إصلاح وصيانة مروحة فريش واختبار وتغيير المكثف
Вставка
- Опубліковано 15 жов 2024
- في هذا الفيديو أشرح طريقة تغيير مكثف بداية التشغيل للمروحة والمكثف هو المسؤول عن تخزين الطاقة اللازمة لبداية دوران موتور المروحة، وأوضح أيضًا كيفية اختبار المكثف بطريقة سهلة للتأكد من كفائته، مع عمل صيانة شاملة للمروحة قدر الامكان وتزييت الجلب وعلاج مشكلة تأرجح رأس المروحه وعدم ثباتها ، نفس الطريقة تصلح للمروحه الاستاند الفريش والتوشيبا والمروحه الصيني
هذه الصيانة تعالج الحالات أو الأعطال التالية: موتور المروحة لا يعمل - المروحة لا تدور مع سماع صوت طنين - المروحه مش بتلف - المروحه بتلف ببطء شديد في بداية الحركه - المروحة لازم تلفها بإيدك عشان تلف
:: صيانة مروحة المكتب - صيانة مروحة فريش - اعطال المراوح - تغيير مكثف مروحة - تغيير مكثف المروحة - كيفية توصيل مكثف مروحة - فائدة المكثف في المروحة - طريقة فحص المكثف - صيانة مروحة مكتب - صيانة مروحه منزلية - أصلح المروحه بنفسك
متعة انك تصلح حاجتك بإيدك ومتعة انك تلاقي حد محترم يعرفك الطريقة العلمية الصح . كل الشكر استاذ هشام . وعلي فكرة احد شعب الايمان نشر العلم . تحياتي . 👍👍👍👍
كلامك صحيح أخي الحبيب ، ربنا يديم المعروف والاحترام وده بعض ما عندكم
وأشكرك على كلامك الطيب في حق العبد لله وربنا ينفع بينا جميعا
Face book ممكن تبادل اشتراك ومردودة
شكرا لشرحك الواضح،أنت رجل محترم صاحب ضمير
أشكرك أخي الفاضل على ذوقك
جاي من ٢٠٢٠ وبشكرك جدا وتم التطبيق عملي . تغير كابستور
أحسنت ... الله ينور عليك أخي الفاضل ويصلح حالك
مهندس والله . محترم . شكرا لك شكرا لك . لقد افادتني فائده كبيره
ربنا يخليك أخي الفاضل، ربنا ينفعنا وينفع بينا ... كل التحية
السلام عليكم ورحمة الله وبركاتة . جزاك الله كل خير جدا مسرور بطريقة شرحك للموضوع ولم تنسا ولا تفصيل يستطيع اي انسان مثلي لا يعلم شئ ان يعرف كيف يصلح مروحتة بارك الله فيك قليل من يفهم ويعرف كيف يشرح مثلك وشكرا
أشكرك أخي الفاضل على كلامك الطيب .. هذا كله من فضل ربي
خالص التحية
جزائك الله كل الخير معلم علي من الجزائر
يا أهلا بيك أخي الفاضل
وجزاك الله بالمثل وأكثر
شرح وافي وواضح اشكرك عليه وأن كنت أود ان تشير إلى انه لو وجدنا طرف سرعه لايعلم مع الآفة هل ممكن تشغيلها بسرعه واحده وخلاص ام لا. . . وشكرا
دي بقت طيارة ماشاء الله....فنان.👍
اشكرك على كلامك الطيب 💓
شرحك وأسلوبك رووووووووووعة ... تحياتى
أشكرك أخي الفاضل .. كلك ذوق
قبل ان اكمل الفيديو من الجزائر اقول لك ما شاء الله تعالى
الله يبارك فيك أخي الفاضل، تحياتي ليك ولكل أهل الجزائر
بارك الله فيك . احلي لايك وسبسكرايب . هي دي الناس اللي تستحق الدعم
ربنا يبارك فيك، كلك ذوق والله
علي فكرة واللهي انا استفدت كتير من قناتك وبالذات لما غيرت العقلة بتاعت الاريال الاتوماتيك للانوس واصل يا كبير
الله المستعان ... ربنا يبارك فيك وينفع بينا ويجعلنا عند حسن الظن دائما
جايلك من ٢٠٢٤ وبقولك شكرا جزيلاً
لله الشكر والفضل .. كل التحية ❤️💐
عندى مروحه موتور نحاس المشكله ان المروحه لما بدور اول سرعه بتكون بطيئ وبعد شويه بتقف وجسم الموتور نحاس بيكهرب يترى يكون ايه والف شكر على المعلومات الجميله دى فهل ممكن يكون عيب مكثف ولا الموتور
معظم حاجات البيت بصلحها بنفسى .. بارك الله فيكم
