حناء اصحاب نيسان الهدرز يفرق معنى فرق واضح بدون برمجه ولما نبرمج يفرق بقوه اما تيوتاء لا مافيه فرق زي نيسان بسبه الهدرز يجي من المصنع كبير اما نيسان صغير مره كاتم الموتر
نصيحة مجرب☝️الدبه الألكترونيه خطيره تسبب حريق السياره وخاصة الشكمان اللي تحت الموتر وأفضل شي هدرز مونايز كامل بدون دبه إكترونيه مع الإبقاء على الدبه الأخيره اللي بالشكمان حقة البلد عن إزعاج الصوت وإحذر تركب فلتر رياضي أوتلعب في برمجة المصنع ترى البرمجه تكسير مكاين وأعطال دائمه هذا غير الزيارات المتعبه والمتكرره للمبرمجين اللي أغلبهم يحاكيك من راس خشمه وكل شي إبحقه والجيب لادخلت النفود حطه بالثقيل ونسم الكفرات وسحسح وتمش على كيفك والعزم حي أفضل من البرمجه
اخوي عبدالرحمن لا هنت لو تكلم المبرمج و ع الداينو تعطينا رن و الدبه مقفله = الوايد باند يركب ع الشكمان من ورا و الرن الثاني و الدبه مفتوحه و الوايد باند راكب ع مخرج الدبه وتعطينا كم فرق الارقام بخصوص هدرز بدون فلتر فائدة بسيطه وهذا خطاء كبير لان هدرز الوكاله و الواي حقه يكون صغير و الموتر تددفق الهواء فيه ضعيف و حاشره دباة التلوث وتقلل من سرعة خروج الهواء ب العكس الموتر يرتاح و تقل صرفية البنزين بشكل ملحوض وكبير
بعد اذنك شوفتلك فديو وانت بتصلح الدوده بتاعت الدريكسيون من سنه تقريبا عايز اسالك سليمه من بعد التصليح ولا خربت تاني ولا امورها ايه ؟؟ ياريت تجاوبني وجزاك الله كل خير
اعذروني على المداخلة بنصيحة أخوية بدون زعل 😠 الهدرز - والصاروخ - وتفريغ الدبة - والدبة الإكترونية - كلها تدمر محرك السيارة مهما كانت قوة المحرك ،،،، وشكراً جزيلاً لكم
والله يبو راشد حمستني اركب على الاقل الدبه بس ودي بشوي معلومات عنها من وين وكم تقريب السعر كني سامعك تقول 1500 و وش اسمها لو الواحد يبي يركبها وبس الله يوفقك واستمر انتظر مقاطع الفشفش اول بأول
@@khalidalsharari- لامايضر ان شاء الله هدرز وحده غير اذا برمجت ولمبرمج ماشاطر او قلتله يفتحلك اقاطع فوق 6100اوطلبت من المبرمج يسويلك تقليل صرفية حتلو قالك ماتضر تراه اغلب سياير لتكسر مكين بعد لهوائيات سببها برمجة تقليل صرفية لئنو يقللك البنزين في سلندر ويزيد دخول الهوا حشان يعوض نقص لبنزين وهاذا شي يجرحلك لبستن وجدار سلندر من داخل وتكسر المكينة
أنا كان معي افجي ٢٠١٤ قير عادي كنت بفصل الرباعي المستمر ورحت اسأل مهندس سوداني شغال بشركة عبداللطيف جميل من باب الاحتياط وقال لي اذا فصلته وصار للكرونه الخلفيه مشكله يخرج عن الضمان. وفيه ناس فصلوه يقولون ماشاء الله خف عزمه وقل صرفية البنزين وأموره طيبه لكن ممكن يضر الكرونه الخلفيه مع القومات القويه وإحتمال لا . لأن الرباعي المستمر يوزع حمل السيارة على الكرونتين وكذا يتوزع الثقل. أما كرونه وحده يصير الثقل عليها بالقومه أما إذا السيارة ماشيه مافيه حمل تخف مع الطرد المركزي مع وزنها. وأكثر شي الشركات استخدمت الرباعي المستمر عشان تكون السيارة راسيه مع الخط أكثر
