ماشاء الله عليك تهبلي ربي يحفظلك يديواتك ويباركلك في رزقك عجبتيني نقرا في التعليقات ماخليتي حتى وحدة مارديتيش عليها حتى الأسئلة لي كنت حانطرحهملك لقيتك مجاوبة عليهم.. بارك الله فيك
كون يطيبو المكسرات من اللول راح يوليو طريين ..تبعتي نفس الطريقة تاعي ماطيبيهمش بزاف راح يبقاو محافظين على القرمشة تاعهم ..مام تخليهم فالثلاجة لمدة طويلة يبقاو مقرمشين
السلام عليكم ناس قسنطينة همة و شان حبيت نسقصيكم البنات سر المعجون في مناسباتكم شفت القعدات القسنطينية لكل الله الله المكسرات و 7 انواع قاطو و المعجون حبيت نفهم علاه تحطوه و كيفاه يكلوه مع القهوة ولا التاي ولا ..... فهموني بالتفصيل يعيشكم تحية لناس قسنطينة حاجب و عوينة و للشرق الكل ❤❤❤
تقدري مع شريك ومحلبي تاكليه من بعد قهوة وحليب وقاطو من بعد يتحط مع شريك ومحلبي وهاد معجون ويلا حبيتي معجون سفرجل وتفاح ولا انجاص مهم نوعي باه سينية تجي الله لله عليها
تبارك الرحمان
❤️❤️❤️
جربت جاني روعة شكرا لك
العفو وشكرا على شهادة تجربتك 😊🥰
يعطيك الصحة اختي ... اللوز نفضل انو يكون بدون قشور لأنه القشور تاعو يطلق لحمورة في السيرو
يعطيك ربي ما تتمناي الوصفة هذي وحد ماحب يمدهالي لي ناكلهم عندهم يقولولي واعر ماتقدرش ديره وسلعة غالية ربي يحفظك
ارواحي عندي نمدلك حبيبتي 🥰❤️
الله يبارك رووووعة 😋 ربي يحفظك بنتي لعزيزة 😍😘🌺
يحفظ ماعندك شكرا🥰
المكسرات محمصين ولا لالا
يبان يشهي يعطيك الصحة نسقسيك اذا نقدر نخدمو ونخليه مدة في الفريجيدار قبل الاستهلاك مراحش يفسد ولا المكسرات يتبدلو و يطراو!؟
المكسرات كي يقعدو يطراو .من الأفضل كي تخدميه تحطيه فالمجمد حتى لوقت الاستعمال تلقايه جديد
تعيشي جاوبيني شحال تحسبي السكرية تاع المعجون جربتو خرج يهبل يهبل ربي يعطيك ماتتمناي في ميزان حسناتك
العفو حبيبتي 😘..بالنسبة للسعر من 50الف الى 70الف السكرية كل وحدة كفاه تحسب
@@cuisinebentconstantine حبيبتي بقداه نشري مكسرات باه ايجيني كيلو تعيشي
ختي بصحتك بقداه شريتي مكسرات
انا درت 500غ مكسرات مخلطين
ديري 250غ مكسرات مخلطة..ونص باطة اناناس
درناه في عرسي جا يهبل ناس كامل هبلو عليه
بالصحة ولهنا إن شاء الله ❤️❤️❤️
مكسرات محمصتيهمش'
Khti t3ichi yatraw moukassaratv?