طيب لو العامود ال بترك عليه الريش متربس ومبيتحركش رغم ان حطينا شحم وغيرنا كوندنسر كذا مرة ولك جزيل الشكر
أحسنت ... بالتوفيق أخي الفاضل
يسلم ايدك يا معلم والمروحة دي مديل اديم القديم دايما رائع
تسلم أخي الفاضل
صحيح القديم لا يعوض
تسلم يا كبير الفيديو ده خلانى اصلح المروحة ولا استغلال الكهربائى
بالتوفيق ان شاء الله
مشالله عليك.. شرح مبسط وجميل ومختصر ومن غير ازعاج.. الله يعطيك العافيه ياريس
الله يبارك فيك أخي الفاضل .. دمت
ما شاء الله الله أكبر ربنا يبارك فيك حاجة جميلة جدا جدا
الله يبارك فيك أخي الفاضل .. كلك ذوق والله
شرح ممتاز استاذ هشام ....جزاك الله خيرا ..
كلك ذوق أخي الفاضل ... وجزاكم الله بمثل ما دعوتم لنا وأكثر
الف شكر لحضرتك فعلا كانت عندي هاي المشكله من زمان وكنت ارمي المروحه. الله يجزيك كل خير اخوك اسامه من فلسطين
الشكر لله اخي .. بالتوفيق
شكرا جدا ليك على هذه المعلومات القيمة ربنا يبارك لك
الشكر والفضل لله، ربنا يزيدك ويكرمك
*الله ينور عليك يا هندسة شكراً انت انسان محترم جزاك الله خيراً ربنا يجعله في ميزان حسناتك*
ربنا يبارك فيك وجزاك الله بالمثل وأكثر
كلك ذوق والله
@@HeshamNassar س لبب
@@HeshamNassar بر، و
تسلم ايدك ياهندسة عندي مروحة أستاند العمود ابذي تركل عليه الريش متربس ولايتحرك غيرنا المكثف وشحمنا هل الموتور انحرق
جرب الاول تخلي ودنك جنب الموتور واسمع في أي صوت زنة او ونه تدل على وجود تيار وللا لأ، في كذا سبب للقفشة أو التربسه غالبا المشكلة في التركيب ومحتاج يتفتح ويتقفل مظبوط من أول وجديد
شوف الفيديو ده فيه طريقة فتح وتقفيل الموتور : ua-cam.com/video/y7bG_P6XzR4/v-deo.html
شكر لحضرتك بس عندي سؤال هو انا عندي الشافت بيلف بس بطيئ قوي ده عيب مكثف ولا موتور نفسه
غالبا عيب موتور أو ملف السرعه دي فيه مشكلة .. لكن برضو يستحسن تغير المكثف قبل تغيير الموتور
بارك الله فيك طبقت الخطوات والمروحة رجعت تمام
وبارك فيك اخي الفاضل
أحسنت
ماشاء الله شرح ممتاذ
ربنا يجعله في ميزان حسناتك
بارك الله بكم \ معلومات قيمه
وبارك فيكم وعليكم .. ربنا ينفعنا وينفع بينا جميعًأ
انت معلم واحنا منك نتعلم
اخوك من السعودية
انت انسان محترم
شرحك جميل
ربنا يبارك فيك أخي الفاضل
ده من ذوقك
الله فهمك .ينورك مثل مانورتنا والله كانت دائما اعاني في اصلاحها
تسلم أخي الفاضل
السلام عليكم عندي استفسار
انا اختبرت المكثف شغال كويس لكن المروحة بتشتغل ضعيفة لازم احركها ولو شغلتها سرعة تلاتة بتقف خالص
وعليكم السلام .. محتمل يكون المشكلة بسبب الجلب بتاعت الموتور خصوصا لو بيزن مع التشغيل
جرب شغل المروحه ولفها بايدك لو كملت لف واخدت سرعتها يبقى المكثف فيه مشكلة، والافضل تغيره بواحد تاني للتأكد من سبب المشكلة هل العيب منه وللا من حاجه تانيه هو مش غالي بحوالي 10ج
تسلم يا باشمهندس ربنا يبارك فيك
الله يسلمك ويبارك لك أخي الفاضل
الله ينور يا باشا
استفسار لما المروحة باجي اشغلها بلف السرعات مبتشتغلش فكيت الريشة لما بلف الاكس باديا الماتور بيلف غير كدا مبيلفش لو حطيت الريشة
شكرا على الشرح البسيط السهل . وانا عندي مشكلة في مروحة فريش حائط بالريموت كنترول، والمشكلة هي عندما اضغط على مفتاح دوران المروحة اثناء التشغيل تتوقف عن العمل وبعد ما اغلق مفتاح الدوران ترجع المروحة للعمل عادي . وسؤالي هو اين توجد المشكلة وكيفية حلها ؟ وشكرا
شكرا جزيلاً.
