УЛААНБААТАР ХОТЫН АНХНЫ ТҮҮХЭН БИЧЛЭГИЙН ТАЙЛБАР

1913 ОНЫ МОНГОЛ УЛСЫН НИЙСЛЭЛ ХҮРЭЭ
Улаанбаатар хотын анхны түүхэн бичлэгийн тайлбар
Жил бүрийн 05.18-нд ОЛОН УЛСЫН МУЗЕЙН ӨДӨР тохиодог билээ. Улаанбаатар хотын музейгээс "Олон Улсын музейн өдөр"-ийг тохиолдуулан Улаанбаатар хотын анхны хар цагаан түүхэн дүрс бичлэгийг музейн эрдэм шинжилгээний ажилтан Г.Очбаярын тайлбарласнаар хүргэж байна.
Энэхүү түүхэн дүрс бичлэгийг Францын гэрэл зурагчин Стефан Пассе 1913 оны 7 дугаар сард Нийслэл хүрээнд хийжээ. Мөн тэрээр Нийслэл хүрээний анхны өнгөт гэрэл зургуудыг авсан бөгөөд эх хувь нь Албер Канны музейд тус дүрс бичлэгийн хамт хадгалагдаж байна.
Уг дүрс бичлэгт Нийслэл хүрээний дараах гурван газрын дүр төрхийг буулгажээ.
1. Нийслэл хүрээний Мах худалдаалах зах буюу Махан дов, түүний баруун хойд хэсэгт байсан Инжианы гүүр (одоогийн Барилгачдын талбайн баруун хойд хэсэг)-ний орчмын дүр төрх, хөл хөдөлгөөн;
2. Гандангийн дэнж дэх Мэгжид Жанрайсэгийн сүмийн хурал номын үйл ажиллагаа болон хурал номоо дуусаж гудамжинд гадаалахаар гарч буй лам нар;
3. Зүүн Сэлбэ голын баруун эрэг дээрх монгол залуусын барилдаан зэргийг тус тус харуулжээ.
#Хамтдаа_түүхээ_мэдэж​​
#Хамтдаа_хотоо_хайрлая

[@semensemen9004]

Цагдаа бишээ. Оросын консулын газарын харуул орос цэргууд л байга биз дээ. Казаки забайкальского казачьего войска (буряты).

[@saikhanchuluunchuluunbaata2605]

энэ голыг яасан бол одоо бол байхгүй

[@ariganya]

Хасаг морин цэрэг юмшиг байнаа

[@enkhboldkhaisan7007]

Энэ Баримтат киног ДВД дээр буулгаж авах хэрэгтэй. Худалдаанд оруул.