لطمية(انا الزهرة وياكم ازف بدمعتي لجاسم ). ملا محمد عبدعلي العامري ليلة 8 محرم مسجد الموسوي الكبير
Вставка
- Опубліковано 6 жов 2024
- بسم الله الرحمن الرحيم
انا الزهرة
وياكم ازف بدمعتي الجاسم
-------------------------
جيت وجبت جسام وتزفه يمناي
وي الصواني دموع ذرفتها عيناي
عينوني يالتبچون بس گوموا وياي
مني الضلع مكسور واعثر بممشاي
انا الزهرة
وياكم ازف بدمعتي لجاسم
-------------------
لا تلچم الدلال هود يا ضلعي
وي التشيل شموع جبت انا دمعي
صوت الشباب تصيح يا زهرة سمعي
خلي الصواني تطوف شوفيها وانعي
انا الزهرة
وياكم ازف بدمعتي لجاسم
-----------------------
صوبني دهري صواب آ يا زماني
من ماتم المظلوم هالصوت اجاني
يا زهرة هالاطفال تحمل صواني
عالزفة متلهفين والهم غزاني
انا الزهرة
وياكم ازف بدمعتي لجاسم
--------------------------
ثوب العرس وياي بهمومي حكته
وهذا الشمع من نار ضلعي شعلته
من المخيم ياس من امه جبته
هاي اهيه تبچي وياي والتنعى عمته
انا الزهرة
وياكم ازف بدمعتي لجاسم
--------------------
عالحنة صبوا دموع واعجنها بالنوح
وانهض واحني چفوف للفاگد الروح
للزفة علّو الصوت ختفز الجروح
بلكت يفز ويگوم عريسي مذبوح
انا الزهرة
وياكم ازف بدمعتي لجاسم
-------------
هالزفة يا هالناس احضرها كل عام
وعالعادة ثامن يوم انزفة جسام
افتر واهل العين والطم على الهام
وياكم اوصل النوح لحد ذيج الخيام
انا الزهرة
وياكم ازف بدمعتي لجاسم
-------------------
من كربله ولليوم چاويني المصاب
چم نجم مني الطاح وشچم بدر غاب
مرة ابچي للرضعان مرة ازف شاب
كاسرلي ظهري البين لفراگ الاحباب
انا الزهرة
وياكم ازف بدمعتي لجاسم
------------------
شمعة وعلگها حسين بالغاضرية
طفتها ريح البين باعظم رزية
مدري لاخيه ينوح لو لابن اخيه
مثل الگمر شافه بحلگ المنية
انا الزهرة
وياكم ازف بدمعتي لجاسم
#لطميات_مكتوبة #لطمية #مسجد_الموسوي_الكبير #البصرة #محرم
#محرم_1445