جزاك الله خيرا متابعك من العراق أستمررر
وجزاك بالمثل وأكثر .. تحية ليك
الله ينور عليك
وينور عليك أخي الفاضل
تسلم واشكرك على المعلومه
كل عام وانت بخير
الشكر لله أخي الفاضل .. سلمت
وكل عام وانتم بخير
تسلم ايدك
لو سمحت عندي مروحه فريش استاد جديده من سنه بدأ انها تفصل لوحدها ولما بشغلها تاني يدوب بتلف شويه صغيرين وتفصل برضو ولما فصلتها فتره ساعتين تلاته اشتغلت وقعدت فتره شغاله ورجعت عملت كده تاني هي كده فيها ايه
وجزاك الله كل خير
والله تسلم ايدك لو سمحت عندى صاروخ جديد بس سرعته ضعيفه اعمل ايه فيه وشكرا
لو سمحت ياأستاذ هشام بيك إسمه ايه اللى حضرتك لحمت بيه السلك ده وبنجيبه منين ارجو الافاده وشكرا لحضرتك ❤
لو تقصد اللي في الدقيقة 7:23 فده إسمه ريكم أو هيت شرينك .. أو شرينك حراري .. في منه أقطار حسب سمك السلك بيتباع عند محلات المكونات الإلكترونية والأوردينيو .. انا جبته من شارع نجيب الريحاني قرب العتبه وممكن تلاقيه في باب اللوق في وسط البلد
جزاك الله خيرا يا بشمهندس .....
معلومة بسيطة متواضعة
الشحم او التزييت باستخدام الزيوت هدفها في المواتير هي تقليل الاحتكاك لان الاحتكاك بيسبب حرارة والحرارة بتودي الي تاكل المعادن وتغير شكلها اما التشحيم للاسطح المعدنية فهو يستخدم كعازل للتاكل الناتج عن عوامل التعريية زي تعرض الاسطح للصدأ الناتج عن الرطوبة او السوائل المتساقطة عليه
ايضا فيه اسبراي تشحيم بيباع عند محلات البويات بيتسخدم في التشحيم للرول مان بلي وهو افضل من الزيوت التقليدية
وجزاكم الله خيرااا ....
وجزاك خيراً أخي الفاضل ... خالص تحيتي لك
ما هو رايك لو انا قست المكثف بالافو و اعطاني نفس القيمة المكتوبة عليه. هل يغنيني عن طريقة اختبارها بالكهرباء مباشرة. ؟ و شكر ا لك
مفيش مشكلة، طريقة الكهرباء دي ذكرتها لأنها سهلة ومش كل الناس عندها افوميتر
الله ينور ياهندسه
وينور عليك يا غالي
بارك الله فيك..لقد استفدنا منكم يا استاذ..شكرا جزيلا..
وبارك فيك أخي الفاضل
جزاك الله خير الجزاء
السلام عليكم ورحمة الله وبركاته،أنا من السويس، ممكن تليفونك لأعرض على حضرتك مشكلة فى مروحة فريش عمود لم أجد مثلها فى الفيديوهات على اليوتيوب،
هل ممكن يكون المكثف تالف ختى و لو اعطاني القيمة المكتوبة عليه (بالافو). و شكرا لك
بارك الله فيك وتسلم إيديك لو سمحت عندي موتور مروحه فريش المسامير كلها قافشه جامد جداً وديتها لفني وللأسف لم يتمكن من فكها لأني عايز أغير الجلب مع العلم بأني غيرت المكثف ولكن السرعات بطيئه جداً حتى بعد تغيير المكثف.
