكبر الشركات .لعقوبة ليها هي ايضا
صح شفتها حكايتها مثيره و نجحت الله يبارك
نظن في هولندا
@@keltoumkeltoum7143 اه هولوندا شفتي كفاع رفعت تحدي
@@nazimlotfi1529 صح ماشا الله ظحكتني كي قالت سيقت بالما و الجافيل و لات دنيا تعوم و القاوري ولا يسبيري في لما هههههه كلش خشب هردتلو الدنيا حكايتها هايله ربي ينجحها و ينجح كل انسان
@@keltoumkeltoum7143 هههههه اه شفيت عليها .لكن في ؤوربا لاحضت لحب ينجح ينجح .لكن في بلادنا منضنش .والله اعلم
كاينة جزائرية كوتش عايشة في أمريكا بدأت حياتها تخدم في المنازل وقالت بحكم العاملات في المنازل في أمريكا دخل مرتفع ك مدير مؤسسة في الجزائر وممبعد جاتها فكرة دير شركة تنضيف و نجحت في ذلك و دروك راها مثال للمرأة الناجحة 💚💚💚
ممكن اسمها فضلا
@@nesrineghom3759 اسمها amy mikhaiel
اختي نشجعك تقتارحي الخدمات تاعك للموسسات و الشركات هكذا يكون عندك زبائن دائمين و الربح يكون أوفر و بالتوفيق ان شاء الله
بالتوفيق صديقتي هناء، إن شاء الله مشروعك يشوف النور في كامل التراب الوطني، وانت من قبل كنتي قدوة لي ولاشخاص بزاف في تفائلك وحب الحياة، أما فخورة بك
♥️♥️♥️♥️♥️♥️♥️♥️♥️♥️
ممكن رقم الهاتف تاعها ولاباج فيسبوك تعيشي. 🤗
وين جاية .فالعاصمة ولا وين
*اليك رفعت حا جتي وأنت بحا جتي أعلم يــارب فيسر ولآ تعسر وعجل وطمئن قلبي ياعالم الحال :اخواني والله ان الحال يعلم به الله معي أسرة ايتام ماعندي شغل الله يرفع البلأعنكم ساعدوني بهي القناة تكون مصدر رزقنا🙏🌷♡*
ربي يعينك ويرزقك من حيث لا تحتسبي
ممكن نتبادل يا أختي
تم الاشتراك اخي ربي يفرج عليك ويفتحلك ابواب الرزق💐
عجبتني المرأة الله يباراك
شكوان كيما نحب بزاف النظافة
برافو عليك ختي لعزيزة كيما يقولو لكبار تاعنا لي حر حر والخدمة ما تضر
الله يبارك لصاحبة المشروع.مشروع في محله موش شرط الوحدة تكون عجوزة ولا مريضة حتى وأنا بصحتي دراهم يشريولي راحة لصحتي.أنا عن نفسي نشجع هكذا مشاريع و ماذابيا تلحق لكل الولايات.
من فضلكم يا صحافة قبل ما تقوموا بحوار حضروا نص باللغة العربية واتخلوا كليةعلى الفرنسي كاسي casser
Hhha niveau bas sahafa ta3 gherti
فاقد الشيئ لا يعطيه.
بالنسبة ليهم الفرنسية تحضر والعربية تخلف بففف حتى العربية ماشي متمكنين منها
وآلله يسلم هذاك الفم يعيييو
بسباب هاذي هناء صرالي مشكل كي كنت نخدم حسبي الله ونعم الوكيل فيها هي واختها امال
ربي يعطيك الصحة ختي والله غير فكرة رائعة إنشاء الله المزيد من النجاح ونتمناو تكون الفكرة متعممة في أرجاء الوطن خصوص في الصحراء رانا نتعبو بزاف لأن الجو نتاعها قاصي بزاف مع الرياح
والله روعة سورتو للمرأة العاملة
اللي يبكي يبكي على الصحة .كل واحد وظوروفه.وكل واحد ربي يعاونه
ربي يعاونك
في الدول المتطورة مثل اليابان لاحظت عندهم بزاااااف مؤسسات كيماهاك حاجة مليحة ان شاء الله يكثرو عندنا
بالتوفيق لها تدخل للقلب من وجهها 🌚💞
علاه رحتي لليابان . هذي حاجة عادية فدزاير برك مكانش خدمات هكا. فالخليج غير هذو الشركات تع تنظيف والخدمات ماشاء الله...يجو يغسلولك ان شاء الله زربية وحدة. فوتاي وش حبيتي....بلامنهدرو على شركات تع الخدامات .كي تحبي تجيبي خدامة بالساعة تنظف وتخلصيها سوايع لي خدمت وتروح....نتمناو في بلادنا مثل هاذ الخدمات
مرة و نص تاع الصح ربي يعينها و يعين كل انسان يعمل