يشهي مشاءالله يعطيك الصحة ❤❤
اول جام واول تعليق بالتوفيق حبيبتي
شكرا حبيبتي 💗
ماشاء الله عليك تهبلي ربي يحفظلك يديواتك ويباركلك في رزقك عجبتيني نقرا في التعليقات ماخليتي حتى وحدة مارديتيش عليها حتى الأسئلة لي كنت حانطرحهملك لقيتك مجاوبة عليهم.. بارك الله فيك
وفيكي بركة حبيبتي شكرا 😊
يعطيك الصحة حنونة روعة ماشاء الله تسلم الايادي جا هايل الله يبارك
الله يسلمك ويعافيك يارب ❤❤
الله يبارك
امممم 😋😋😋😍😍😍 يعطيك الصحة
ممكن سعر اللبيع
يعطيك صحة حبيبتي ربي يسلمك
شكرا حبيبتي 🥰🥰
يعطيك الصحة . ختي بغيت نسقسيك كي تغلي المكسرات مع سيرو يجو طريين مثلا نقدرو نطيبو غير فواكه جافة وكي يبرد سيرو نحطو مكسرات ب
نعم ختي ..طيبي الفواكه والمكسرات خليهم وفت التقديم حطيهم
ميرسي اختي الكريمة
يعطيك الصحة يشهي
الله يبارك روععة
❤️❤️❤️
ربي يبارك فيك حبيبتي
وفيكي بركة 🥰
وشكرا عليى مجهوداتك😍😍😘
يعيشك حبيبتي
يعطيك الصحة بنت ولايتي قوليلي كي نحطو في عرس اعطيني فكرة فواه نقدر نحطو تعيشي
و لكان نقدر نخبيه قبل 20 يوم هكاك مايصرالو والو
كون يطول يطراو المكسرات ..لازم تخديه قبل المناسبة بعد بأيام..أو تخدميه قبل وتحطيه فالمجمد..بالنسبة لتقديم حطي فالسكريات أو كؤوس لي نحطو فيهم التحليات
@@cuisinebentconstantineشكرا ربي يحفظك نا عرسي 23 ديسمبر ان شاء الله كون نخدمو 1 و نخبيه يفزد ولا لالا
الفواكه المجففة هياا لولة والمكسرات حتاا يبرد سيرواا هكاا يطراو
كي يطراو خير شوي يجيو يهبلو
يعطيك الصحة
الله يسلمك يارب ❤️
Allah Allah
اختي تعيشي حبيت ندير كمية كبيرة ونقسمها الى اقسام صغيرة ..
نقدر نحطهم فالمجمد ولا لالا..؟
نعم تقدري مايصرالهم والو..برك ماتكثريش الطياب تاع المكسرات فالسيرو ..حطي المكسرات وطفي عليهم بعد باه يبقاو مقرمشين
سخفتيني تهبببل
❤️🥰❤️🥰
يعطيك الصحة و العافية
الله يسلمك شكراا 🥰
يعطيك الصحة يهبل تعيشي بقداه الكيلو وبقداه السكرية
الله يسلمك ..السكرية 70الف او 80 الف
@@cuisinebentconstantine شكرا ربي يحفظك
سلام حبيبتي حبيت نسقسيك عرسي قريب وحبيت ندير الوصفة تاعك معليش تقوليلي انا حابة ندير معاه شباح الصفرة ربي يخليك ردي عليا اسكو يصلح وشمن مرحلة نحط الشباح ربي يخليك 😍😍😍
نعم ختي تقدري اكيد...الشباح حطيها كي يبدا يعقد السيرو حطيها .يعني كي تلوحي الاناناس لوحي الشباح.حوالي 10د .زيدي المكسرات وطفي .
شحال مدة الاحتفاظ تاعو ..حابة نخمدو قبل بأسبوع والله معندي الوقت خلاص ..جاوبيني ختي تعيشي
اقراي برك التعليقات حبيبة ..بزاف سقساوني وجاوبتهم
كميت الماء لي درتي لسكر متخليش المرقة نجي عاقدة راهي تجي ماوية خلاص درت كيما قلتي وخدة وخلاص حتي مانا درتو لعرضة 😢😢😢😢
لالا ختي هاداك هوا الكيل ..بصح ماخليتيهش يعڨد وارميتي المكسرات تاعك
خليه يعقد سع
السلام عليكم اختي من فظلك قوليلي كي نطيب المكسرات في الاول متروحلهمش التقرميشه نتاعهم وقداه نقدر نخبيه في الثلاجه وهوا محافظ على التقرميش نتاعو مناه نخاف يجيني بالطريقه هدي ماشي مقرمش
كون يطيبو المكسرات من اللول راح يوليو طريين ..تبعتي نفس الطريقة تاعي ماطيبيهمش بزاف راح يبقاو محافظين على القرمشة تاعهم ..مام تخليهم فالثلاجة لمدة طويلة يبقاو مقرمشين
اختي لعزيزة من فضلك نقدرو نحمصو اللوز ولا noix de cajou ارجو الرد من فضلك
