【大家要小心🤯】在銀行做「定期存款」竟吃了大虧而不自知？! 看鏗鏘集學正確理財觀、理財誤區 ！學會退休規劃、真理財、看穿保險理財專家話術！

[@nobird8888]

請支持訂閱N+TV，未來就不會錯過對你有用的新影片，感恩❤🙏：
ua-cam.com/channels/VvW-wxW00G8vt6XUkMgwuQ.html
還有，請分享影片給有需要的朋友❤😊😊

[@bettykwong9247]

我巳退休，當我做定期時，如利率低，銀行職員會乘機sell些高回報plan给我，一聽就知賣保險，我都不會接受的。另有經理說你理财投資，為免中伏，我都堅持做定期!

[@nobird8888]

是呀，小心為上～！！😊

[@takuyatse]

但係你做保險可以向政府申請長者生活津貼wor
有辣有唔辣 你諗你喇

[@choipeter3274]

請不要相信銀行理財員的說話.如你信了.你會有排輸.

[@nobird8888]

@@takuyatse 呢個case婆婆十幾年前供，那時長生津好少，職員或婆婆的主因應該唔會為左長生津而買。😂
另外，保險真係要睇係咩，都唔係話一定差，有冇合理回報同風險係咩，自己整體退休策略又係咩...
例如最後如果預自己用到無乜錢申請公屋，甚至綜緩，買年金或保險了就可能會影響申請了。而如果只為長生津，只買保險或年金都仲係ok的。😊

[@angustse9410]

D騙徒最鐘意厄D長者, 叫佢地唔好做定期, 而去做佢地sell的"投資", 話回報會高過定期, 但唔會同長者講, 果個係預計回報率, 並不是保證回報率

[@denniskwong-o1f]

做定期存款，最好係銀行做，如果識得上網或者係手機銀行做更加好，因為收到嘅定存年利率更加高。我主要做3 個月至半年嘅港幣定期，因為有彈性，差唔多到定期完畢前，若果定存利率有升跌，再作打算。自己親力親為才可以保障自己嘅財富，也可以擁有自己財政的自由權。

[@nobird8888]

一時時，有時上網做高d，有時分行做高d。上年好多時分行做高d, 今年通常上網高d。我依家都係做3個月或半年，靈活d。👍
最緊要知自己做定期存款... 有職員介紹plan要打醒十二釮精神...
你講得岩，親力親為才可以保障自己財富，先擁有自己財政的自主權。🙏😊😊

[@wingyeung5491]

​@@nobird8888因為我都係網上做定期,我想問係咪除咗大新分行做比較高息,其他銀行都係上網做着數啲？

[@kwokirene6564]

大部份銀行定期要新資金才會高些。（要由戶口轉黎轉去），有時我都覺得麻煩， 我衣家轉部份去做貨幣基金，不用分新舊資金，較靈活可隨時贖回每日計息。

[@atm1080]

@@nobird8888 我用匯豐同恒生上網做定期得0.1%息，一定要落實體銀行櫃台職員做先有約 3.6-3.9% 左右。可能其它銀行可以網上做先有市場個息率

[@kenlo4390]

片中主角拿住恒生薄仔, 恒生匯豐應該分行做定期高息 D 。
但次次去都會拖一輪時間, 要見客戶經理, SALE 其他野。
所以依兩年都用其他銀行網上定期算了

[@jennylung8939]

視頻中的婆婆，她做的3~5年期定期投資項目，其實好多銀行都有類似產品。至於點解每月只得千二蚊左右，應該係一，佢銀碼細。二，佢可能太早開始拎錢(可能同佢年紀大又或生活上真係需要用錢有關)。一般3~5年供款的，到期後會每月派錢俾你，但你可選擇不提取，繼續滾存。一般最長可15~20年先一筆過提走，咁婆婆所得會更多。
當然叫得婆婆，佢冇理由80歲先一筆提走。到時有多多錢自己也未必真係用到。
所以問題不是出在銀行或保險公司的投資項目，而係出在婆婆太遲先開始計畫退休生活資金安排及準備。
政府叫人一出社會工作就要做好退休計畫儲錢，但我覺得不用太年輕開始，搞到自己咁大壓力。30歲前好好享受自己從小努力讀書得到的成果，多見見世面，要扮靚就扮靚，要旅遊，吃喝玩樂，就按能力去做就OK。每月只需留人工10~20%作後備金，再買份人壽，其余D收入想點用就點用。
至於實際退休計畫，35歲才開始也未遲。因為呢個年紀已有一定工作經驗，社會認知，只要理財做得好，基本上沒大問題。當然我指是退休後基本生活開支(因每個人對用錢方式不同)。
其實，除非你職位超高，人工超高，否則大部分普通人退休生活也是只能按基本水平。
大筆錢退休或能提早退休的人，其實都係基本條件已經很好的人。一早已經有第一桶金作起動投資。

[@nobird8888]

謝謝長文回應分享。
片中婆婆口中是定期存款，可能仲未分到定期存款和儲蓄保險，通常是做定期存款時，有職員會介紹下，說一堆東西和好處，一耳仔軟就買左....
這些事每天都發生的。 我上一個月去做定期存款，銀行職員都推一份儲蓄保險給我，保證部份只有0.1厘，非保證就好似唔錯(都唔係高)... 15年才回本...
我計唔掂片中婆婆那條數($40.8萬

[@HoneAndy]

​@@nobird88883年供款(这3年是沒有錢）然后5年每月派給你,則是話資金先銷你3年無得用(如要提早提取部份資金,是有嚴荷条款,影响整筆資金派發,買政府年金亦一样）后分5年每月派一定金額,如買的金額很少,派发年期又長的,每月派发的金額更少得可憐！就尤如背著一袋錢,每月漏2個銅板給你！

[@lamdennis9904]

有位KOL提出自製長糧: 將現金分為四筆，做銀行定期，每三個月便有一次息。另外，股票也不一定是洪水猛獸，例如匯豐(5號仔)，現價買便有8厘息，過去幾十年都持續派息。間中不派息/供股，而導致股價大跌，反而是低吸機會，升幅一倍以上。

[@nobird8888]

現金，定期，股票，仲有一樣係咩？
無問題的，最緊要知自己買咩，點解買，大跌的話，守唔守到。❤️
不過，所謂8厘息係咩時候計，今日計係6.8厘，但在在100蚊或150蚊買就唔係6.8厘了..
或到$30時，仲有冇錢或仲敢唔敢低吸要諗諗。
今日恒生出業績，中期不良貸款比率升至5.32%... 都幾誇張， 如果買左銀行股都要小心留意...😉😊

[@tsl6786]

滙豐越來越受中國影響 到退休時佢會點好難預計喎

[@HoneAndy]

在銀行内职員推的高息存款,分多种年期,3,5年存款,实是保險存款,3年存款后,5年取款(美其名定期存款)或其他形形式式,要小心是否適合自己,因整筆存款要銷定几年,要中途取走是要罰息的,除非是不等用的才好!