وين الفائدة بالله عليك انت اعترفت تقول فكيته وعقلت ورديت ركبته مرة ثانيه يعني تكسب دعاوي ناس نايمه ولا جالسبن تمر من عندهم صوت موترك عالي تكسب دعاوي خلق الله المصيبه بفلوسك هدرز موضه عند ناس معينه اصبحت قديمه خلاص المواتر جمالها بشكلها ونوعها وكسسواراتها وبالاضافات اللي ماتئثر على الصوت والشكل يعني تخيل راعي لكزس مركب هدرز يعني ماتجي ليش الناس العاقله اصحاب العقول الكبيره حتى لو كان صاحب دادسن بس عاقل هذا من الناس العاقله اللي تشره عليهم اما يجيك واحد مركب هدرز وصوت موتره مزعج الجميع هذا طفل بجسم رجال حتى لو شنبه مترين يعتبر ولا شي واضح ياخي مركب هدرز ايش الفايده بس
اذكر الله يرجال اهو مركبة عشان زيادة احصنة ، موتره ويسوي فيه الي يبي وتراه مركب دبة الكترونية بمعنى انه اذا يبيه يرجع صوته هادي يضغط زر ويرجع هادي ومثل ماقال عنده سياره ثانية مازدا يستخدمها داخل المدينة ،، مختصر الكلام لبى قلبك خذ الموضوع بصدر رحب وافهم الموضوع من جميع النواحي ولا تسيئ الظن ❤
اولاً الدعاء قد المظره اما الثانيه كلام الرجال واضح يقول معه موتر ثاني ومركبه عشان المكينه اتنفس زين لن هدرز الوكاله ماش ماينبغى بريال والرجال راعي بر وهل البر وخاصه الجيوب يبون الشيء الي يخفف على مواترهم من ثقل الموتر ومن ثقل العزب ماله دخل طفل بحجم رجل الواحد يطلع من المدينه يروح للبر يبي الطربه ويبي يستانس ويسج مال احد دخل فيه لو يقعد يدور ف البر وهو مشغل دبته على العموم هذي وجهة نظرك بس حبيت اوضحلك شوي
@@raheemraheem338 انا مادري عنها لاتتوقع كل الناس عندك مثل بعضها روح لقناتي تبيني اشرح لك لزيادة الاحصنه كلها خرابيط اذا زاد ٣ حصان ايش يفرق ابدا مايفرق شي بسيط فقط كل هالمخاسير لكن اذا ركب محرك 650 حصان وعدل عليه هذا الكلام يحتاج موتر يتحمل هذا المحرك مواصفات بالموتر مناسب للسرعه العاليه . اما اذا الموضوع تضخيم اصوات شكامين وبس ممكن تسويها على دباب يعني طلعت انت وغيرك ماعندك سالفه
اخوي عبدالرحمن عطنا تقرير عن البروفندر بعد استخدامك لها كل هذي المده جزاك الله خير 😍👌
ماشاءالله الفشفش يطرب ❤
مبعد شفت شي صبرك
عقبال السوبر يابو راشد 😅🔥
اطلق من ينزل انت وابو راشد❤🌹
حبيبي
حناء اصحاب نيسان الهدرز يفرق معنى فرق واضح بدون برمجه ولما نبرمج يفرق بقوه اما تيوتاء لا مافيه فرق زي نيسان بسبه الهدرز يجي من المصنع كبير اما نيسان صغير مره كاتم الموتر
صحيح
لان هدرز الفتك الوكالة ضيقة مرة
علشان كذا بتفرق
التايوتا يحتاج صمامات دخول الهواء وصمامات العادم تكون اكبر بديل للهدرز يعني كامات تفيدك عن الهدرز
اصلا المفروض تسوي برمجة لاركبت هدرز كامل
لان حساسات الهواء مبرمجه من الوكاله
لاهنت معي ددسن وعزمها مهو عاجبني بركب هدرز هل عندك خبره بذا الموضوع 😊
