林俊賢獨家訪問恭賀囡囡 力撐林鈺洧過往言論冇問題

林俊賢獨家訪問恭賀囡囡 力撐林鈺洧過往言論冇問題
當年身為TVB當家小生嘅林俊賢雖然近年甚少參與演出，不過佢嘅囡囡林鈺洧參選今屆港姐，更加一舉奪冠成為港姐50周年冠軍，呢日佢仲接受咗我哋獨家電話訪問，除咗講到對囡囡奪冠嘅感想之外，仲力撐Denice認為網上評擊無理呀。
Denice林鈺洧當選之後，喺訪問當中就曾經直接向唔信自己會成功嘅爸爸示威，而林俊彥就坦言知道結果時自己又驚又喜，雖然期間唔太睇好仍會得獎，不過就讚Denice參選過程表現非常唔錯喇。
而Denice過往參與其他節目嘅言論，就被網民重提評擊，身為爸爸嘅林俊賢呢日就話直接分享睇法，亦唔覺得有問題，不過就估計以目前Denice嘅港姐身份，會知分吋慎言咁話。
林俊賢同Denice雖然多年來各有生活，不過10年經過網絡相認，呢日林俊賢亦直指對當年處理欠佳非常遺憾，仲話有時間一定會爭取同Denice見面。至於有傳佢已經退出娛樂圈，呢日佢喺訪問亦都否認，仲話有時間同合適機會一定會再同大家見面，不過就要遷就工作為先，佢仲話唔抗拒同Denice父女檔合作出現呀。
#TVB #娛樂新聞 #TVB娛樂新聞台 #林俊賢 #林鈺洧 #港姐 #冠軍 #父女 #電話訪問 #獨家 #性史
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0