[@nobird8888]

同意呢～！謝謝支持！😊

[@wythy2474]

不鳥老師講得好👏👏👏👏👍👍👍👍❤️✨🙏這集又令我增知識令人好鼓舞和壯志💪💪會記住不鳥溫馨提示：一不貪心、二不輕信、三不自作聰明、安心老實享生活🌸🌸🌸“每日儲$1轉$10過了一年金額便可觀” 儲蓄的魔力！！💪💪

[@nobird8888]

感謝whthy~ 👏👏👏👏👍👍👍👍❤️✨🙏 你的EMOJI好鼓舞！
積少成多，聚沙成塔～💪

[@tsl6786]

一年三千幾吧

[@wythy2474]

@@tsl6786 可幫補包利是😊

[@siusiuchan1301]

加油，你影片好認真，好細心，條片5啱數，真係細心計，謝謝你的影片,我有排先退休都好鐘意你的影片。

[@nobird8888]

@@siusiuchan1301 感謝你的支持和鼓勵呀！😊😊

[@sosofung9548]

不鳥睇左你無耐，我心安左好多，以前覺得幾多錢都唔夠退休，但計計下，睇埋你教嘅方法，又可以提早退❤好感恩你帶出正能量，好一句🫶🏻幸福☺️不是擁有得多，而是想要的少，令我茅塞頓開🤗

[@nobird8888]

好開心你留言話我知道！🥰🥰🥰
你得到最重要的：不是擁有得多，而是想要的少，人就快樂。🥳🤩
錢係追唔完架... 像海水，喝得越多越口渴。
在香港，一般人衣食行其實差唔多。
住，有錢咪住私樓，少錢住公屋。
最後退休，有幾百萬到拎綜援，從生活黎講，差別係有，但唔係天淵之別，基本生活大家都咁上下。反而多錢的人好擔唔夠用，焦慮憂心，唔敢用錢。
片中翠萍，一天$100已足夠。
實際很多樂事都不用什麼錢。
較多錢的人，有能力，身邊的人賺錢也多，一比較，自己便不斷想揾更多錢，但可能只是數字。到老去，到百年歸老根本用不完。幾十年為賺錢的時間白白浪費了，自己真正想做的，退休時卻因健康年老時做不到...
記住退休條數一定要預未來幾十年通脹，和極端的改變（如減息，股樓轉差之類）。唔好只預到“緊緊夠”，要預多d錢做緩衝應對🙏🙏 祝退休愉快！😊😊

[@tsesharon192]

無意中看了你的頻道，今我領悟必須為自己退休而計劃，之前好擔心自己一把年紀未必儲到錢，而家聽了你的意見，一步步去實行及養成儲蓄習慣，而家心也定了。

[@nobird8888]

很高興看到你的留言！😊😊
感覺這些影片有些價值，讓你開始儲蓄和感到安心。
很多人有很多錢都不安心，包括很多億萬富豪。
我直到早兩年前退休時都有一種不安感：「會唔會有一日用晒？或出意外冇晒錢？D錢越黎越少點算？」
說真的，即使我已經有一般人看起算有不少錢... 都會不斷自我恐嚇...
我就用第9集的方法去處理，又學習一些技能，或想像自己有一天沒錢做便利店或保安等的工作...
機緣下又做了一些長者退休系列，我自己也有得著，發現香港有很多重的保底後備方案。
正如上一集說，如果網友B $50萬都慳慳地都可以退休長用長有，自己驚乜？
再退一步，無晒錢，綜援，都唔駛死，補助埋屋租和食用開支...
現在就更如你所說更安心了。我都幫到自己。
趁年輕，只要肯儲，一定唔會太差。有心唔怕遲，最怕你唔開始！😂

[@fokfok-o1z]

我72歲銀行定期三個月再續期又三個月疫情期間低位買入實力股每年回報8里😅

[@nobird8888]

叻叻～！！😊😊

[@chuiyanauyeung]

不鳥 很喜歡你的短片 提供了很多價值
指出好多坊間的谬誤❤

[@nobird8888]

謝謝Chui Yan支持！❤❤
可以也看看其他影片呀～謝謝～

[@glmyim]

銀行職員Sell理財，就好似騙徒一樣，層出不窮

[@nobird8888]

呢句我唔敢比心你... 雖然.... (下省3000字) 😂😂

[@choipeter3274]

請不要聽銀行理財員的說話.你未簽名的時候.他的說話很甜.每星期有多少.多少回報.但你一簽了名.他的面口以不一同了.以後的事他以不理了.20萬澳洲元.四個月.以唔見八千.立刻走人.玩嘢!1澳洲朋友上.

[@nobird8888]

@@choipeter3274 🥲🥲
好想知道詳情，能否說詳細一點？😊

[@angustse9410]

@@choipeter3274 仲會教你聽完佢D講解D條款細則後講果句標準答案: "清楚明白"

[@alfredalfred9730]

@@nobird8888❤

[@chifaichan2315]

1. 不貪心。2. 不輕信3. 不自作聰明。

[@nobird8888]

@@chifaichan2315 😉😊👏👏

[@tsl6786]

還要識計數啊

[@watsiuhang9408]

咁 香港年金可以嗎？

[@nobird8888]

@@watsiuhang9408 香港年金信得過，但要識用先得。

[@cheungyam2390]

本節日最值得鼓掌心的不是叫你防範甚麼掛鈎產品，或者乜嘢基金資產。
當中最大建設就是你要未雨綢繆，可先要不斷學習有關投資的知識，汲取不停更新的政經新聞，這樣你做出來的舉措，才可保本獲利。
天下沒有免費午餐，不是你說的玩玩下，你想要怎樣就怎樣！因為你不是阿拉丁神燈的阿拉丁。
當然，定存也是其中投資比較保守，安全的一項。
過去十八，九年，我做過四至今年的六厘息的定存，不下十次。
而購買不同跟行的保險產品，也是因應公司主任要求而買。
我當然知道風險，問題是倘我在公司出事， 可以拖條叫我買保險產品的「茂里」😅落水撑我！
後來我轉變風向，離職後便不再買任何那些產品，甚至無良親戚誘說我買些甚麽金，我也闊佬懶理！
昨年做定期賺取的利息足夠我電匯很多次出入滙率，我便停止不定期了。
當然真正退隱後賺取高利率回報，雖則市道維艱，學到老做到老，始終不失為賺取聰明錢的不二法門及無窮空間！

[@nobird8888]

是的，要不停學習，與時並進😊😊

[@janetchan5575]

00

[@黎廣雄]

一句講哂利大本無歸，祇有風險大才有高利息，看你博唔博。😅😅😅

[@nobird8888]

@@黎廣雄 哈... 利大一定有d隱藏風險😆😊

[@wongada4774]

我尼2日先發現不鳥聽的片，好多謝令我頓醒悟，會日日遙看😊

[@nobird8888]

感謝你的支持！如果有咩頓悟記住話我知，可能又令我再頓悟一次😊😊

[@yu839yu]