نعم حمصيهم على نار هادئة باه مايتبدلش لونهم
@@cuisinebentconstantine شكرا عزيزني وصفاتك قمة ياريت ديرينا غريبة الكاكاو تاع قسنطينة
يعطيك الصحة 💕💝
الله يسلمك ويعافيك يارب
اختي يعطيك الصحة نقدر نوجدو و نخليه في الثلاجة العادية ماشي المجمد لمدة شهرين؟؟
صدقيني ماجربتش نخليه مدة طويلة هك فالثلاجة فقط..ماننصحكش لانو قادر يفسدلك من الأفضل تحتافظي بيه فالمجمد اضمن
@@cuisinebentconstantine الله يرضى عليك
@@cuisinebentconstantine اختي ربي يخليك ڨداه نحسب الكيلو
يعطيك صحة نقدر نزيد زبيب الاسود ريحة نديرو ذوك ❤
تقدري ختي..بصح اغسليه مليح باه مايطلقش لكحولة فالسيرو
والمكسرات خليهم حتى نهار التقديم باه تحطيهم فالسيرو باه يبقاو مقرمشين
@@cuisinebentconstantine مرسي حبي صح فطورك وعيدك مبارك
اختي يعيشك المكسرات نحمصهم من قبل ولا نديرهم نيين هكاك
ديريهم هكاك خير..تقدري تحمصيهم شووي برك كما تحبي..
يعطيك الصحة حبيبتي قليلي تعيشي قداه تحسبي سكرية لوحدة
الله يسلمك...السكرية من 50الف الى 70الف كل وحدة كفاه تحسب
يعطيك الصحة اختي نقدر تحتفط بيه شهر كامل
نعم ختي في علبة زجاج معقمة
يعطيك الصحة
تعيشي حبيبتي يعطيك الصحة كي نحب نحمصهم اسكو نحطهم فى الماء قبل ونحمصهم ولا نحمصهم ونحطهم طول فى السيرو 💖💖💖💖
الله يسلمك ❤️🥰...كما تحبي حبيبتي..لكن من الافضل تحطيهم فالما سع وزعيهم في بلاطو وخليهم ينشفو مليح ومن بعد حمصيهم وحطيهم فالسيرو
ختيتو تعيشي ردي عليا
راح ندير 6 سكريات مش معمرين نستعمل نفس المقادير تاعك ولا نزيد عليها ياريت تعطيني بتدقيق بنت ولايتي
هيه ختي ديري نفس المقادير تاعي تخرجلك 6 سكريات معمرين
@@cuisinebentconstantine صحيتي ختي لعزيزة ربي يحفضك ويعطيك صحتك يارب شكرا شكرا
آميييين يارب 💗 العفو
روووووووووعة يعطيك الصحة ❤❤❤❤
❤️❤️❤️🥰🥰
السلام عليكم اختي ممكن استعمل اناناس غير معلب يعني شريت حبة وقطعتها
نعم عادي بصح لازم تفوريها سع باه تطرا
السلام عليكم ناس قسنطينة همة و شان حبيت نسقصيكم البنات سر المعجون في مناسباتكم شفت القعدات القسنطينية لكل الله الله المكسرات و 7 انواع قاطو و المعجون حبيت نفهم علاه تحطوه و كيفاه يكلوه مع القهوة ولا التاي ولا ..... فهموني بالتفصيل يعيشكم تحية لناس قسنطينة حاجب و عوينة و للشرق الكل ❤❤❤
تحية ليك اختي الكريمة ❤️🥰😘
المعجون هادا نحطوه مع السينية تاع القهوة كتحلية فقط يعني ياكلو القاطو مع حليب او قهوة.من بعد ياكلو المعجون هادا وحدو
تقدري مع شريك ومحلبي تاكليه من بعد قهوة وحليب وقاطو من بعد يتحط مع شريك ومحلبي وهاد معجون ويلا حبيتي معجون سفرجل وتفاح ولا انجاص مهم نوعي باه سينية تجي الله لله عليها
بغيت نعرف المكسرات يكونو مالحين؟ ومحمصين ولادا
لالا مش مالحين.. واذا حبيتي تحمصيهم شوي حمصيهم.. انا ماحمصتهمش
صديقتي جربتو درك جاني مميه بزاف واش نديرلو حتى هو درتو لخطبة
قصدك السيرو ماجاش ثقيل؟؟
@@cuisinebentconstantine انعم السيرة جا ماوس بزاف ما العمل
جا السيرو ماوي بزاف
سما نت ماخليتيشهش يغلي مليح.. المهم جيبي كسكاس وصفي السيرو تاعك من المكسرات وعاودي حطي السيرو على النار وزيديلو السكر والماء مثلا كاس سكر وكاس ماء وخليه يغلي مليح حتى يبدا يثقال.. طفي عليه ورجعي المكسرات فيه.
