شعر شعبي ليبي ... مصطفي الشلماني ... مهدي التمامي ... طبيله

[@rizkalmozain406]

أسلمت شاعرنا أداء وكلمات فوق الوصف حقيقه ابداع أسلمت أسلمت

[@Mohamednasef94]

الثلب المهدي اسلمت وصح لسانك ومابت موح قديم ترومه

[@meramera2218]

الليل تشاكي فيه انجومه💫👑💚

[@salemabdulfatah2242]

الليل اتشوي في نومه*

[@user-yo2hq8ct3q]

صقر الله يعطيك العافية

[@mohamedfarhat74]

، اسلمت واعليت / تبارك الله

[@mohamedetbib5533]

مابت موح قديم اترومه عين كتومه .. تجحد فى البكية مظلومة
مابت يوم اتروم اليأس .. وهو منهاس .. غلاها واعروقه يباس
نساهيها ونقول خلاص .. اتجى مزمزمة .. وتقول اخدونى للحومة
للى لابانت عاالناس .. زعيم حكومة .. متنوشن يعرض فى قومه
مابت موح قديم اتروم .. وهو محتوم .. افراقه سفاى المبروم
ذوايح خلت روس القوم .. هذيك الشومة .. ماتثمر فيه الهرمومة
دنيا نايرها باليوم .. اتحل ابرومة .. يصبح مشموطة كومة
ماوغير احزام المكروم .. ومض اسهومه .. فى واجد عينى مضيومة
مابت يوم اتروم العين .. الموح الشين .. الجاير جى دون قديمين
بحرها موجين بموجين .. تخاف اتعومه .. يقلب ماركح ديمومه
من شيلة مرحول الزين .. وهى مهمومة .. والعقل اتشوى فى نومه
خلاها بين نوارين .. خفا ملحومه .. والليل اتشاكى فى انجومه
مابت يوم اتروم الموح .. وراه اذوح .. ونى شافق منها عاالروح
انداجى فى خاطر مجروح .. اكبار اهمومه .. منهردات عليه ادمومه
بين مغاصرهن مذبوح .. وبين اخصومه .. عقلى واقبول المقسومة
انداقت ماقيها ينزف .. عليها هف .. أعيون اللـي طايـب عالكـف
اللي بوع دوار صدف .. وشوكلهن .. مدابر طابـن فـوق مسـن
وهدب أملضلم ومعكف .. امزوقهن .. سناقي مامـن اللـي خجـن
وجرعود وخذ أيلصف .. امنين ضون .. ابارق فـي غيـم اشالـن
ودور زناكيل لفايف .. أيميح اشون .. اركيب يـوم ضمـا عالطـن
أحزام اللي يعرق وايجف .. أمنين انجن .. احديه مساحين ايطـرن
خبر حطب عالنار علف .. وحياهن .. تلاقـن فـوق الكبـد ألسـن
انداقت هفوهـا لقـدم .. الماقـي جـم .. درف عالجالـه مطليـم
اللي ما لوعه ضاق أسلم .. وما يفطن.. الميس طول الليـل ايحـن
واللي مسدا صوبا انصرم .. امجربهن .. محاور عالجفـن ايباتـن
انداقت ماقيها ميزاب .. غرد لرقاب .. العب بيـن سواقيهـا راب
اهناك اللي ماحط اركاب .. علي حارن .. اكتب فارس يوم تلاقـن
عليه تراجيب الهدراب .. اشهر بيهن .. وهو جاي دليـل امطليـن
صمل يوم مداعكهن هاب .. اللي اقحشن .. خزاين بوهادي أقسمـن
امعقب كشلة من الخياب .. اصحاب افتن .. طوالق بين الناس اللسن
تعجب في قولة بعجاب .. امنيش جلن .. اللي ما تحت الروم حطن
حشاهن من قولة كداب .. اللي منهن .. أجـراس الفاتيكـان تغـن
اشهر صف البر وماجاب .. عليه فنن .. الوطن وحق العيش عطن
اعقود ايهدن عاللهلاب .. اصخب لضمن .. تعامن عالموت ازابـن
اللي صادرهن راح هذاب .. عليه وطن .. مزايع بيـن حوافرحـن
اللي عالتركي مان ارطاب .. اه** منهن .. علي مد الميري عصن
اسحن في وسط ارحيهن داب .. اللي خلن .. ملاحم فالتاريخ ضون
انكان جنح عنهن غيهاب .. ملاحمهن .. علي الباب العالي اخلـدن
كدر عام احداش الهن جاب .. امنين رسن .. علي شط الكنار وطن
والله ما منهن والي غاب .. هدد هدن .. علـي قلـت لفـزاع اللهن
هناك تلفنه لنياب .. اللي خنخن .. مضايغ تحـت الخيـل أسحـن
امنين الرومي ضنه خاب .. أصهد منهن .. اجنابه بالقزيـر رفـن
نهار الرجله بيع ارقاب .. الموت شرن .. علي النار الحمره الهدن
اللي منهن وفن لكتاب .. امكرمهن .. افـدا وطـن شهـادة طالـن
ولخرات الموم المصاب .. اقفول مشن .. اخلل ما ليـد اتعاندهـن
علي رقراق أيدير سراب .. امعاه صرن .. أنغر ما للهانـا اقعـدن
عمرك ريت نداوي وغراب .. رفاقه جن .. تخاون عالحوزه غارن
انكان هتا ريش الهذراب .. افرح بيهن .. البكمة طاحت في لاخـن
اقدع ضرنك يـا هضـاب .. اتبعهـن .. اتهبـي بيـن مجامرهـن
أنداقت وماقيها جن .. عزيز أرهن .. العين كربها عـرق الحـن