銀行咁衰嘅！？我要多D睇不鳥影片增長理財退休知識，將來做個唔比人呃的阿婆！謝謝不鳥sir的用心制作❤

[@nobird8888]

唔可以話銀行衰既，明買明賣，有人真係覺得好。
等於我定期4厘，銀行可以轉手做美國國債，賺1.x厘息差；或借俾人收更高息。
我要方便安全，他拿我的平錢賺左D風險錢。
最緊要自己要小心識計～ 唔好咁輕易被人拎左你的母雞本金。😊
不用叫我sir啦，無教班，叫我不鳥或Yo不鳥 OK。😂😂

[@平凡-p2n]

剛發現你這個頻道, 你的視頻做得真不錯, 謝謝你教我理財知識🙏

[@nobird8888]

理財其實係簡單，黎黎去去都係量入為出，慳錢，儲錢... 最難係知行合一，長期實行。
捉住自己不必要的慾望，唔好亂洗錢。
精打細算d，因為商家好多數字古惑招氹你拎錢出黎買野，買多d買貴d...
投資就複雜d, 真的要花時間學。
但做好理財部份，長遠已比一般人生活好很多。一切‘’不缺‘’。😊

[@naitingluk49]

​@@nobird8888你不是甚麼又甚麼的理財顧問嗎！

[@nobird8888]

我不是理財顧問呀，做這些影片只是興趣和把二十年學到的知識幫下人。
而且，就算我都好，我都叫大家唔好盡信，你點知會唔會我會唔會有一日會講錯或呃你。
自己一定獨立思考能力，唔好因為邊個講而相信，而係講的東西有冇道理，是否正確。思考過，正確才相信。😊

[@anthonyyau6978]

🎉卂5​@@nobird8888

[@charles5605]

對投資或匯率無概念嘅人，銀行做定期都要小心，我媽就係乜都唔識，好耐之前去銀行做定期，職員叫佢做美金定期因為息高，所以由港幣轉美元做定期。做咗幾年後，定期到期，職員話港幣息高，叫佢做港幣定期，美元對換港幣，匯率蝕哂咁多年定期收息。

[@黎廣雄]

這個世界怎會咁多着数，高息掛勾產品又唔係叫你去投資，贏息輸價仲死。😢😢😢

[@kent-v4z]

主持：請問你認為幾多資產先最適合買政府年金或用幾多個percent嘅資產嚟買政府年金？

[@nobird8888]

唔可以一概而論，每個人的情況唔同。有人有樓，有人冇樓租私樓，有人有子女俾家用但同時要留層樓俾佢地，有人開出大有人開支少，有人申請到長生津，有人唔得...
有人想最後無錢申請到綜緩（如果買左年金，資產超左額申請唔到），又有人想盡量靠自己有D錢知道自己未來唔會考慮申請綜援... 好多唔同情況。
最好自己學識，你睇返之前D片，例如第61集，知道自己點計點分析最好。😊

[@kent-v4z]

@@nobird8888 哦知道，我剛剛訂閱！

[@健新-s2h]

保險最厄人，有保險若資產超過287800就上不到公屋，另一風險係當你供滿要取錢時，保險公司會扣返幾十萬管理費，又話投資大部份蝕光，最後種種原因話你其中有一期無供，己.斷層遣反合約。所以無得賠

[@nobird8888]

有好有唔好，唔適合自己下次唔好買😊😊
不過有時見d人賠唔到都幾慘...

[@choipeter3274]

請大家小心.請不要聽什麼什麼投資顧問的說話.你一定上當.因我也是一名輸家😅

[@AngieLi-xf1dy]

@@choipeter3274 同路人😭

[@DayDayTraveledmondchok]

保險產品唔係壞 只不過係agent壞

[@AlanCheung-i8m]

翠萍姐姐 好識計數，佩服 🙏🏼🙏🏼👍🏼👍🏼

[@nobird8888]

是呀🥰😊

[@brucewan5097]

不烏, 想請教做定期存款應如何分配? 如果只有100萬, 做一筆過安全d? 還是你另一個建議"定存3段撃" 分開3筆, 1,2,3 月做靈活d, 利率議價能力效高好?

[@nobird8888]

👍👍有睇晒d片喎😆😊😊
睇你目標，想靈活定要高息。
同睇你身家有幾多，風險考慮。比如你有300萬，唔怕銀行執，1炮過100萬可能高0.5-0.7厘 (可能係4.2厘同3.5厘的分別）。
如果身家120萬，你怕銀行執，就分2間50萬 ，abab咁做，有 50萬存保，唔駛分3間。
有d銀行50萬都算大額，有d 100萬先算。
睇你做邊間，揾2間或更多間轉黎轉去。😊

[@brucewan5097]

@@nobird8888 多謝你極速回覆，長知識，你不理財，財不理你👍🏽

[@xxyyy3020]

請教下 早兩三年 買咗份醫療+危疾保險 每年保費美金2000幾 有啲類似啲人壽保險 供到唔知30年以後可以攞返本同息走
呢類保險值唔值得繼續供？

[@Moonlight426-k1w]

😂完全不值

[@天天向上-z3k]

主要看保障先

[@xxyyy3020]

@@Moonlight426-k1w 可唔可以講下點樣不值呀？ 都唔知仲供唔供好 當初供係諗住有咩大病入院叫做有保障有得claim…

[@afsp8884]

​@@xxyyy3020我都買咗兩次咁樣嘅產品😅我已經供咗大概五年
同你一樣唔知好唔好繼續搬落去

[@tadrict]

搵笨，如果想買保險，只可以買term,。

[@estella9299]

對於份人民幣儲蓄保險，我估計翠萍記錯左。可能人民幣1700係保證部份，另有一個不保證部份（幾百塊）。我媽媽買過一份恆生港幣儲蓄保險就是這樣的，似年金操作但每月派款分為保證和不保證部份。另外，我媽媽在低息時代在中銀銀行買了一份5年美金儲蓄保險，她很滿意回報，但後來年紀大過70歲，中銀說她不可以投保儲蓄保險計劃了。

[@nobird8888]

不知道呢，我嘗試找過當年相關保險，卻找不到... 但當年息低，保險儲蓄都一定不會太高。長年期更慘。
你例子，5年係合適d。😊
我都唔係指儲蓄保險一定唔好，一定要知係咩黎，回報係咪好，要識比較，值唔值得做。
以前有d保險係好的，我看過有人做保險自己買的保險回報，比起當年出面的投資的回報（同樣風險）是好的。
長年期的投資一定要諗清楚，包括美國國債都係。即使今日4.x厘係好似好高，買入想鎖定20年高息；但萬一出意外再升息 升到7-8厘，咁呢個動作就係變左傷害。（當然如果減息就有賺，價升或成功鎖住高息..) 無論如何，未來大家唔知，都要考慮。😉😊

[@estella9299]

@@nobird8888 老人家，唔識亦唔會買美債，還好這兩年高息，等佢地高興下。

[@estella9299]