أمين رب العالمين
ربي يبارك في نساء الجزائر فحلات في ديارهم و يزيدو يعاونو غيرهم بالتوفيق لهذه المرأة الحرة ومزيد من النجاح
شكرا على المبادرة الجديدة .ربي يوفقك .بويرة تيزي وزو .ان الشاالله.🇩🇿🇩🇿
برافو الله يبارك امرأة بكل معنى الكلمة وزيد تعاون الشبيبة على الخدمة نتمنى تعم هذه الخدمات في كل التراب الوطني.... برافو chapeau
الله يبارك مشروع في القمة ربي يكون معاها ويسهللها الف جام
انصح الاخت ان تعمل طلبات للمؤسسات التربوية مثلا: المدارس والمتوسطات والثانويات، البنوك، جميع الادارات تحتاج الى تنظيف يومي، وهذا بما يسمى المناقصات المفتوحة ، يتم الاتفاق بينك وبين صاحب العمل على ثمن الخدمة، والعقد يكون محدد لمدة سنة او ست اشهر، وتخدمي معاهم، واذا صاحب العمل ماعجباتوش الخدمة، يتم حذف العقد بعد المدة المتفق عليها قانونيا، حاولي تخدمي زجاج المؤسسات داخليا وخارجيا، بلادنا مدودة، اخترت مجال فيه الخدمة، بارك الله فيك، بالتوفيق
Bonne idée 👍👍
ان شاء الله يديروها في كل ولايات عجبتني فكرة كاينين ناس كبار عايشين وحدهم لازمهم تنظيف عميق بالتوفيق
هاذي فكرة شفتها عندها سنوات في المشرق وتمنيت نديرها كمشروع ..الله غالب..برافو سيدتي ربي يوفقكم
ما شاء الله صح مره ونص ما بقتش تبكي حضها ما عندش خدمه ان شاء الله شركتك تكبر وتفتح في جميع الولايات
ماشاء الله مشروع في قمة.. الروعة جيد واصلي سيدتي.. 🤩😍😊
ربي يعينها ومسيرة موفقة انشاء الله...ولكل امرأة طموحة مثلها
....
فكرة رائعة جدا جدا..لكن تصلح لاصحاب البيوت الكبيرة والفيلات والاثاث الفاخر..يعني الاغنياء فقط 🙄🤔وعلى حسب ما قالت الماتريال اللي تخدم بيه راهو غالي غالي.😣نظن حتى خلاصها يكون غالي غالي😵😵..ربي يكون في عون أغلبية الشعب وربي يعطينا القوة والصحة الجيدة باش نظفو بيوتنا بأنفسنا
يا ختي كي جي في صحتك والله واحد ما يحوس عليك كي حالتي طحت على رجلي ودارولي عملية راني نحس اشغل معوقة سلامة راجلي وولادي ومنين داك اختي ولا زوجة ابي يبعتولي لقمة سخونة مع العلم عندي دروج ما نقدرش نطلع ونحبط ما كانش لي يجي نقي والحمد لله ازمة وجوز ان شاء الله والحمد لله
@@smailh3119 لطف عليك..ان شاء الله لباس
السلام عليكم انا السيدة هناء لي صورت الحلقة
واله يا اختي راعيت فتسعير هذا الجانب وخدمتي ليست حكر على طبقة معينة خدمتي جات من معاناتي كربة منزل وغيري الآلاف لتنظيف الاثاث اتاصلي بيا وباذن الله نساعدك بسعر مغري ونظفلك واش عندك
Hana service 0661370518
m.facebook.com/112096933900392
@@meradhana2672 مشكورة اخت هناء..فعلا أنتي امرأة مثابرة وباين تعبتي..لكي مني كل التقدير والاحترام
@@meradhana2672 وعليكم السلام ورحمة الله وبركاته
ربي معاك امرأة ونص اوخمسة وعشرين زين وقرايا وشطارة الله يبارك ماشي كي شي نسا كرعين لمعيز الشين او الجهل اوزيد حاسبة روحة
والله يعطيكوم اصحا يااختي العزيز هاد الحاج تفرح المزيد من النجاح
مااااشاء الله. ربي يباركلك في مشروعك. تحية احترام وتقدير لاي امراة عملت على تحقيق مشروع في حياتها حتى ولو كان بسيطا♥♥♥♥
ماشاء لله ربي يبارك فيها ويعطيها الصحة والعافية مشروع مليح ينقص بزاف على النساء الي يعانيوا من المرض والشفا بزاف
إن شاء الله تفتحي فرع في عنابة،ربي اوفقك انتي والفريق تاعك.راهو مشروع هايل نحييك عليه.