الدروج من رأيي فكره سيئة بس تثقل على السيارة وتصرف بنزين عزبة قهوه وشاي وعزبة طبخ كافيه ووافيه ومتى ما بغيت تنزلها وتحط مكانها فراش تنام عليه
كنت نفس تفكيرك بس يوم جربتها تحسفت اني ماركبتها من قبل اهم شي ماتكون رفيعه عشان تقدر تخليها سرير 👍🏻
ماشاء الله على التعديل
كمل مشروعك واحنا معك ان شاء الله للبرمجة عشان نشوف الفرق
طيب ممكن يجي سوبر😬
@@i_5 لا ما يجي
@@i_5 وش اسم الدبه الاكترونيه الي ركبتها
جزاك الله خير على إلغاء الموسيقى التي تكون بالمقدّمة🌷
نتمنى الإستمرار بدونها…
وحزاك الله خير على ما تقدّم من فوائد ونصائح👌🏻🚜
ان شاء الله❤️❤️
الفلتر الرياضي يضر المكينه لان مساماته وسيعه يدخل الرمل يصنفر المكينه من الداخل ومجرب. هو صح يقوي عزم الموتر شي بسيط لكن مثل ماذكرت
فلتر عن فلتر وانا اخوك تاخذ بو 20 ريال لاخذ شركه وشغل صح وامورك فالسليم وكل اسبوع نظف
كفو ياكحيلان والله يباركلك في مالك وحلالك
ولا تتأخر علينا في البرمجه ودنا نشوف الفرق
كفوك الطيب
دايم مبدع يبو راشد
ياليت تتكلم عن الفرامل وعيوبه وافضل حل له
نبغى نشوف الفرق بين المساعدات يوم تكون اثقل شيء واخف شيء وايش الفروقات ف البر وفرق المساعد يوم يكون لين ويابس ف ادائه ف البر
المساعدات كل ماصارت قاسيه افضل للبر
@@hateshisfriends
ادري بس نبغى نشوف تجربه حيه
ما شاء الله تبارك الرحمن والله يباركلك في حلالك
ابو راشد لاهنت ابيك تعطينا علوم الدينمو الرياضي ابيك تعطينا ايجابياته وسلبياته بعد التجربه
نصيحة مجرب☝️الدبه الألكترونيه خطيره تسبب حريق السياره وخاصة الشكمان اللي تحت الموتر وأفضل شي هدرز مونايز كامل بدون دبه إكترونيه مع الإبقاء على الدبه الأخيره اللي بالشكمان حقة البلد عن إزعاج الصوت وإحذر تركب فلتر رياضي أوتلعب في برمجة المصنع ترى البرمجه تكسير مكاين وأعطال دائمه هذا غير الزيارات المتعبه والمتكرره للمبرمجين اللي أغلبهم يحاكيك من راس خشمه وكل شي إبحقه والجيب لادخلت النفود حطه بالثقيل ونسم الكفرات وسحسح وتمش على كيفك والعزم حي أفضل من البرمجه
اخوي عبدالرحمن
لا هنت لو تكلم المبرمج و ع الداينو
تعطينا رن و الدبه مقفله = الوايد باند يركب ع الشكمان من ورا
و الرن الثاني و الدبه مفتوحه و الوايد باند راكب ع مخرج الدبه
وتعطينا كم فرق الارقام
بخصوص هدرز بدون فلتر فائدة بسيطه وهذا خطاء كبير
لان هدرز الوكاله و الواي حقه يكون صغير و الموتر تددفق الهواء فيه ضعيف و حاشره دباة التلوث وتقلل من سرعة خروج الهواء
ب العكس الموتر يرتاح و تقل صرفية البنزين بشكل ملحوض وكبير
عيوب الهدرز
1. ريحة كربون ( مضرة ل البيئة )
2. حق زيت ف يفضل تغير الزيت ع 3500 ( 200 ريال ولا مكينه ب 12 )
3.يحتاج دايم تشيك عليه من التنسيم
ماشاءالله تبارك الله ، ناقص هالمليح فلتر وبرمجة ويغدي طيارة 😂
بعد اذنك شوفتلك فديو وانت بتصلح الدوده بتاعت الدريكسيون من سنه تقريبا