برجاء الإفادة وشكراً جزيلاً لحضرتك.
أنا منتظر رد حضرتك ضروري وشكراً جزيلاً
لو سمحت عنوان حضرتك فين
وبارك فيك أخي الفاصل .. في البداية حاول رش خفيف سبراي تليين صواميل المسامير مثل كيو 20 أو دبليو دي 40 وحاول فكها .. اذا استمرت المشكلة حاول التسخين على الصواميل بولاعه سخان وحاول مره أخرى .. إذا لم يفلح لابد من قص رأس المسمار بمنشار أو بمبرد حديد .. ثم استبدلها بعد التصليح بمسامير وصواميل جديده بنفس المقاس .. بالتوفيق
@@HeshamNassar شكراً جزيلاً لحضرتك لسرعة الرد والمعلومه وهذا ما توقعته من حضرتك.
لو سمحت عنوان حضرتك فين
@@alimansour8156 لا شكر على واجب .. الحقيقة معنديش ورشة للإصلاح لذكر عنوانها
من فضلك ضروريعايزة اعرف المكثف بيركب في انهي مسمار من الماتور لان الجزء اللي بيتركب فيهواتكير وغيرته ومش فاكرة فين مكان المكثف
شوفي الدقيقة 9:33 أو الدقيقة 3:51 ... بيكون في مسمار بيتركب مكانه المهم يكون محكوم ... لو الجزء مكسور ممكن يتثبت بأفيز بلاستيك في جسم الموتور
السلام عليكم ورحمة الله وبركاته
تسلم ايدك انت راجل محترم
لو سمحت انا عندي مروحة اخت اللي في الفيديو اول ما بشغلها بتلف شمال و يمين لفة او لفتين وبعدين بتبطل تلف شمال و يمين خالص و ممكن ادوس على المفتاح اللي بيخليها تلف ممكن تلف كمان لفة او لفتين و بس على كدا
إنما كمروحة شغالة عادي
و شكرا لحضرتك
وعليكم السلام ورحمة الله وبركاته ... على ما يبدو من وصفك ان المشكلة في ميكانزم توصيل وفصل الحركة يمين وشمال اللي متصل بالدراع في الدقيقة 10:10 وغلبا تروس متآكله أو سايبه أو خلافه، واللي مرتبط فيه صباع افصل وتوصيل الحركة اللي في الدقيقة 17:46 .. الحقيقة انا معملتلوش شرح على المروحة دي قبل كده لكن في فيديو تاني عملته متعلق بنفس المشكلة بس لمروحة ناشونال أتمنى انه يساعدك هتلاقيه هنا ua-cam.com/video/FH8VtDYVhvw/v-deo.html ... لو لقيت الموضوع صعب عليك وديها لحد يصلحها ممكن جرب خطوه خطوه الاول لحد ما توصل لسبب المشكلة
@@HeshamNassar انا متشكر لحضرتك انت راجل محترم
بمساعدتك انا صلحت المروحة
انا استفدت كتير منك
شكرا
طب العمود نفسه اللى بيكون جوا المروحة داخل فى المتور ومتعلق فيه لاري دا بينباع؟
بيتباع عند بتوع قطع غيار المراوح، مش كل الانواع بتبقى موجوده
لو ملقتش ممكن تجيبه مستعمل
السلامه عليكم
سؤال اخي الفاضل
لو المكثف عالي رقمين بعني المكثف القديم واحد ونص
والجديد ٣ ينفع
وعليكم السلام أخي الفاضل
لا أنصح بذلك لأنه سيؤثر على العمر الافتراضيي للموتور على المدى الطويل، يوصى دائمًا باستخدام مكثف من نفس قيمة المكثف المستخدم من قبل، واستخدم مكثف ذو نوعية وجوده عاليه قدر الامكان ... بالتوفيق
شكرا لشرح حضرتك بس انا ركبت مكثف وكمان مشتغلتش تبقى المشكلة فين
بعد اذنك ممكن اعرف الجزء البلاستيك اللي موصل مناول التدوير يمين وشمال بالجزء المسؤول عن الدوران او الميكانيزم انا حقيقي مش عارفة اوصل سوال
بس هو حد حرك الرقبة بشدة اثناء شد زرار السقاط و كانت في وضع عدم التدوير ودورها يدوي بعنف فاتكسر الجزء البلاستيك اللي في المناول
ممكن اعرف طريقة تغيير الجزء ده ولا بيتغير مكان اكبر منه
هو للأسف طالما اتكسر يبقى لازم تغيير .. هو ممكن يتلحم ويمشي الدنيا بس بيرجع يتكسر مع الوقت