@@davidlau2787 老人家大概是打算在內地用的。

[@waichen7846]

請問港幣轉做美金好不好呢？上年纪的人，建不建議開海外户口？供多年的壽險
（美元），保險公司都是给3.5厘，想取紅利放在銀行，不知這對不對？

[@nobird8888]

如果你一般用港元，要用到有匯兌價差(聯繫匯率下可能一來一回最多有1.3%損失)。
開海外戶口為的是... ? 怕港元脫聯匯？
如果好有錢，開個海外戶口都無妨的，唔多錢都無乜所謂。
但問題如果身體有問題時，要處理或要別人代為處理等事宜要搞清楚。 例如，香港銀行的戶口，如果有病，有醫生證明你清醒，銀行也會派人可以讓你親人代理處理一些財務事。海外戶口我不知道。
如果錢放在銀行美元定期也有5厘左右的利率，比起3.5高。如果自己做美國國債也有5厘或更高。
所以變相保險公司吃了1.5厘的利息。😊😊

[@waichen7846]

@@nobird8888 唔該曬

[@Nobody71110]

做晒呢啲分期出嘅年金同定期收息，最大嘅好處就係減少被騙的風險🙈

[@nobird8888]

都係，無錯～！係有呢個好處。👍👍

[@dicksonlam8759]

不鳥你好， 我希望增加年金每月收入。請問技術上可否將自住物業做安老按揭，一筆過提取現金再去買年金？從而提升每月穩定收入，因為可見未來按揭息口都應該趨勢向下。
謝謝指教🙏

[@nobird8888]

安老按揭已經是每月派發年金。
筆過申請貸款，安老按揭派的每月年金應該會減少。拿一筆過的貸款再去申請年金應該冇咩著數。
同埋要留返D錢去維修之類，風險位睇返45集。
舉例，$500萬樓，60歲定息，終身年金係每月$8250，一筆過最大貸款係$1,396,000.
如果將呢筆錢放入政府年金，終身每月年金只有$7471；少過放安老按揭。
你呢個情況太複雜，我只係用佢個計算機計。😊

[@elaineWong-xx1yr]

又係上堂時間啦😛✏️keep住睇不鳥，除咗增加理財知識之餘，仲可以學到要充分準備自己，用積極心態面對當下🌈

[@nobird8888]

🥰🥰
學習同積極心態係好重要呀🫶👍💪💪
一個心態轉換有時比賺到一百萬更重要，例如第8集和第9集所說的。😊
好似知足常樂呢d, 老生常談，但明到用到就好實在幫到一生。
仲有好多好有用的想分享架，呢2年特別深刻真誠有用，有機會再分享。😉🤣🤪

[@hungtam4843]

頂該未計算貨幣實際購買能力？通脹同埋通縮頂樣計算？個人見解thx

[@nobird8888]

@@hungtam4843 一般我自己會用3%通脹計，20年購買力大約剩一半左右。
鏗鏘集本身條片中間有位女士在翠萍個個案中間講通脹，因為我將條片斬開講，所以下集會講少少。
以前d片都有提過（例如第63集），可以去睇下。😊

[@whoIam1010]

由年青到现在，我都花錢謹慎，量入为出，理财有道，從没欠咭数也没付过利息。
分享个人经验，定存回報不及投资股票（实力龍头股）。所以我的资金1/3 做定期 1/3 买債卷 1/3 买股票。
我手上其中一隻#941，股本约$30多萬，長期持股收息。
今年的股息$4·83(息率超过9厘了)，多年收息超过十萬，比定存好太多了！

[@nobird8888]

非常好～！謹慎理財再學識投資，一定相得益彰～！😊😊

[@LawlawShing-ev4qp]

如果真係跟你買就交智商稅， 各位長者千祈唔好畀呢啲 撚樣氹 真係上網睇到就以為有錢賺，買入。 記住股票市場係 龍虎之地 畀人食咗都唔知

[@LawlawShing-ev4qp]

定期雖然回報低, 但是贏硬. 長者退休就唔好求高風險高回報 買太高風險嘅股票

[@whoIam1010]

@@nobird8888 謹慎理財再學識投資，所以我的资金1/3 做定期 1/3 买債卷 1/3 买股票。💰💰💰

[@yeewong5514]

我香港人 60歲之前 我老公一個人養五個人 我今年70歲 儲蓄了十年錢 現金大概有一百萬 應該怎樣做 等待教導 投資 謝謝

[@nobird8888]

好難就咁講應該點樣做。要睇支出幾多，有冇便宜的住屋(如公屋)，有冇人老人家要養，子女有沒有給家用之類。最好學識自己計條數自己計。
可以睇第61和上一集71集。😊

[@rammiekong2276]

你嘅影片好貼地

[@nobird8888]

感謝支持！ 希望幫到有緣人啦🥰😊

[@ngj1592]

銀行是牟利機構 , 只有自己小心處理 .

[@nobird8888]

@@ngj1592 是的😊

[@HarlanYeung]

從來都冇人會願意教真正嘅理財方法，真正嘅理財方法例如點買股票，點解要喺嗰個位買，點解要喺嗰個位賣，教左比人後就會失效。
叫人一定要投資理財，就好似政府咁亂咁叫人去買呢樣買嗰樣去理財，人地蝕左錢後就話人地唔去理財，又話人地唔理風險，又話人地唔去學野，全部都係不負責任嘅人先做得出嘅做法。
叫人要留意衡量風險，仲有介紹投資產品嘅特性，介紹市場嘅規矩，呢啲全部都唔係叫理財方法，政府同金融業界就去誤導市民大眾話呢啲叫理財方法。

[@nobird8888]

@@HarlanYeung 我會分開理財和投資。
可以唔投資，但一定要理財。
理財最重要係量入為出，唔好洗凸，儲下錢，控制好自己的物慾，唔好先洗未來錢，有1蚊洗2蚊，一般人都可以做到。
投資就有不同產品，不同特性，買賣時機，個人性格和技術，心理是否合適等配合等才能做到。
你講得岩，就咁要人買mpf真係未必係好的投資，可能唔買mpf自己儲埋仲好過買。
求其買d儲蓄保險產品就以為係理財，咁就可能中晒伏😅😅

[@HarlanYeung]

@@nobird8888 政府同金融業界只為左條數好睇，只想搞金融中心，成日叫人要做投資去理財，佢地自己都冇一啲必賺嘅技巧教到比人，亦都冇近乎好似定期存款咁嘅低風險但又要有合理回報嘅產品比到人，睇完投委會嘅網站啲野，其實根本就同叫人賭錢冇分別，而且佢地講完成堆野後就將啲責任推得一乾二淨，你賺錢就係因為你睇左佢地啲野識得點理財，你蝕錢就係因為你唔去衡量風險亂咁投資，全部都係為左支持金融業搞出黎嘅野。

[@sklai1907]

其實退休係靠四大支柱，強積金/ 政府強制供款，私人投資儲蓄，政府生活補貼，家庭支援，其實決一不可

[@chichunglam9413]