عايز اسالك سليمه من بعد التصليح ولا خربت تاني ولا امورها ايه ؟؟
ياريت تجاوبني وجزاك الله كل خير
أخوي عبدالرحمن الراشد أريد اسألك الفورشنر موديل 2015 صناعته يابانيه او تايلاند؟
ياسلام على النصايح اخر شيء ان الواحد بالمدينه مايزعج الناس 👍
ليه ماترهم ي عبدالرحمن مساعدات كبوت
الله يبارك لك في حلالك عسى ربي يعطيك خيره ويكفيك من شره أخوي الغالي
اعذروني على المداخلة بنصيحة أخوية بدون زعل 😠 الهدرز - والصاروخ - وتفريغ الدبة - والدبة الإكترونية - كلها تدمر محرك السيارة مهما كانت قوة المحرك ،،،، وشكراً جزيلاً لكم
كلامك مو صحيح في سيارات تجي هدرز من الوكاله
@@foxzxf- نعم مكائن مخصصة لها بوابة الهواء وشنبر البستم مقوى لضغط الهدرز لان اخي ركب صاروخ ع مكينة ٤ سلندر وخبط محرك سيارته
@@hsakm5999 مو شرط يمكن اخوك ماكينة سيارته تعبانه
@@hsakm5999مو كل السيارات عندك سيارات نيسان تعشق الهدرز وحلاتها اصلن بالهدرز بالذات الددسن والفتك
مشاء الله توني ادري اخوك راعي النيسان
مشاء الله مستفيدين من عايلتكم واحد نيسان واحد تيويوتا ههههه
الله يوفقك ويحفظكم ويسعدكم تشرفنا في متابعتكم واطراحكم الجميل
ماشاء الله شغل ممتاز الله يبارك لك وننتظر الفلتر والثروتل والبرمجه😍
ماشاء الله ، الله يعطيك خيره ويكفيك شره ، لكن ترا اتوقع الفحص الدوري يسقطونك بخصوص اللحام 👍🏻
ودبات البيئه مافيه يعني راسب
@@i_5 لا ما يسقطون انا كان عندي موتر مفرغ والفحص الدوري مشوني اهم شيء مافي دخان
تعديل رياضي ممتاز بالتوفيق
حياكم الله من بدو مصر 🇪🇬
خاصه الدبات المفترض العقوبة مشددة عليها وتمنع في المحلات لما تسببه من ازعاج يجي اخر الليل يزعج خلق الله بدبته وهو منطرب ناس ما تقدر ولا تستحي .
استمر الله يوفقك
ابشر🌺
اخي عبدالرحمن استفسار عندي جمس 4.8 واحس عزمة ضعيف فهل يفيد الهدرز والفلتر ايضا هل الحل استبدل المكينة الى 5.3 او ابقى على 4.8 واركب هدرز وفلتر او اركب مكينة 6 لتر مشكتلي في موضوع صرفية الينزي ودي يتنشط الموتر بس ما يصرف الان يصرف ولاهو نشيط يعني يمشي الفل 550 والتعبية ب 190
ياجماعة الخير تنصحوني اءا ركبت هدرز وهوائيات اركب دبة الكترونية وهل الدبة تأثر في العزم ولا
هل عليه مخالفه
شغل جبار الله يبارك لك ماشاء الله
لو اخذت دبت الو عسكر اطلق 👌🏻
الشخص الوحيد اللي استفيد من مقاطعه واستمتع معه ما شاء الله تبارك الرحمن ويعجبني فيه زبدة الكلام
اخوي عبدالرحمن انا معي شاص بنزين وودي اركب هدرز هل الهدرز يقلل الصرفيه او يزيدها او تبقى مثل ماهي ؟
طيب لو اركب هذرز بدون فلتر ولا دبة هل يفرق عزم الموتر ويصير خفيف طبعا ع الافجي
السلام عليكم ورحمة الله وبركاته
اخي الكريم ماعندك تبرعات ومساعدات اش فيه عندك الله تعالى
هل صحيح ان السيارة ترتفع حرارتها بالصيف وما طريقة علاجها
تقل بتسقط فل هوائيات وبرمجة ولا لا .