لو قصدك على الجزء اللي بربط فيه الدراع في الدقيقة 12:40 فده بيبقى في مسمار وصامولة بالعرض كده، هتفك الصامولة وتزق المسمار عشان تحرر الجزء ده، بس خد بالك في موديلات بيكون فيها زي بليه وراه عشان تحدد المدى بتاع راس المروحه لفوق أو تحت
لو قصدك على الجزء البلاستك الابيض اللي بفكه في الدقيقة 10:13 فده بيتفك بمسمار موجوده في التجويف بتاعه
شرح رائع
السلام عليكم لو سمحت مروحه حائط توشيبا وقعت القاعده اللي ماسكه الجزئين ببعض اتكسرت وجبت قطعه الغيار بتعتها ممكن اعرف طيفيه التركيب
ممكن المكثف يكون هوه السبب إن الماتور ما يشتغلش أصلا...... يعنى أوصل كهرباء الماتور ميتحركش اصلا؟. شكرا لحضرتك.
أيوه ممكن جدًا
الله يعطيك العافيه انا اختبرت المكثف بالسريال واللمبه اضاءات هل هل يكون العيب منه علما بان المروحه لاتلف نهائيا
وعلي فكره انا مش فني ولاحاجه انا مواطن عادي
بارك الله فيك .. ممكن تجرب تشغل المروحة وتلف الريشه الاول بإيدك لو استمرت تلفت على سرعتها بيكون عيب مكثف عادة .. لو غير كده ممكن يكون عيب في في مفاتيح التشغيل .. الموتور نفسه سواء ملفات أو جلب خصوصا لو انه الريشه بتلف بسلاسه
عندى مروحه جاك الصينى فكتها علشان اشحمها وبعدين ركبتها بس لقيتها بتشفط هوا مش بتخرجه ممكن المشكله ديه يكون ايه سببها
حصلت معايا واكتشفت اني ركبت بوبينه الموتور بالمقلوب، راجع التركيب غالبا هتحتاج تعكس اتجاهه
السلام عليكم
من فضلك لو عندي مروحة فريش بوكس علي ستاند بتلف وتشتغل عادي بس مفيش هواء واتغير لها موتور ومكثف وشكراً
وعليكم السلام
معلش مش فاهم ايه المقصود بمفيش هوا، التفسير الوحيد ان الموتور متركب بالعكس فاتجاه دفع الهواء للخلف مش للأمام .. يعني شغالة كأنها شفاط
الف شكر لحضرتك على الشرح
انا عندى مروحة بوكس فريش ومشكلتها بتشتغل شوية وتسخن جامد وتروح واقفة تانى وهكذا
دى مشكلة ايه واعلاجها ازاى ؟
الله ينور يااخي شرح ممتاز بث اخي المراوح من النوعده الامنيو لمتغير الجلبالامنيو يبيتكسر كول منطلع جلبة الامنيو يتكسر ارجو الشرح وللايفدة معلشكر ولتقدير فنتتزار الرد
وينور عليك أخي الفاضل .. الحقيقة مش فاهم قصدك .. هل تقصد جسم الموتور وللا التيله بتاعت الجلبة ؟ .. عموما الفك بحذر وببطء بدوق طرق على جسم الموتور هو افضل طريقة لخلع الجلبه
احسنت أخي الكريم
بعد اذنك عندي نفس المروحه مش شغاله خالص والاكس نفسه بحط عليه مفك التيست لقيته بينور
على ما يبدو ان في قفلة او حاجه ملمسة أطراف في التوصيلات .. لو تقدر اختبر الموتور بالافوميتر هو وتوصيلاته
الله ينور عليك يا استاذ هشام
ممكن أركب كابستور أعلى قيمه فى الفارات
وينور عليك أخي الفاضل
منصحكش بتعلية القيمة لأنه ممكن يأثر على عمر الموتور خصوصا على المدى البعيد، ركبه من نفس القيمه لا أعلى ولا أقل
باسم الله ماشاء الله
لو سمحت ...هل يمكن تركيب مكثف لمتور مروحة عادية بيتية اولمتور شفاط اسبراتور منزلي... له خطين وليس ثلاث خطوط اي انه غير مصنع ليستقبل المكثف...وكيف
وشكرا لكم
لو سمحت
محرك المروحة اللي زي دي هل يشتغل بدون مكثف؟
طالما فيه أطراف للمكثف زي دي يبقى لازم مكثف
لو المروحه مابتشغلش هل من الماتور والكشف على الماتور ازاى