كيفاش نكيل السيرو ولا نكيل ماء جديد والا ماء جديد نضيفو للسيرو القديم مافهمتكش اختي عاودي فهميني
بشحال نقدرو نحسبوه للبيع من فضلك وبارك الله فيكي
السكرية فيها 250غ بالمكسرات بالسيرو ..تبيعيها 65الف حتى 75الف على حسب سعر المكسرات
أختي تعيشي المكسرات نشىريهم مالحين ولاعادي
لالا..اشري عادي
اختي نقدر نخدمو ونخبيه في المجمد عندي مناسبة في جويلية وراني وحدي حابة نوجد بالشوية.المكسرات ما يطراوش في المجمد.
هوما مايصرالهم والو ..لكن ماننصحكش ختي..نقتارح عليك طيبي السيرو تاعك بالاناناس عادي .خليه يبرد وخبيه فالمجمد وحدو...كي توصل المناسبة تاعك اجبدي السيرو و.لوحي المكسرات تاعك فيه وخلاص
@@cuisinebentconstantine نطيبهم في السيرو والا نلوحهم برك وما نطيبهمش فيه كي توصل المناسبة.راني حابة ندير معجون المكسرات ومعجون الورد.ومعولة عليك.هههه
كي توصل المناسبة تاعك اجبدي السيرو ديكونجليه..من بعد
حطيه على النار يدفا برك يطلق روحو .حطي المكسرات تاعك زوج دقايق وطفي عليه.مع رشة ما ورد فالاخير
@@cuisinebentconstantine ألف شكر ليك واسمحيلي على كثرة الأسئلة لأني أول مرة رايحة نديرو.
@@user-wb5yp7ln2t العفو حبيبتي
ختي تعيشي قوليلي اللوز نحمصو ولا نخليه هكاك بغيت نجربو للعمرة تاع ماما نتمنى تجاوبيني حبيبتي 💖🥰
تحبي حمصيه خير باه يبقالك مقرمش مام المكسرات الاخرى تحبي حمصيهم شوي
@@cuisinebentconstantine بارك الله فيك خيتي لعزيزة ربي يحفظك ❤️😘💞
@@lamaibrahimi8376 العفو ❤️
M3ana n9dmou m3a لاتاي
باه يبقاو يڨرمشو وشكرا
❤😚
يعطيك الصحة كي نسبق المكسرات قبل الفواكه المجففة مايطراوش بزاف
هو الترتيب كيف كيف المهم مايطولوش بزاف.شوي برك وطفي عليهم لانو يطراو
@@cuisinebentconstantineيعطيك الصحة ❤
أختي نقدر نستحفظ. بيه فالثلاجة مدة 3 أيام ؟
نعم ختي تقدري اكيد ..المكسرات حطيهم فالسيرو مع الاخير باه يبقاولك يتقرمشو
@@cuisinebentconstantine شكرا بارك الله فيك
@@habbesmellek8410 وفيكي بركة ❤️
شحال يلزم لعرس
ديري ضعف الكمية لي درت انا
مضحكوش عليا كيفاه ناكلوهم معجون بالخبز ولا بالمغرفة كيما سلاط فروي 😊
ماكانش حرج ختي عادي 😊...ناكلوه بالمغرف فقط وحدو
@@cuisinebentconstantine من فضلك اختي حطي العلام تاع بلادنا في القناة عندك رحمة على والديك
اوكي شكرا حبيبة ❤️
اختي الكسرات محمصة ولا نن
لا مش محمصة
اختي عندي غير ماء الزهر العادي ماشي المقطر نقدر نديرو؟؟
استعملي ماء ورد ماش ما زهر ..استعملي العادي مش لازم مقطر.