先不計強積金回報，其最大缺點是退休一次過俾返成世人儲落的錢！好多人成世未見過咁大筆錢。可能短期內花咗、可能俾親友氹咗、可能俾銀行氹咗買理財產品.....
教育退休市民處理資產更為重要！

[@WingSangYu]

@@chichunglam9413 比親友氹，比銀行氹，比保險氹，話比佢去澳門過大海全部輸清咗。

[@hongchajlaw5993]

我睇咗一陣但已經唔想睇 入唔到正題 做定期梗係係銀行做 點會響其他地方度做我 見到有其他留言 指片中女士並非喺銀行做定期 或者俾銀行遊說的其他高風險投資產品 其實做唔做高風險投資產品 自己可以決定即使做左 都有兩星期冷靜期 隨時可以取消 要確定下自己會唔會耳仔軟 比銀行職員遊說

[@nobird8888]

謝謝你開黎望過，睇唔晒有D可惜，講退休投資思考分析。唔緊要，今次可能無緣... 😊

[@angelchoi3059]

依家銀行職員會以買年金為名，其實係份保險嚟架，我試過去銀行做定期存款都要求D職員比我做最基本的港幣定期，佢哋有很多款唔同嘅供款介紹比你，大家都要提高警覺，要好小心千祈唔好貪特別高息嘅產品！

[@nobird8888]

@@angelchoi3059 謝謝分享！🫡🫡
呢個真，聽聽下唔留神冇計清楚條幾十年的數，或諗清楚自己需要，好容易蝕底。🙏🙏

[@koneliem7704]

未雨綢繆、居安思危，不是每個人都肯去諗同實行的，而佔大多數添。否則各地的政府又點會推行咁多強制退休計畫？現在唔少年青的，甚至中年人，抱著及時行樂，開心地做月光族，食得好、穿得型、玩得過癮，明天的事明天面對吧！所以不鳥如何苦口婆心勸說，都改變不了這些人的，心態決定命運，但又有幾多人肯為將來籌謀？當年香港一個財爺講過：給魚吃不如教人釣魚，但都要那個人肯揸支魚杆。

[@nobird8888]

感謝Kone長期支持。非常同意呢～
這幾天看到留言很感動，有的朋友因為看這些影片由沒有儲蓄變得開始儲蓄，由對退休或金錢不安心變得開始安心，感到有的有緣人因此而生活變好了。😊😊
用婆婆金句：「唔識打算一世窮」，就算蔡瀾大情大聖食好住好，早前訪問都話要剩錢要儲錢唔會用晒。要為未來打算。
希望各位行一步改少少都好，如果由碌咭或借盡買野變成唔借錢，由每月用晒份糧變成儲返少少錢都已經好好了。開始左1步就會有第2步，學識自己釣魚，越學越多，越來越好。😊😊

[@xiaodingding4438]

咁啱有ag游說買储蓄保，正在考慮中，偶然睇到哩条片，很受启發.
係19年买咗一份储蓄险，當時是低息环境下，銀行話如果一次過交付，5年回本(總額)，第六年有4厘回報，目前啱啱滿5年，还沒收到年报.
睇番上年报表，比預期己少咗万兩蚊，如此类推，第10同15年比預期少的总多.
当时买只係覺得計劃唔錯，退休后可以當長粮，冇話4厘，有3厘己偷笑😜阿Q哋諗，都沒算太差.🤣

[@skpoon0314]

分析得好好，好有教學🙏🙏

[@nobird8888]

感謝支持～！！😊😊

[@chihungchan5086]

防不勝防，處處是陷阱，即便是銀行，他們盯著的是你的錢！

[@nobird8888]

@@chihungchan5086 絕對係呀😆😊😊

[@cobet3660]

不鳥分析得很好

[@nobird8888]

感謝你🙏
江郎才盡🤣，近來無乜靈感，乜都揾黎講下😂😂

[@decemwun7792]

翠屏成屋金擺設，肯定係幫襯咗唔少儲蓄保險🤔

[@nobird8888]

唔知要整咩先有呢？？🤔🤔

[@denniskwong-o1f]

再講，其實而家係銀行做港幣新資金定期存款，3個月都有3.5%，即係存100 萬，一年有$35000 利息，3個月就有$8750， 使乜俾其他人做！3個月之後再搵其他銀行開戶口再做新資金定存，假設全年年利率一樣，咁樣一年就有hk$35000 利息，點會蝕錢！

[@nobird8888]

如果100萬大部份銀行算大額，可以做到4厘以上😊

[@shdh7705]

​@@nobird8888鳥兄，富邦三，六個月4.05%, 一年4%.
南商半年4厘

[@fudonna327]

​@@nobird8888雖然喺同一間銀行做100萬定期會享用到大額高息，但有冇需要考慮咁係冇左50萬存款保障?定係我過慮?（總之，都係多謝你分享好有用嘅理財知識。）

[@nobird8888]

@@fudonna327 你岩架，唔係過慮。
如果只有一百萬，分2間各50萬好d。
如果有幾百萬，分幾間放$100萬嚮都ok，出事都唔會冇晒。😊

[@fudonna327]

嘩！高速回應，誠意爆燈! (你啱啱多左一個粉絲😊)

[@lutmingtsoi8460]

自己不懂理財，但相信對方能無私幫你理財。對方要是有本事就不會打工。

[@nobird8888]

😂😂 有句說話是，‘’華爾街的有錢人，會找沒有錢的理財顧問理財‘’😂😂
你講得岩呀，勁既合理地已經發左達，唔會打工幫一般人理財。
都有既，為數不多，有能力但未發達，遇需要些時間的人。😊

[@lutmingtsoi8460]

@@nobird8888 補充一點，他們公司都是投資，甚至投機。李嘉誠也不保證長和賺錢，他們卻誤導大眾所投資公司每年有錢賺。是誰告訴這些保險經理？？既只是普通的打工仔，亦不是所投資公司的一把手。私人公司不保證賺錢，政府每年盈利也沒有派現金和直接取消個人收入稅。大話說一百次就能成真？還是所謂基金經理私人貼錢作保證？？

[@lutmingtsoi8460]

@@nobird8888 真正理財顧問，系個市唔對路即時幫你拎返所有資金，而唔系好似強積金公司畫大餅，既無得退市，亦要強迫交所謂管理費。完全系犯緊法，同黑社會無分別。

[@nobird8888]

@@lutmingtsoi8460 管理每年食食下都唔少野🥲

[@ang1783]

証明現今的金融制度不完善，大有問題。錢的价值竟然不隱定，儲起了的錢被迫去投資，要理財，投資理財就小不免會虧！該要金融改革，令錢的价值不變！退休後就不用去投資理財了！

[@nobird8888]

可以看第5，6集。現今金融制度是精心設計的。
貨幣每年貶值，等於暗中偷去所有人辛苦用勞力賺回來的財富，底層的人不曉得，只能不斷工作賺錢，賺最基本的生活，不斷為權貴服務。明明科技和工業進步，工作時間比起從前還要多...而且永遠擔心錢不夠用，生活充滿憂慮...🥲🥲
沒有有權有勢的祖先，唯有學習賺錢和投資，跳出這個倉鼠跑輪，重奪自由人生。😊