لوسمحت يوجد فيبراشن أثناء تشغيل المروحة فما هي الخطوات لتخليص منه لأن الصوت على بعض الشيء
في الغالب سبب الرعشة او الرجه بيكون من الريشه .. فعلى حسب نوع المروحة لو الريش بتاعتها بلاستيك ممكن يكون في شرخ في طرف الريشة او في تبويش في الجزء اللي بيركب في أكس الموتور وبالتالي الدوران غير منتظم ... لو الريشه معدن فغالبا ممكن تكون محتاجه تتوزن لأن هتلاقي ريشه او اكتر مش على مستوى واحد
راجع الاسباب دي الاول .. بإذن الله قريب ممكن اعمل فيديو يتناول الموضوع ده ازاي تعالجه
الريشة بلاستيك اكسرت أثناء الدوران وضائرت في الكفرالامان من الداخل
وتم تغيير الريشة ومن بعده حدث موضوع الفيبراشان
حضرتك أنا عندي مروحة اخت دي بس من غير طيمر و سرعات بس عبها بتطلع ريحة حريق بس حيف تكون فيها مشكلة ممكن تفهمني ده من إه لو سمحت
بعد اذنك استاذ هشام عايز اعرف اجيب منين موتور مروحة فريش عامود وبكام تقريبا
في القاهره هتلاقي قطع غيار المراوح في شارع كلوت بك متفرع من ميدان العتبه .. بالنسبة للسعر فاعذرني معنديش معلومات والله
سلام عليكم لدي نصيحة لك لو مقبس متعدد يحتوي على زر إطفاء وتشغيل لو وضعت اسلاك مكثف أولا وبعد قم بتشغيل افضل وشكرا
وعليكم السلام .. فكره جيده وأكثر أمان .. أشكرك
@@HeshamNassarمن فضلك ياباشمهندس لو عندي مروحة فريش حائطي الريموت لايوقف المروحة ويضطر أشد السلك من الفيشة ،
لوسمحت
كيف يتم تركيب مكثف لمروحة 3 سرعات
محركها بدون ملف تقويم وليس بها مكثف سابق استطاعة محركها 60 واط
وشكرا
يوجد طرفين مخصصين لتوصيل المكثف ضمن أطراف الاسلاك الخارجه من الموتور
@@HeshamNassar
موتور قديم لمروحة لم تستعمل الا نادرا
وليس به ملف تقويم
والمكثف حينها 30 سنة لم يكن معتمدا
شكرا لكم
هل يناسب ان يتم وصل المكثف 1.5 على احد فرعي فيش المروحة
استاذنك عند المروحة متشتغلش غير بالتايمر ود عمل مشكلة لانها بتفصل في عز نومي
هو التايمر عندك إلكتروني وللا تايمر يدوي ببكره ؟؟
لو التايمر العادي فجرب لف بكرة التايمر في اتجاه عكس ظبط التايمر ع الآخر، المفروض ده وضع التشغيل المستمر .. لو مش شغاله على الوضع ده يبقى غالبا يا اما العيب في التايمر نفسه أو في توصيلات الاسلاك بتاعته
ممكن استفسرار بعد ازنك
عمود الدوران الصغير البلاستيك اللي في المروحه العامود مبيتخلعش
المروحه نفسها كل ما تلف العمود ده يصدها مبيخلهاش تلف
ارجو الافاده
... يا ريت مزيد من التوضيح
لو قصدك على الجزء اللي في الدقيقة 10:15 يبقى انت محتاج بس تظبط وضعية واتجاه العامود ده وتتأكد انه متركب صح، أو انه بتاع المروحه
لو قصدك على اللي بفكه في الدقيقة 1:42 فهو بيتفك يا اما بمسمار أو بالخلع زي الفيديو كده حسب موديل المروحه
السلام عليكم..مروحة قريش..فجأة تباطأت سرعتها ونشتم ريحة شياط وسخونة بالأكس عالية...فما العلاج؟
Hesham Nassar أيوه فعلا اللي في 1:42 وأنا هحاول معاه
وجزاك الله كل خير علي كل ما تقدمه
انا قطعت سلك المكثف من ناحيه الموتور و كان سلك نحاس اصفر و مش عارف اطلعه اعمل و جزاك الله خيرا
جزاك الله خير يا باشمهندس .. عندي مروحه السرعه الاولي لا تعمل اطلاقا و كأن لا تصلها كهرباء في حين السرعه الثانيه و الثالثه تعمل بشكل جيد جدا و ليس هناك بطئ او صوت فما هو الحل و لك الشكر سلفا
وجزاكم بالخير وأكثر منه ..