شكرا لانتاجك المتواضع والجميل
ان شاء الله
الله يبارك لك يادحيم 👍
القير مايتحمل يبغاله مبرد قير
وش افضل فلتر رياضي للفورشنر
ماشاء الله تبارك الله ناقصه جنوط هلل وكفرات بالون فيهن ليونه ماهي بطبيعيه ولا يعرف الغراز ولا الرقعه
من وين شريت الهدرز ان شاء انك ترد علي ❤
والله يبو راشد حمستني اركب على الاقل الدبه بس ودي بشوي معلومات عنها من وين وكم تقريب السعر كني سامعك تقول 1500 و وش اسمها لو الواحد يبي يركبها وبس الله يوفقك واستمر انتظر مقاطع الفشفش اول بأول
ايهم افضل من وجهك نظرك الفتك التماتيك الربع او الفورتشنر؟
ماجربت ولاكان افدتك
الوحه نفس لوحتي بتمام بس انا 777 ونت 666
وش نوع الوجهه الا تم تركيبه
ارحب السمي انا عبدالرحمن الراشد وش الصدف الزينه ذي
كيف احول لغه المسجل للعربيه موديل ٢٠١٥
عبود ممكن حسابك اتواصل وياك عندي شغله ياريت
كأن فيه تنسيم من الهدرز 9:10
ماشاءالله تبارك الله
ادعس به خط مو بالبر
تنصحوني اركب هدرز على صني 2010
يابو داحم نبي مقطع عن صوت الحنه في العكس اليسار قدام
مغير صرف بنزين وتضعف المكية والموتر ضعف مره
وين موقع هالمحل ووش اسمه لاهنت ؟
فورشنر وهدرز.. ياليته جمس ولا جيب ... أهم شي إن السياره عاجبتك
نشيط الموتر
لاتعممممم
على وش عمم
ترا الرمز حق السناب ماهو مزبوط ما يضيف
طيب والجن الي تارك الديره وازعجتهم بالصحراء وش ذنبه
اولللل
كفو
التويوتا زين بس مطبه قاسي وكراسيه متعبه ومايتحمل اللعب لازم تصير عاقل عشان يعيش معك
بالعكس يتحمل الجور والجلد واللعب بس بشرط ! يكون الموتر بلد مجرد ماتعدل فيه بالذات الجدد ع طول تطق ماتتحمل مالك الا ترهيم مكاين يا لكزس او كابرس
لاتنسى انك تحتاج برمجة ولا
للامانه انا ودي اركب على موتري هدرز وفلتر وابرمجه ولكن متخوف ان الموضوع يرجع علي بسلبيه و يخبط الموتر او يصير شي في المكينه
يعتمد ع الموتر وش نوعه مو كل سياره تتحمل الهدرز
@@عزامالقربان جيب شاص مكينة الراسين
@@ml_o7991 اجل توكل ع الله وركبه ممتاز جدا بس الزيت حاول تستعجل عليه ولاتخليه يوصل 4 الاف الا وانت مغيره
نبغا حلقه عن خزان المويه 🍀
ابو راشد لاهنت نبي سنابك
عندي نفس موترك ستوك ابيه يزلق او افك مانع
يبيلك تفك الرباعي المستمر
وين مكانه بن مرضاح
ابو راشد فيه نقره في باب السايق مدري انتبتله ولا لا
اثار عسيب نخله😂
@@i_5 😂😂😂 حزت في خاطري هالنقره بحكم ان البدي بلد ماشاء الله
▶️👍🏾👍🏾
كم سعره
الهدرز يضر السياره ويحرق الزيت
برضو الموتر اذا كان وكاله
- الامر متعلق بالاستخدام و الصيانه ( مو الهدرز او الهوائيات )
م شاء الله يالفشفش
افلحت
🥳🥳🥳
ما شاء الله تبارك الله .. الله يبارك لك يارب .. كم انش الهدرز؟
تصحيح للمعلومه بوابة الدبه تعمل ع نظام شفط ماهو دفع من الثلاجه
كم حصان ممكن يزود بعد التعديلات ؟
45 حصان اذا مثل شاص
@@sdf5052
هل يضر المكينه ؟
@@khalidalsharari- لامايضر ان شاء الله هدرز وحده غير اذا برمجت ولمبرمج ماشاطر او قلتله يفتحلك اقاطع فوق 6100اوطلبت من المبرمج يسويلك تقليل صرفية حتلو قالك ماتضر تراه اغلب سياير لتكسر مكين بعد لهوائيات سببها برمجة تقليل صرفية لئنو يقللك البنزين في سلندر ويزيد دخول الهوا حشان يعوض نقص لبنزين وهاذا شي يجرحلك لبستن وجدار سلندر من داخل وتكسر المكينة
انا موتري شاريه ياابو راشد مستخدم قير عادي وراعيه فاصل الرباعي وانا ماكنت ادري وقاعد معي ٣ سنوات وبفكر اني ارجع الرباعي بس كل مابغيت ارجعه قالو لي لا ترجعه افضلك مدري شرايك ياابو راشد وشيكت على زيت الدفرنس لونه اسود الصراحه ومدري متردد ارجع الرباعي او لا