[@lamtony8254]

謝謝提點我們🙏

[@nobird8888]

Tony, 感謝支持!😊🥰

[@cathyho9931]

其實事在人為，只要你肯去做一件事，無論你幾咁唔得閒，肯做一定會做得到。反之，你唔肯做呢件事，即使你得閒到爆，你都會周圍同人講，我好忙，呢啲嘢唔得閒攪。

[@nobird8888]

哈～ 無錯無錯～～ 正如我依家零晨3點仲回緊你呢個留言... (今晚好多留言，我已經覆左5個鐘...😂)
想做，一定有時間，唔想做，多多時間都唔會做。😊

[@洛水天依-p8i]

老實講，我當你40歲先至儲夠一百萬，將一百萬可以用黎投資全部買曬美國標普指數etf年化都有12%， 計少啲10%黎計60歲退休升值20年而家都六百幾萬啦，六百幾萬你攞去 買美國長債每年派四厘幾息嗰隻， 一年廿幾萬都夠曬洗啦。

[@nobird8888]

40歲到60歲期間，因為通脹，購買力會貶值一半。即係到時的六百萬只有今天300萬的價值左右，到$24萬只有今天$12萬的購買力。
另外，關於美股ETF，之前有好幾集也說過可能出現的風險，有興趣可以看看。
最緊要守到揸到，拉長20年，美股ETF都係一個好選擇。但All in 都有一定風險，要留意。😊

[@sooalice1316]

不鳥講得好啱！！All in 一定有風險！投资耍分散！

[@tsl6786]

各國政府不斷印銀紙 個人儲蓄不斷縮水 力量太大 難以抵抗
我想最好的理財方法就是儘早買自己真正需要的東西 排除日後的通脹
這女士最明智的投資就是買樓 當然 佢96年買 高位接貨 也應驗了她母親的"唔識計數一世窮"

[@nobird8888]

無錯，非常同意。😊😊

[@Apple-oz8wm]

所有投資產品都有風險, 就算所謂保本投資, 一樣會蝕, 就係蝕通漲, 唯一好處是蝕少D, 唔會輸身家. 亦唔好完全相信個投資產品的經理, 如果佢嘅預測 100% 準確, 佢自己一早已經發達, 不用出來工作了!

[@nobird8888]

你講得好岩～～！我非常同意～！！😊😊

[@swy339]

長期一年洗六萬只係基本, 年紀大就經常睇醫生， 比年輕時有更多醫療需要， 呢一筆先係問題！

[@nobird8888]

佢自己都評估過：「除非有大件事突發要一大筆錢」
唔知佢有無保險，可能婆婆預有病去公立醫院。最怕係長期病，多多錢都搞唔掂。
所以老時身心健康第一最重要～！😊😊

[@chingmankeung6434]

第一次因爲哩條片接觸你，準備由第一條睇起

[@nobird8888]

@@chingmankeung6434 謝謝😊如果長者可以睇長者系列先，如果後生仔第一集開始睇更好😊😊

[@chingmankeung6434]

@@nobird8888 後生仔！好！謝謝你

[@g.sosolw2269]

中年算咩呀？？😅係咩第一集睇起？😊

[@nobird8888]

@@g.sosolw2269 就係由第一集開始睇...😊

[@myymh4]

無意中睇到呢條片，非常有用，即刻subscribe，我一直以為自己做咗好多退休準備，但有啲銀行推介嘅產品似乎冇乜進漲

[@nobird8888]

係呀，最好比較自己手上的東西，可能明白多D我講咩。😊

[@actainchan5042]

唔係個個老人都識上網識投資架，叫佢地睇叫佢地學，整係要聽得明都唔容易。

[@nobird8888]

係呀，幫唔到那些人。好多隱蔽老人同不太會用手機的老人。
唯有有人學完教佢地。😊

[@duncaninvest]

謝謝不鳥，你很有心機製作

[@nobird8888]

做下理財科普😂
Duncan，前星期打書釘唔小心睇完你本新書，寫得好好呀👍👍❤️

[@duncaninvest]

@@nobird8888 多謝不鳥支持和鼓勵！我想在blog中介紹你的channel，希望聯絡你得到多一些資料可以嗎？

[@nobird8888]

@@duncaninvest 多謝你先，不過我神隱，一直都冇向外聯絡😆
我地一定有機會見到，可能書展暗中揾你簽名..
. 😂😂😂🥰

[@nobird8888]

6月頭旅行時見你話group入面有個有個億萬富翁... 好想覆你...
個group被人騎劫，喧賓奪主咁都幾煩😂 如果那個人係雞棚，有人信又俾左錢，被佢呃左錢，仲煩... 😵 踢走佢又唔係咁...
和而不同的精神真的很重要。
正如我未必會依家買科技股或唔好呢d時間重倉入美股，你會，因為大家情況唔同，你一定有profit嚮底（跌左唔影響退休生活）又深入研究，內心強大已試過大跌5成，一般人做唔到，我都唔得，因為大跌可能會影響我退休生活，咁係我能力圈的問題。
唔係因為某人大聲或有錢就正確。同埋好多事邊有絕對正確... 只係觀點角度唔同而已。
😊

[@duncaninvest]

@@nobird8888 好呀，2024/07/20 星期六 下午 3:00-3:30PM，我在天窗出版社攤位 會展 Hall 1，1A-D12，有緣就見到

[@tyka6465]

謝謝不鳥！

[@nobird8888]

感謝tyka長期支持！！🥰🥰😍💋

[@lojanet5092]

支持讚好,講得好👍💯😍

[@nobird8888]

@@lojanet5092 感謝支持🥰😍😊

[@STRONGTANG-f2r]

總之投資就應該考慮清楚和聽多些分析意見

[@nobird8888]

無錯無錯😊😊

[@曾阿牛-g7z]

依家係香港想安享晚年，第一唔買樓等上公屋，第二唔買股票會跌死，第三唔做生意會破產，最好靠公屋，公援公共醫療萬無一失最聰慧做法

[@nobird8888]

謝謝支持！😊😊
要計下自己成盤數，有能力上流就就上流買私樓，上流唔到有間公屋幫到多。香港長者最難係租金支出，搞掂呢一部份，健健康康，其他基本生活費應該可控不高。

[@koneliem7704]

​​@@nobird8888 只可以講人的格局同心態，如果後生又有能力，卻將未來目標放係追求公屋，等同封上自己的路，以為小聰明卻誤一生。

[@LeungLeung-j1n]

個個想著住公屋，攞政府著數，如不是年紀大或殘障或智障，還好我是長者，真是冇眼睇，阿彌陀佛。

[@shingkuicheung8702]

最好是定期及銀行買實金有升值長線

[@kwongwong1154]

有營養頻道😊

[@nobird8888]