احتمال السلك بتاع السرعة الاولى مقطوع أو مفصول لأي سبب اتقطع أو اتقرص عليه مثلا اثناء تقفيل المروحه أو مع الحركة، أو ان مفتاح السرعه اللحام بتاع مفكوك أو خلافه .. والفحص وحده هيحدد كده جرب افتح المروحه وافحص الاسلاك أولا .. كل التحيه
@@HeshamNassar كل الشكر و التحيه لشخصك الكريم
جعلها الله في ميزان حسناتك
اللهم آمين .. وزادك الله بالمثل وأكثر
تسلم
ولو ميكانزم الدوران مفتاح !؟ المروحة موش بتلف يمين وشمال ؟
الله يسلم حالك أخي ... في الغالب ممكن يكون الواير يا اما مقطوع أو فاصل من مكانه، أو ان الجزء اللي بيلقط الحركه من الواير مكسور أو مخلوع أو فيه مشكلة ده في حالة لو الواير سليم محتاجه تفتح المروحه وتبص على السبب
استفسار بعد ازنك لو المروحه بتعمل قفلاا وفي رحت شياط منها اي السبب
المحتمل يكون ملف الموتور اتحرق ، أو دايرة الكهرباء في شورت حصل فيها
مشاء الله ربنا يوفقك يا غالى
تسلم أخي الفاضل .. كلك ذوق
الله يفتح عليك استاذ هشام ربنا يزيدك علما وينفع بيك، ممكن اعرف مكان ورشتك عشان لو فيه حاجة عاوزه تتصلح؟
ربنا يخليك أخي الفاضل ويبارك فيك
للأسف معنديش ورشة ودي مش مهنتي كل الإصلاحات اللي بعملها بصورها فيديو وبرفعها على القناة من باب تعليم وإفادة أي حد بيحب أو بيهتم يصلح حاجته بنفسه زي حالاتي كده :)
بارك الله فيك اخي الكريم استاذ هشام
أحسنت وزادك الله علماً منتهى الروعة والدقه في الشرح 👍
جزاك الله خيرا اخوك من الجزائر
ويجازيك خيرا اخي الفاضل
لو سمحت انا عندي مروحة سقف فريش 5 ريشة واعلى سرعة فيها بطيئة جدا رغم انها قبل كده كانت سريع جدا و قوية ، ممكن اعرف ايه السبب
لو سمحت سعره كام المكثف ١.٥ وهل ممكن اركب ٢ ولا لا
حسب آخر مره كان سعرة 5ج ممكن في انواع افضل وأقوى سعرة حوالي 15ج وده بيكون مكثف اسطواني .. ومن الأفضل والموصى به تركيب مكثف بنفس قيمة المكثف الحالي تجنبًأ للتحميل الزائد على ملفات الموتور
أنا عندي كانت بتبقي بطيئه في بداية الشغل وبعدين بطلت تدور اصلا هل نفس مشكله المكثف؟
ولا ممكن حاجه تاني ؟
ممكن يكون مكثف .. جرب تلفها بإيدك وشوف هتشتغل وتكمل دوران وللا لأ .. وأيضًأ تأكد ان الموتور بيلف بسلاسة مش قافش
لمعرفة طريقة التزييت الصحيحة تابع الفيديو التالي: ua-cam.com/video/SuDYMciGi6g/v-deo.html
@@HeshamNassar أنا فكيت وحغير مكثف
بس تقريبا صح لاني عملت زي حضرتك المكثف مداش حتي شراره شكله قاطع خالص صح ؟
@@HeshamNassar عملت زي حضرتك يعني حطيت المكثف في الكهرباء
@@محسناحمد-ج6ث تمام .. طالما مفيش شرارة او شرز يبقى تالف