[@ORUBAA]

Mohamed Etbib الله يجزيك

[@UsamaSafiShareef]

ماقيها جن العين كربها عرق الحن انهاست ومواقيها جن. اسلمتوا

[@hamza4350]

عمرك ريت نداوي وغراب .. رفاقه جن .. تخاون عالحوزه غارن

[@user-cy7bv2rm8m]

تقدر تحط لنا الترجمه معليش؟

[@mohamedetbib5533]

دنوو اي بيت بالتحديد

[@yassermabrouk6105]

أسلمت وصح لسانك

[@dawieelhouderi4359]

إسلمت مهدي بشير و مصطفى الشلماني

[@fragalanize6400]

ملوك و الله ♥️♥️♥️

[@bahlolmahmod9046]

روعه

[@user-gx2lv9gw1v]

أسلمت

[@Eldresi78]

العملاق مصطفي الشلماني
إيش اديرن فالدار بلاه .. إن هاون داه .. اتجنها وتحاين ذكراه..
إيش اديرن في دار أقدم .. ازيادة هم .. الكن يا لنظار بلاهم ..
الجرح اللي قلنا لايم .. وهاون داه .. نقض كي جبتني لجباه ..
إيش اديرن جيتن للدار .. امغير أثار .. بلا غاليكن ما تنزار ..
اتجنها وتحاين تذكار .. غلا درناه .. اولعْنابى والياس زواه ..
ايش اديري في دار امناك .. اللي خلاّك .. وخلاها تصهد يالاك ..
إيجيبه تحسابيه أبكاك .. عزيز رجاه .. رجا مطاول فات مداه ..
إيش أديرن فالدار وهي .. خلا خالي .. إيخوف وين عليه أتجي ..
امغير انتن جبيتن بي .. وقلتن راه .. عزيز ودنوا والفناه ..
اتحوسن يا خيّاب علي .. انتاق جباه .. إديرن جضه وامشالاه ..
مع قصة عام الماضي .. ومن يالاه .. اعيون اللي صيدا راباه ..
إيش اديرن فالدار بلاه .. إن هاون داه .. اتجنها وتحاين ذكراه ..
إيش اديرن في دار أقدم .. من يوماً تم .. جباهن هاضاك امضلم ..
عليهن ميل اسنين حكم .. اقطع منواه .. القاصد بالعبرة خلاّه ..
وهو كان أبدوجه ينعم .. وطيب تراه .. أيبس خالي من قطرة ماه ..
إيش أديرن تمشن للدار .. اتحاين نار .. قديمة واتجيبن تذكار ..
اللي قاهركن يا لنظار .. اخرب مسداه .. امجبي والعياط وراه ..
إيش أديرن في خلو أوهام .. الهن كم عام .. اردم مسربهن مالبرام ..
انجيهن بالنعته وأوهام .. الله الله .. الحي ايوهم في مرباه ..
رعدهن يتاله قمام .. إيضيق اوعاه .. العقل ويجبدلي مدعاه ..
وجرحه ومعازات أقسام .. ويوم خطاه .. قديم اللوعه هد اهداه ..
إيش أديرن في جرت ريم .. ونبش قديم .. وتقديعه بين قراريم ..
رصف قاره بين نجاجيم .. أقسام غلاه .. ايسناهن واليأس زواه ..
وين اغدي بيه الله عليم .. أصعب منواه .. جنين غلاكن قطع اللباه ..
إيش أتريدن ما قلتن فض .. غلاه نقض .. تبرى منكن ليد نفض ..
أمعقب عبرة في أتخض .. رشاد صفاه .. قديم امخليها اللهاه ..
ايش أتريدن وتحاين فيه .. غلا زاويه .. الياس عزيلة حط عليه ..
اللي ما خيرا في بدريه .. الخير وراه .. رجاه امراجا لا ترجاه ..
إيش أتريدن ما قلتن هان .. أيام زمان .. وهاكن عالموكار احنان ..
أن كان تلافنه لمسان .. السيف أجواه .. وهو في بطنه ذاب كلاه ..

[@user-gx2lv9gw1v]

أسلمت ❤

[@user-in8tj6hs2v]

ربي يحفظكم

[@user-lx4ly6ed4i]

منور

[@user-qy7eg9bh8i]

اسلمتوا

[@ihssinalhaddad7948]

صور صح