感謝支持～！！😊😊

[@chickdendyik7511]

呢集勁wor！支持一下😊

[@nobird8888]

感謝雞丁😘😘🤩🤩
唔知點解，呢集views數好勁，未到1日有10萬，破晒個人記錄🥰🥰 😂😂
希望長者或一般人睇完唔好被人游說買錯投資理財產品啦（唔了解／唔知風險回報），一定要自己了解清楚😊
超熱，今次送2塊西瓜俾你🍉🍉😘😘

[@chickdendyik7511]

用心做瀨尿牛丸一個字 掂💪🏽

[@nobird8888]

就黎乾塘啦😂😂

[@kakawong3553]

支持不鳥❤

[@nobird8888]

感謝KAKA支持～❤❤😊

[@chingyeeleung6068]

整理一下個字幕

[@nobird8888]

字幕有何問題？😊

[@蔡慈心-d9e]

吃虧就當消災，不需要斤斤計較，但求健健康康，才是福報。少得一場病，就是修來的福報。唔信？去醫院看看去，那裡像不像個“地獄”？所以，保持健康，才是人生的大赢家。所以，錢多錢少，夠用便好。

[@nobird8888]

@@蔡慈心-d9e 對的，預防到就預防，已發生了就下次學精。然後按你的方法去做，健康第一😊😊 謝謝分享。🙏🙏

[@蔡慈心-d9e]

@@nobird8888 願所有的人都得健康！🙏♥️

[@sallychan8923]

買股票跌咗大半。
唔知幾時才返本🤔🤔🤔🤔

[@nobird8888]

🥲🥲🥲

[@沈偉光]

我剛出來工作時就係唔識理財,比銀行職員遊說左買15年儲蓄保險,去到第十四年個個回報,得個7千幾元....同佢當時介紹預計,差八成....嬲到我即cut😓!

[@nobird8888]

@@沈偉光 🥲🥲🥲
好慘😭😭

[@jackylui1432]

如果網上銀行做定期遲早出事，唔好制會死人㗎😂😂😂

[@nobird8888]

@@jackylui1432 點解呢？😆

[@洛水天依-p8i]

問題係學校唔會教你投資， 唔會同你講經濟週期全部都要自己學， 有啲老人家年輕嘅時候掛住打工錢就放喺銀行等貶值而家咪要煩惱退休點算囉。

[@nobird8888]

好正常同合理，同埋以前資訊無咁多。20-30年前學習都要睇書，花好多時間。理財投資要自己學要有一定的耐性和基本知識。
現在那麼多免費的學習的渠道，有人UA-cam上學標槍拿了奧運金牌。
其實呢條片除左俾長者，更俾準備退休和年輕人，避開一D陷阱；
要增加自己的「帶寛」，唔好一直忙忙忙，要拿些時間增值自己。
花少D時間睇D無養份的東西，拎D工餘時間學習D有用的知識，可以改變人生。😊😊

[@WingSangYu]

年輕人學投資買股票炒期指，就被長輩罵係高風險，做定期先係正道。

[@nobird8888]

要學習，有技巧，風險可控😊

[@mandyyu8733]

多謝分享、🙏

[@nobird8888]

Mandy，感謝支持！😊😊

[@MaRco-hf6vp]

感謝分享
加油

[@nobird8888]

Marco 感謝你🥰😇

[@leerita1858]

有仔女都未必係會睇你，就算你為佢付出佢都唔覺得感恩你的🥲

[@nobird8888]

@@leerita1858 🥲🥲

[@許師爺]

支持不鳥😊

[@nobird8888]

謝謝許師爺～😊😊

[@cobet3660]

感謝分享🎉

[@nobird8888]

感謝支持😊😊

[@yeechichhoyeechichho6906]

期待下一集😅

[@nobird8888]

多謝支持～未開始整... 😂

[@frankychow8586]

又有新片🎉👍👍👍

[@nobird8888]

Yeah, Franky多謝支持！😊😊

[@judywong1]

長知識, 謝謝

[@nobird8888]

感謝感謝🙏🙏❤

[@kinhang13x]

如果做定期存款，本人唔係唔信銀行，移係方便必需紧要既時侯最時可以罗到手，本人唔係貪利息依個問題，本人2個戶口一個係人仔另一個港市戶口都係活期好方便得多🎉🎉🎉🎉🎉🎉🎉🎉🎉

[@nobird8888]

定期存款沒有問題，問題婆婆做的不是定期存款。不知不覺被人游說了買一份長年期保險...🫣
定期存款可以做短期的，像3個月，現在也有3.x-4.x厘。只放活期，蝕通脹。😊

[@akimoto3624]

學校社會無教過我理財
做野後我先開始學理財

[@nobird8888]

學校學識有咩係唔駛學😂😂
我諗我咁多年最重要係中學有位老帥教會我們獨立思考。😊
我剛search‘’理財 學校‘’， 依家終於有學校開始教理財了...🤑 ‘’才德兼備理財學校計劃‘’

[@yanchoki]

有層樓，可以做埋安老安揭

[@nobird8888]

係，2姊妹住冇仔女，可以係後備方案。😊😊

[@yuenyuentemple]

銀行月供外幣存款係保險產品，所以會有手續費，婆婆條數可能係扣除手續費後嘅淨值，所以咁少，不用懷疑，真係咁少，以前都試過無知，在恒生做過一年呢類供款， 銀行sales唔會同你講係保險產品，唔會講手續費，一年過後發現所得連活期存款利息都不如，佢利息4.x%，好似好高，但手續費要3.x%，最後得1厘利潤，唔係話所有銀行都係咁，我試過就恒生係咁。

[@nobird8888]

竟然... 但唔會好似片中婆婆講條數，我計出來少過供款本金吧？
定似婆婆講錯金額？
一個唔小心簽左個名就... 😢 好彩婆婆底厚又慳。

[@yuenyuentemple]

@@nobird8888 以我理解婆婆講法，人仔存款係2016-2036年，31年內每月有$1700，總金＝$1700x12x31=$632400, 分20期派(即係唔係每月派)，每期$31620， 佢本金54萬，最後用左34年賺$632400-$540000=$92400，粗略計利率0.5%.....都係活期放銀行等埋滙率跌冇咁嬲。呢個計法純粹係我個人對呢類儲蓄保險嘅理解，都未必啱嘅。

[@nobird8888]

2016-2036點解係31年？

[@yuenyuentemple]

@@nobird8888 Oh, 計錯，21年。你啱，咁只能希望婆婆講嘅$1700係淨利息收入。

[@lorrainewong5372]

多謝！

[@nobird8888]

感謝Lorraine大大力持！！🥰😇😊
送蜜糖🍯俾你🥰

[@vin_323]

很多打工的，每月也祇餘下數百元，有些更失業，取眾缓过活，仲想如何退休，計劃，多Q餘。在后生，如果身體好，當然可以做兩份工作，有朋友因此也末期肝癌，去年巳死了，又如何？

[@nobird8888]