السلام عليكم هو انا ممكن اشتري المكثف منين وممكن يكون في حدود كام (ارجوا الرد)
في القاهرة في شارع كلوت بك، وممكن من عند ألبير موجود في باب اللوق
سعره اخر مره كان بيبدأ من 5 ج لحد 20 حسب هو قيمته كام فاراد، بس اشتري نفس قيمه المكثف القديم
هندسه المروحه عندى مش بتجيب هوا خالص بعد ما وقعت
بنقل دولاب في الاوضه. ممكن اعرف ايه المشكله
جزاكم الله عنا خيرا
وجزاك خيرا أخي الفاضل
جزاك الله خيراً
وجزاكم بالمثل وأكثر
ياتر توصيل المكثف اي طرفين مع اي طرفين وشكر
اه عادي وصل الطرفين المكثف مع الطرف المقابل ليه في الموتور بدل القديم .. زي الفيديو مفيش سالب وموجب فيه
جزآك الله خير الجزاء وبارك الله فيك
وجزاك بمثل ما دعوت وأكثر
مروحة مكتب فريش الماتور
قافش وبيزن ايه الحل ارجوالرد ضروري ضروري
الركم ده هونفس سلك المكرونة
بالنسبة لمشكلة زنة الموتور يرجى مشاهدة الفيديو التالي لمعرفة الحلول: ua-cam.com/video/WmZpg8KUapc/v-deo.html
المكرونة الحراري مختلف عن الريكم .. الريكم ده هو الهيت شرينك بينكمش بالتسخين
اسمه heat shrink وفي منه أقطار حسب سمك السلك
السلام عليكم ...لو الأكس قفش مرة واحدة وبيسخن يكون علاجه ايه؟
جزء الماتور بيكهرب ..
الحل ..
جزاك الله خيرا
جزاك الله كل خير.. انا عندي مروحة فريش ستاند .. كانت شغالة كويس.. ومرة جيت اشلغها.. مشتغلتش وقعدت تزن.. مع ان الكهرباء واصلة ولما افتح السرعات بتزن.. يبقى ايه العطل.. ولك جزيل الشكر
وجزاك بالمثل وأكثر
هو في كذا سبب للزنة .. طب هل الريشه لما بتلفها بايدك بتلف معاك وللا قافشه ؟
لو بتلف عادي يبقى احتمال مشكلة يا في المكثف يا اما في الموتور ... الكلام ده بس في حالة اذا ماكنتش فتحت الموتور او المروحة اتخبطت او ما شابه
@@HeshamNassar المروحة بتلف بسهولة باليد.. وانا مخبطش الماتور.. والمروحة لما بلفها بأيدي واشغل الماتور بتقف.. وشكرا
السلام عليكم اخي الكريم
انا عندي مروحة فريش الشبح ستاند بريموت
وهي بتلف يمين وشمال لما تيجي يمين تروح مبطأه والموتور لما يبتدي يرجع شمال ترجع لسرعتها ايه السبب لو سمحن
على حسب ميكانيزم الحركة بتاعها لو زي الموديل في الفيديو بيحركها دراع زي اللي في الدقيقة 12:40 يبقى غالبا الدراع ده يا اما معووج او مش متثبت صح أو مسماره مربوط زياده عن اللزوم فبيحمل زياده على الموتور في الاتجاه اليمين، خصوصا لو كانت المروحه اتخبطت قبل كده
لكن لو هي بتاخد حركتها من أكس الموتور نفسه يبقى غالبا في مشكلة في مجموعة تروس نقل الحركه نفسها او محتاجه صيانة
وعموما ده تشخيص نظري الفحص الفعلي هو اللي هيبين سبب المشكلة .. بالتوفيق