Siyoni shemeza Imana

1. Siyoni shemez'Imana
Shemez'umwungere wawe,
Mu ndirimbo n'imvyino.
2. Ni wubahuk’umuhaye,
Ni we Mwami rudasumbwa,
Agenz’ingabo zose.
3. Ishingiro ry’uko womuhaya,
Ni wa mukat’ubeshaho,
Ni wo twashikirijwe.
4. Kuri ya Meza meranda,
Abatumwa b’Umukama,
Ni ho bawugabana.
5. Impundu n’isamirane,
Inzamba nizasirane,
Twuzur’agahimbare.
6. Uyu musi w’akaror’uhore,
Twigina ya mfunguro ya mbere,
Y’ubukiriro bwacu.
7.Kur’ayo meza ya Kristu
Nih’isezerano nshasha,
Irangiz’iyakera.
8. Ivyakera birahise,
Ibishasha birashitse,
Umuc’ukur’ijoro.
9. Ivyo Kristu Yaranguye,
Niyategetse ngo bigirwe,
Bab’ariwe bibuka.
10. Ayo majambo Meranda,
K’umukate n’umuvinyu,
Niy’aduh’urukiza.
11. Ni tuvyemere bakristu,
Umukate n’umuvinyu,
Vyahindutse Yezu-kristu.
12. N’ibiyoberabahinga,
N’ibisig’amaso yacu,
Ariko tuvyemere.
13. Mur’ivyo bishusho bidasa,
Hihishije nyen’Inganji,
Kristu mwami wa bose.
14. Umubiri wiwe n’imfungurwa,
Amaraso n’ikinyobwa,
Kristu ari, muri vyompi.
15. Tumuhabwa wes’ukwari,
Ntamanyurwa ntagaburwa,
Nta wiger’amuvuna.
16. Umwam’uronka ukw’ashaka,
Igihumbi ni kwakundi,
Yamara nti bamumara.
17. Abeza baramuronka,
Ababi nyene kwakundi,
Yamara ntibanganya.
18. Ababi bahakur’urupfu,
Abeza n’ab’ubuzima,
Amaherezo ntasa.
19. Iy’Ihostiy’imanyuwe,
Ntugire ukwemera guke,
Aba wese mu kimanyu,
Nko muri Hostiya yose.
20. Ntibamumanyura namba.
Atar’ibishusho gusa,
Naw' akaguma kwakundi,
Ukwangana ukw’asa.
21. Ng’uy’Umukate w’ijuru,
W’abakiri ku rugendo,
Wahaw’abana b’Imana,
S’uwo guterer’intozo.
22. Yezu Mwungere Mwiza,
Wewe mukat’ubeshaho,
Tuyobore tuzigame,
Uduhe, kubon’ivyiza,
Mu ntara y’abazima.
23. Ur’umuremyi wa vyose,
Uri bukiriro bwacu,
Duhe dusangire nawe,
Ubuhirwe budahera,
Hamwe n’abatagatifu,
Amen.
Aleluya.

[@kwizeradiane7386]

Amen,Alléluaaa

[@FridahMasha]

Amen 🙏