看情況吧
因應情況用自己適合的，有很多片也有介絕不同福利，可以去看。😉😊

[@vin_323]

正常的，有理想，安亨晚年是好的，但是每個人或每个家庭不一樣，有表姐，為了將來生活好些，已改嫁第二次，沒有可以說对錯，當作人生如戲去看吧，一笑置之。

[@nobird8888]

@@vin_323 係呀，人生好快就過，是非成敗轉頭空😊

[@pcwong38]

睇完真係😂，個位長者以百萬購入年金每月都收取五千加埋長者生活津貼四千一百都九千幾再加銀債收息每個月收入都應該接近一萬都足夠一個人生活費重做埋賺職更加有好生活，可以安享晚年，無需要投資任何投資理財方法。

[@nobird8888]

係呀，依家有好多方法，我其他片都有講。
呢位長者有D錢，10年前長生津都未有咁高，係呢年兩合併左先高。
所以好佩服佢識得為自己打算，慳錢儲蓄唔投高風險投資(雖然有D投資未必最好，但勝在非常安全，都係好的），完全唔靠政府都自己搞得掂。讚～！👍👍👍
依家有埋政府個安全網，自己仲有私樓，就更唔駛擔心。😊

[@chingyeungsi.891]

知唔知點解因為遲下都cut福利，現在用呢d手段引誘d長者借錢比政府。1年還幾厘講真有幾多超過80。算平均拎25年100萬1年6萬9千6算7萬25年拎175萬。等於比75萬息你1年3厘息訟平過發債。香港現在入不敷出。過多10年左右1定cut福利長者金目標之1。不過呢d陽謀黎最緊要拎左錢先可以玩多幾年。都我地下1代就要埋單

[@pcwong38]

@@chingyeungsi.891 cut既香港咁多老人個社會會點

[@pcwong38]

@@chingyeungsi.891 唔利用年金又如何每月有長者生津

[@nobird8888]

我諗政府都係拉上補下：年金有人蝕左(蝕左多年利息俾政府，再加上申請人不夠長命之類），另一邊廂錢就補返長都生活津貼。亂估，可能無拉上補下概念，主要靠稅收(大部份係有錢佬或公司俾，一般唔高人工俾好少）... haha...
都係睇下幾時無，但短時間都唔會無既，好多人靠佢生活，無左社會會亂，依家社會穩定第一。
再下2代咪埋下1代單... haha...
其實上1代都俾左好多野呢1代，好多基礎基建，我地一出世咩都冇做過就有，冇交過稅就有9年免費教育，都係上1代給的；下1代的年青生活也是靠這1代支持的。計唔到咁多架啦 .... 自求多福😂😂😂

[@lamzawong2498]

好正!!

[@nobird8888]

感謝葉月😘😊😊🥳

[@---hq5rh]

支持鳥哥

[@nobird8888]

謝謝小春子😉😊🥰

[@zanidaho1564]

銀行保險比正式保險回報低好多

[@nobird8888]

@@zanidaho1564 食多一浸🥲

[@atm1080]

香港生活費相當高昂，只靠儲蓄一定唔可以安心退休，一定要後生時學會投資知識，每月用負擔得來既收入投資，以增加自己的財富，才有安樂晚年。

[@nobird8888]

識得投資最好，但好多人唔會放心機去學，只求揾快錢...最後變左大鱷點心，輸得幾次就唔會再投資。想學的，又跟左d唔識或唔好的導師學壞手勢... 所以投資世界，賺錢的只屬少數人。
唔識投資，如果好似片中長者知道風險和保收息，識慳同識儲蓄，生活至少唔會太差。😊😊

[@elsalei4946]

三十幾歲單身, 前幾年已經開始儲錢學投資為退休做準備😆

[@nobird8888]

Good ar~!
早D準備，早D退休！！
早D學投資，試錯。到時40-50有負擔(結婚，子女，年老父母，工作不穩...）就開始唔敢搏輸唔起...
加油呀！！😊😊

[@pollywong7497]

交X銀行存款證可靠?謝

[@nobird8888]

@@pollywong7497 存款證不是定存...
係債劵，風險已經高左。通常係某分行的債劵，無$50萬存款保證...
風險係咪好大？又未至於... 要睇下邊度出.. 有咩風險。

[@kitlinkan6054]

最不實際係做有保險成份定期存款😅

[@nobird8888]

其實果d唔係定期存款😂😂

[@PandaYee-p3h]

多謝你：分享：❤

[@nobird8888]

感謝支持！～～❤❤

[@tomchan354]

年輕時還可以買保險，老了就不要買了，根本沒命享

[@nobird8888]

😊👍👍

[@tinfa458]

小心銀行職員“老點”你買一些高風險低回報所謂投資產品，投資？必然存在風險！定期，黃金，政府年金都屬於保守模式。

[@GBServices-u7d]

30年前 投資理財目標是300萬。但到了300萬的今天又是什麼！😢

[@nobird8888]

無錯呀！一定要計通脹呀。可以睇第63集。
雖然咁講，但今日有300萬其實都仍然好好呀～ 有300萬都夠長者退休了。😊

[@tonykwong5048]

点都好過乜都冇

[@mijp162]

Thanks 不鳥！nice sharing

[@nobird8888]

Thanks Mi JP🥰😍😊

[@patrickpo]

屌, 你好叻, 我第一次用電視睇呢個視目以經覺得好奇怪, 我覺得個阿婆比人呃左. 你分析到勁.

[@nobird8888]

哈... 我上年做第1條片時睇都唔覺，早幾日冇乜靈感做乜又睇下片... 聽到定期做5年或10年（上年都唔覺有問題），早幾日一聽就覺得有d問題（邊有10年定期）😂 即係，經過一年出片，個腦已經去到第二個狀態，細心同警覺左。
比如片入面讀政府年金$5800，因為鏗鏘集讀$5800， 但上年應該女性係$5300（個圖$5300同佢讀的$5800不同）。
整左片一年，對呢d產品通透左，真係變左退休專家😂😂😂😂

[@manmanman1868]

我唔覺得佢有智慧去理財，只係思維上係穩陣諗長遠啲而以。定10年⁉ 不過佢嗰陣時正字經濟環境還算安定，佢無賺而係蝕，檔比管理費囉！😅如果喺今日！咩嘢事情都會發生，正字經濟不穩，唔好講定10年，就連定幾個月1年都唔想啦！😅

[@nobird8888]

理財有架啦，好過好多人（量入為出，有儲蓄，精打細算...)，投資另一樣野。
整體好好了，自己搞掂退休，完全唔駛靠政府都退休無憂，活得自在～！
依家真係咩事都會發生！！打仗乜鬼... 一衝突咩都唔穩定。😅

[@AngieLi-xf1dy]

我先生真是被銀行職員誤導做左保险儲蓄，真是持牌騙徒😢

[@nobird8888]

@@AngieLi-xf1dy 🥲🥲唯有下次小心🥹

[@AngieLi-xf1dy]

@@nobird8888 🙏