ماتستاهل ترجيع مدامه سالك معك خله ولو موتري عايدي فكيته من اول يوم لان العايدي ورباعي مافي متعه ابد
أنا كان معي افجي ٢٠١٤ قير عادي كنت بفصل الرباعي المستمر ورحت اسأل مهندس سوداني شغال بشركة عبداللطيف جميل من باب الاحتياط وقال لي اذا فصلته وصار للكرونه الخلفيه مشكله يخرج عن الضمان. وفيه ناس فصلوه يقولون ماشاء الله خف عزمه وقل صرفية البنزين وأموره طيبه لكن ممكن يضر الكرونه الخلفيه مع القومات القويه وإحتمال لا . لأن الرباعي المستمر يوزع حمل السيارة على الكرونتين وكذا يتوزع الثقل. أما كرونه وحده يصير الثقل عليها بالقومه أما إذا السيارة ماشيه مافيه حمل تخف مع الطرد المركزي مع وزنها. وأكثر شي الشركات استخدمت الرباعي المستمر عشان تكون السيارة راسيه مع الخط أكثر
هل يعتبر بن مرضاح افضل مفصل للهدرز
ممتاز .. بس فيه ناس افضل منه الفتره ذي
@@عبدالرحمن-ك6ظ3ي دلني الله يسعدك ويبارك فيك
@@alshehri.yousef
وش موترك .. و وش تحتاج ( المونايز ولا ستيل )
@@عبدالرحمن-ك6ظ3ي هايلوكس 2015 دبل
غمارتين
والله يا انك لوك لوك
وين الفائدة بالله عليك انت اعترفت تقول فكيته وعقلت ورديت ركبته مرة ثانيه يعني تكسب دعاوي ناس نايمه ولا جالسبن تمر من عندهم صوت موترك عالي تكسب دعاوي خلق الله المصيبه بفلوسك هدرز موضه عند ناس معينه اصبحت قديمه خلاص المواتر جمالها بشكلها ونوعها وكسسواراتها وبالاضافات اللي ماتئثر على الصوت والشكل يعني تخيل راعي لكزس مركب هدرز يعني ماتجي ليش الناس العاقله اصحاب العقول الكبيره حتى لو كان صاحب دادسن بس عاقل هذا من الناس العاقله اللي تشره عليهم اما يجيك واحد مركب هدرز وصوت موتره مزعج الجميع هذا طفل بجسم رجال حتى لو شنبه مترين يعتبر ولا شي واضح ياخي مركب هدرز ايش الفايده بس
اذكر الله يرجال اهو مركبة عشان زيادة احصنة ، موتره ويسوي فيه الي يبي وتراه مركب دبة الكترونية بمعنى انه اذا يبيه يرجع صوته هادي يضغط زر ويرجع هادي ومثل ماقال عنده سياره ثانية مازدا يستخدمها داخل المدينة ،، مختصر الكلام لبى قلبك خذ الموضوع بصدر رحب وافهم الموضوع من جميع النواحي ولا تسيئ الظن ❤
اولاً الدعاء قد المظره اما الثانيه كلام الرجال واضح يقول معه موتر ثاني ومركبه عشان المكينه اتنفس زين لن هدرز الوكاله ماش ماينبغى بريال والرجال راعي بر وهل البر وخاصه الجيوب يبون الشيء الي يخفف على مواترهم من ثقل الموتر ومن ثقل العزب ماله دخل طفل بحجم رجل الواحد يطلع من المدينه يروح للبر يبي الطربه ويبي يستانس ويسج مال احد دخل فيه لو يقعد يدور ف البر وهو مشغل دبته على العموم هذي وجهة نظرك بس حبيت اوضحلك شوي
@@Aziz_GiG
انا مأسئت الظن به لا والله انا اقصد الشباب الأخرين وليس هذا الرجل قصدت العامه من الشباب اللي مزعجينا باصوات مواترهم فقط
الله يعينك على نفسك 😂😂💔
@@raheemraheem338
انا مادري عنها لاتتوقع كل الناس عندك مثل بعضها روح لقناتي تبيني اشرح لك لزيادة الاحصنه كلها خرابيط اذا زاد ٣ حصان ايش يفرق ابدا مايفرق شي بسيط فقط كل هالمخاسير لكن اذا ركب محرك 650 حصان
وعدل عليه هذا الكلام يحتاج موتر يتحمل هذا المحرك مواصفات بالموتر مناسب للسرعه العاليه . اما اذا الموضوع تضخيم اصوات شكامين وبس ممكن تسويها على دباب
يعني طلعت انت وغيرك ماعندك سالفه
15:09 كاني ضيف عندك
الله يحييك
الباقى