နေပြည်တော်အကျယ်ချုပ်နဲ့အဆုံးသတ်သွားတဲ့ မင်းအောင်လှိုင်အသုံးတော်ခံ ကရင်စစ်ဗိုလ်ချုပ်

နေပြည်တော်အကျယ်ချုပ်နဲ့အဆုံးသတ်သွားတဲ့ မင်းအောင်လှိုင်အသုံးတော်ခံ ကရင်စစ်ဗိုလ်ချုပ် (ရုပ်သံဆောင်းပါး)
မြေလတ်အသံ၊ ဇူလိုင်၂၈၊ ၂၀၂၄။
ဗိုလ်ချုပ်နဲ့အထက် စစ်တပ်ထိပ်ပိုင်းရာထူးတွေမှာ စစ်ကောင်စီတပ်အတွင်း တိုင်းရင်းသားနွယ်ဖွားစစ်ဗိုလ်တွေကိုနေရာပေးလေ့မရှိတဲ့ နေပြည်တော်က စစ်ခေါင်းဆောင်တွေဟာ ကရင်လူမျိုးစစ်ဗိုလ်တဦးကို ဗိုလ်ချုပ်အဆင့်နဲ့အတူ နေပြည်တော်တိုင်းမှူးရာထူးကို အပ်နှင်းခဲ့ပါတယ်။
နေပြည်တော်ကစစ်ခေါင်းဆောင်တွေ တညီတညွတ်တည်းယုံကြည်စွာနဲ့ နေပြည်တော်တိုင်းမှူးရာထူးအထိ ခန့်အပ်ခဲ့တဲ့ အဲ့ဒီကရင်လူမျိုး စစ်ဗိုလ်ချုပ်ဟာ စစ်တိုင်းမှူးရာထူးနှစ်နေရာရခဲ့သူ မဆလခေတ် ကရင်ပြည်နယ်ပြည်သူ့ကောင်စီဥက္ကဌရဲ့သား ဗိုလ်ချုပ် စောသန်းလှိုင်ပဲ ဖြစ်ပါတယ်။
စစ်တက္ကသိုလ်အပတ်စဉ် ၃၇ ဆင်း ဗိုလ်ချုပ် စောသန်းလှိုင် ကို ပြီးခဲ့တဲ့လပိုင်းမှာ စစ်ခေါင်းဆောင်တွေက အရံအင်အားဆိုတဲ့ခေါင်းစဉ်နဲ့ တိုင်းမှူးရာထူးက ဖယ်ရှားလိုက်ပြီး လက်ရှိနေပြည်တော်တိုင်းမှူး ဗိုလ်ချုပ် စိုးမင်းနဲ့ အစားထိုးခန့်အပ်လိုက်ပါတယ်။
“ အရံအင်အားဆိုတာ စစ်ဗိုလ်ချုပ်တွေရဲ့ သင်္ချိုင်းပဲပေါ့။ ဘာလုပ်ပိုင်ခွင့်မှမပေး၊ ဘာရာထူးမှမရှိတော့ဘဲ ဒီတိုင်းထားထားတာ။ နေပြည်တော်အကျယ် ချုပ်လို့ ပြောရမှာပေါ့ “ လို့ စစ်အာဏာရှင်ဆန့်ကျင်ရေးလှုပ်ရှားမှုပါဝင်နေသူ CDM တပ်မတော်သား ဗိုလ်ကြီး ဇင်ယော် က ပြောပါတယ်။
ဆောင်းပါး - ရင်ငြိမ်း၊ တည်းဖြတ် - HP
#မြေလတ်အသံ
#ရုပ်သံဆောင်းပါး #မင်းအောင်လှိုင် #ဗိုလ်ချုပ် #ကရင် #အကျယ်ချုပ်