Melayê Cizîrî - Cizîrî - Hacet - (Deng û reng û amadekirin: Neşmîl Nizamî )

Deng û reng û amadekirin : #nashmil_nezami
#neşmîl_nizamî
Melayê Cizîrî
Remzên te di canan, ne bi endaze diraz in
Heryek bi hezar rengê, rewanê me dixwazin
Wan derbe li canê me wekî berq û burûskan
Tîrê te di canan, ne tinê sîne gudaz in
Cana, ji cefaya te û zulmê, çi xeber dîn
Ku tîr ji cewra te di dil da, me bi gaz in
Perwane û biulbul bi dil in şuˈleya ˈişqê
Lê ger tu nezer dî, bi xwe ew gulşenê raz in
Peyweste di weslê lew dimînim ku seraser
Bişkoj û tilism û wereq û netrik û bazin
Subbûhî û quddûsî û hûrên di bihiştê
Peyweste şeva qedrê, liqaya te dixwazin
Sunbul bi sema tên û gulan perde dirandin
Bişkiftine alal û hişîn bûne terazin
Cobar di rewan in, çemenan terh ciwan in
Mestane bi ref ref, li kinaran sî û qaz in
Heryek bi temaşagehê husna te ji herca
Teşbîhê nigaran, bi cemala te dinazin
Tîran li me dit dost, me tê sîne hedef kir
Nazan li me kit yarê, me zarî û niyaz in
Mihrabê du ebrû ku ji bala ve xwûya bin
Der secdegehê ˈişq, niyazê me nemaz in
Ger husn û mehebbet bi sera perdeyê can bin
Geh şah û geda, geh bi xwe Mehmûd û Eyaz in
Ev hûr û perî çehre, but û latê cemalê
Der sûretê tehqîq, Mela, ˈeynê mecaz in

[@user-gy6it5vl7n]

🇹🇯🇹🇯🇹🇯🇹🇯🇹🇯🇹🇯🇹🇯🇹🇯🇹🇯✌️✌️

[@user-gy6it5vl7n]

❤❤❤❤❤❤❤❤

[@yekbuntv8273]

Melayê Cizirî deryayeke bêbinî ye. Dest xoş!

[@ahengahelbeste]

Weşan domdar be🙏

[@kamizsheddadi172]

Her bijî Neşmîl Xan!