مكسرات تقليهم؟ ولا لا؟
نعم من الافضل تحمصيهم خير باه يجيو مقرمشين
@@cuisinebentconstantineممكن ديرلنا معجون كرموس مجفف بصح كيما راه حب يعني ميتميكسش وشكرا
اختي من فضلك الأناناس تفوريه ولا تستعمليه من الباط
تستعمليه من العلبة مباشرة
شكرا صديقتي
تعيشي اللوز بالقشور كي يغلي مايتقشرش
لالا او مايغليش بزاف
ختي شريت ب20 الف جوز وب20 الف لوز وب10الف كاجو وب10بندق وب10الف بيسطاش وزبيب اسكو لكيل هذا يخرجلي 5 سكريات ردي عليا تعيشي
يديرولو حوالي 4 سكريات.. ولكان ماعمرتيهمش بزاف يجيوك 5
راني شريت كلش دك ب20 الف قيمت 500غ كيما تاعك
لكان 500غ مكسرات يخرجولك حتى 7 سكريات
والله كليت منو في وحد العرس ماشبعتش من البنة ديالو
بالصحة ولهنا إن شاء الله ❤️
بقداه يتحسب كوموند تاعه لعرس
يتحسب بالكيلو وكاين لي يحسبو بالسكرية
سلام حبيبتي تعيشي نحب ندير كيلو شحال نشري مفهمتش المقياس ردي ربي يحفظك 🥺
انا درت نص كيلو مكسرات مخلطة (يعني كما تحبي نت) ....نت حديري كيلو مكسرات ضاعفي المقادير تاعي كامل
درتو وندمت مكسرات بكل فزدولي في باطل وقعد ماء وزغاريت
ختي انا درتو والبيسطاج والكاجو كحالو واش سبب؟
من الجوز
هكذا المكسرات لاتكون مقرمشة
الاخت من فضلك الكيلة هاذي شحال من سكرية جاتك
7 سكريات
ختي معامن نقدموا هذا معجون
نحطوه فالسينية تاع القهوة مع لي قاطو..شوفي الفيديو تاع مهيبة العيد
قداه دير من سكرية!
حوالي 7سكريات
انا درت فيه زبيب لكحل وكحالي شوي سيرو واش نديرلو
ماتقدري ديري والو .الزبيب يكحل السيرو ..الا اذا عاودتي سيرو جديد
شحال يقعد في الثلاجة ؟
كما اي معجون... احتافظي بيه فالمجمد احسن اذا طولي باه تستعمليه
كيلو. قداه يدير سكرية
يديرولك 6 الى 7 سكريات
جربتو و ما جانيش مليح المكسرات يتحطو في الاخيرنورمالمو كيتغسلو و غلاو ما بقاوش يقرمشو و السيرو ماشي عاقد
نعم ختي ماش لازم يغليو بزاف فالسيرو وتسناي السيرو يعقد ..خلي السيرو حتى يعقدلك باه ترمي المكسرات شوي برك وتطفي عليهم
😮❤❤❤❤❤❤❤❤❤❤❤❤🎉🎉🎉🎉🎉
محمصة مكسرات
نعم
تعيشي بقداه نحسبو سعر البيع
55الف السكرية
او 250الف الكيلو
تعيشي كون نديرو بسمانة ونحطو فالثلاجة ميش مجمد يخي ميطراوش
لالا يطراولك ختي من الافضل حتى تقرب المناسبة تاعك ..سينو كاين حل انو طيبي الفواكه تاعك فالسيرو وتحتافي بيه فالثلاجة ..كي تحبي تقدميه حطي المكسرات تاعك فالسيرو وقدميه
@@cuisinebentconstantine ربي يحفضك ويعطيك و يرضيك
@@ninanina4810 بلا مزية حبيبة ❤️
تعيشي شحال الكيلو
280الف الكيلو ولا 300الف حسب الاسعار
من فضلك اختي كي ندير معجون لعرس قداه ندير الكمية
الكمية لي درت انا 500غ مكسرات ديرلك 6 ولا 7 سكريات ...شوفي شحال نسكرية تحتاجي لعرسك
ڤداه تجيني سكرية كي نخدم بزوج بايط تاع اناناس
تجيك حوالي 12 الى 13 سكرية
يعطيك الصحة
يعطيك الصحة
الله يسلمك ويعافيك يارب