الله يعطيك الصحة مشاء الله باينة.وجهها مثل القمر ربي يعاونك
مشاء الله روعة وهاذا ولش كان خاصني والله مع المرض الي عندي الحمد الله لي شفت هاذا الفيديو
برافو مدام ربي يوفقك بصح لازم التريسيتي تكون من عندك لأن المتريال كامل يستهلك طاقة كبيرة مش روع ناجح بإذن الله تعالى
فكرة مليحة والله خاصة لنسا كبار كما ماما عندها مسكينة ضغط دم و لاغتغوز متقدر دير والو وانا مزوجة بعيد وخاوتي ولاد ميديرو والو
أم نهال Mothers house raki kifi
فكرة مليحة بزاف بالتوفيق ان شاء الله وتحية كبيرة للاخت هنا صديقة ايام الجامعة نعم التواضع و الاخلاق ان شاء الله تكون ايضا في ولايتي باتنة
اهلين انا هناء فكرني برك بالاسم هاو الرقم نتاعي ماذا بيا نتواصلو وحشت اصدقاء الجامعة كامل جماعة l'agro
0661370518
Bravo... Et chapeaux... أختي.. ماش مرا ونص.. انت هي الكل في الكل.. وهذا مشرع ان شاء الله ناجح وماتشوفيش خلاص للتعليقات السلبية... راك في الطريق الصحيح وان شاء الله تحققي النجاح في الخطوات القادمة.. ويعطيه الصحة زوجك وبارك الله فيه.. راجل ونص... 👍
هاد لمرا دك تكسر الدنيا ربي يوفقها ولعقوبة لينا كاشما ينوبنا ربي بكاش مشروع
رسالة إليك اذا كنت تعاني من ضيق في صدرك :
الجلوس في مكان هادي والبدء في عملية الاسترخاء ..
.بعد فعلي التسبيح
شهيق سبحان الله وبحمده ..
.زفير سبحان الله العظيم ..
صدقيني داومي على العملية ...حتى تتغيير تلك المشاعر .
التسبيح يوقف جميع الكلام و الثرثرة التي تحدث في العقل بسبب ما نسمعه من كلام جارح و كلام غير مفيد .
الإطالة في السجود علاج فعال للتخلص من الطاقة السلبية و هي قرب من الله و ابتغاء مرضاته .
يقول الله سبحانه وتعالى ***ولقد نعلم أنك يضيق صدرك بما يقولون فسبح بحمد ربك و كن من الساجدين ***
تعلمي مهارات في تقوية الثقة بالنفس وتقدير الذات يجعل الإنسان يعيش و هو مدرك ما عليه فعله .
خليك واثقة في الله العلي العظيم
خليك قوية واثقة في نفسك وفي القدرات الهائلة التي وهبك الله بها و لا تستسلمي للضعف والمخاوف .
والله المستعان .😁🌺ا
جواهر جواهر بارك الله فيك
@@Benidorm2016 ربي يحفظك 🌺🌹😁
الله يعطيك الخير
@@lakdaramari7600 امين يارب العالمين
جزاك الله خيرا
Pour dire que tous les métier sont cette DAME est courageuse et honnête. J'en connais qui sont jeunes et préfèrent mendier au lieu de travailler car la mendicité rapporte gros et sans se fatiguer
Jeune et très jolie en plus !🐥🐦🐤😇😇
شكرااااااا على تعليقك فرحتوني الحمد لله لي عجبتكم الحلقة وان شاء الله نكون في مستوى تطلعاتكم كامل
0661370518
m.facebook.com/112096933900392
ربي يبارك لكي في مشروعك وإن شاء الله مزيد من التقدم. عجبتني بزاف فكرة المشروع. الله يبارك ماشاء الله
افضل مثال للمرأة التي تمكث في بيتها وكما قال رسول الله افضل نساء ان لاترا رجال وان لايراها
ماشاء الله عجبتني فكرة الاخت هناء ومشروعها رائع ربي يوفقها
بارك الله فيكن يا فخر الجزاير
والله خاصني انا عندي معانات مع les femmes de menage حبذا لو تتنقل في الولايات شكرا لي عرفتونا بلي كاين هاذ serviceفي الجزائر
Nti mnin khti
@@bouhatrafaical7174 slm
الله يكون في عونك سيدتي الفاضلة.فكرة رائعة .واحييي الشباب الذي يبحث على المال الحلال.
عجبتني ربي بارك عارفة مليح واش تخدم وكيفاش تهدر و منظمة صح وبطريقة جد احترافية
برافو سيدتي هناء اذا راكي تقراي في الكومونتار.وانت صح مراة ونص👏👏👏.حبيت برك نعرف متى يعرض هذا البرنامج على قناة النهار .راهو عجبني